تيانشان تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق ساياسي كەڭەس جاڭا جىل بايلانىسىمەن شاي ءماجىلىسىن وتكىزدى

چىن چۋانگو ءسوز سويلەدى

سىمايىل تىلەۋالدى، شوكىرات زاكىر، شاۋكەت يمىن، سۇن جينلۇڭ قاتىناستى نۇرلان ءابىلماجىن ۇلى باسقاردى

  12 - ايدىڭ 29 - كۇنى اۆتونوميالى رايوندىق ساياسي كەڭەس شينجياڭ يىڭبين قوناق ءۇيىنىڭ ءماجىلىس ورتالىعىندا جاڭا جىل بايلانىسىمەن شاي ءماجىلىسىن وتكىزدى. چىن چۋانگو، سىمايىل تىلەۋالدى، شوكىرات زاكىر قاتارلى باسشىلار شاي ماجىلىسىنە قاتىناستى ءارى ويىن نومىرلەرىن كوردى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 12 - ايدىڭ 29 - كۇنى ۇرىمجىدەن حابارلايدى. 12 - ايدىڭ 29 - كۇنى تۇستەن كەيىن اۆتونوميالى رايوندىق ساياسي كەڭەس شينجياڭ يىڭبين قوناق ءۇيىنىڭ ءماجىلىس ورتالىعىندا جاڭا جىل بايلانىسىمەن شاي ءماجىلىسىن وتكىزدى. چىن چۋانگو، سىمايىل تىلەۋالدى، شوكىرات زاكىر، شاۋكەت يمىن، سۇن جينلۇڭ، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي اۆتونوميالى رايونداعى ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرىمەن، اۆتونوميالى رايوننىڭ قاتىستى جاقتارىنداعى جاۋاپتى جولداستارمەن، سونداي - اق ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر اراعا قۋانىشپەن باس قوسىپ، 2019 - جىلعى جاڭا جىلدى قارسى الدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى شاي ءماجىلىسىن باسقاردى.

  دۋ قول شاپالاق ءۇنى ىشىندە اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانىنىڭ ءبىرىنشى ساياسي كوميسسارى چىن چۋانگو ىقىلاسقا تولى ءسوز سويلەدى. ول اۆتونوميالى رايوندىق پارتكوم مەن حالىق ۇكىمەتى اتىنان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، ءارقايسى حالىقتىق توپتارعا، بۇكىل رايونىمىزداعى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، دەمالىسقا، پەنسياعا شىققان ساقا جولداستارعا، حالىق ازاتتىق ارمياسىنىڭ شينجياڭدا تۇراتىن كوماندير - جاۋىنگەرلەرىنە، قارۋلى ساقشى كوماندير - جاۋىنگەرلەرىنە، قوعام حاۋىپسىزدىگى كادر - ساقشىلارىنا، ءورت ءوشىرۋ، ورتتەن ساقتانۋ، قۇتقارۋ اترەتىنىڭ كوماندير - جاۋىنگەرلەرگە، ءوندىرىس - قۇرىلىس بيڭتۋانىنداعى كادرلارعا، جۇمىسشى - قىزمەتشىلەرگە، شينجياڭعا كومەككە كەلگەن قالىڭ كادرلارعا، دارىندىلارعا، سونداي - اق ورتالىقتىڭ شينجياڭدا تۇراتىن ورىندارىنداعى جولداستارعا، شينجياڭنىڭ ورنىقتىلىعى مەن دامۋىنا كوڭىل بولگەن، كومەك بەرگەن جانە قولداۋ كورسەتكەن بارشا دوستارعا شىنايى سالەم جولدادى جانە جاڭا جىل بايلانىسىمەن ىزگى تىلەك ءبىلدىردى.

  چىن چۋانگو بىلاي دەدى: 2018 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، ءتۇرلى ىستەردە جاڭا ىلگەرىلەۋشىلىكتەرگە قول جەتكىزدى. بۇل ناتيجەلەرگە باس شۋجي شي جينپيڭنىڭ جول نۇسقاپ، كوشباسشى بولۋىنىڭ ارقاسىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ نۇرلى جەتەكشىلىگىنىڭ ارقاسىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا، بۇكىل ەلدەگى ءار ۇلت حالقىنىڭ كۇش سالا قولداۋىنىڭ ارقاسىندا، تۇتاس رايونداعى پارتيانىڭ، ۇكىمەتتىڭ، ارميانىڭ، ساقشىنىڭ، بيڭتۋاننىڭ، حالىقتىڭ قاجىرلىلىقپەن قۇلشىنۋىنىڭ ارقاسىندا قول جەتتى، وعان ءار دارەجەلى ساياسي كەڭەس ۇيىمدارىنىڭ جانە ءارقايسى دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، ءارقايسى حالىقتىق توپتاردىڭ، سونداي - اق قالىڭ ساياسي كەڭەس مۇشەلەرىنىڭ ماڭداي تەرلەرى مەن اقىل - پاراساتتارى دا سىڭگەن، ونى قالىڭ كادرلار مەن بۇقارا، ءار ۇلت، ءار سالا قايراتكەرلەرى ءبىر نيەتپەن ىنتىماقتاسىپ، بىرلىكتە كۇش سالىپ، قاجىرلىلىقپەن كۇرەسىپ قولعا كەلتىردى.

  چىن چۋانگو مىنانى اتاپ كورسەتتى: وتكەن ءبىر جىلدا، تۇتاس رايونداعى ءار دارەجەلى ساياسي كەڭەس ۇيىمدارى جانە ءار ۇلت، ءار سالاداعى ساياسي كەڭەس مۇشەلەرى ىنتىماق جانە دەموكراتيا سىندى ەكى ۇلكەن تاقىرىپتان جازباي، وزەكتى ارقاۋ ەتىپ، جالپى جاعدايعا قىزمەت وتەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدى ارقاۋ ەتىپ، نازاردى باس نىسانانى تياناقتاندىرۋعا شوعىرلاندىرىپ، جوعارى ساپالى دامۋدى ىلگەرىلەتىپ، سوتسياليستىك كەڭەستىك دەموكراتيانىڭ ماڭىزدى ارناسى مەن ارناۋلى كەڭەس قۇرىلىمىندىق رولىن ساۋلەلەندىرىپ، شىنايى كەڭەسىپ، ناقتى كەڭەسىپ، ناقتى جاعدايدى جەتكىزىپ، شىن لەبىز ءبىلدىرىپ، سىندارلى كەڭەس بەرىپ، ىنتىماقتىڭ، دەموكراتيانىڭ، ناقتى ءىس ىستەپ تالاپتانۋدىڭ، قارىشتاپ دامۋدىڭ جاڭا جاعدايىن اناعۇرلىم كەڭەيتتى، اۆتونوميالى رايوندىق پارتكوم مەن ۇكىمەتتىڭ عىلمي شەشىم جاساۋىن ماڭىزدى پايدالانۋ ماتەريالىمەن قامتاماسىز ەتتى، شينجياڭنىڭ ورنىقتىلىعى، دامۋى ءۇشىن جۇرت تىلەگىن جانە كۇش - قۋات ۇيىستىردى، باس نىسانانىڭ تياناقتانۋىن ىلگەرىلەتۋگە ماڭىزدى ۇلەس قوستى. جاڭا ءبىر جىلدا، ءبىز جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپ شەبىن بەكەمدەۋىمىز جانە دامىتۋىمىز كەرەك. ءار دارەجەلى ساياسي كەڭەس شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن ءتۇرلى قىزمەتتەرگە ءبىر تۇتاس جەتەكشىلىك ەتۋگە تاباندى بولىپ، باسىمدىعىن تولىق ساۋلەلەندىرىپ، فۋنكتسياسىن مۇقيات اتقارىپ، ءارقايسى پارتيا - توپتاردىڭ، ءار ۇلت، ءار سالا قايراتكەرلەرىنىڭ ۇلى ىنتىماعىن، ۇلى بىرلىگىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، جوعارى ساپالى دامۋدى ىلگەرىلەتۋ ءۇشىن بىرگە قۇلشىنا كۇرەس جاساۋ كەرەك.

  چىن چۋانگو مىنانى باسا دارىپتەدى: 2019 - جىل − جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى ءارى رايونىمىز قوعامىنىڭ ءۇرتىس جاراسىمدىلىعىن، ورنىقتىلىعىن ىلگەرىلەتۋدەگى ماڭىزدى ءبىر جىل. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن دايەكتىلەندىرىپ، بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ باعىتىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ءۇش ۇلكەن قامال الۋ شايقاسىن ۇزدىكسىز ويداعىداي جۇرگىزىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ ىلگەرىلەتىپ، جۇمىستانۋدى، فينانستى، سىرتقى ساۋدانى، شەتەل قارجىسىن، قارجى قوسۋدى، مەجەنى اناعۇرلىم ورنىقتىرىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن قۇلشىنا جۇزەگە اسىرىپ، ەكونوميكانىڭ جوعارى ساپالى دامۋىن جەبەپ، جاپپاي دوڭگەلەك داۋلەتتى قوعام ورناتۋعا شەشۋشى نەگىز قالاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەمەن قارسى الۋىمىز كەرەك.

  اۆتونوميالى رايوندىق ساياسي كەڭەستىڭ تۇراقتى مۇشەسى، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى چىن چي، اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق جاستار وداعى كوميتەتىنىڭ شۋجيى مامەتجان داۋۇت جەكە - جەكە دەموكراتيالىق پارتيا - توپتار، حالىقتىق ۇيىمدار جانە ءار ۇلت، ءار سالا قايراتكەرلەرى اتىنان شاي ماجىلىسىندە ءسوز سويلەدى.

  اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارميا ءۇرىمجى بازاسىنداعى نەگىزگى جاۋاپتى جولداستار، ۇرىمجىدە تۇراتىن ءبىر ءبولىم اۆتونوميالى رايوننان دەمالىسقا، پەنسياعا شىققان ورىنباسار ولكە دارەجەلىدەن جوعارى ساقا جولداستار شاي ماجىلىسىنە قاتىناستى. اۆتونوميالى رايوننىڭ قاتىستى تاراۋلارىنداعى جانە ورتالىقتىڭ شينجياڭدا تۇراتىن ورىندارىنداعى ءبىر ءبولىم جاۋاپتى جولداستار، ۇرىمجىدە تۇراتىن ءبىرءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ ۋاكىلدەرى، ءار ۇلت، ءار سالانىڭ ۋاكىل قايراتكەرلەرى، ءارقايسى شەپتىڭ وزات ۇلگىلەرى، ت. ب شاي ماجىلىسىنە قاتىناستى.

  شاي ماجىلىسىندە ءار ۇلت ادەبيەت - كوركەمونەر قىزمەتكەرلەرى تارتىمدى ويىن نومىرلەرىن ورىندادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى