تيانشان تورى   ›   جاڭالىقتار   ›   شينجياڭ حابارلارى

«ەكى توراپ» شينجياڭنىڭ اۋىل شارۋاشىلىق ونىمدەرىنىڭ بۇكىل ەلگە بەت الۋىن ىلگەرىلەتتى

  ءتىلشى ليۋ ي 12 - ايدىڭ 28 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق قامداۋ - ساۋدا كووپەراتيۆىنەن ۇعىسۋىنشا، بيىل رايونىمىزدىڭ ەرەكشە اۋىل شارۋاشىلىق ونىمدەرىن شينجياڭداعى ساتىپ الۋ تورابى مەن شينجياڭنان سىرت جەرلەردەگى ساتۋ تورابى قۇرىلىسىنىڭ اياق الىسى ءساتتى بولعان، قازىرگە دەيىن شينجياڭ جەمىس شارۋاشىلىعى توبى اقسۋ، حوتان سياقتى جەرلەردە شينجياڭ ىشىندەگى ساقتاۋ، ساتىپ الۋ، مانەرلەۋ، ساۋدالاۋ، شوعىرلاندىرۋ، جەتكىزۋ ورتالىعى نىسانىنان 5ىن سالۋ جۇمىسىن باستاپ، 220 مىڭ شارشى مەترلىك تيجارات جۇرگىزۋ، قىزمەت وتەۋ قۇرىلعىسىن سالعان، شينجياڭنان سىرت جەرلەردەگى ساتۋ تورابىنان 2000نان استامىن جاڭادان ارتتىرعان نەمەسە بەكەمدەگەن، شينجياڭنان سىرت جەرلەردەگى ءبولۋ، تاڭداۋ، ساقتاۋ، جەتكىزۋ ورتالىعىنان 3ى ىسكە قوسىلىپ، تۇتاس رايونىمىزداعى ەرەكشە اۋىل شارۋاشىلىق ونىمدەرىن ساتىپ الاتىن، ساتاتىن «ەكى توراپ» باستاپقى قادامدا كولەم قالىپتاستىرا باستاعان.

  تانىستىرۋعا قاراعاندا، باستاپ سالىنعان شينجياڭداعى 5 ساتىپ الۋ تورابى نىسانىنىڭ ىشىندە، شينجياڭ جاڭعاق (حوتان) تولايىم ساتۋ بازارى، سونداي - اق ساقتاۋ، وڭدەۋ، شوعىرلاندىرۋ، جەتكىزۋ ورتالىعى، ءپىشان جەمىس ورمانى ونىمدەرىن ساقتاۋ، وڭدەۋ، ساۋدالاۋ ورتالىعى سياقتى ەكى نىساننىڭ ءبىر ءبولىم يقۋاتتى قۇرىلعىلارى سالىنىپ بولىپ پايدالانۋعا بەرىلگەن، قالعان 3 نىساننىڭ 1 - مەرزىمدىك قۇرىلىسى كەلەر جىلى 7 - ايدا اياقتالادى ءارى ىركەس - تىركەس پايدالانۋعا بەرىلەدى ەكەن.

  «وسى بازار اشىلعاننان بەرى جاڭعاقتى ساتۋدان الاڭدامايتىن بولدىق، باعاسى دا سىرتتان قىمبات»، - دەدى قاراقاش اۋدانى ماڭلاي اۋىلى باشماڭلاي قىستاعىنىڭ تۇرعىنى ابليكىم مامەت ماقتانا. اتالعان بازار پايدالانۋعا بەرىلگەننەن كەيىن جاڭعاق ساتۋ توتەنشە قولايلى بولدى، ەلەكتروندى جولمەن ساۋدا ەسەبىن جابۋداي جاڭاشا ءتاسىل تاۋار اقشاسىن كەشەۋىلدەتۋ جايتىنىڭ تۋىلۋىنان ءونىمدى ساقتانىپ، شارۋالاردىڭ ۇقىق - مۇددەسىنە كەپىلدىك ەتتى.

  كۇن سايىن كەمەلدەنگەن ساتىپ الۋ جۇيەسى شينجياڭنىڭ ەرەكشە اۋىل شارۋاشىلىق ونىمدەرىنىڭ ساتىلۋ ارناسىن كەڭەيتىپ قانا قالماستان، ينتەرنەتپەن تىعىز بىرلەستىرۋ ارقىلى ساۋدانىڭ اناعۇرلىم قولايلى بولۋىنا، اناعۇرلىم تەز بولۋىنا مۇمكىندىك جاسادى.

  «شينجياڭ جاڭعاق (حوتان) تولايىم ساتۋ بازارىنىڭ ەلەكتروندى ساۋدا B2B ساۋدالاۋ جۇمىسى جەلىگە قوسىلعاننان بەرى، جەلىدەگى ساۋدا سوماسى كەزىندەگى كۇنىنە 100 مىڭ يۋانعا دا جەتپەيتىن جاعدايدان دامىپ، قازىر كۇنىنە 4 ميلليون 500 مىڭ يۋانعا جەتتى»، - دەپ تانىستىردى شينجياڭ جەمىس شارۋاشىلىعى توبىنىڭ ەلەكتروندى ساۋداعا جاۋاپتى قىزمەتكەرى جاي كاييۋان. بيىل شينجياڭ جەمىس شارۋاشىلىعى توبى اۋىل شارۋاشىلىق ونىمدەرىن ەلەكتروندى ساۋدادان پايدالانىپ تولايىم ساتۋ جانە ناقتى تولايىم ساتۋ بازارىن ءبىر تۇلعالاندىرىپ تيجارات جۇرگىزۋ، ساتۋ ۇلگىسىن كۇش سالا دامىتىپ، ساۋداعا قىزمەت وتەۋ، بازار ينفورماتسياسى، ءۇشىنشى جاق تولەۋ سياقتى جەلىدە ءبىر بەكەتتىك تولايىم ساتىپ الۋعا قىزمەت كورسەتۋ يقۋاتىن جۇزەگە اسىرىپ، شينجياڭنىڭ جەمىس ورمانى ونىمدەرىنىڭ ساۋدا باعدارىن جانە باعا كورسەتكىشىن قالىپتاستىرۋعا جەتەكشىلىك ەتىپ، جەلىدە ساۋدالاۋ، قامداۋ تىزبەگىن باسقارۋ، ينتەرنەت فينانسى جانە قوعامدانعان قىزمەت وتەۋ ءبىر تۇلعالانعان امبەباپ ەلەكتروندى ساۋدا تۇعىرىن قالىپتاستىرىپ، اۋىل شارۋاشىلىق ونىمدەرىن ساتۋ قابىلەتىن اناعۇرلىم جوعارىلاتتى.

  شينجياڭنان سىرت جەرلەردە ساتۋ تورابى قۇرىلىسى جاعىندا، بيىل شينجياڭ جەمىس شارۋاشىلىعى توبى «ءوزى قۇرۋ + قوسىپ الۋ»، «ءوزى تيجارات جۇرگىزۋ + مۇشە قابىلداۋ» سياقتى ۇلگىلەر بويىنشا، كوپ ارنامەن ورنالاستىرۋدى جەدەلدەتىپ، شينجياڭنىڭ اۋىل شارۋاشىلىق ونىمدەرىن شينجياڭنان سىرت جەرلەردە ساتۋ تورابىن جيىلەتتى. قىسقا عانا جارتى جىل ىشىندە، شينجياڭ جەمىس شارۋاشىلىعى توبى ىلگەرىندى - كەيىندى حۋاجۇڭ وڭىرىندەگى بولشەك ساتۋ ماركاسى «چيانگوجيدى» قوسىپ الىپ، يچاڭنىڭ «گوگودو» جانە جيڭجوۋدىڭ «شيانگوگو» قاتارلى 200دەن استام الەۋمەتتىك اۋماق دۇكەندەرىنىڭ جارناسىن مەڭگەرىپ، ارتىقشىلىقتار ارقىلى ءبىرىن - ءبىرى تولىقتاۋدى جۇزەگە اسىرىپ، بازار كولەمىن تەز قارقىنمەن كەڭەيتىپ، شينجياڭنىڭ اۋىل شارۋاشىلىق ونىمدەرىنىڭ ساتىلۋ ۇلگىسىنىڭ ءداستۇرلى ارنادان الەۋمەتتىك اۋماقتا تىكە ساتىلۋعا، جەكە تيجارات جۇرگىزۋدەن بۇكىل ەل كولەمىندە سەلبەسۋگە قاراي بۇرىلىس جاساۋىن جۇزەگە اسىردى.

  قازىرگە دەيىن، شينجياڭ جەمىس شارۋاشىلىعى توبى الەۋمەتتىك اۋماقتاردا جاس كۇيىندە بولشەك ساتۋ دۇكەنىنەن 303ىن قۇردى، ساۋدا دۇكەندەرىندەگى، ەرەن بازارلارداعى 2000 ارناۋلى ساتۋ ورنىن ساقتاپ قالدى نەمەسە بەكەمدەدى، گۋاڭجوۋداعى، ۋحانداعى، شي - انداعى 12 مىڭ شارشى مەترلىك ءبولۋ، تاڭداۋ، ساقتاۋ، جەتكىزۋ ورتالىعى نەگىزىنەن سالىنىپ بولىپ ىسكە قوسىلدى، چاۋجوۋداعى 40 مىڭ شارشى مەترلىك وڭدەۋ، ءبولۋ، تاڭداۋ، جەتكىزۋ ورتالىعى جاقىن ارادا قۇرىلىس باستايدى، جوسپار بويىنشا كەلەر جىلدىڭ سوڭىندا تۇگەلدەي سالىنىپ بولىپ ىسكە قوسىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى