− پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسى اشىلعاندىعىنىڭ 5 جىلدىعىنا شولۋ
شينحۋا اگەنتتىگىنىڭ تىلشىلەرى جاڭ شياۋسۇڭ، لو جىڭگۋاڭ، ان بەي، حۋ حاۋ
«جان - جاقتى كۇش شىعارۋ، كوپ تۇيىندەردەن قامال الۋ، ءارى تەز، ءارى ورنىقتى بولۋ، تەرەڭگە قاراي ىلگەرىلەتۋ» − رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا باس شۋجي شي جينپيڭ جاڭا داۋىردەگى رەفورمانى جاپپاي تەرەڭدەتۋدىڭ ايبىندى كارتيناسىن وسى سوزدەرمەن سۋرەتتەدى.
تاريحقا قايىرىلا قاراعاندا، قالايدا ءبىر شەشۋشى بۋىندار ەسكە بەرىك ساقتاۋعا تاتيدى.
40 جىلدىڭ الدىندا، پارتيا مەن مەملەكەت قايدا بارادى، قالاي بەتتەيدى دەگەن كەلەلى تاريحي ساتتە، پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيا مەن مەملەكەت قىزمەتىنىڭ ءتۇيىنىن ەكونوميكالىق قۇرىلىسقا اۋدارىپ، رەفورما جاساۋ، ەسىك اشۋ تۋرالى تاريحي شەشىم جاسادى.
5 جىلدىڭ الدىندا، ەل ءىشى - سىرتىنداعى ورتادا ەرەكشە كەڭ دە تەرەڭ وزگەرىستەر جارىققا شىعىپ، رەفورما تاعى دا جاڭا كەلەلى ساتكە تاپ بولدى. جاڭا جاعدايعا، جاڭا مىندەتكە سايكەس، پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋ تۋرالى كەلەلى ستراتەگيالىق شەشىم قابىلدادى.
اساۋ اعىستى كەشىپ، قاتەرلى قايراڭنان ءوتىپ، تىرەۋ - باعانالار ورناتىپ، كەدەرگى - توسقاۋىلداردى جويدى. 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىق جانە پاراسات ارقىلى رەفورمانىڭ جۇيەلىلىگىن، جالپىلىعىن، سايكەستىلىگىن كۇش سالا نىعايتىپ، ەلەۋلى تۇزىمدىك جاڭالىقتاردى كۇش سالا مىقتى يگەرىپ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇش سالا جوعارىلاتىپ، پارتيا مەن مەملەكەت ىستەرىندە تاريحي جەتىستىكتەرگە قول جەتىپ، تاريحي وزگەرىستەردىڭ جارىققا شىعۋىن ىلگەرىلەتتى.
ىرگە قالاپ، ۇلتاندى قور قۇراپ، باستى سالالارداعى رەفورمانىڭ جالپى جۇلگەسىن نەگىزىنەن تۇراقتاندىردى
2018 - جىلى 11 - ايدا شاڭحاي قالالىق پارتكوم، قالالىق ۇكىمەت قۇرىلىم رەفورماسىنا اتتانىسقا كەلتىرۋ ءماجىلىسىن اشىپ، قۇرىلىم رەفورماسىنىڭ مىندەتتەرىن ايقىنداپ، رەفورمانى جاپپاي ىلگەرىلەتۋگە جۇمىلدىرۋ، ورنالاستىرۋ جاسادى.
سونىمەن ەلىمىزدەگى 31 ولكەنىڭ قۇرىلىم رەفورماسى جوباسى تۇگەلدەي دايىندالدى، بۇل پارتيا مەن مەملەكەتتىڭ قۇرىلىم رەفورماسى جونىندەگى كەلەلى ورنالاستىرۋىنىڭ جاپپاي «قۇرىلىس كەزەڭىنە» وتكەنىن ءبىلدىردى.
پارتيا مەن مەملەكەتتىڭ قۇرىلىم رەفورماسىن تەرەڭدەتۋ − ءارى جالپى جاعدايعا ساياتىن جوعارى دەڭگەيلى جوبا، ءارى ۇزاق بولاشاققا كوز جىبەرىلگەن تۇزىمدىك ورنالاستىرۋ، تىپتەن جۇيەلىلىك، جالپىلىق، سايكەستىلىك تالابى وتە جوعارى ايدىندى ينجەنەريا.
جوعارى دەڭگەيلى جوبا مەن جۇيەلى قوسىمشالارعا اناعۇرلىم باسا ءمان بەرۋ − رەفورمانى جاپپاي تەرەڭدەتۋدىڭ ايقىن ەرەكشەلىگى.
5 جىلدان بەرى رەفورمانى جاپپاي ىلگەرىلەتۋ نەگىز قالاپ، تىرەۋ - باعانالار ورناتتى.
2018 - جىلى 11 - ايدىڭ 14 - كۇنى ورتالىق رەفورمانى جاپپاي تەرەڭدەتۋ كوميتەتىنىڭ 5 - رەتكى ءماجىلىسى «حاينان ولكەسىنىڭ جاڭالىق اشۋدى جەتەكشى ەتكەن دامۋ ستراتەگياسىن اتقارۋ جوباسى» سياقتى حاينانعا تىكە قاتىستى 5 رەفورما جوباسىن قاراپ ماقۇلداپ، سالىق، قازىنا، ساياحات، تۇتىنۋ سياقتى جاقتاردان ءبىر قىدىرۋ ساياساتتار شىعاردى.
بۇل پارتيا ورتالىق كوميتەتىنىڭ ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جالپى جاعدايىنا كوز جىبەرىپ، حايناننىڭ رەفورما جاساۋىن، ەسىك اشۋىن تەرەڭدەتۋ جونىندە جوعارى دەڭگەيلى جوبا جاساۋى.
جالپى جاعدايدى بارلاي بىلمەگەن بەلگىلى ءبىر سالانى جوبالاي المايدى.
باس شۋجي شي جينپيڭ رەفورمانى جاپپاي تەرەڭدەتۋگە ورنالاستىرۋ جاساعان ءاۋ باستا مىنالاردى تەرەڭ اتاپ كورسەتتى: رەفورمانى جاپپاي تەرەڭدەتۋ − پارتيا مەن مەملەكەت ىستەرىنىڭ دامۋىنىڭ جالپى جاعدايىمەن قاتىستى كەلەلى ستراتەگيالىق ورنالاستىرۋ، بەلگىلى سالاداعى، بەلگىلى جاقتاعى دارا رەفورما ەمەس.
5 جىلدان بەرى جالپى جاعدايعا ساياتىن ءبىرقاتار رەفورما شارالارى ىركەس - تىركەس العا قويىلىپ، تۋلاعان تاسقىنداي اۋقىم قالىپتاستىردى:
مەملەكەت مەنشىگىندەگى مادەنيەت ورىندارى رەفورماسى تەرەڭدەتىلىپ، جۇڭحۋا مادەنيەتىن سىرتقا شىعارۋدىڭ قىزمەت جالپى جاعدايى ءبىر تۇتاس ىلگەرىلەتىلدى؛ كەدەيلىكتەن ارىلتۋدان قامال الۋ شايقاسىن جۇرگىزۋگە ورنالاستىرۋ جاسالىپ، قالا، اۋىلداردىڭ وقۋ - اعارتۋىن ءبىر تۇلعالاندىرۋ ءبىر تۇتاس ىلگەرىلەتىلىپ، ۇكىمەت شيپاحانالارى جالپىلىق رەفورماسى جاپپاي ورىستەتىلدى؛ «اسكەري ىستەر كوميتەتى − سوعىس رايوندارى − اسكەري ءبولىم» سوعىس جۇرگىزۋگە قولباسشىلىق ەتۋ جۇيەسى مەن «اسكەري ىستەر كوميتەتى − اسكەر تۇرلەرى − اسكەري ءبولىم» باسشىلىق - باسقارۋ جۇيەسى قۇرىلىپ، ارميامىزدىڭ كۇش جۇيەسى جالپىلىق سيپاتى مەن توڭكەرىستىك سيپاتىنىڭ قايتا سومدالۋى ىسكە اسىرىلدى...
ەكونوميكالىق ءتۇزىلىس رەفورماسىن نەگىز ەتۋدەن ەكونوميكا، ساياسي، مادەنيەت، قوعام، ەكولوگيالىق وركەنيەت تۇزىلىستەرى مەن پارتيا قۇرىلىسى ءتۇزىمى رەفورمالارىن جاپپاي تەرەڭدەتۋگە دەيىن، 5 جىلدان بەرى باس شۋجي شي جينپيڭ ورتالىقتىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ 40 رەتكى ءماجىلىسىن، ورتالىق رەفورمانى جاپپاي تەرەڭدەتۋ كوميتەتىنىڭ 5 رەتكى ءماجىلىسىن تىكەلەي باسقارىپ اشىپ، 400دەن استام ماڭىزدى رەفورما حۇجاتىن قاراپ ماقۇلداپ، 1932 رەفورما جوباسىن العا قويدى، نەگىزگى سالالارداعى رەفورمانىڭ جالپى جۇلگەسى نەگىزىنەن تۇراقتاندىرىلدى.
5 جىلدان بەرى رەفورمانى جاپپاي تەرەڭدەتۋدە الىسقا كوز تاستالىپ، بولاشاق كوزدەلدى.
2016 - جىلى 8 - ايدا ورتالىقتىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ ءماجىلىسى «اۋىل - قىستاق جەرىنىڭ مەنشىك ۇقىعىن، كوتەرمەگە الۋ ۇقىعىن، شارۋاشىلىق جۇرگىزۋ ۇقىعىن ايىرۋدى كەمەلدەندىرۋ جونىندەگى پىكىردى» قاراپ ماقۇلدادى، مۇندا اۋىل - قىستاق جەرىنىڭ مەنشىك ۇقىعى ءتۇزىمىنىڭ كەزەكتەگى اۋىل - قىستاقتاردىڭ ەكونوميكالىق، قوعامدىق دامۋىنىڭ جاڭا جاعدايىنا ۇيلەسپەۋدەي قيىن ماسەلە نىسانا ەتىلىپ، اۋىل - قىستاق جەرى ماسەلەسىن شەشۋدىڭ، اۋىل - قىستاقتاردىڭ ومىرشەڭدىك كۇشىن قاۋلاتۋدىڭ تاعى ءبىر رەتكى ماڭىزدى تۇزىمدىك جاڭالىعىنا اينالدى.
ىزىنشە، «ج ك پ ورتالىق كوميتەتىنىڭ، مەملەكەتتىك كەڭەستىڭ مال - مۇلىك ۇقىعىن قورعاۋ ءتۇزىمىن كەمەلدەندىرىپ، مەنشىك ۇقىعىن زاڭ بويىنشا قورعاۋ جونىندەگى پىكىرىندە» «تۇراقتى مۇلكى باردىڭ كوڭىلى ورنىقتى بولادى» دەگەن ءسوز ورتالىقتىڭ حۇجاتىنا جازىلىپ، قارجى قوسىپ، شارۋاشىلىق قۇرۋدى تالاي جىل ارمانداپ كەلگەن ءار ءتۇرلى بازار تۇلعالارىن «الاڭسىز» ەتتى.
رەفورما جاساعان، ەسىك اشقان العاشقى مەزگىلدە «قىزىل ساۋساق تابىن» ايقىن بەلگى ەتكەن اۋىل - قىستاق جەرىن ونىمگە بىرلەستىرىپ وتباسىلارىنا كوتەرمەگە بەرۋ ءتۇزىمى رەفورماسى جۇڭگونىڭ اۋىل - قىستاقتارىنىڭ كومەسكىدە جاتقان شەكسىز ومىرشەڭدىگىن قاۋلاتقان ەدى. وتكەن 5 جىلداعى «مال - مۇلىك ۇقىعىنا» بايلانىستى كەلەلى رەفورمانىڭ دا تەرەڭ ىقپال تۋدىراتىنى داۋسىز.
ەمتيحان الۋ، وقۋشى قابىلداۋ ءتۇزىمى رەفورماسى تەرەڭدەتىلىپ، كادرلار ءتۇزىمى كەمەلدەندىرىلىپ، قامداۋ جاعىنداعى قۇرىلىمدىق رەفورما ىلگەرىلەتىلدى...
قىسقا عانا 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «ەڭبەك ماعان جازىلماسا دا بولادى» دەگەن كەڭ پەيىلى مەن كوز اياسى ماڭىزدى رەفورمالاردىڭ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ نىساناسىنا قاراي نىق قادام تاستاۋىنا جەتەكشىلىك ەتتى.
5 جىلدان بەرى، رەفورمانى جاپپاي تەرەڭدەتۋ جۇيەلى شوعىرلانىپ، سايكەستى ىلگەرىلەتىلدى.
ەگەر وتكەن 30 نەشە جىلداعى رەفورمالاردىڭ كوپشىلىگى سىناي ءجۇرىپ اتقارىلىپ، جەكە - جەكە جەڭىسكە جەتتى دەسەك، وندا وتكەن 5 جىلداعى رەفورمانى جاپپاي تەرەڭدەتۋدى كۇردەلى دە جۇيەلى ينجەنەريا دەۋگە بولادى، كەز كەلگەن سالاداعى رەفورما باسقا سالامەن بايلانىسىپ جاتادى، وعان تىعىز سەلبەستىك قاجەت.
2016 - جىلدىڭ اياعىندا باس شۋجي شي جينپيڭ شاڭحاي ەركىن ساۋدا سىناق رايونىنىڭ قۇرىلىسى جونىندە ماڭىزدى نۇسقاۋ بەرىپ، ولاردىڭ رەفورمانى تەرەڭدەتۋدى جۇيەلى جيناقتاعان تابىستى تاجىريبەلەرىن تۇراقتاندىردى.
شاڭحاي ەركىن ساۋدا رايونىنىڭ بۇرىن بولماعان ەكونوميكالىق ومىرشەڭدىك كۇش بايقاتۋىنىڭ ماڭىزدى سەبەپتەرىنىڭ ءبىرى ءوز شارت - جاعدايىنا ۇشتاستىرىپ، ۇنامسىز ءتىزىم بويىنشا باسقارۋ مودەلى، ساۋدا ىستەرىن تىركەۋ ءتۇزىمى، ساۋدانى قولايلىلاندىرۋ سياقتى جاقتاردا جۇيەلى، قوسالقى رەفورما شارالارىن العا قويىپ، بۋىن - بۋىندى بايلانىستىرىپ، سايكەستى ىلگەرىلەتىپ، رەفورمانىڭ قۇدىرەتتى بىرىككەن كۇشىن قالىپتاستىرعاندىعىندا ەدى.
ءبىر سالاداعى ءتۇرلى رەفورما شارالارىن ءوزارا سايكەستىرۋدەن قاتىستى سالالارداعى رەفورمانى ءبىر تۇتاس ىلگەرىلەتۋگە دەيىن؛ رەفورما شارالارىن شىعارۋدى مىقتى يگەرۋدەن رەفورما نىساندارىنىڭ تياناقتانۋىن مىقتى يگەرۋگە دەيىن، رەفورمانىڭ ءسات - ساعاتىن، سەرپىنىن، ريتىمىن عىلمي مەڭگەرۋدەن رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس شەشكەنگە دەيىن...
5 جىلدان بەرى، باس شۋجي شي جينپيڭ ورتالىقتىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ باستىعى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى مىندەتىن تىكە ارقالاپ، رەفورمانىڭ جالپى جوبالانۋىن، ءبىر تۇتاس سايكەستىرىلۋىن، جالپىلىق ىلگەرىلەتىلۋىن، تياناقتاندىرۋعا قۋزالۋىن ءوزى باس بولىپ ىستەپ، پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنىشى جالپى ماجىلىستەرى جانە پارتيانىڭ 19 - قۇرىلتايى ورنالاستىرعان رەفورما مىندەتتەرىن ءبىرىڭعاي جوبالاپ، رەفورمانى جاپپاي تەرەڭدەتۋدى اسقار اسۋلاردان، اساۋ تولقىنداردان وتكىزدى.
قامال الىپ، قيىندىقتى جەڭىپ، باتىل العا تارتىپ، ماڭىزدى سالالار مەن شەشۋشى بۋىندارداعى رەفورمادا تابىستى ىلگەرىلەۋشىلىكتەرگە جەتتى
30 نەشە جىل رەفورما جاساۋ، ەسىك اشۋ ارقىلى رەفورما تەرەڭ قويناۋعا، قامال الۋ كەزەڭىنە ءوتتى. كەلەسى قادامدا رەفورمانىڭ باعىتى قالاي بولماق؟
«قايشىلىق نەعۇرلىم ۇلكەن، ماسەلە نەعۇرلىم كوپ بولعان سايىن، سولعۇرلىم قامال الىپ، قيىندىقتى جەڭىپ، ەرلىكپەن العا تارتۋ كەرەك». باس شۋجي شي جينپيڭنىڭ پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى سوزىندە وسىلاي دەپ نىق ايتىلدى.
ءسويتىپ، جۇڭگو رەفورماسى قايتالاي اتتانىپ، جۇرەكتىلىكپەن قيىن ىستەردى ىستەپ، باتىلدىقپەن قاتەرلى قايراڭنان ءوتىپ، اناعۇرلىم زور بەكىممەن يدەيالىق كوزقاراستاعى كەدەرگىلەردى جويىپ، مۇددە قاساڭدىعىنىڭ قورشاۋىن بۇزىپ ءوتتى.
5 جىلدان بەرى، ءتۇزىمدى كەمەلدەندىرۋ ارقىلى ۇكىمەت پەن بازاردىڭ قاتىناسى سىندى وزەكتى تاقىرىپ شەشىلىپ، سوتسياليستىك بازار شارۋاشىلىعى ءتۇزىمى جەدەل كەمەلدەندىرىلدى.
جىل سوڭىنا تاياعاندا، ءبىر «ءتىزىم» ەلدىڭ ءىشى - سىرتىنداعىلاردىڭ نازارىن كەڭ كولەمدە اۋداردى.
جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن «بازار رۇقساتى ۇنامسىز ءتىزىمى (2018 - جىلعى نۇسقا)» رەسمي جاريالاندى. بۇل جۇڭگونىڭ بازار رۇقساتى ۇنامسىز ءتىزىمى ءتۇزىمىن جاپپاي اتقارۋىنىڭ بەلگىسى بولدى، ۇنامسىز تىزىمگە قامتىلماعان كاسىپ، سالا، جۇمىس سياقتىلارعا ءتۇرلى بازار تۇلعالارى تۇگەلدەي تەپە - تەڭ كىرىپ، «تيىم سالىنباعانعا كىرە بەرۋ» شىن مانىندە ىسكە اسىرىلدى.
دۇنيە جۇزىندە بۇعان دەيىن بۇنداي مىسال بولماعان، وسى ماڭىزدى تۇزىمدىك جاڭالىق بازار رۇقساتىنداعى كەدەرگىلەردى مۇمكىندىگىنشە جويىپ، بازار ومىرشەڭدىگىنىڭ قۋاتتى بەكىمى مەن باتىلدىعىن ونان ارى اشىققا شىعاردى.
«بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساۋ» − پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە جاسالعان وسى ءبىر ماڭىزدى نازاريالىق جەتىستىك سوتسياليستىك بازار شارۋاشىلىعىنىڭ اينالىم وربيتاسىن تەرەڭ وزگەرتتى.
ساۋدا ىستەرى ءتۇزىمى رەفورماسى ىلگەرىلەتىلىپ، بازار كەدەرگىلەرى ونان ارى جويىلدى؛ باعا رەفورماسى مەن قارجى سالۋ - قۇراۋ ءتۇزىلىسى رەفورماسىندا ماڭىزدى ىلگەرىلەۋشىلىككە قول جەتىپ، بازار باسەكەسى اناعۇرلىم ءادىل، ءتارتىپتى بولا ءتۇستى؛ ارالاس مەنشىك ءتۇزىمى رەفورماسى، مال - مۇلىك ۇقىعىن قورعاۋ، كاسىپكەرلىك رۋحتى ىنتالاندىرۋ مەن قورعاۋ − «ءۇش رەفورمانىڭ بىرلەسە جۇرگىزىلۋى» بازار تۇلعالارىنىڭ ومىرشەڭدىگىنە ءونىمدى تۇردە دەم بەردى...
5 جىلدان بەرى، ۇكىمەت پەن بازاردىڭ قاتىناسىن دۇرىس ءبىر جاقتى ەتۋ سىندى وزەكتى ماسەلە ارقاۋ ەتىلىپ، ءتۇيىندى سالالارداعى نەگىزدىك رەفورمالار جەدەل ىلگەرىلەتىلىپ، سوتسياليستىك بازار شارۋاشىلىعى ءتۇزىلىسىنىڭ «ءتورت تىرەك، سەگىز ارقاۋ» سيپاتىنداعى نەگىزگى تۇلعالىق جۇلگەسى نەگىزىنەن تۇراقتاندى. كوپ جىل دايىندالعان كەيبىر رەفورمالاردا ىركەس - تىركەس تاقىرىپ اشىلىپ، كوپ جىل سۇيرەلىپ، شەشىلمەي كەلگەن، كوپ تالپىنسا دا الىنباعان قيىن تاقىرىپتاردا بىرتىندەپ سەرپىلىس جاسالدى.
5 جىلدان بەرى، ءتۇزىم ورناتۋ ارقىلى جاڭا دامۋ ۇستانىمدارى تياناقتانىپ، جۇڭگونىڭ اناعۇرلىم جوعارى ساپالى دامۋ ارناسىنا قادام تاستاۋى ىلگەرىلەتىلدى.
ەكولوگيالىق وركەنيەت ءتۇزىلىسى رەفورماسى − رەفورمانى جاپپاي تەرەڭدەتۋدى ىلگەرىلەتۋدەگى تاعى ءبىر قيىن ءتۇيىن.
جىل سوڭىندا انحۇي، جىجياڭ 2 ولكە شين - انجياڭ الابىنداعى ەكولوگياعا تولەم بەرۋ مەحانيزمىنىڭ كەلىسىمىن ۇزارتۋىنىڭ 3 - كەزەگى اياقتادى.
6 جىلدىڭ الدىندا شين - انجياڭ الابىندا «سۋدىڭ ساپاسىنا 100 ميلليون يۋانمەن ءباس تىگۋ» ەكولوگياعا تولەم بەرۋدىڭ جاڭا مەحانيزمىن باستادى: سۋدىڭ جىلدىق ساپاسى ولشەمگە تولسا، تومەنگى اعارداعى جىجياڭ جوعارعى اعارداعى انحۇيعا 100 ميلليون يۋان، ايتپەسە انحۇي جىجياڭعا 100 ميلليون يۋان بەرەتىن بولدى. 3 جىلدان كەيىن «باسكە تىگىلگەن» اقشا 200 ميلليون يۋانعا ءوستى.
چاڭجياڭ ەكونوميكالىق بەلدەۋىندە ەكولوگياعا تولەم بەرۋدىڭ جانە ونى قورعاۋدىڭ باياندى مەحانيزمىنىڭ بىرتىندەپ ورناۋىنا جانە كەمەلدەنۋىنە مەڭزەس، داريا بويىنداعى ەكولوگيانى قورعاۋدىڭ قوزعاۋشى كۇشى ونان ارى قاۋلاپ، جۇڭحۋا ۇلتىنىڭ انا وزەنى ەكولوگيانى الدىڭعى ورىنعا قويىپ، جاسىل دامۋ جولىنا ءتۇستى.
5 جىلدان بەرى، رەفورمانى جاپپاي تەرەڭدەتۋ جاڭا دامۋ ۇستانىمدارىمەن دامۋ جالپى جاعدايىنىڭ تەرەڭ وزگەرىسىنە جەتەكشىلىك ەتتى:
عىلىم - تەحنيكا ءتۇزىلىسى رەفورماسى ءجىتى، نىق قاداممەن العا باسىپ، مەملەكەتتىڭ جاڭالىق اشۋ جۇيەسى ۇزدىكسىز كەمەلدەنىپ، دامۋدىڭ جاڭا قوزعالتقىشى قالىپتاستى؛ قالا مەن اۋىلدىڭ دامۋىن ءبىر تۇلعالاندىرۋ ءتۇزىلىس - مەحانيزمدەرى كەمەلدەنىپ، وڭىرلىك سايكەستى دامۋ ستراتەگياسى مەن اۋىل - قىستاقتى گۇلدەندىرۋ ستراتەگياسى اتقارىلىپ، قالا، اۋىل وڭىرلىك دامۋىنىڭ ءورىسى مەن كومەسكى قۋاتى ىسكە قوسىلدى؛ ەكولوگيالىق وركەنيەت ءتۇزىلىسى رەفورماسى ىلگەرىلەتىلىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمى اتقارىلىپ، كورىكتى جۇڭگونىڭ جاڭا سۋرەتى كەسكىندەلدى؛ اشىق ەكونوميكانىڭ جاڭا ءتۇزىلىسى ورناتىلىپ، جاپپاي ەسىك اشۋدىڭ جاڭا اۋقىمىن قالىپتاستىرۋ ىلگەرىلەتىلدى...
5 جىلدان بەرى، تۇزىمدە جاڭالىق اشۋ ارقىلى پارتيانىڭ بيلىك جۇرگىزۋ قابىلەتى جوعارىلاتىلىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا قاراي قادام تاستالدى.
2018 - جىلى 12 - ايدىڭ 13 - كۇنى اشىلعان ورتالىق كوميتەت ساياسي بيۋروسىنىڭ ءماجىلىسى «شىرىكتەسۋگە قارسى كۇرەس ۇستەم جەڭىسكە جەتىپ، پارتيانى جاپپاي قاتاڭ جونگە سالۋ كەلەلى جەتىستىككە قول جەتكىزدى» دەگەن ماڭىزدى تۇجىرىم جاسادى.
پارتيانى جاپپاي قاتاڭ جونگە سالۋدا «شىرىكتەسۋگە باتىلدىق ەتپەۋ» كۇيىنەن «شىرىكتەسۋگە مۇمكىندىك بولمايتىن» مەحانيزم ورناتۋ اناعۇرلىم قيىن بولىپ تابىلادى.
پارتيانىڭ ءتارتىپ تەكسەرۋ جانە مەملەكەتتىڭ باقىلاۋ - تەكسەرۋ ءتۇزىلىسى رەفورماسى تەرەڭدەتىلىپ، پارتيانى جاپپاي قاتاڭ جونگە سالۋدىڭ قوس جاۋاپكەرشىلىك ءتۇزىمى تياناقتاندىرىلىپ، شارلاۋ - باقىلاۋ جانە وكىلەتتى باقىلاۋ جۇرگىزۋ كۇشەيتىلدى... پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، پارتيانىڭ ءتارتىپ تەكسەرۋ ءتۇزىلىسى رەفورماسى دەرەۋ ىسكە كىرىسۋگە، دەرەۋ وزگەرتۋگە تاباندى بولىپ، ناقتى ماسەلەلەردى يگەرىپ، مىعىم شارالار، ناقتى شارالار ورتاعا قويىپ، پارتيانى جاپپاي قاتاڭ جونگە سالۋدىڭ تەرەڭدەي ىلگەرىلەۋىن پارمەندى تۇردە جەبەدى.
مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە تەك رەفورما ارقىلى كونەنى تالقانداپ، جاڭانى ورناتىپ، رەفورما ارقىلى تۇزىمدە جاڭالىق اشۋدى ىلگەرىلەتكەندە عانا، جۇڭگوشا سوتسياليستىك ءتۇزىمنىڭ ومىرشەڭدىك قۋاتىن ۇزدىكسىز قاۋلاتۋعا بولادى.
سوتسياليستىك دەموكراتيالى ساياسي ءتۇزىم قۇرىلىسى كۇشەيتىلىپ، حالىق قۇرىلتايى ءتۇزىمى كەمەلدەندىرىلدى، كەڭەستىك دەموكراتيانى كەڭ كولەمدە، كوپ ساتىلى تۇزىمدەندىرىپ دامىتۋ ىلگەرىلەتىلدى؛ مەملەكەتتى زاڭ بويىنشا جونگە سالۋ ءتۇزىلىسى رەفورماسى، ءادىليا ءتۇزىلىسى رەفورماسى ىلگەرىلەتىلىپ، زاڭمەن جونگە سالىناتىن جۇڭگو قۇرىلدى؛ قوعامدىق جونگە سالۋ تۇزىلىسىندە جاڭالىق اشىلىپ، الەۋمەتتىك حاۋىپسىزدىك جۇيەسى كەمەلدەندىرىلدى...
5 جىلدان بەرى، زاڭ شىعارۋ رەفورماعا ۇيلەسۋ، رەفورمامەن زاڭ شىعارۋدى ىلگەرىلەتۋ ارقىلى تۇزىمدەندىرۋدە، زاڭمەن جونگە سالۋ ارناسىنا تۇسۋدە شىت جاڭا قادام تاستالدى؛ باقىلاۋمەن رەفورمانى ىلگەرىلەتۋ، رەفورمامەن باقىلاۋدى كۇشەيتۋ ارقىلى بيلىك ءتۇزىم شەڭبەرىنە قامالدى؛ كەڭەسۋمەن رەفورماعا دەم بەرۋ، رەفورمامەن كەڭەسۋدە جاڭالىق اشۋ ارقىلى، اناعۇرلىم كەڭ، ءونىمدى حالىق دەموكراتياسىن جۇزەگە اسىرۋ ىلگەرىلەتىلدى.
حالىق اۋانىنا كوڭىل ءبولىنىپ، حالىق تۇرمىسىن جاقسارتۋعا كۇش سالىنىپ، حالىق بۇقاراسىنىڭ باقىت سەزىمى، تابىس سەزىمى، حاۋىپسىزدىك سەزىمى ۇزدىكسىز كۇشەيدى
جاڭا جىل دابىلى قاعىلۋ الدىندا تۇر، بۇكىل ەل حالقى 2019 - جىلداعى رەفورمانىڭ العاشقى «قىزىل تۇيىنشەگىن» قارسى الادى.
2019 - جىلى 1 - ايدىڭ 1 - كۇنىنەن باستاپ، جاڭا جەكە تابىس سالىعى زاڭى رەسمي اتقارىلادى. ءۇي جالداۋ، ءۇي ساتىپ الۋ، بالا باعۋ، قارتتاردى كۇتۋ سياقتى 6 جاقتاعى ءىرى نىساندىق شىعىستار جەكە تابىس سالىعىنا دولايلاستىرىلىپ، قالىڭ سالىق تاپسىرۋشىلارعا ناقپا - ناق اقشالاي تيىمدىلىك جاسالادى.
سالىق جيناۋ ءتۇزىمىن ساپالىلاندىرۋدى، ەكونوميكانىڭ دامۋىن ىلگەرىلەتۋدى، حالىققا تيىمدىلىك جاساۋدى كوزدەي وتىرىپ جاسالعان وسى ماڭىزدى رەفورما شەشىمى 5 جىلدىڭ الدىندا قاراستىرىلا باستاعان ەدى.
جۇڭگونىڭ رەفورما جاساۋىنىڭ، ەسىك اشۋىنىڭ جاڭا باستاماسى رەتىندەگى پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە «جالپىلىق پەن تۇرلەرگە ءبولۋ بىرلەستىرىلگەن جەكە تابىس سالىعى ءتۇزىمىن بىرتىندەپ ورناتۋدى» قامتىعان حالىققا ءتيىمدى، حالىققا پايدالى كوپتەگەن رەفورما شارالارى ايقىندالدى.
حالىق قالاۋىنا يە بولعان الەمدى بيلەيدى، حالىق تۇرمىسىنا تيىمدىلىك جاساۋشىنىڭ يگىلىگى باياندى بولادى.
پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جابىلىپ كوپ وتپەي، باس شۋجي شي جينپيڭ رەسەي تەلەۆيزياسىنىڭ ارناۋلى سۇحباتىن قابىلداعان كەزدە تەرەڭ ىقىلاسپەن بىلاي دەپ جاريالادى: «جۇڭگو كوممۋنيستىك پارتياسى حالىق ءۇشىن بيلىك جۇرگىزۋگە تاباندى بولادى، حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز».
حالىقتى وزەك ەتۋگە تاباندى بولۋ جاڭا داۋىردەگى رەفورما جاساۋدىڭ، ەسىك اشۋدىڭ ەڭ ايقىن قۇن بەتالىسىنا اينالدى.
پارتيا 18 - قۇرىلتايىنان بەرى، جۇڭگونىڭ حالىق تۇرمىسىنا قاتىستى رەفورما شارالارىنىڭ ورتاعا قويىلۋ جيىلىگى، اتقارىلۋ سەرپىنى بۇرىنعى ءارقانداي كەزدەن دە اسىپ ءتۇستى. اسىرەسە، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى جاپپاي تەرەڭدەتۋدىڭ جول كارتاسى مەن ۋاقىت كەستەسى ايقىندالعان سوڭ، حالىق تۇرمىسىنا قاتىستى ساياساتتاردىڭ جوعارى دەڭگەيدە جوبالانۋى، جاسالۋى، ورتاعا قويىلۋى جانە قانات جايىپ، تياناقتانۋى كۇرت تەزدەدى.
ورتالىقتىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ 10 - رەتكى ماجىلىسىندە باس شۋجي شي جينپيڭ تۇڭعىش رەت «رەفورمانىڭ ساپاسىن جوعارىلاتىپ، حالىقتىڭ تابىس سەزىمىن كۇشەيتۋدى» ورتاعا قويدى.
حالىقتىڭ نەگىزگى تۇلعالىق ورنىنا قۇرمەت ەتۋ، حالىق بۇقاراسىنىڭ مۇددەسىن قورعاۋ، حالىق بۇقاراسىن اناعۇرلىم كۇشتى تابىس سەزىمىنە يە ەتۋ رەفورمانى جاپپاي تەرەڭدەتۋدەگى ەڭ ۇلكەن ورتاق تانىم، سونداي - اق رەفورمانىڭ بىرىككەن كۇشىن ۇيىستىرۋداعى ەڭ ۇلكەن ورتاق بولگىش بولىپ تابىلادى.
بۇقارا ەڭ اسىعا كۇتكەن سالالاردان باستاپ رەفورما جاسالىپ، بۇقارا ەڭ كوڭىل بولگەن ماسەلەلەردەن باستاپ رەفورما جاسالىپ، 5 جىلداعى رەفورمانى تەرەڭدەتۋ حالىق بۇقاراسىنا مول تابىس سەزىمىن سيلادى.
بۇل تابىس سەزىمى رەفورما ارقىلى حالىق تۇرمىسى ىستەرىنە دەم بەرۋدەن كەلدى.
2018 - جىلى جايناعان جازدا چيڭحاي حايبەيمىنۋان حۇيزۋ اۆتونوميالى اۋدانىنداعى تەڭىز دەڭگەيىنەن 3000 مەتر بيىك ءبىر جايلىمدا ءشوپ قاۋلاي ءوسىپ، شالعىن جايقالدى.
بۇل جەر شارۋاشىلىق جۇرگىزۋ ۇقىعىن كوتەرمەگە الۋعا قاتىستى ۇقىق قاراستىلىعى داۋ - شارىنداعى ۇكىمدى زورلىقپەن اتقارۋدىڭ جۇمىس باسى ەدى. زاڭ قارۋىنا سۇيەنىپ، اتقارۋعا ءوتىنىش بەرگەن 72 جاستاعى فەي اجەي وزىنە تاۋەلدى 700 نەشە مۋ جايلىمدى اقىرى قايتارىپ الدى. «اتقارۋدىڭ قيىن بولۋى» سىندى ءادىليادا شەشىلمەي كەلە جاتقان ءتۇيىن ءونىمدى شەشىلىپ، ادىلدىك پەن تۋراشىلدىقتىڭ جارقىن ساۋلەسى حالىق بۇقاراسىنىڭ ادىلەتكە سەنىمىن، زاڭمەن جونگە سالۋعا نانىمىن ۇيىستىردى.
نوپوستاعى «اڭعار» تولتىرىلىپ، قالا مەن اۋىلدىڭ ەكى نەگىزدەنۋ قامال كەدەرگىسى بۇزىلدى، ءۇي ساۋدالاۋعا ەمەس، تۇرۋعا ارنالعان دەيتىن ۇستانىمنان جازباي، كەدەيلىكتەن ارىلتۋدان قامال الۋداعى «دالمە - ءدال تامشىلاتىپ سۋارۋ» اۋىل - قىستاقتاعى 68 ميلليوننان استام كەدەي حالىقتى كەدەيلىكتەن ارىلتتى، قالا مەن اۋىلدىڭ زەينەتكەرلىك جۇيەسى بىرىكتىرىلىپ، «جاپپاي ەكى پەرزەنتتى بولۋ» ساياساتى تياناقتاندى، «ءومىردى ءبىر ەمتيحانمەن بەلگىلەۋ» تالقاندالدى...
ءومىر سۇرۋدەن دامۋعا، ماتەريادان رۋحقا دەيىن، يگىلىكتەن ۇقىققا دەيىن، 5 جىلدان بەرى، حالىق بۇقاراسىنىڭ تابىس سەزىمى رەفورمانىڭ باعىتى بولدى.
بۇل تابىس سەزىمى رەفورمانىڭ قوعامدىق ومىرشەڭدىكتى قاۋلاتۋىنان كەلدى.
نانجيڭ قالاسى ليشۇي رايونى بايما قالاشىعىندا حۋاڭ ميڭ تاعى ءبىر جاڭا زاۆودقا يە بولدى.
حۋاڭ ميڭ نانجيڭ اۋىل شارۋاشىلىعى داشۋەسى ازىق - تۇلىك عىلىم - تەحنيكاسى شۋەيۋانىنىڭ پروفەسسورى، سونداي - اق «حۋاڭ پروفەسسور» پىسقان ازىق - تۇلىك دۇكەنىن قۇرۋشى.
عىلمي زەرتتەۋ جەتىستىكتەرىن ەت ونىمدەرىن وڭدەۋگە قولدانۋ ارمانىن ارقالاعان ول العاشقى پىسقان ازىق - تۇلىك دۇكەنىن مەكتەپتىڭ جانىنان اشقان. 2017 - جىلى ءىسورىندارىنداعى كاسىپتىك تەحنيكالىق قىزمەتكەرلەردىڭ جاڭالىق اشۋىن، شارۋاشىلىق قۇرۋىن قولداۋ جانە ىنتالاندىرۋ ساياساتىنىڭ جاقسى حابارى حۋاڭ ميڭنىڭ سەنىمىن نىعايتتى. قازىر نانجيڭدە ونىڭ ماركاسىندا 10 نەشە جەلىلەس دۇكەن بار.
ءبىلىم قۇنىن ارتتىرۋدى بەتالىس ەتكەن ءبولىس ساياساتى اتقارىلىپ، عىلمي زەرتتەۋ قىزمەتكەرلەرى بۇعاۋدان بوساتىلىپ، جۇكتەن جەڭىلدەتىلدى؛ بازارعا سۇيەنىپ، زەينەتكەرلىك، ەمدەۋ سياقتى الەۋمەتتىك قىزمەتتەردىڭ كەمىستىگى تولىقتاندى، كوپ جاق بىرگە يگىلىكتەنۋ اۋقىمى قالىپتاسا باستادى؛ وسى زامانعى الەۋمەتتىك مادەنيەتكە قىزمەت وتەۋ جۇيەسى جەدەل ورناتىلىپ، مادەنيەتتە حالىققا تيىمدىلىك جاساۋ ينجەنەرياسى ىشكەرىلەي اتقارىلىپ، حالىق بۇقاراسىنىڭ مول رۋحاني ازىققا كەنەلۋىنە مۇمكىندىك جاسالدى...
5 جىلدان بەرى، رەفورما حالىق بۇقاراسىندا ساقتالعان جاسامپازدىق ۇلى كۇشتى تاسقىنداتىپ، ومىرشەڭدىك كۇشتەردىڭ تالاسا قاۋلاۋىنا مۇمكىندىك جاسادى.
بۇل تابىس سەزىمى رەفورمانىڭ تياناقتانا الۋىنان، ناتيجە بەرە الۋىنان كەلدى.
«سوڭعى ءبىر شاقىرىمنان» كوز الماي، رەفورمانى تياناقتاندىرۋدى مىقتى يگەرگەندە عانا، «حالىقتى وزەك ەتۋدىڭ» شىنايى ورىندالۋىنا مۇمكىندىك جاساۋعا بولادى.
شەگە رۋحىن ساۋلەلەندىرۋدە باسى بار، اياعى جوق بولۋعا، اياقسىز قالدىرۋعا بولمايدى. سەرتتەن تايماۋ، ايتقاندى ورىنداۋ كەرەك. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تياناقتاندىرۋدى مىقتى يگەرۋدى رەفورما قىزمەتىنىڭ ماڭىزدى ءتۇيىنى ەتۋگە تاباندى بولىپ، كۇشتىڭ ءبىر ۇلەسىن ورنالاستىرۋعا، توعىز ۇلەسىن تياناقتاندىرۋعا جۇمساپ، ۇستاسا تەمىردە ءىز، تاستا تاڭبا قالدىردى، ءتۇرلى رەفورمالار ىركەس - تىركەس تياناقتانىپ، ءبىرىنىڭ ارتىنان ءبىرى جەمىس بەردى.
راكقا قارسى دارىلەردىڭ باعاسىن تومەندەتۋدى ىلگەرىلەتۋدەن ءدارى - دارمەكتەردى تەكسەرىپ - بەكىتۋدى تەزدەتۋگە، مەكتەپكە دەيىنگى تاربيەگە رەفورما جاساۋدان مەكتەپ سىرتىنداعى تاربيەلەۋ قۇرىلىمدارىن ارناعا تۇسىرۋگە، ۆاكسينا باسقارۋ تۇزىلىسىنە رەفورما جاساۋدان جانە ونى كەمەلدەندىرۋدەن ءدارى - دارمەكتى شوعىرلى ساتىپ الۋدى مەملەكەت ۇيىمداستىرۋدى تۇيىندە سىناق ەتۋگە دەيىن... رەفورمانىڭ تەرەڭ تامىر تارتۋى سيلاعان تابىس سەزىمى جاڭا كەزەكتى «رەفورمادان ەمتيحان تاپسىرۋعا» جوعارى ءنومىرلى باعا قويدى.
قازىرگە دەيىن پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە ورتاعا قويىلعان 336 ءتۇرلى ەلەۋلى رەفورما شاراسىنىڭ اتقارۋ جوباسى جاريالانعاندارى %95تەن اسىپ، ءبىر ءبولىمى تياناقتانىپ، ناتيجە بەرسە، ەندى ءبىر ءبولىمى جەدەل تياناقتاندىرىلۋ ۇستىندە.
سان بەلەستەن، سانسىز وتكەلدەن وتتىك، ءبىراق ءالى دە تاۋ اسىپ، تاس باسۋعا تۋرا كەلەدى.
رەفورما جاساۋدىڭ، ەسىك اشۋدىڭ 40 جىلدىعى سىندى جاڭا باستامادا تۇرعان ءبىز مىناعان كامىل سەنەمىز: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، ءسوز جوق، جۇڭحۋا ۇلتىنىڭ ۇلى گۇلدەنۋىنىڭ كۇش جالعاپ جۇگىرۋىندە تاماشا ناتيجەگە قول جەتكىزىپ، جاڭا، اناعۇرلىم ۇلكەن كەرەمەت جاراتا الامىز.
(شينحۋا اگەنتتىگىنىڭ 12 - ايدىڭ 30 - كۇنى بەيجيڭنەن بەرگەن حابارى)
