− جاڭا جىلعا ارناۋ
حالىق گازەتى باسماقالاسى
2018 - جىلعا قايىرىلا قاراعانىمىزدا، جۇڭگو ۇدەرە العا تارتۋ بارىسىندا تاماشا جاۋاپ جازدى.
2019 - جىلى نانىممەن، ۇستانىممەن، سەنىممەن رۋحتىڭ كۇشىن سومداپ، جاپپاي دوڭگەلەك داۋلەتتى قوعام ورناتۋدىڭ ونىمىنە جەتۋگە شەشۋشى نەگىز قالاۋىمىز قاجەت.
ايداي تولىسىپ، كۇندەي كوتەرىلدى. ايالسىز ۋاقىتتىڭ ۇزاق كوشىندە، 2019 - جىلى دا كۇن - ءتۇن دەمەي العان بەتتەن قايتپاي العا تارتامىز.
كالەنداردىڭ جاڭا بەتى اشىلعاندا، جاڭا جىل باستالادى. رەفورما جاساۋدىڭ، ەسىك اشۋدىڭ 40 جىلدىعىن وتكەرىپ، جاڭا جۇڭگونىڭ 70 جىلدىق مەرەي تويىن قارسى الار ساتتە، تاريح ۋاقىت قويناۋىنا تاعى ءبىر تاڭباسىن باستى.
2018 - جىلعا قايىرىلا قاراعانىمىزدا، جۇڭگو ۇدەرە العا تارتۋ بارىسىندا تاماشا جاۋاپ جازدى. ءبىز حالىق سارايىندا نەگىزگى زاڭعا سەرت بەرۋ كەزىندەگى ايبىندى ۋادەنى ۇمىتا المايمىز، حالىقتىق كاسىپورىنداردىڭ اڭگىمە ماجىلىسىندە دەم بەرگەن ەكپىندى سوزدەردى ۇمىتا المايمىز، شياڭگاڭ - جۋحاي - اۋمىن ۇلكەن كوپىرىنىڭ 3 جەردى جالعاپ، جۇرت جۇرەگىن جەلپىنتكەندىگىن ۇمىتا المايمىز، تۇڭعىش كەزەكتى جۇڭگو حالىقارالىق يمپورت كورمەسىنە سان مىڭ ساۋداگەر جينالىپ، بولاشاقتى بىرگە بولىسكەندىگىن ۇمىتا المايمىز، رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىنداعى بۇرىنعىعا مۇراگەر، كەيىنگىگە بۇيداگەر بولعان ءداۋىردىڭ قۇدىرەتتى ءۇنىن ۇمىتا المايمىز... ۋاقىت وسىنە بەدەرلەنگەن وسىناۋ كورىنىستەردىڭ بولاشاقتاعى ادامداردىڭ تاريحقا قايىرىلا قاراعاندا وسى ءبىر ماڭىزدى جىلدى ەستە ساقتاۋىنا مۇمكىندىك جاسايتىنى ءسوزسىز.
بۇل جىلدا ءبىز قيىندىقتارعا مويىماي العا باستىق، 3 ۇلكەن قامال الۋ شايقاسى تاماشا باستالىپ، ماكرولىق رەتتەۋ - مەڭگەرۋ نىساناسى ءبىرشاما جاقسى ورىندالىپ، جوعارى ساپالى دامۋدىڭ قوزعاۋشى كۇشى مىعىم بولدى؛ ءبىز قاجىرلىلىقپەن العا ۇمتىلىپ، پارتيا مەن مەملەكەتتىڭ قۇرىلىم رەفورماسىن جاپپاي ىلگەرىلەتىپ، بازارعا كىرۋ رۇقساتىنىڭ ۇنامسىز ءتىزىمى ءتۇزىمىن جاپپاي اتقاردىق، رەفورما جاساۋدىڭ، ەسىك اشۋدىڭ كوكتەمگى تولقىنى بۋىرقانا جوڭكىلدى؛ ءبىز دۇنيە جۇزىنە ايقارا قۇشاق اشىپ، شاڭحاي سەلبەستىك ۇيىمىنىڭ چيڭداۋداعى باسشىلار باس قوسۋىن، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن ءساتتى وتكىزدىك، ءىرى ەل ديپلوماتياسى كۇللى جۇرتتىڭ نازارىن اۋداردى... ءىستىڭ قيىن - وڭاي ەكەنىن باسىنان وتكەرگەن بىلەدى، ناتيجە وڭاي - وسپاق قولعا كەلگەن جوق، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، ميلليارد حالىقتىڭ ءبىر نيەتپەن ىنتىماقتاسىپ، ۇدەرە العا تارتۋىنىڭ جەمىسى. تاريح جاراتامىز دەگەن كوكىرەك كەرنەگەن ايبىندى ماقساتپەن ءبىز جاڭا ساپاردىڭ جاڭا پاراعىن جازدىق.
ۋاقىت توقتامايدى، العا باسقان قادام دا كىدىرمەيدى. 6 جىل ۇدەرە العا باسىپ، 40 جىل تىنباي رەفورما جاساپ، 70 جىل توقتاۋسىز جىرلاپ، جاڭا عاسىر اشۋدان جاڭا كەزەڭگە وتۋگە دەيىن، جاڭا باستامادا تۇرۋدان جاڭا داۋىرگە وتۋگە دەيىن، ءبىز تاعى ءبىر جاڭا ۋاقىت كەزەڭىنە كەلىپ جەتتىك. 2019 - جىلى جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى. باس شۋجي شي جينپيڭ باسا دارىپتەگەنىندەي: «نانىم، ۇستانىم، سەنىم قاشاندا ايرىقشا ماڭىزدى». قازىرگى جۇڭگو تاياۋ زاماننان بەرگى دامۋدىڭ ەڭ جاقسى مەزگىلىنە ءدوپ كەلدى، سونىمەن بىرگە دۇنيە ءجۇزىنىڭ عاسىردا كەزدەسپەگەن ۇلى وزگەرىسىندە تۇر، ءبىز ءالى دە ەڭبەكشىلدىگىمىزگە، پاراساتىمىزعا، باتىلدىعىمىزعا سۇيەنىپ، نانىممەن، ۇستانىممەن، سەنىممەن رۋحتىڭ كۇشىن سومداپ، جاپپاي دوڭگەلەك داۋلەتتى قوعام ورناتۋدىڭ ونىمىنە جەتۋگە شەشۋشى نەگىز قالاپ، تاماشا ناتيجەمەن حالىق رەسپۋبليكاسىنىڭ 70 جىلدىق مەرەي تويىنا سي ۇسىنۋىمىز قاجەت.
ماركسيزمگە سەنىمدى بەكەمدەپ، اقيقات پەن ادىلەتتىڭ كۇشىن لاۋلاتايىق. «بىرىنشىدەن كەدەي، ەكىنشىدەن اق» كەزدەن قادام تاستاپ، «كۇيرەۋگە تاياعان» كەزدە جىگەرلەنە ۇمتىلىپ، «ۇدەرە العا تارتا» قۇلشىنىپ، ماركسيزم جۇڭگونى سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ سارا جولىنا ءساتتى تۇسۋگە جەتەكتەدى. جاڭا جاعداي، جاڭا سىن - سايىس الدىندا، ءبىز ءالى دە ماركسيزم ۇلى تۋىن ۇزدىكسىز بيىك جەلبىرەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامىزدى قارۋلاندىرۋىمىز، امالياتقا جەتەكشىلىك ەتۋىمىز، قىزمەتتەردى ىلگەرىلەتۋىمىز، اناعۇرلىم كەڭ وي ورىسپەن، اناعۇرلىم ۇزاق بولاشاقتىق كوز ايامەن بولاشاقتاعى دامۋدا ۇشىراساتىن ءبىر قاتار ەلەۋلى ماسەلەلەرگە وي جۇگىرتۋىمىز جانە ونى يگەرۋىمىز، ماركس، ەنگلس بولجاعان ادامزات قوعامىنىڭ جارقىن بولاشاعىنىڭ جۇڭگونىڭ بايتاق دالاسىندا جالىندى ايگىلەنۋىنە مۇمكىندىك جاساۋىمىز قاجەت.
جۇڭگوشا سوتسياليزمگە سەنىمدى بەكەمدەپ، باتىلدىقپەن العا ۇمتىلاتىن ىنتانى لاۋلاتايىق. «جول دەگەن نە؟ جول جولسىز جەردەن تاپتالىپ شىعادى، بۇتا - بۇرگەندى جەردەن اشىلادى». «جارلىق شاشتىق اي مەن كۇنگە جاڭا الەم اش دەپ ناق» دەيتىن اسقاق سەزىمگە سۇيەنىپ، جۇڭگو ورنىنان تۇردى؛ «جان قيارلىقپەن جول اشاتىن» ارىنعا سۇيەنىپ، جۇڭگو بايىدى؛ «رەفورما كىدىرمەيدى، ەسىك اشۋ توقتامايدى» دەيتىن كۇرەس بارىسىندا، ءبىز بايۋدان قۇدىرەتتەنۋگە دەيىنگى ۇلى شارىقتاۋدى قارسى الدىق. جۇڭگوشا سوتسياليزم جولىن ءبىز ءار باسقان نىق قادامىمىزبەن سالىپ شىقتىق. ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر ءارى وندا ۇزاق ۋاقىت تۇرادى، ۋاقىت پەن اۋقىم ءبىز جاقتا. وسى جولدى بويلاپ ارشىندى قاداممەن العا باسساق، ءسوز جوق، جاڭا ساپاردا جاڭا شۇعىلا جازىپ شىعامىز.
جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا سەنىمدى بەكەمدەپ، جىگەرلى، ءورشىل رۋحتى اسقاقتاتايىق. جاپپاي دوڭگەلەك داۋلەتتى قوعام ورناتۋ، وسىزامانداندىرۋدى نەگىزىنەن جۇزەگە اسىرۋ، سوتسياليستىك وسىزاماندانعان قۇدىرەتتى مەملەكەتتى جاپپاي قۇرىپ شىعۋ... ۇلتتىڭ كوركەيۋىنە جول العان جوبا كەسكىندەلدى. كەمە سۋ ورتاسىنا كەلگەندە، تولقىن ءتىپتى ۇدەي تۇسەدى، ادام شىڭنىڭ بەل ورتاسىنا كەلگەندە، جول تىپتەن قيىنداي تۇسەدى. ءبىز ءالى دە قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، ەلىمىز ەكونوميكاسىنىڭ جوعارى ساپالى دامۋىن جۇزەگە اسىرۋدى ىلگەرىلەتىپ، جاپپاي دوڭگەلەك داۋلەتتى قوعام ورناتۋ سىندى ءبىرىنشى 100 جىلدىق نىسانانىڭ شەشۋشى جەڭىسىنە قول جەتكىزۋىمىز قاجەت؛ ءبىز ءالى دە «ءبىر بەلدەۋ، ءبىر جول» قۇرىلىسىن ۇزدىكسىز ىلگەرىلەتىپ، ادامزاتتىڭ تاعدىرلاس ورتاق تۇلعاسىن ورناتىپ، اناعۇرلىم كورىكتى الەم قۇرۋ ءۇشىن بەل شەشپەي كۇرەس جۇرگىزۋىمىز قاجەت. حالىقتىڭ باقىتىن كوزدەۋ، ۇلتتىڭ گۇلدەنۋىن كوزدەۋ، دۇنيە جۇزىندە ۇلكەن ورتاقتىققا ۇمتىلۋ جولىندا، ءبىز ءالى دە ارمان تۇلپارىنا قامشى باسۋىمىز قاجەت.
ايداي تولىسىپ، كۇندەي كوتەرىلدى. باسىپ وتكەن ءور اسۋعا قايىرىلا قاراپ، دۇنيە جولى بۇرالاڭ ەكەندىگىن ءتۇيسىنىپ، جەلگە ءمىنىپ جەلكەن كوتەرەتىن، سانسىز تولقىن جاراتىن كەزدىڭ بولاتىنىنا كوز جىبەرىپ، ايالسىز ۋاقىتتىڭ ۇزاق كوشىندە، 2019 - جىلى دا كۇن - ءتۇن دەمەي العان بەتتەن قايتپاي العا تارتامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇزدىكسىز تۇردە «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، قايراتتانا ۇمتىلاتىن، ماڭگى بوساڭسىمايتىن رۋحاني كۇيدى جانە جۇرەكتىلىكپەن اتويلاپ، جۇرەكتىلىكپەن ىستەيتىن، العا بەتتەن قايتپايتىن كۇرەسكەرلىك بەينەنى ساقتاپ، نىق قاداممەن جاپالى ىستەپ، ناقتى ىستەر تىندىرىپ، ۇلى دا جاڭا داۋىرگە لايىق تىڭ شۇعىلا جاراتايىق.
(شينحۋا اگەنتتىگىنىڭ 2018 - جىلى 12 - ايدىڭ 31 - كۇنى بەيجيڭنەن بەرگەن حابارى)
