تيانشان تورى   ›   جاڭالىقتار   ›   ماڭىزدى حابارلار

«ىزدەنۋ» جۋرنالى باس شۋجي شي جينپيڭنىڭ «ديالەكتيكالىق ماتەرياليزم − جۇڭگو كوممۋنيستەرىنىڭ دۇنيەگە كوزقاراسى جانە ءادىسناماسى» اتتى ماڭىزدى ماقالاسىن جاريالايدى

  شينحۋا اگەنتتىگىنىڭ 12 - ايدىڭ 31 - كۇنى بەيجيڭنەن بەرگەن حابارى. مازمۇنى جاڭالانعان «ىزدەنۋ» جۋرنالىنىڭ 2019 - جىلعى 1 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ديالەكتيكالىق ماتەرياليزم − جۇڭگو كوممۋنيستەرىنىڭ دۇنيەگە كوزقاراسى جانە ءادىسناماسى» اتتى ماڭىزدى ماقالاسىن جاريالايدى.

  ماقالادا بىلاي دەپ اتاپ كورسەتىلدى: ديالەكتيكالىق ماتەرياليزم − جۇڭگو كوممۋنيستەرىنىڭ دۇنيەگە كوزقاراسى جانە ءادىسناماسى، پارتيامىز حالىقتى ىنتىماقتاستىرىپ، باستاپ، «قوس 100 جىلدىق» كۇرەس نىساناسىن ىسكە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋدا، ءسوز جوق، ماركسيزمنىڭ فيلوسوفيالىق اقىل - پاراساتىنىڭ ءنارىن ۇزبەي قابىلداۋى، ديالەكتيكالىق ماتەرياليزمنىڭ دۇنيەگە كوزقاراسى جانە ءادىسناماسىنا اناعۇرلىم سانالىلىقپەن تاباندى بولۋى جانە ونى قولدانۋى، ديالەكتيكالىق ويلاۋ، ستراتەگيالىق ويلاۋ قابىلەتىن جوعارىلاتىپ، ەلىمىزدىڭ رەفورما، دامۋ ىستەرىنىڭ نەگىزگى ماسەلەلەرىن شەشۋ قابىلەتىن قۇلشىنا ارتتىرۋى كەرەك. ماقالادا بىلاي دەپ باسا دارىپتەلدى: دۇنيە ماتەرياعا بىرىگەدى، ماتەريا سانانى بەلگىلەيدى دەگەن قاعيدانى ۇيرەنىپ، يگەرىپ، وبيەكتيۆتىك شىندىقتى نەگىز ەتىپ ساياسات بەلگىلەۋگە، قىزمەتتى ىلگەرىلەتۋگە تاباندى بولۋ؛ زاتتاردىڭ قايشىلىق قوزعالىسى نەگىزگى قاعيداسىن ۇيرەنىپ، يگەرىپ، ماسەلە تانىمىن ۇزدىكسىز كۇشەيتىپ، العا باسۋ بارىسىندا كەزىككەن قايشىلىقتارعا بەلسەنە توتەپ بەرۋ جانە ونى شەشۋ؛ ماتەرياليستىك ديالەكتيكانىڭ ءتۇبىرلى ءادىسىن ۇيرەنىپ، يگەرىپ، ديالەكتيكالىق ويلاۋ قابىلەتىن ۇزدىكسىز كۇشەيتىپ، كۇردەلى جاعدايدى مەڭگەرۋ، كۇردەلى ماسەلەلەردى ءبىر جايلى ەتۋ قابىلەتىن ارتتىرۋ؛ تانىم مەن امالياتتىڭ ديالەكتيكالىق بايلانىسىنىڭ قاعيداسىن ۇيرەنىپ، مەڭگەرىپ، اماليات ءبىرىنشى كوزقاراسىنا تاباندى بولىپ، اماليات نەگىزىندە نازارياعا جاڭالىق جاساۋدى ۇزدىكسىز ىلگەرىلەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.