تيانشان تورى   ›   جاڭالىقتار   ›   ماڭىزدى حابارلار

جۇڭگو - رەسەي ەكى ەلدىڭ مەملەكەت باسشىلارى جاڭا جىلدى قۇتتىقتاپ ءوزارا تەلەگرامما جولدادى

جۇڭگو - رەسەي ەكى ەلدىڭ زۇڭليلەرى جاڭا جىلدى قۇتتىقتاپ ءوزارا تەلەگرامما جولدادى

  شينحۋا اگەنتتىگىنىڭ 12 - ايدىڭ 31 - كۇنى بەيجيڭنەن بەرگەن حابارى. 2018 - جىلى 12 - ايدىڭ 31 - كۇنى مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين جاڭا جىلدى قۇتتىقتاپ ءوزارا تەلەگرامما جولدادى.

  شي جينپيڭ قۇتتىقتاۋ تەلەگرامماسىندا جۇڭگو ۇكىمەتى جانە جۇڭگو حالقى اتىنان پۋتين زۇڭتۇڭعا جانە رەسەي حالقىنا شىن ىقىلاسپەن قۇتتىقتاۋ ايتتى ءارى ىزگى تىلەك تىلەدى. شي جينپيڭ مىنانى ءبىلدىردى: ءوتىپ بارا جاتقان ءبىر جىل جۇڭگو - رەسەي قارىم - قاتىناسىنىڭ دامۋ تاريحىنداعى ەرەكشە مانگە يە ءبىر جىل. ءبىز ەكى ەل ەل ىشىندەگى ماڭىزدى ساياسي كەڭەستىك ءتارتىپتى ءساتتى ورىنداپ، جۇڭگو - رەسەي قارىم - قاتىناسى دامۋىنىڭ جاڭا ءداۋىرىن باستادىق. ەكى جاقتىڭ جوعارى جىكتەگىلەرىنىڭ بارىس - كەلىسى اناعۇرلىم جيىلەپ، ساياسي جاقتاعى ءوزارا سەنىمى كۇن سايىن تەرەڭدەپ، ءتۇرلى سالاداعى ناقتى ىستەر جونىندەگى سەلبەستىكتە ءبىرسىپىرا سۇبەلى ناتيجەگە قول جەتىپ، «جەرگىلىكتى ورىنداردىڭ سەلبەستىك، اۋىس - كۇيىس جىلى» قيمىلى ءساتتى ورىستەتىلىپ، ەكى ەل حالقىنىڭ ۇرپاقتار بويى جالعاسىپ كەلە جاتقان دوستىعىنىڭ ەل تىلەگى نەگىزى اناعۇرلىم بەكەمدەلدى. ەكى جاق حالىقارالىق جانە وڭىرلىك ىستەردە بەلسەنە سايكەسىپ، حالىقارانىڭ ءادىل، تۋراشىلدىعىن جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋدا ماڭىزدى سىندارلى رول اتقاردى.

  شي جينپيڭ مىنالاردى اتاپ كورسەتتى: 2019 - جىل جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى. سىزبەن بىرگە ەكى جاقتى قارىم - قاتىناس پەن ءتۇرلى سالاداعى سەلبەستىكتە ۇزدىكسىز تىڭ ىلگەرىلەۋشىلىككە قول جەتكىزۋگە جەتەكشىلىك ەتىپ، ەكى ەلدى جانە ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

  پۋتين قۇتتىقتاۋ تەلەگرامماسىندا ءتوراعا شي جينپيڭدى جاڭا جىلىمەن شىن جۇرەكتەن قۇتتىقتادى، بارشا جۇڭگو حالقىنىڭ باقىتتى، امان - ساۋ بولۋىن تىلەدى. پۋتين مىنانى ءبىلدىردى: 2018 - جىلى رەسەي مەن جۇڭگونىڭ جاپپاي ستراتەگيالىق سەلبەستىك سەرىكتەستىك قاتىناسى بۇرىن بولماعان دەڭگەيگە جەتىپ، ەكى جاق مازمۇنى باي ساياسي كەڭەس ورىستەتتى، ەكى جاقتى ساۋدا سوماسى جىلدام ارتىپ، «جەرگىلىكتى ورىنداردىڭ سەلبەستىك، اۋىس - كۇيىس جىلىنىڭ» باستاماسى جاقسى بولىپ، ەكى جاق كەلەلى وڭىرلىك جانە الەمدىك ماسەلەلەردى شەشۋ جاعىندا ءونىمدى سەلبەستىكتەر ورىستەتتى. كەلەر جىلى ءبىز ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن بىرگە قۇتتىقتاماقشىمىز. ەكى جاقتىڭ مۇنى جەلى ەتىپ، ەكى جاقتى جانە كوپ جاقتى ىستەردە ءونىمدى سەلبەستىكتى ۇزدىكسىز ورىستەتەتىندىگىنە سەنەمىز.

  سول كۇنى مەملەكەتتىك كەڭەستىڭ زۇڭليى لي كىچياڭ مەن رەسەيدىڭ زۇڭليى مەدۆەدەۆ تە جاڭا جىلدى قۇتتىقتاپ ءوزارا تەلەگرامما جولدادى. لي كىچياڭ قۇتتىقتاۋ تەلەگرامماسىندا بىلاي دەدى: جۇڭگو رەسەيمەن بىرگە ەكونوميكا - ساۋدا، ەنەرگيا، فينانس، عىلىم - تەحنيكا، اۋىل شارۋاشىلىعى، گۋمانيتارلىق سياقتى سالالارداعى سەلبەستىكتە تىڭ ناتيجەلەرگە قول جەتكىزۋدى بىرگە ىلگەرىلەتىپ، ەكى ەلدىڭ بىرگە دامۋىنا دەم بەرۋدى قالايدى. مەدۆەدەۆ قۇتتىقتاۋ تەلەگرامماسىندا مىنانى ءبىلدىردى: رەسەي جاق ەكى ەل زۇڭليلەرىنىڭ 23 - رەتكى مەرزىمدى كەڭەسىندە قول جەتكەن ناتيجەلەرگە جوعارى باعا بەرەدى، جۇڭگو جاقپەن بىرگە ەكى جاقتىڭ ءتۇرلى سالاداعى سەلبەستىگىن جەبەۋ جونىندەگى قىزمەتتەردى ۇزدىكسىز بەلسەنە ورىستەتۋدى قالايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.