فان حۇڭ - ي
2019 - جىلعى جاڭا جىلدىڭ قوڭىراۋى سوعىلعاندا، ۇرىمجىدەگى كوزدىڭ جاۋىن الاتىن «ءبىزدىڭ جۇڭگو ارمانىمىز» تاقىرىپتىق شىراق سالتاناتى كورسەتىلىپ، «مەن جانە مەنىڭ وتانىم» ءانى ءتۇن اسپانىن جاڭعىرتتى؛ 2019 - جىلعى ءۇرىمجى جاڭا جىل مۋزيكا كەشىندە، كورەرمەندەردىڭ ءبارى ورىندارىنان تۇرىپ، ءۇرىمجى وركەسترىنىڭ حور ۇيىرمەسىندەگىلەرمەن بىرگە «مەن جانە مەنىڭ وتانىم» ءانىن شىرقاپ، وتانعا تاماشا تىلەكتەرىن ءبىلدىردى.
ءومىر بەينە ءان سياقتى. وتكەن كۇندەردەگى ەڭ تاماشا، ەڭ قىمباتتى نارسەلەر جادىمىزدا جاتتالىپ قالادى ءارى قاشاندا ءبىزدى بولاشاقتى بەتكە الىپ قايراتتانا العا ىلگەرىلەۋگە شابىتتاندىرادى. كونە جىلعا قوش ايتىپ، جاڭا جىلدى قارسى العان ساتتە، ءبىز «مەن جانە مەنىڭ وتانىم» ءانىن بىرگە شىرقادىق، مەملەكەت قۇدىرەتتەنگەن، ۇلت گۇلدەنگەن، حالىق باقىتتى بولعان نەگىزگى اۋەندى جىرلاپ، شينجياڭداعى ءار ۇلت حالقىنىڭ جۇرەك ءۇنىن بىلدىردىك.
بۇل جۇرەك ءۇنى − «وتانىم ەكەۋىمىز ءبىر ءسات تە اجىرامايمىز». ەلىمىزدەگى ءار ۇلت حالقى ۇزاق تاريحي دامۋ بارىسىندا ۇزدىكسىز ارالاسىپ، ىشتەسىپ، توعىسىپ، «ءبىر - بىرىمەن بىتە قايناسقان، تىعىز توعىسقان، ءبىر - بىرىنەن ايىرىلا المايتىن» كوپ نەگىزدى ءبىر تۇلعالى جاعدايدى قالىپتاستىردى، 56 ۇلت وتانىمىز ۇلى شاڭىراعىندا بىرگە باقىتتى تۇرمىس كەشىرۋدە. كوپ ءتۇرلى مادەنيەت ءوزارا توعىسىپ، ۇزدىكسىز دامىپ، جۇڭحۋا مادەنيەتىن شۇعىلا شاشتىرىپ، تابىسقا جەتكىزدى، جۇڭحۋا ۇلتىنىڭ قۇدىرەتتى ۇيىسۋ قۋاتىن ايگىلەدى. حان داۋىرىنەن باستاپ شينجياڭ ءوڭىرى جۇڭگو كارتاسىنىڭ ءبىر بولىگىنە رەسمي اينالدى، شينجياڭداعى ءار ۇلت حالقى جۇڭگونىڭ بايتاق دالاسىن بۇكىل ەلىمىزدەگى ءار ۇلت حالقىمەن بىرگە اشتى، كوپ نەگىزدى، ءبىر تۇلعالى جۇڭحۋا ۇلتى ۇلى شاڭىراعىن بىرگە تۇلعالادى. مەيلى كەشە، بۇگىن نەمەسە ەرتەڭ بولسىن، شينجياڭ − قاي - قاشان دا جۇڭگو تەرريتورياسىنىڭ ايرىلماس ءبىر بولىگى، شينجياڭداعى ءار ۇلت پەرزەنتتەرى − جۇڭحۋا ۇلتى شاڭىراعىنىڭ تامىرلاس مۇشەلەرى، ءار ۇلت حالقى ماڭگى اناردىڭ دانىندەي تىعىز ۇيىسۋ كەرەك.
بۇل جۇرەك ءۇنى − «مەنىڭ ەڭ سۇيىكتى وتانىم، سەن شالقار تەڭىزسىڭ ماڭگى سارقىلمايتىن». شينجياڭنىڭ گۇلدەنۋى، ورنىقتىلىعى، شينجياڭنىڭ دامۋ باسىمدىعى، شينجياڭنىڭ قۇرىلىس جەتىستىكتەرى پارتيا ورتالىق كوميتەتىنىڭ ىقلاستى قامقورلىعىنان ايىرىلا المايدى، بۇكىل ەل حالقىنىڭ زور كۇشپەن قولداۋىنان ايىرىلا المايدى، تۇتاس شينجياڭداعى ءار ۇلت حالقىنىڭ ىنتىماقتاسا كۇرەس جۇرگىزۋىنەن ايىرىلا المايدى. سانسىز بوران - شاشىندى باستان وتكىزگەنىمەن، تەڭىز باياعىسىنداي ءوز ورنىندا! 5000 نەشە جىلدىق قيىندىق پەن تاۋقىمەتتى باستان وتكىزگەنىمەن، جۇڭگو ءالى دە وسىندا! بولاشاقتى بەتكە العاندا، جۇڭگو ماڭگى وسىندا بولا بەرەدى!». مىنە بۇل ءبىزدىڭ ۇلى وتانىمىز، ونىڭ كەڭ قۇشاعى، بەرىك ەركى بار، ءبىز وتانىمىزدىڭ قۇشاعىندا ەسەيىپ - ەرجەتەمىز، وتانىمىزدىڭ كۇشتى تۇراقتىلىعى مەن گۇلدەنىپ - كوركەيۋىن ايگىلەيتىن ءبىر مۇشە بولۋىمىز كەرەك. كەزەكتە ءبىز شينجياڭنىڭ ورنىقتىلىعىنىڭ، دامۋىنىڭ بىردەي سۇبەلى تابىستارعا، جەڭىستەرگە قول جەتكىزۋىن قايراتتانا جۇزەگە اسىرۋىمىز كەرەك، وسىلاي ىستەگەندە عانا وتانىمىزعا ەڭ تاماشا تىلەك بىلدىرگەن جانە وتانىمىزدىڭ ءۇمىتىن اقتاعان بولامىز.
بۇل جۇرەك ءۇنى − «مەنىڭ ەڭ سۇيىكتى وتانىم، ماڭگىلىك جۇرەگىمنىڭ تورىندەسىڭ». 2019 - جىل، ءبىز جۇڭحۋا حالىق رەسپۋبليكاسىنىڭ 70 جىلدىق تۋعان كۇنىن سالتاناتپەن تويلايمىز. 70 جىل تار جول، تايعاق كەشۋدەن بىرگە وتتىك، 70 جىل بەينەتتى دە، زەينەتتى دە بىرگە وتكەردىك. بۇگىن، ۇزاق سىننان وتكەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا قۇلشىنا كۇرەس جۇرگىزۋدە. ءبىز «مەن جانە مەنىڭ وتانىم» ءانىن اسقاقتاتا شىرقادىق، بۇل شينجياڭداعى ءار ۇلت حالقىنىڭ ءان اۋەنىمەن ۇلى وتانىمىزعا دەگەن وسكەلەڭ شىنايى مويىنداۋ سەزىمى مەن تاۋەلدىلىك سەزىمىن، جاۋاپكەرشىلىك سەزىمى مەن بورىشتىلىق سەزىمىن بەينەلەۋى؛ شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ تىلەگى قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسقان، تىعىز توعىسقان تەرەڭ سۇيىسپەنشىلىگىن بەينەلەۋى؛ شينجياڭداعى ءار ۇلت كادرلارى مەن بۇقاراسىنىڭ قايراتتانا كۇش شىعارىپ، قۇلشىنا ۇمتىلىپ، جۇڭگو ارمانىنىڭ شينجياڭ پاراعىن ويداعىداي جازۋ سەنىمى مەن بەكىمىن بەينەلەۋى.
شىن جۇرەگىمەن وتان ءۇمىتىن اقتادى. «مەن جانە مەنىڭ وتانىم» ءانىنىڭ اسقاق شىرقالۋى − ءاربىر جۇڭگولىقتىڭ جۇرەگىنەن شىققان وتانعا دەگەن تەرەڭ سۇيىسپەنشىلىك، مۇنداي سۇيىسپەنشىلىك ءارى جۇڭحۋا ۇلتىنىڭ جانى مەن رۋحاني مايەگى، ول شينجياڭداعى ءار ۇلت كادرلارى مەن بۇقاراسىن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزۋگە شابىتتاندىرادى.
