− ءتوراعا شي جينپيڭنىڭ جاڭا جىلدى قۇتتىقتاۋ ءسوزى اۆتونوميالى رايونىمىزداعى كادر - جۇرتشىلىق اراسىندا قىزۋ اڭىس قوزعادى
ءتوراعا شي جينپيڭنىڭ 2019 - جىلعى جاڭا جىلدى قۇتتىقتاۋ ءسوزى اۆتونوميالى رايونىمىزداعى كادر - جۇرتشىلىق اراسىندا قىزۋ اڭىس قوزعادى. كوپشىلىك مىنالاردى ءبىلدىردى: ءتوراعا شي جينپيڭنىڭ جاڭا جىلدى قۇتتىقتاۋ ءسوزى كوكىرەك كەرنەگەن ىستىق ىقىلاسپەن كۇرەسكەرلەرگە قۇرمەت ءبىلدىردى، كوكىرەك كەرنەگەن اسقاق سەزىممەن كۇرەسكەرلەرگە ۇندەۋ تاستادى، ول − جۇرەكتەرگە شۋاق سيلايتىن جاڭا جىلدىڭ بەتاشارى، ونان دا ماڭىزدىسى، ادامدى العا باسۋعا جەبەيتىن كۇرەس اۋەنى، ونىڭ 100 ميلليونداعان حالىقتى قايراتتانا العا باسۋعا شابىتتاندىراتىنى جانە جىگەرلەندىرەتىنى داۋسىز.
- جۇرەكتەرگە شۋاق سيلاپ، ادامدى العا باسۋعا جەبەدى
2018 - جىلى 12 - ايدىڭ 31 - كۇنى كەشتە ءتوراعا شي جينپيڭنىڭ جاڭا جىلدى قۇتتىقتاۋ ءسوزىن تىڭداعاننان كەيىن، اقسۋ ايماقتىق پارتكوم شەجىرە كەڭسەسىنىڭ ونسۋ اۋدانى تۇقۇلا اۋىلى حىپان قىستاعىندا تۇراتىن ءبىرىنشى شۋجي لۋ فۋگۇي بىلاي دەدى: 2018 - جىلى حىپان قىستاعىنداعى بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى جاپپاي كۇشەيدى. 2019 - جىلى ءبىز ءتوراعا شي جينپيڭنىڭ كۇتكەن ءۇمىتىن اقتاپ، ۇزدىكسىز قايىسپاي كۇرەس جاساپ، بۇقارانىڭ تىلەگىن دەن قويا تىڭداپ، بۇقارانىڭ كۇشىن سۇيىسپەنشىلىكپەن ۇيىستىرىپ، نىسانادان تانباي، كۇش سالا ىستەپ، اناعۇلىم زور دا تىڭ ۇلەستەر قوسامىز.
«ءتوراعا شي جينپيڭنىڭ قىستاقتاردا تۇراتىن ءبىز سياقتى كادرلاردى ەسىنەن شىعارماعاندىعى ءبىزدى قاتتى اسەرلەندىردى.
2019 - جىل ارمان - تىلەكتەرگە تولى جىل، نەگىزگى ساتىنىڭ ءبىرىنشى شەبىندە ۇزدىكسىز كۇرەس جاساپ، قىزمەتتەردى تاباندىلىقپەن جاقسى ىستەيمىن»، - دەدى بۇراتالا قالالىق قازىنا مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا جيڭحۋ الەۋمەتتىك اۋماعىندا تۇراتىن قىزمەت اترەتىنىڭ مۇشەسى ساڭباير.
قۇتتىقتاۋ ءسوزىن مۇقيات تىڭداعاننان كەيىن ءۇرىمجى قالالىق 3 - باستاۋىش مەكتەپتىڭ وقىتۋشىسى تيان تيان: ءتوراعا شي جينپيڭنىڭ جاڭا جىلدى قۇتتىقتاۋ ءسوزى اسا تارتىمدى، ادامدى العا باسۋعا جەبەيدى، ارمان ءۇشىن قۇلشىناتىن كۇرەس رۋحى ءبىرىنشى شەپتەگى وقۋ - اعارتۋ قىزمەتكەرلەرىنىڭ قىزمەت ىنتاسىن قوزعادى، ءبىز كۇرەس رۋحىن وقۋشىلارعا جەتكىزىپ، وقۋشىلاردىڭ دۇرىس ءومىر كوزقاراسىن، قۇن كوزقاراسىن ورناتۋىنا كومەكتەسەمىز، - دەدى.
- قۇلشىنا ۇمتىلىپ، ارمانعا قۇلاش سەرمەپ، العا باسامىز
فۋكاڭ قالاسى فۋشين ءمالى باسقارماسى ءتارتىپ تەكسەرۋ قىزمەتى كوميتەتىنىڭ شۋجيى، وكىلەتتى باقىلاۋ - تەكسەرۋ كەڭسەسىنىڭ مەڭگەرۋشىسى جاڭ يۋە مىنانى ءبىلدىردى: ءبىز ءتوراعا شي جينپيڭنىڭ جاڭا جىلدى قۇتتىقتاۋ ءسوزىن جەتەكشى ەتىپ، باتىلدىقپەن جاۋاپكەرشىلىك ارقالاپ، وكىلەتتى باقىلاۋ - تەكسەرۋ كەڭسەسىنىڭ «باقىلاۋشىلىق» جانە «قاراۋىلدىق» رولىن تولىق ساۋلەلەندىرىپ، باقىلاۋ - تەكسەرۋدىڭ «سوڭعى ءبىر شاقىرىمىن» تۇتاستىرىپ، پارتيانى جاپپاي قاتاڭ جونگە سالۋدىڭ نەگىزگى ساتىلارعا ۇلاسۋىن جەبەيمىز.
شينجياڭ ۇيعۇر شيپاگەرلىگى ارناۋلى تەحنيكۋم مەكتەبىنىڭ 2017 - جىلدىق ەمدەۋ B2 كلاسىنىڭ وقۋشىسى زاينۇر نۇرمامەت قول تەلەفونى ارقىلى ءتوراعا شي جينپيڭنىڭ جاڭا جىلدى قۇتتىقتاۋ ءسوزىن تىڭدادى. زاينۇر: مەكتەپ ءبىتىرۋ الدىندا تۇرعان <90 - جىلداردىڭ تۇلەگى> رەتىندە مەن بولاشاقتا قىزمەت ورنىمدا ۇيرەنگەنىمدى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا ءوز ۇلەسىمدى قوسۋدى ءۇمىت ەتەمىن، - دەدى.
كەدەيلىكتەن ارىلتۋدان قامال الۋدىڭ ءبىرىنشى شەبىندە كۇرەس جاساپ جاتقان قاراقاش اۋداندىق ورمان شارۋاشىلىعى مەكەمەسىنىڭ كادرى ءمۇتالىپ تۇرسىن بىلاي دەدى: «ءبىز ءتوراعا شي جينپيڭنىڭ تاپسىرماسىن ەستە بەرىك ساقتاپ، پارتيا مەن مەملەكەتتىڭ حالىققا تيىمدىلىك جاساۋ ساياساتتارىن نەگىزگى ساتىدا تياناقتاندىرىپ، بۇقارانىڭ جۇرەك ءۇنىن تىڭداپ، بۇقارانىڭ قيىنشىلىعىن شەشىپ، ءبىر نيەتپەن بىلەك تۇرە قۇلشىنا ىستەپ، كەدەيلىكتەن ارىلتۋدان قامال الۋ سىندى وسى قيان - كەسكى شايقاستىڭ جەڭىسىنە باتىلدىقپەن ۋاعىندا جەتەمىز».
- بىرگە شايقاس جاساپ، بىرگە كۇرەس جۇرگىزەمىز
2018 - جىلى 12 - ايدىڭ 31 - كۇنى كەشتە ەرتىس وزەنىندەگى ءبىرىنشى قىستاق اتالاتىن كوكتوعاي اۋدانى كوكتوعاي قالاشىعى تاراتى قىستاعىنىڭ تۇرعىنى ەرلان سابەت ۇلى ءتوراعا شي جينپيڭنىڭ جاڭا جىلدى قۇتتىقتاۋ ءسوزىن تىڭدادى. ول اسەرلەنە: پارتيانىڭ ابزال ساياساتى ارقاسىندا قىستاعىمىز ساياحات كاسىبىن دامىتتى، 2018 - جىلى وتباسىمىزدىڭ ساياحات كاسىبىنەن كىرگەن كىرىسى 30 مىڭ يۋاننان استى. 2019 - جىلى مەن ەرەكشە سالت - سانا ساياحاتىن ۇزبەي دامىتۋ ارقىلى كىرىسىمدى ارتتىرىپ، باقىتتى، تاماشا تۇرمىس جاراتۋ ءۇشىن قۇلشىنا كۇرەس جاسايمىن، - دەدى.
حىبەي ولكەسىنىڭ شينجياڭعا كومەكتەسۋشى كادرى، بايىنعولين موڭعۇل اۆتونوميالى وبلىستىق مادەنيەت، دەنە تاربيە، راديو - كينو - تەلەۆيزيا مەكەمەسىنىڭ ورىنباسار باستىعى ليۋ رۇنساڭ ءتوراعا شي جينپيڭنىڭ جاڭا جىلدى قۇتتىقتاۋ ءسوزىن تىڭداعاننان كەيىن ەرەكشە شابىتتاندى. ول: مەن، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭعا باعىتتامالى كومەكتەسۋ قىزمەتتەرىن ىقىلاس قويا، سۇيىسپەنشىلىكپەن، كۇش سالا ىستەيمىن، - دەدى.
اۆتونوميالى رايوندىق جاستار وداعى كوميتەتى كەڭسەسىنىڭ كادرى ادىل ابىليمت: مەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قىزمەتتى ءتىپتى جاقسى ىستەيمىن! - دەدى.
«وسى ساتتەردە، جەدەل جولداما جەتكىزۋشىلەر، ورتا تازالىقشىلارى، تاكسي شوفەرلەرى جانە سان - ساناقسىز ەڭبەكشىلەر جاپالى قىزمەت ىستەۋدە، ءبىز وسى تاماشا تۇرمىستى جاساۋشىلار مەن ساقتاۋشىلارعا العىس ايتامىز. كوپشىلىك جاپا تارتتىڭىزدار». راديودان ءتوراعا شي جينپيڭنىڭ جاڭا جىلدى قۇتتىقتاۋ سوزىندەگى وسى ءسوزدى ەستىگەندە بۇراتالا قالاسىنىڭ تاكسي شوفەرى حو جانجياڭ ايرىقشا اسەرلەنىپ: ءتوراعا شي جينپيڭنىڭ ءبىز سياقتى قاراپايىم ەڭبەكشىلەردى ەسىنەن شىعارماعاندىعى جۇرەگىمىزدى جىلتىپ، جىگەرىمىزدى ۇشتاي ءتۇستى. وناندا كوركەم بولاشاق ءۇشىن 2019 - جىلى ءبىز بىرگە شايقاس جاساپ، بىرگە كۇرەس جۇرگىزەمىز! - دەدى.تىلشىلەرىمىز جاۋ چۇنحۋا، جاڭ تيڭ، ۋاڭ لەي، حان چينيان، لي داۋجۇڭ، ميھىرگۇل ءناسىر، اقسۋ تىلشىلەر پۋنكتىنەن رىن حۇڭفاڭ، حوتان تىلشىلەر پۋنكتىنەن شى يىڭيىڭ، بايىنعولين تىلشىلەر پۋنكتىنەن ياڭ شياۋدۇڭ، ەرىكتى تىلشىلەر گاڭ ليچياڭ، لين حۋان، جاڭ حاييان، دۇڭ يەبو، جاڭ دۇڭدۇڭ، لي يۇيليڭ
