بارلىعىمىز ارمانعا قۇلاش سەرمەۋشىلەرمىز

− ءتوراعا شي جينپيڭنىڭ 2019 - جىلعى جاڭا جىلدى قۇتتىقتاۋ ءسوزى جونىندە تولعانىس

حالىق گازەتىنىڭ شولۋشىسى

　　ارمان بولسا نىسانا بولادى، ءۇمىت بولعاندا قۇلشىنىس بولادى. مەيلى مەملەكەت، قوعام، الدە جەكە بولسىن، ارمان تىرشىلىك تىنىسىن ساقتاۋدىڭ، ومىرشەڭدىكتى قاۋلاتۋدىڭ قاينارى سانالادى.

　　«ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز». 2019 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ وتكەن ءبىر جىلداعى ارمانعا قۇلاش سەرمەگەن وزگەشە ساپاردى ايرىقشا رياسىز پەيىلمەن ەسكە الىپ، ءاربىر كۇرەسكەردىڭ جاپالى ەڭبەگىن ىقىلاسپەن ماراپاتتاپ، 100 ميلليونداعان حالىقتىڭ باتىلدىقپەن ارمانعا قۇلاش سەرمەگەن تىڭ ساپارىنا كوكىرەك كەرنەگەن سەنىممەن سالەم جولدادى. ىقىلاستى لەبىز، كوكەي تەستى ءۇمىت، ماڭىزدى تاپسىرما ءاربىر ادامدى ارمان رۋحىن ساۋلەلەندىرۋگە، العا ۇمتىلۋ بارىسىندا ۇزبەي ارمانعا قۇشاق جايۋعا، ارماندى ىسكە اسىرۋعا شابىتتاندىردى.

　　2018 - جىلعا قايىرىلا قاراپ «وتە ماعىنالى وتكىزىپ، توتەنشە نىق قاداممەن العا باستىق» دەي الۋىمىزداعى سەبەپ، ارمانداردى كوكەيىمىزدە ساقتاپ، ارمانعا قۇلشىنا قۇلاش سەرمەپ، جۇڭگو اتتى كەمەنىڭ تولقىن جارىپ، بايىپتىلىقپەن العا ىلگەرىلەۋىنە مۇمكىندىك جاسادىق. ءبىز جوعارى ساپالى دامۋدى ىلگەرىلەتىپ، ەكونوميكانىڭ دامۋ ومىرشەڭدىگىن قاۋلاتتىق، ءتۇرلى بازار تۇلعالارى 100 ميلليوننان استى، بۇل اسا كەرەمەت سيفر. ءبىز كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋدى ماقسات ەتتىك، مەملەكەت بويىنشا تاعى 125 كەدەي اۋدان تەكسەرىپ وتكىزىپ الۋدان ءوتىپ، كەدەيلىكتەن ارىلىپ، اۋىل - قىستاقتارداعى 10 ميلليون كەدەيدىڭ كەدەيلىكتەن ارىلۋ ارمانى ورىندالدى؛ ءبىز رەفورما جاساۋداي ءىس جۇزىندىك ارەكەتىمىز ارقىلى رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاپ، 100 نەشە ماڭىزدى رەفورما شاراسىن العا قويىپ، 13 ميلليون ادامنىڭ قالا - قالاشىقتان جۇمىس تابۋىنا مۇمكىندىك جاساپ، حالىقتىڭ قالتاسىن قامپيتا تۇستىك... وسى ءبىر جىلدا بۇكىل جۇڭگو ارمانعا قۇلاش سەرمەۋ جولىندا العا ۇمتىلىپ، رەفورما جاساۋدىڭ، دامۋدىڭ ايبىندى كارتيناسىن سالدى. بۇل تابىستاردى جاڭا داۋىردەگى كۇرەسكەرلەر ماڭداي تەرىن اعىزىپ، ەرلىكپەن سايىسىپ جاراتتى. شىندىق ءارقانداي ۇلى ءىس ارماننان باستالىپ، ناقتى ىستەۋمەن ورىندالاتىنىن دالەلدەدى.

　　ارمانداردى كوكەيدە ساقتاپ، ارمانعا قۇلشىنا قۇلاش سەرمەگەندە عانا، كۇرەستىڭ قۇنىن سەزىنۋگە، ءبىر نيەتپەن ارماندى ورىنداۋدىڭ رۋحاني كۇشىن ۇيىستىرۋعا بولادى. جاسىل جەلەك جامىلعان چاڭجياڭنىڭ ەكى جاعالاۋى، كۇرىش تولقىندانا ىرعالعان جيانسانجياڭداعى 10 مىڭ مۋلىق القاپ، ومىرشەڭدىك قاۋلاعان شىنجىنداعى چيانحاي، جالىن اتقان شاڭحايداعى جاڭجياڭ، 3 جەردى جالعاعان شياڭگاڭ - جۋحاي - اۋمىن ۇلكەن كوپىرى... جاڭا داۋىردەگى كۇرەسكەرلەر ۇزبەي العا باسۋ بارىسىندا تاماشا تۇرمىس جاراتىپ، ارمان ءۇشىن ناقتى تۇسىنىك جاسادى. ارمان وزدىگىنەن ورىندالمايدى، كۇرەس ونىڭ دانەكەرى؛ نىساناعا وزدىگىنەن جەتۋگە بولمايدى، العا ۇمتىلعاندا عانا الىستى كورۋگە بولادى. جەكەنىڭ تاماشا تۇرمىسقا تالپىنىسىن، ءومىردى ءساندى وتكىزۋ ارمان - تىلەگىن جۇڭگو ارمانىن بىرگە ورىنداۋ سىندى تاريحي ساپارعا ءسىڭىرىپ، داۋىرمەن بىرگە العا ۇمتىلىپ، كۇرەس ارقىلى ارمان قۋىپ، ارماندى ورىنداساق، اسا المايتىن تاۋىمىز، وتە المايتىن وزەنىمىز بولمايدى.

　　ارمانداردى كوكەيدە ساقتاپ، ارمانعا قۇلشىنا قۇلاش سەرمەگەندە عانا، قاجىماس قايراتتى شىڭاپ، ۇزبەي كۇرەسۋدىڭ جاۋاپكەرشىلىگىن تۋىنداتۋعا بولادى. بۇگىن جۇڭگو تىڭ باستامادا تۇر، 100 ميلليونداعان حالىق جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ جولىندا ەرلىكپەن سايىسۋدا. ارمان قانشا اسقاق بولعان سايىن، كۇرەس سولعۇرلىم جاپالى بولا تۇسەدى. «كەمە سۋ ورتاسىنا كەلگەندە، تولقىن ءتىپتى ۇدەي تۇسەدى، ادام شىڭنىڭ بەل ورتاسىنا كەلگەندە، جول تىپتەن قيىنداي تۇسەدى». ءدال وسىنداي جاعدايدا ءبىزدى كۇتىپ تۇرعان بورىش ءتىپتى داڭقتى، مىندەت ءتىپتى جاپالى، سايىس ءتىپتى قيان - كەسكى، جۇمىس ءتىپتى ۇلى بولماق. سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن ىسكە اسىرۋ سىندى ۇتىلامالى جۇگىرىستە بۇگىنگى بىزدەر باتىلدىقپەن ارمانعا قۇلاش سەرمەۋشىلەردەن بولىپ، تاياقشانى ءبىر - بىردەن ۇتىلاپ جۇگىرگەنىمىزدە عانا، «كوز جىبەرسەك كۇنلۇننىڭ شىڭى دا كورىنەتىن» بولاشاقتى قارسى الا الامىز.

　　«ايلار اۋناپ، ءتورت ماۋسىم ايالسىز اۋىسۋدا». كۇرەسكەرلەرگە ءتان جاڭا داۋىردە بارلىق ادامنىڭ ارمانعا قۇلاش سەرمەۋ ۇقىعى بار، بارلىق ادام دا ارماندى ىسكە اسىرۋشى. بوس قيالعا سالىنباي، قۇر اتاققا دالاقتاماي، العا ۇمتىلۋ جولىندا قۇلشىنا ارمان قۋىپ، جاڭا ءداۋىردىڭ ارمانعا قۇلاش سەرمەۋشىلەرىنەن بولساق، ارماندار اراسىندا ساقتالعان جاسامپازدىقتىڭ ۇلى كۇشىن تۋىنداتىپ، ومىرشەڭدىك قاۋلاعان گۇلدەنۋدىڭ لەبىن قارسى الا الامىز.

　　(شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى)