− چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ اڭگىمە ءماجىلىسى اشىلعاندىعىنىڭ 3 جىلدىعىنا شولۋ
شينحۋا اگەنتتىگىنىڭ تىلشىلەرى ان بەي، ليۋ حۇڭشيا، حى شينرۇڭ، ۋ حۇييىڭ
بۇل مەملەكەتتىڭ دامۋ جالپى جاعدايىنا ساياتىن كەلەلى ستراتەگيا −
2016 - جىلى 1 - ايدىڭ 5 - كۇنى، چۇڭچيڭ، باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ اڭگىمە ءماجىلىسىن باسقارىپ اشتى. باشان تاۋلارى مەن شۋشۇي سۋلارىنان چاڭجياڭنىڭ وڭتۇستىگىندەگى سۋلى وڭىرگە دەيىن، ەكولوگيانى الدىمەن ويلاستىرۋ، جاسىل دامۋ ۇستانىمى تامىر تارتا باستادى.
2018 - جىلى 4 - ايدىڭ 26 - كۇنى، ۋحان، باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشىپ، جاڭا داۋىردەگى جۇڭگونىڭ دامۋىنىڭ جاڭا باعدارىن كورسەتتى.
3 جىل ۋاقىتتا، جۇڭگو ەكونوميكاسىنىڭ جوعارى ساپالى دامۋىنا جەتەكشىلىك ەتەتىن ومىرشەڭ قوسىن تۇلعالانا باستادى.
تۇنىق سۋ، جاسىل تاۋ باعالى بايلىقتىڭ ەسىگىن اشتى
قىس مەزگىلى، جياڭشي ولكەسى فۋجوۋ قالاسى نانفىڭ اۋدانىنىڭ گۋانبيشاڭ ماندارين باقشاسى كورىنىس رايونى ساياحاتشىلارعا لىق تولدى. جاقىنعى جىلداردان بەرى نانفىڭ اۋدانى ماندارين باقشاسىن الەۋمەتتىك باقشاعا وزگەرتىپ، ماندارين كاسىپ سالاسىن ساياحات كاسىپ سالاسىمەن ىشكەرىلەي توعىستىرعان «ءتاتتى كاسىپتى» كۇش سالا قۇردى.
فۋجوۋ قالالىق پارتكومنىڭ شۋجيى شياۋ يدىڭ قاراۋىنشا، ەكولوگيا نەگىزىنىڭ جاقسى بولۋى ازىراق بۇلدىرسەم ەشتەڭە ەتپەيدى دەگەندى استە بىلدىرمەيدى. «وزگەرتۋ جاعىندا ءىس تىندىرۋعا دەن قويىپ، فۋجوۋدىڭ تۇنىق سۋىن، جاسىل تاۋىن، تازا اۋاسىن مال - مۇلىككە، كاپيتالعا، قارجىعا اينالدىرۋعا، فۋجوۋدىڭ ەكولوگيالىق باسىمدىعىن ەكونوميكالىق باسىمدىققا اينالدىرۋعا قۇلشىنۋ كەرەك».
حالىقارالىق ولشەمدەگى كومىرتەگىن جيناۋ نىسانىن تياناقتاندىرىپ، ەكولوگيالىق قىزىل سىزىقپەن باسقارۋ - تىزگىندەۋدىڭ اتقارۋ ءادىسىن شىعاردى... فۋجوۋ ەكونوميكانىڭ دامۋى مەن ەكولوگيالىق وركەنيەت ءبىر - بىرىنە ساي كەلگەن جاڭا جولدى سالدى. 2018 - جىلدىڭ الدىڭعى 3 توقسانىندا، تۇتاس قالانىڭ ءوندىرىس جالپى ءونىم قۇنى سايكەس مەزگىلدەگىدەن %8.9 ارتىپ، بۇكىل ولكەنىڭ %8.8تىك ورتاشا ارتۋ قارقىنىنان جوعارى بولدى.
فۋجوۋ − چاڭجياڭ ەكونوميكالىق بەلدەۋى دامۋىنىڭ ىقشام كورىنىسى. تۇنىق سۋدى، جاسىل تاۋدى قىمباتتى بايلىققا اينالدىرىپ، ەكولوگيانى قورعاۋ بارىسىندا ەكونوميكانى دامىتۋدى جۇزەگە اسىردى −
2018 - جىلى 1 - ايدان 9 - ايعا دەيىن، چاڭجياڭ ەكونوميكالىق بەلدەۋى سۋ ساپاسىنىڭ قيمابەتتىك ساپالىلىق سالىستىرماسى %77.2 بولىپ، 2015 - جىلدىڭ سوڭىنداعىدان 10.2 پايىز جوعارىلادى؛ تولىمسىز Ⅴ تۇردەگى سۋدىڭ سالىستىرماسى %1.8 بولىپ، 2015 - جىلدىڭ سوڭىنداعىدان 4.6 پايىز تومەندەدى.
وسىمەن ءبىر مەزگىلدە، چاڭجياڭ جاعالاۋىنداعى 11 ولكە، قالا، رايوننىڭ ءوندىرىس جالپى ءونىم قۇنى سايكەس مەزگىلدەگىدەن %7.5 ارتىپ، بۇكىل مەملەكەت بويىنشا يەلەگەن سالىستىرماسى %44.1كە جەتىپ، 2016 - جىلداعىدان جانە 2017 - جىلداعىدان جەكە - جەكە 0.9 پايىز جانە 0.4 پايىز جوعارىلادى...
اماليات ەكولوگيالىق ورتانى قورعاۋ مەن ەكونوميكانى دامىتۋدىڭ قاراما - قارسى قايشىلىقتى ەمەس، قايتا ديالەكتيكالىق بىرلىكتە ەكەندىگىن؛ جاپپاي قورعاۋدى بىرگە يگەرۋدىڭ ەكونوميكانىڭ دامۋىنا ىقپال ەتپەيتىندىگىن، قايتا چاڭجياڭ ەكونوميكالىق بەلدەۋىنىڭ ەكولوگيانى الدىمەن ويلاستىرىپ، جاسىل دامۋ جولىمەن ءجۇرۋىن ىلگەرىلەتەتىندىگىن دالەلدەدى.
3 جىلدان بەرى «چاڭجياڭ ەكونوميكالىق بەلدەۋىن دامىتۋدىڭ جوبا باعدارلاماسىن» ءبىر تۇتاس باسشىلىققا الۋ نەگىزىندە، 10 ارناۋلى جوباسىن، 11 اتقارۋ جوباسىن، سونداي - اق ءبىرسىپىرا قولداۋ ساياساتتارىن تىرەك ەتكەن جوبا - ساياسات جۇيەسى نەگىزىنەن قالىپتاسىپ، چاڭجياڭ ەكونوميكالىق بەلدەۋىن دامىتۋدىڭ جوباسى جاسالدى.
1361 زاڭسىز كەمەتۇراق رەتكە سالىندى، بۇنىڭ ىشىندە، 1254ى بۇكىلدەي شاعىلدى ءارى ەكولوگياسى قالپىنا كەلتىرىلدى، 107سىن ارناعا ءتۇسىرىپ، دارەجەسىن كوتەردى؛ «حيميا ونەركاسىبى داريانى قورشاعان» جاعداي العاشقى ادىمدا تەجەلدى...
ۋحان داريا ارقىلى گۇلدەنگەن، دەسەدە، شەكتەن تىس اشۋ داريانى اۋىر لاستادى، ءتىپتى، داريانىڭ ىركىلىسسىز اعۋىنا توسقىندىق جاسادى.
بۇل كۇندەرى چاڭجياڭنىڭ حانكوۋ جاعالاۋى، ۋچاڭ جاعالاۋى، حانياڭ جاعالاۋى، حانجياڭ جاعالاۋى... جالپى ۇزىندىعى 46.9 كيلومەتر، اۋدانى 5 ميلليون 270 مىڭ شارشى مەتر كەلەتىن چاڭجياڭ جاعالاۋىن جاسىلداندىرۋ بەلدەۋى وسى قالانىڭ «جاسىل قوناقجايىنا» اينالدى.
«<تۇنىق سۋ، جاسىل تاۋ − قىمباتتى بايلىق كوزقاراسىن> امالياتتا جاقسى ايگىلەگەن جەرلەردىڭ بارلىعىنىڭ ەكونوميكاسىنىڭ، قوعامىنىڭ دامۋى ەكولوگيانى قورعاۋ سەبەبىنەن توقىراپ قالمادى، قايتا ءتىپتى دە ومىرشەڭدىككە تولىپ، ساپاسى اناعۇرلىم جوعارىلادى»، - دەدى جۇڭگو حالىقارالىق ەكونوميكا اۋىس - ءتۇيىس ورتالىعىنىڭ اعا زەرتتەۋشىسى جاڭ يانشىڭ، ول ءسوزىن جالعاپ بىلاي دەدى: تۇنىق سۋ، جاسىل تاۋ ەشقاشان دا قىمباتتى بايلىقتىڭ كەدەرگىسى ەمەس، قايتا وعان باستاما بولادى.
جوعارى ساپالى دامۋدىڭ قۇدىرەتتى قوزعاۋشى كۇشىن ۇيىستىردى
ەكولوگيالىق ورتانى قورعاۋ، تۇپتەپ كەلگەندە، ەكونوميكالىق قۇرىلىم مەن ەكونوميكانىڭ دامۋ تاسىلىندە بۇرىلىس جاساۋعا بايلانىستى. جوعارى ساپالى دامۋ − ەكولوگيانى الدىمەن ويلاستىرىپ، جاسىل دامۋداعى وتەۋگە ءتيىستى مىندەت، ونان دا ماڭىزدىسى، تابيعي تالعام.
3 جىلدان بەرى چاڭجياڭ ەكونوميكالىق بەلدەۋى تيپىن وزگەرتىپ، دارەجەسىن جوعارىلاتۋعا جاڭالىق اشۋ ارقىلى دەم بەرىپ، جوعارى ساپالى دامۋدىڭ پارمەندى جەتەكتەۋ قۋاتىن قالىپتاستىردى.
جۋىقتا شاڭحاي قالاسىنىڭ جياديڭ رايونى جياڭسۋ ولكەسىنىڭ سۋجوۋ قالاسىمەن، جىجياڭ ولكەسىنىڭ ۋىنجوۋ قالاسىمەن بىرگە وزدەرىنىڭ جاڭالىق اشۋداعى بايلىق فاكتورىن بىرىكتىرىپ، چاڭجياڭ اتىراۋىنىڭ عىلىم - تەحنيكالىق «كوپ بولىپ شارۋاشىلىق قۇرۋ، جالپى قاۋىم جۇمىلا جاڭالىق اشۋ» قىزمەت وتەۋ تەكشەسىن قۇرۋدى ۇيعاردى. «كوپ بولىپ شارۋاشىلىق قۇرۋ، جالپى قاۋىم جۇمىلا جاڭالىق اشۋ» جوعارى مەكتەپتەر، اكادەميا - ورىندار، باقىلاۋ - تەكسەرۋ قۇرىلىمدارى قاتارلى 130 ورىندى قامتىپ، ءىرى تۇرپاتتى اسپاپ - قۇرىلعىلاردان 1705سىمەن قامداپ، وزگە جەردە ەسەپ جابۋدى قولدايدى، ول عىلىم - تەحنيكادا جاڭالىق اشۋدا ءبىر تۇتاس قولدانىلاتىن «بەلەت» سانالادى.
چاڭجياڭ ەكونوميكالىق بەلدەۋىندە، شاڭحايدىڭ عىلىم - تەحنيكادا جاڭالىق اشۋ ورتالىعى بولۋداي باستاماشىلدىق، جەتەكشىلىك رولىن ساۋلەلەندىرگەن، چاڭجياڭ اتىراۋىنىڭ مىعىم كاسىپ نەگىزىن تايانىش ەتكەن، وڭىرلەردىڭ سەلبەسە جاڭالىق اشۋ ورتاق تۇلعاسىن الدىمەن تۇلعالاعان جوعارى ساپالى دامۋعا جەتەكشىلىك ەتەتىن ماڭىزدى قوزعاۋشى كۇش قاينارى قالىپتاسۋدا.
شاڭحايدىڭ پۋدۇڭى، ۋحاننىڭ گۋاڭگۋى، حاڭجوۋدىڭ ينتەرنەتى، سۋجوۋدىڭ جوعارى دەڭگەيدەگى جابدىق جاساۋى، حىفەيدىڭ جاساندى زەردەسى، چىڭدۋدىڭ ارميا مەن حالىقتىڭ توعىسۋى، حۋناننىڭ مادەنيەتتە جاڭالىق اشۋى، گۇيجۋدىڭ ءىرى ساندى مالىمەتى... وزىنە ءتان ەرەكشەلىككە يە جوعارى تەحنيكا مەن ستراتەگيالىق سيپاتتى جاڭادان گۇلدەنگەن كاسىپتەر شوعىرى جەدەل جەتىلدى. 2017 - جىلى چاڭجياڭ ەكونوميكالىق بەلدەۋىندەگى جاڭادان گۇلدەنگەن كاسىپتەردىڭ جالپى ءونىم قۇنى بۇكىل ەلدەگى كولەمنەن جوعارى ونەركاسىپتىڭ جالپى ءونىم قۇنىندا ۇستايتىن سالماعى جوعارىلاپ، %53.9كە جەتتى.
3 جىلدان بەرى جاڭاشا قالا - قالاشىقتاندىرۋ اياق الىسى تەزدەپ، جوعارى ساپالى دامۋدىڭ ماڭىزدى جەبەۋشى كۇشىن قالىپتاستىردى.
«ايلى تۇندە اق وزەن، سانشياعا قاراي بەتتەسەم، ساعىنسام دا تاپپادىم، چۇڭچيڭ ەدى جەتپەگىم». باشان تاۋلارى مەن شۋشۇي سۋلارىنىڭ ارالىعى جوعارى ساپالى دامۋدىڭ اياق الىسىندا ۇزدىكسىز جاقىنداي ءتۇستى.
2015 - جىلدىڭ سوڭىندا چىڭدۋ - چۇڭچيڭ جوعارى قارقىندى تەمىر جولىندا پويەز قاتىناپ، چىڭدۋ مەن چۇڭچيڭ اراسىنداعى قاتىناۋ ۋاقىتىن 1.5 ساعاتقا قىسقارتتى. 2019 - جىلى چىڭدۋ مەن چۇڭچيڭ ەكى ارالىعىنداعى ماڭىزدى قالالاردى تۇتاستىراتىن چىڭدۋ - داجوۋ - ۋانجوۋ تەمىر جولىندا جۇمىس باستالىپ، ەكى جەر ارالىعىنداعى تارام - تارام جولدار اناعۇرلىم تۇتاسا تۇسەدى.
چاڭجياڭ اتىراۋىنىڭ وڭىرلىك ءبىر تۇلعالانا دامۋىن قولداۋ ءارى مەملەكەتتىك ستراتەگيا دەڭگەيىنە كوتەرىلۋىن قولداۋ ءۇشىن، چاڭجياڭ ورتا اعارىنداعى قالالار شوعىرىنىڭ، چىڭدۋ - چۇڭچيڭ قالالار شوعىرىنىڭ ءبىر تۇلعالانا دامۋ ورەسى ۇزدىكسىز جوعارىلادى، چۇڭچيڭ، چىڭدۋ، ۋحان مەملەكەتتىك ورتالىق قالالارىنىڭ قۇرىلىسى جەدەلدەتىلدى، جىجياڭداعى شاعىن قالاشىقتار قاتارلى كاسىپ پەن قالا توعىسقان ءبىر توپ ەرەكشە شاعىن قالاشىق كوپ بولىپ شارۋاشىلىق قۇرۋ، جالپى قاۋىم جۇمىلا جاڭالىق اشۋداعى نەگىزگى بازاعا اينالدى...
3 جىلدان بەرى سىرتقا ەسىك اشۋ ورەسى ۇزدىكسىز جوعارىلاپ، جوعارى ساپالى دامۋعا تىڭ قوزعاۋشى كۇش ۇستەدى.
«گويۋانگاڭ»، بۇرىن چۇڭچيڭداعى ءبىر جەر اتى عانا بولاتىن، ال قازىر حالىقارالىق ساۋدا قاريتاسىنان ءجيى كورىنەتىن بولدى.
2017 - جىلدىڭ سوڭىندا، گويۋانگاڭنان تۇڭعىش جۇڭگو - ەۆروپا كەزەكشى پويەزى جولعا شىعىپ، جۇڭگو - ەۆروپا حالىقارالىق زات تاسىمالى ءىرى ارناسى مەن چاڭجياڭ ءتيىمدى سۋ جولى تۇتاسىپ، ءاربىر سۋ جولى، تەمىر جول بىرلەسكەن جۇك قوراپ تاسىمال زاتتارىنىڭ وتكەرمەلەي تاسۋ وزىندىك قۇنى 1000 يۋان اينالاسىندا ازايدى.
ەسىكتى ايقارا اشۋ رەفورمانى جەبەيدى. التىن سۋ جولى «ءبىر بەلدەۋ، ءبىر جولدى» تۇتاستىرىپ، شاڭحاي، جىجياڭ، حۋبەي، چۇڭچيڭ، سىچۋان ەركىن ساۋدا سىناق رايونىندا رەفورمانى سىناق ەتۋ ۇزدىكسىز ىلگەرىلەتىپ، شار تاراپقا ەسىك اشۋدىڭ جاڭا ءبىر ۇيەگىن جەبەدى.
2018 - جىلى 1 - ايدان 11 - ايعا دەيىن، چاڭجياڭ ەكونوميكالىق بەلدەۋىندە جۇڭگو - ەۆروپا كەزەكشى پويەزىنەن 3562سى قاتىناپ، بۇكىل ەلدە قاتىناۋ جالپى سانىنىڭ %63ىن ۇستاپ، سايكەس مەزگىلدەن %67 ارتتى. 2018 - جىلدىڭ العاشقى 3 توقسانىندا، داريا بويىنداعى 11 ولكە، قالانىڭ يمپورت - ەكسپورت جالپى سوماسىنىڭ بۇكىل ەلدىڭ ارا سالماعىندا ۇستايتىن سالىستىرماسى %44كە جەتتى.
جاپپاي قورعاۋدى بىرگە يگەرۋدىڭ تاعى دا تىڭ ساتىعا كوتەرىلۋىن ىلگەرىلەتتى
ازايتۋ امالىن ىستەگەندە، ازاياتىنى − مۇددە، وزگەرەتىنى − ۇزاق ۋاقىتتىق دامۋ ۇلگىسى، بۇل وڭاي ءىس ەمەس.
قاتىستى تاراۋلار جاسىرىن جاعداي يەلەۋدى ۇيىمداستىرۋدان مىنانى بايقادى: كەيبىر كاسىپورىنداردىڭ سىرت جاقتىڭ تەكسەرۋىنە كورسەتەتىن زاڭدا بەلگىلەنگەن لاس زاتتاردى ىعىستىرۋ ورنىنان شىققان سۋى تۇنىق بولعانىمەن، ءوز الدىنا لاس زاتتاردى ىعىستىرۋ اۋزىن اشىپ لاس سۋدى چاڭجياڭعا ىعىستىرعان؛ داريا بويىنداعى كەيبىر ەكولوگيالىق قورىقتار يەلەنىپ الىنعان؛ كەيبىر تۇرمىستىق لاس زاتتار قالاداعى جاڭبىر سۋىن جيناۋ قۇدىعىنا قۇيىلعاننان كەيىن چاڭجياڭعا قۇيىلعان. ماسەلەنىڭ استارىندا زاڭعا قايشىلىق ىستەۋ وزىندىك قۇنىنىڭ تومەندىگى، جازالاۋدىڭ تياناقتانباۋى، كەيبىر جەرگىلىكتى ۇكىمەتتەردىڭ باقىلاۋ - باسقارۋىنىڭ دارمەنسىزدىگى، ءتىپتى، ىرقىنا قويا بەرۋ، قانات استىنا الۋ، مۇددەلىك ىمىرالاسۋ جاتىر.
ماسەلەنى بايقاماۋ − ەڭ ۇلكەن ماسەلە، ماسەلەنى بايقاي تۇرا ماسەلەدەن تايساقتاۋ − اۋىر قاتەلىك جانە قىزمەت اتقارماعاندىق.
2018 - جىلدىڭ اياعىندا اشىلعان چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋگە باسشىلىق ەتۋ گرۋپپاسىنىڭ ءماجىلىسى: ماسەلەنى باعدار ەتۋدەن جازباي، چاڭجياڭ ەكونوميكالىق بەلدەۋىن جاپپاي قورعاۋدى بىرگە يگەرۋدە تىڭ ىلگەرىلەۋشىلىككە قول جەتكىزۋ كەرەك، - دەپ باسا دارىپتەدى.
باستان - اياق نولدىك توزىمدىلىك تەگەۋرىندى كۇيىن ساقتاپ، چاڭجياڭدى لاستاعان زاڭعا قايشى قىلمىستىق ارەكەتتەرگە قاتاڭ سوققى بەردى؛ چاڭجياڭ ەكونوميكالىق بەلدەۋىنىڭ بىرلەسە ارەكەتتەنۋ مەحانيزمىن ورناتتى؛ چاڭجياڭدى قورعاۋ زاڭىن شىعارۋ اياق الىسىن جەدەلدەتتى...
«ماسەلەنى بايقاۋ مەحانيزمىن، باقىلاۋ - تەكسەرۋ، ساقتاندىرۋ جۇيەسىن ورناتىپ، ەسەپ اشىپ، ءبىر - بىرلەپ شەشىپ، چاڭجياڭنىڭ ەكولوگيالىق ورتاسىن قالپىنا كەلتىرۋدى شىن مانىندە ەڭ باسىم ورىنعا قويۋ كەرەك»، - دەدى مەملەكەتتىك دامۋ جانە رەفورما كوميتەتى نەگىزدىك كاسىپ مەكەمەسىنىڭ باستىعى لو گوسان.
چاڭجياڭ ەكونوميكالىق بەلدەۋىنىڭ جوعارى - تومەنگى اعارى، ەكى جاعالاۋى، نەگىزگى - تارماق اعارى ورگانيكالىق ءبىر تۇتاس تۇلعا، جاپپاي قورعاۋدى بىرگە يگەرۋدىڭ تەتىگى جۇمىلا كۇش شىعارۋدا.
مۇددە قامالىن بۇزۋداعى شەشۋشىسى − تۇزىمگە سۇيەنۋ، وزەگى − ماسەلەنى باعدار ەتۋ.
چاڭجياڭ الابىنىڭ «باس - باسىنا ءبي بولۋ، اركىم جونگە سالۋداي» باقىلاۋ - باسقارۋ جۇيەسىنە مەڭزەس، چاڭجياڭ الابىن باسقارۋ ءتۇزىلىسى رەفورماسىن جەدەلدەتتى −
چاڭجياڭ الابىنىڭ ەكولوگيالىق ورتاسىن باقىلاۋ - باسقارۋ مەكەمەسىن قۇرىپ، باستىسى، الاپتىڭ ەكولوگيالىق ورتاسىن باقىلاۋ - باسقارۋعا جانە اكىمشىلىك زاڭ اتقارۋعا جاۋاپتى ەتتى؛
ۇنامسىز تىزىمدىك بويىنشا باسقارۋ ءتۇزىمىن جەدەل ورناتىپ، باتىل تۇردە باسقارۋدى ەڭ قاجەت ەتەتىن جاعالاۋ جەلىسىن، وزەن بولىگىن، اۋماقتى قاتاڭ باسقارىپ، ءوندىرىس قۋاتى اۋىر دارەجەدە ارتىپ قالعان، لاس زاتتاردى ىعستىرىپ شىعارۋ مولشەرى ەڭ زور، قورشاعان ورتا حاۋىپ - قاتەرى كورنەكتى كاسىپتەردى مىقتاپ باسقارۋعا الدى؛
سۋ ورتاسىنىڭ ساپاسىن باقىلاۋ - تەكسەرۋ، ساقتاندىرۋ مەحانيزمىن ورناتىپ، چاڭجياڭنىڭ سۋ ورتاسىنىڭ ساپاسىنان الدىن الا ساقتاندىرۋدى ورىندادى...
جوعارى - تومەنگى اعاردىڭ ەكولوگياسىن قورعاۋ جانە كاسىپتەردى كەزەكتەستىرىپ سەپتەۋ سياقتى مۇددە ماسەلەلەرىنە مەڭزەس، «كىم تيىمدىلىككە كەنەلسە، سول تولەم بەرۋ» پرينسيبى بويىنشا ەكولوگياعا تولەم بەرۋ مەحانيزمىن ورناتۋعا ىزدەنىس جاسادى −
يۇننان، گۇيجوۋ، سىچۋان ولكەلەرى بىرلەسىپ 200 ميلليون يۋان قارجى شىعارىپ، چىشۇي وزەنى الابىنىڭ ەندىك ەكولوگياسىن قورعاۋعا تولەم بەرۋ قورىن قۇردى؛ انحۇي، جياڭسۋ، جىجياڭ، چۇڭچيڭ، حۋبەي، جياڭشي سياقتى ولكە، قالالار ولكە ىشىندەگى ەكولوگياعا تولەم بەرۋ مەحانيزمىن ىركەس - تىركەس ورناتتى.
داريا بويىنداعى ولكەلەردىڭ مۇددەسىن سايكەستىرۋ ماسەلەسىنە مەڭزەس، سايكەستى دامۋ ءتۇزىلىس - مەحانيزمىندە ۇزدىكسىز جاڭالىق اشتى جانە ونى كەمەلدەندىردى −
قاتىستى تاراۋلار داريا بويىنداعى 11 ولكە، قالامەن بىرگە چاڭجياڭ ەكونوميكالىق بەلدەۋىنىڭ «1 + 3» ولكە ارالىق اقىلداسۋ، سەلبەسۋ مەحانيزمىن ورناتىپ، تومەنگى اعار، جوعارعى اعار، ورتاڭعى اعارداعى كوپ ساتىلى اقىلداسۋ، سەلبەسۋ مەحانيزمىنىڭ سۇلباسىن بىرتىندەپ قالىپتاستىردى...
بۇل ءبىر رەتكى قامال الۋ شايقاسى، مۇددە قامالىن تالقانداپ، باياندى مەحانيزم ورناتىپ، جوعارى ساپالى دامۋعا قوزعاۋشى كۇش ۇيىستىردى؛
بۇل ءبىر رەتكى ۇزاققا سوزىلاتىن سوعىس، ءبىر جوبانى سوڭىنا دەيىن جالعاستىرۋمەن بىرگە، قاجىرلىلىقپەن ىستەپ، ناقتى ىستەر تىندىرىپ، ۇزاق ۋاقىت كۇش سالۋ كەرەك.
1000نان استام كۇندىز بەن تۇندە، جۇڭحۋا ۇلتىنىڭ انا وزەنى جاڭا بەينەگە ەنىپ، جۇڭگو ەكونوميكاسى ءۇشىن ەكولوگيانى الدىمەن ويلاستىرىپ، جاسىل دامۋدىڭ جاڭا جولىن قاراستىردى.
(شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى)
