شي جينپيڭ ورتالىق اسكەري ىستەر كوميتەتىنىڭ اسكەري ىستەر قىزمەتى ماجىلىسىندە مىنانى باسا دارىپتەدى

　　1 - ايدىڭ 4 - كۇنى، ورتالىق اسكەري ىستەر كوميتەتىنىڭ اسكەري ىستەر قىزمەتى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: شي جينپيڭ ورتالىق اسكەري ىستەر كوميتەتىنىڭ 2019 - جىلعى 1 - ءنومىرلى بۇيرىعىنا قول قويىپ، بۇكىل ارمياعا جاتتىعۋدى باستاۋ جونىندە اتتانىسقا كەلتىرۋ بۇيرىعىن جاريالادى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

　　شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى (تىلشىلەرلي شۋانلياڭ، مەي شىشيۇڭ). ورتالىق اسكەري ىستەر كوميتەتىنىڭ اسكەري ىستەر قىزمەتى ءماجىلىسى 1 - ايدىڭ 4 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: بۇكىل ارميا جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، جاڭا باستامادا اسكەري ىستەر كۇرەسىنىڭ دايىندىق قىزمەتىن جاقسى ىستەپ، ارميانى قۇدىرەتتەندىرۋ ىستەرىنىڭ جاڭا جاعدايىن اشۋ كەرەك.

　　شي جينپيڭ سوزىندە مىنانى اتاپ كورسەتتى: پارتيا 18 - قۇرىلتايىنان بەرى قىم - قۋىت كۇردەلى ەل ءىشى - سىرتى جاعدايى مەن جاپالى دا اۋىر اسكەري ىستەر مىندەتى الدىندا، پارتيا ورتالىق كوميتەتى مەن ورتالىق اسكەري ىستەر كوميتەتى اۋقىمدى باعامداپ، جالپى جاعدايدى ءبىر تۇتاس مەڭگەرىپ، بۇكىل ارميانى باستاپ، ەكپىندەي العا ىلگەرىلەپ، قيىندىقتاردان قامال الىپ، قيىنشىلىقتاردى جەڭىپ، اسكەري ىستەر قىزمەتىن كۇرەس بارىسىندا كۇشەيتىپ، جاڭالىق اشۋ بارىسىندا دامىتىپ، كوپتەگەن نىشاندىق، جاڭالىق، تاريحي سيپات الاتىن ەلەۋلى تابىستارعا قول جەتكىزدى. بۇكىل ارميا بۇلجىماس ەرىك - جىگەرىمەن، يكەمدى ستراتەگيالىق تاكتيكاسىمەن، پارمەندى اسكەري ىستەر ارەكەتىمەن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، كۇردەلى جاعداي مەن قاتاڭ كۇرەستىڭ سىنىنان ءوتتى.

　　شي جينپيڭ مىنانى باسا دارىپتەدى: قازىر دۇنيە ءجۇزى 100 جىلدا بولماعان زور وزگەرىسكە ءدوپ كەلدى، ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، سونىمەن بىرگە ءتۇرلى مەجەلەۋگە بولاتىن جانە مەجەلەۋ قيىن حاۋىپ - قاتەرلەر مەن سىن - سايىستار كوبەيۋدە. بۇكىل ارميا ەلىمىزدىڭ حاۋىپسىزدىك جانە دامۋ اۋقىمىن دۇرىس تانىپ جانە يگەرىپ، تاۋقىمەت تانىمىن، قىسىلتاياڭدىق تانىمىن، شايقاس جاساۋ تانىمىن كۇشەيتىپ، اسكەري ىستەر كۇرەسىنىڭ دايىندىق قىزمەتتەرىن تىڭعىلىقتى ىستەپ، پارتيا مەن حالىق جۇكتەگەن بورىش پەن مىندەتتى باتىل ورىنداۋ كەرەك.

　　شي جينپيڭ مىنانى اتاپ كورسەتتى: جاڭا ءداۋىر اسكەري ىستەر ستراتەگيالىق يدەياسىن ورناتۋ، جاڭا ءداۋىر اسكەري ىستەر ستراتەگيالىق باعىتىن ورناتۋ، سوعىسقا دايىندالۋدىڭ، سوعىس جۇرگىزۋدىڭ قولباسشىلىق تاياعىن ورناتۋ، سوعىسقا دايىندالۋدى، سوعىس جۇرگىزۋدى يگەرۋدىڭ جاۋاپكەرشىلىگىن ورناتۋ كەرەك. جاۋىنگەر قوسىن يدەياسىن كۇشەيتىپ، جاۋىنگەرلىك قابىلەت سىندى وسى بىردەن - ءبىر ءتۇبىرلى ولشەمگە تاباندى بولىپ، قىزمەتتەر مەن قۇرىلىستاردى، ءار جاقتاعى كۇشتەر مەن بايلىقتاردى تۇگەلدەي اسكەري ىستەر كۇرەسىنىڭ دايىندىعىنا، اسكەري ىستەر كۇرەسىنە قىزمەت ەتۋ دايىندىعىنا شوعىرلاندىرىپ، اسكەري ىستەر كۇرەسىنىڭ دايىندىق قىزمەتىنىڭ بارىنشا كۇشەيۋىن ىلگەرىلەتۋ كەرەك.

　　شي جينپيڭ مىنانى باسا دارىپتەدى: سوعىس جانە سوعىس جۇرگىزۋ جوباسىن تەرەڭدەتىپ، ءىس تۋىلا قالعاندا تەز دە ۇتىمدى توتەپ بەرۋگە شىنايى كەپىلدىك ەتۋ كەرەك. بىرلەسكەن سوعىس جۇرگىزۋگە قولباسشىلىق ەتۋ جۇيەسى قۇرىلىسىن جەدەل ىلگەرىلەتىپ، بىرلەسكەن سوعىس جۇرگىزۋگە قولباسشىلىق ەتۋ قابىلەتىن جوعارىلاتۋ كەرەك. جاڭاشا سوعىستىق كۇشتەر قۇرىلىسىن كۇشەيتىپ، جاڭا ساپاداعى سوعىستىق كۇشتەردىڭ سالىستىرماسىن ارتتىرۋ كەرەك. ناقتى سوعىستىق اسكەري ىستەر جاتتىعۋىن مىقتى ۇستاپ، اسكەر جاتتىقتىرىپ، سوعىسقا دايىندالۋدىڭ ساپاسى مەن ورەسىن جوعارىلاتۋ كەرەك. ماسەلەنى باعدار ەتۋدەن جازباي، كورنەكتى ولقىلىقتاردى، ءالسىز تۇستاردى بۇلجىماي يگەرىپ، ۇزدىكسىز كۇش سالىپ، ماسەلەلەردى ءبىر - بىرلەپ شەشىپ، تابىسقا قول جەتكىزۋگە شىنايى كەپىلدىك ەتۋ كەرەك.

　　شي جينپيڭ مىنانى اتاپ كورسەتتى: ورتالىق پەن مەملەكەت ورگاندارىنىڭ تاراۋلارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسىنا جانە ارميا قۇرىلىسىنا قولداۋ كورسەتىپ، قاھارمان حالىق ارمياسىن اناعۇرلىم قۇدىرەتتى، اناعۇرلىم جاۋىنگەرلىك قابىلەتكە يە ەتىپ بىرگە قۇرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ءماجىلىستى باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا «ورتالىق اسكەري ىستەر كوميتەتىنىڭ بۇكىل ارميانىڭ سوعىسقا دايىندالۋداعى ۇلگىلى ورىندارىن جانە جەكەلەردى ماداقتاۋ - سيلاۋ جونىندەگى حابارلاندىرۋىن» وقىدى، بۇكىل ارميانىڭ سوعىسقا دايىندالۋداعى ۇلگىلى 10 ورىن، بۇكىل ارميانىڭ سوعىسقا دايىندالۋداعى ۇلگىلى 20 جەكە ماداقتالىپ سيلاندى. شي جينپيڭ قاتارلىلار ماداقتاۋ - سيلاۋ وبيەكتىلەرىنە سيلىق تاراتتى.

　　ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنىڭ تاراۋلارىنداعى، بۇكىل ارميانىڭ ءارقايسى ءىرى ورىندارىنداعى جاۋاپتى جولداستار، ت.ب ماجىلىسكە قاتىناستى.

　　ءماجىلىستىڭ الدىندا، شي جينپيڭ بۇكىل ارميانىڭ سوعىسقا دايىندالۋداعى ۇلگىلى ورىندارىنىڭ ۋاكىلدەرىمەن جانە ۇلگىلى جەكەلەرمەن ىقىلاستى كەزدەسىپ، ولارمەن بىرگە ەستەلىك سۋرەتكە ءتۇستى. شي جينپيڭ ورتالىق اسكەري ىستەر كوميتەتىنىڭ 2019 - جىلعى 1 - ءنومىرلى بۇيرىعىنا قول قويىپ، بۇكىل ارمياعا جاتتىعۋدى باستاۋدىڭ اتتانىسقا كەلتىرۋ بۇيرىعىن جاريالادى.