تيانشان تورابى   ›   جاڭالىقتار   ›   شينجياڭ حابارلارى

حالىقارالىق جوعارى كەرنەۋلى توك جەتكىزۋ سالاسىنداعى ەلەۋلى تەحنيكالىق سەرپىلىس

  سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ەڭ سوڭعى سىناقتان وتكىزۋ ساتىسىنا قادام تاستادى

  ءتىلشى چىن چياڭۋي 1 - ايدىڭ 6 - كۇنى ۇرىمجىدەن حابارلايدى. «سانجى − گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى جۇيەنى سىناقتان وتكىزۋ ساتىسىنا قادام تاستادى، مولشەرمەن وسى ايدىڭ سوڭىندا سىناقتان وتكىزۋ قىزمەتىن اياقتاتادى، بۇل تۇتاس ينجەنەريانىڭ توك جالعانۋدان بۇرىنعى ەڭ سوڭعى قادامى»، - دەدى 1 - ايدىڭ 6 - كۇنى مەملەكەتتىك ەلەكتر تورى شەكتى سەرىكتەستىگى تۇراقتى توك قۇرىلىسى بولىمشە سەرىكتەستىگىنىڭ 1100± كيلوۆولتتىق سانجى كونۆەرتەر پۋنكتى ينجەنەرياسىنىڭ يەگەر نىسان ءبولىمىنىڭ ارناۋلى جاۋاپتىسى پان چيڭسۇڭ.

  سانجى − گۋچۋان 1100±كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ەلىمىز دەربەس جوبالاعان، قۇرعان دۇنيە جۇزىندەگى تۇڭعىش 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، 2016 - جىلى 1 - ايدا قۇرىلىس باستاعان، جالپى ۇزىندىعى 3293 كيلومەتر، مۇندا شينجياڭداعى لەنياسىنىڭ ۇزىندىعى 599 كيلومەتر. بۇل ينجەنەريا مەملەكەت اتقارعان «شينجياڭنىڭ ەلەكترىن سىرتقا جەتكىزۋدەگى» ەكىنشى ەرەكشە جوعارى كەرنەۋلى تۇراقتى توك جەتكىزۋ ينجەنەرياسى جانە بەلگى سيپاتتى ينجەنەريا، سونداي - اق دۇنيە جۇزىندەگى قازىرگى توك كەرنەۋىنىڭ دارەجەسى ەڭ جوعارى، جەتكىزۋ سيىمدىلىعى ەڭ ۇلكەن، جەتكىزۋ ارالىعى ەڭ الىس، تەحنيكالىق دەڭگەيى ەڭ وزىق ەرەكشە جوعارى كەرنەۋلى توك جەتكىزۋ ينجەنەرياسى. ينجەنەريا رەسمي ىسكە قوسىلعاننان كەيىن، ءار جىلى حۋادۇڭ وڭىرىنە 66 ميلليارد كيلوۆات - ساعات توك جەتكىزەدى، ءبىر ۋاقىتتا 30 ۆاتتىق 400 ميلليون شىراقتى جاعا الادى، حۋادۇڭداعى 50 ميلليون وتباسىنىڭ توك ىستەتۋ قاجەتىن قاناعاتتاندىرادى، جىلىنا 30 ميلليون 240 مىڭ توننا كومىر از تاسىمالدانادى.

  2018 - جىلى 3 - ايدىڭ 29 - كۇنى شينجياڭ بولىگىندەگى جالپى جەلى ۇلاستى. 2018 - جىلى 12 - ايدىڭ 31 - كۇنى سانجى - گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى جالپى كەرنەۋمەن توك جەتكىزۋدى ءساتتى باستادى ءارى ينجەنەريانىڭ قولدانىلۋىن ىسكە اسىردى.

  1100 ±كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ − ەلىمىزدىڭ توك سالاسىندا قول جەتكىزگەن ەڭ جاڭا جاڭالىق اشۋ جەتىستىگى، وزىق جوعارى توك كەرنەۋى، ۇلكەن توك اعىنى، جۇمسالىمى تومەن اعىن تۇرلەۋىش تەحنيكاسى مەن جابدىق جاساۋ تەحنيكاسىنان پايدالانىپ، «تۇراقتى توك كەرنەۋىن، اينىمالى توك كەرنەۋىن جانە جەتكىزۋ سيىمدىلىعىن» جاپپاي ءوسىرۋدى ءساتتى جۇزەگە اسىرىپ، 3000 دا 5000 كيلومەتر كولەمىندە نەشە 10 ميلليون كيلوۆاتتىق توك جەتكىزۋ قۋاتىن تۇڭعىش رەت ازىرلەۋى حالىقارالىق جوعارى كەرنەۋلى توك جەتكىزۋ سالاسىنداعى ەلەۋلى تەحنيكالىق شارىقتاۋ. الىس ارالىققا ارزان باعادا توك جەتكىزۋ ەل ارا توك جەتكىزۋ جانە قۇرلىق ارا توك جەتكىزۋ سۇرانىسىن قاناعاتتاندىرىپ، توك جۇيەسى بايلىعىن ساپالى جايعاستىرۋ قابىلەتىن ايرىقشا جوعارىلاتتى. ەرەكشە جوعارى كەرنەۋلى توك جەتكىزۋ تەحنيكاسى ەلىمىز دەربەس اشقان، دۇنيە جۇزىندەگى وزىق توك جەتكىزۋ تەحنيكاسى، سيىمدىلىعى ۇلكەن، الىس ارالىققا جەتكىزۋ، جۇمسالىمى تومەن، جەردى ۇنەمدەۋ سياقتى باسىمدىقتارى بار.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى