تيانشان تورابى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت قاعيداسىن» باسىپ تاراتتى

  شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. جۋىقتا ج ك پ ورتالىق كوميتەتى كەڭسەسى «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت قاعيداسىن» (قىسقارتىپ «قاعيدا» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: 2017 - جىلى 1 - ايدا ورتالىق ءتارتىپ تەكسەرۋ كوميتەتى «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت قاعيداسىن (سىناق رەتىندە اتقارىلادى)» بەلگىلەپ، ءوزىن تەجەۋدى ىرىقتى تۇردە قاتايتىپ، باقىلاۋ، ءتارتىپ اتقارۋ ۇقىعىن ارناعا ءتۇسىرىپ، ادال، كىرشىكسىز، جاۋاپكەرشىل ءتارتىپ تەكسەرۋ، باقىلاۋ - تەكسەرۋ كادرلارى قوسىنىن سومداۋدا ماڭىزدى رول ساۋلەلەندىردى. پارتيا 19 - قۇرىلتايىنىڭ پارتيانى مىزعىماستان جاپپاي جونگە سالۋ جونىندە ستراتەگيالىق ورنالاستىرۋ جاساۋى، پارتيانىڭ ءتارتىپ تەكسەرۋ ءتۇزىلىسى رەفورماسى مەن مەملەكەتتىڭ باقىلاۋ - تەكسەرۋ ءتۇزىلىسى رەفورماسىنىڭ ۇزدىكسىز تەرەڭدەۋى ءتارتىپ تەكسەرۋ، باقىلاۋ - تەكسەرۋ ورگاندارىنىڭ ەرەجە، ءتارتىپ، زاڭ بويىنشا مىندەتىن تولىق وتەۋىنە جاڭا، اناعۇرلىم جوعارى تالاپتار قويدى. پارتيا ورتالىق كوميتەتى ءتارتىپ تەكسەرۋ، باقىلاۋ - تەكسەرۋ قىزمەتىنە وسكەلەڭ ءمان بەرىپ، جاڭا جاعدايعا، جاڭا مىندەتكە ساي قاعيداعا تولىقتىرۋ جاساۋدى ءارى ونى ورتالىقتىڭ پارتيا ىشىندەگى زاڭدىق ەرەجەسى دەڭگەيىنە كوتەرۋدى ۇيعاردى.

  حابارلاندىرۋدا مىنالار اتاپ كورسەتىلدى: «قاعيدا» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، پارتيا ۋستاۆىن ءتۇبىرلى دايەك ەتىپ، پارتيانىڭ ءتارتىپ تەكسەرۋ قىزمەتىنە باسشىلىعىنا تاباندى بولىپ جانە ونى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى كەلەلى ساياسي جاۋاپكەرشىلىك ەتىپ، پارتيا 18 - قۇرىلتايىنان بەرگى ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىنىڭ نازاريالىق، امالياتتىق، تۇزىمدىك جاسامپاز جەتىستىكتەرىن قورىتىندىلاپ، ىشكى تىزگىندەۋ مەحانيزمىن كۇشەيتىپ، باقىلاۋ جاۋاپكەرشىلىگىن اشالاپ، ادال، تاباندى، مىندەت ارقالايتىن، جاۋاپكەرشىلىكتى تولىق وتەيتىن، تارتىپكە باعىناتىن، زاڭعا بويسۇناتىن، كىرشىكسىز، پاك ءتارتىپ تەكسەرۋ، باقىلاۋ - تەكسەرۋ كادرلارى قوسىنىن قۇرۋعا كۇش سالىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتتى.

  حابارلاندىرۋدا مىنالار باسا دارىپتەلدى: تەمىر سوقساڭ قۇرىش بول. ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى (ءتارتىپ تەكسەرۋ، باقىلاۋ - تەكسەرۋ گرۋپپالارى) پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن سولارمەن ساباقتاستىرىپ، شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ،«قاعيدانى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى ويداعىداي يگەرۋ كەرەك. «ءتورت تانىمدى» باس بولىپ نىعايتىپ، ساياسي بەتالىستى ءدال يگەرىپ، ساياسي تۇرعىدان تاپجىلماي، ساياسي قابىلەتتى جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، ۇلكەن دۇرىس، ۇلكەن بۇرىس الدىندا جۇرەكتىلىكپەن ايقىن پوزيتسيا ءبىلدىرىپ، باتىلدىقپەن كۇرەس جۇرگىزۋ كەرەك. پارتيا ورتالىق كوميتەتى الاڭسىز، حالىق جۇرتشىلىعى رازى بولاتىن ۇلگىلى ورگاندى باستاماشىلدىقپەن قۇرىپ، ءتارتىپ اتقارۋدىڭ، زاڭ اتقارۋدىڭ ءتۇرلى ءتۇزىم - بەلگىلەمەلەرىنە قاتاڭ بويسۇنىپ، ۇقىقتى اتقارۋدا اباي بولعان ۇستىنە اباي بولىپ، ءوزىن تەجەۋدە قاتاڭ بولعان ۇستىنە قاتاڭ بولۋ كەرەك. ءتارتىپ اتقارۋ مەن زاڭ اتقارۋدى تۇتاستىرىپ، باقىلاۋ، ءتارتىپ اتقارۋ مەن باقىلاۋ - تەكسەرۋ، زاڭ اتقارۋدى ءبىر تۇلعالاندىرىپ ىلگەرىلەتىپ، ءتارتىپ پەن زاڭ سىندى «ەكى ولشەمدى» ءبىر تۇتاس قولدانىپ، باقىلاۋدىڭ، ءتارتىپ اتقارۋدىڭ «ءتورت ءتۇرلى فورماتسياسىن» تۇتاستىرا قولدانىپ، ءارى ءتارتىپ اتقارۋدا، ءسوزسىز، قاتاڭ بولۋعا تاباندى بولىپ، ءارى ءتارتىپ پەن زاڭدى سايكەستىرۋگە تاباندى بولىپ، شىندىقتى ءىس جۇزىنەن ىزدەپ، دالمە - ءدال، عىلمي بولىپ، شىرىكتەسۋگە قارسى تۇرۋ قىزمەتىنىڭ زاڭمەن جونگە سالىنۋىن، ارناعا ءتۇسۋىن ونان ارى ىلگەرىلەتۋ كەرەك. ءوزىن - ءوزى باقىلاۋدى ىرىقتى تۇردە ورىستەتىپ، سىرتتىڭ باقىلاۋىن سانالى تۇردە قابىلداپ، ءتارتىپ اتقارۋشىنىڭ تارتىپكە قايشىلىق جاساۋىنا، زاڭ اتقارۋشىنىڭ زاڭعا قايشىلىق جاساۋىنا «نولدىك توزىمدىلىك» كورسەتىپ، «شام ءتۇبىنىڭ قاراڭعى بولۋىنان» باتىل ساقتانىپ، پارتيا مەن حالىقتىڭ ادال قورعاۋشىلارى بولۋ كەرەك.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) مەن ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى (ءتارتىپ تەكسەرۋ، باقىلاۋ - تەكسەرۋ گرۋپپاسى) باسشىلىقتى شىنايى كۇشەيتىپ، ءتارتىپ تەكسەرۋ، باقىلاۋ - تەكسەرۋ كادرلارى قوسىنى قۇرىلىسىن ويداعىداي يگەرىپ، «قاعيدانى» ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جاعدايىن باقىلاۋ - تەكسەرۋدى كۇشەيتىپ، پارمەندى تۇردە دايەكتىلەندىرمەگەندەردى، اتقارماعانداردى سىنداپ، تاربيەلەپ، تۇزەتۋگە قۋزاپ، ەرەجە، ءتارتىپ، زاڭ بويىنشا جاۋاپقا تارتىپ جانە جاۋاپكەرشىلىكتى قۋزاستىرىپ، «قاعيداداعى» ءتۇرلى بەلگىلەمەنىڭ تىڭعىلىقتى تياناقتانۋىن ىلگەرىلەتۋ كەرەك.

   «قاعيدا» جالپى 10 تاراۋ، 77 تارماقتان قۇرالعان، 2019 - جىلى 1 - ايدىڭ 1 - كۇنىنەن باستاپ اتقارىلدى. 2017 - جىلى 1 - ايدىڭ 15 - كۇنى ورتالىق ءتارتىپ تەكسەرۋ كوميتەتى باسىپ تاراتقان «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت قاعيداسى (سىناق رەتىندە اتقارىلادى)» ءبىر ۋاقىتتا كۇشىن جويدى. ءتارتىپ تەكسەرۋ، باقىلاۋ - تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەتى جونىندە وسىنىڭ الدىندا جاريالانعان باسقا بەلگىلەمەلەرى وسى قاعيدامەن بىردەي بولماسا، وسى قاعيدا بويىنشا اتقارىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى