تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

باس نىسانانى جۇزەگە اسىرۋعا بىرگە ۇلەس قوسامىن

  ماناس اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى

وزات تۇسىپبەك ۇلى

  مەن جۇڭگو كوممۋنيستىك پارتياسىنىڭ مۇشەسىمىن، كوممۋنيزمگە سەنەمىن، مەنىڭ جۇبايىم «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەسى، 2 بالامنىڭ بىرەۋى بالاباقشادا، ەندى بىرەۋى ورتالاۋ مەكتەپ وقىپ جاتىر، ءبىز ۇلى پارتيامىز بەن ۇلى وتانىمىزدى ەرەكشە قىزۋ سۇيەمىز. مەن بىلاي دەپ ايبىندى سەرت بەرەمىن: مەن ماڭگى پارتياعا العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن، پارتياعا ماڭگى ادال بولامىن.

  پارتيالى كادر رەتىندە، مەن ۇلگى بولىپ، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن، ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، باستان - اياق بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە تۇرىپ، تۇرعىم بەرىك، تۋىم ايقىن بولىپ، «ءۇش ءتۇرلى كۇشكە»، «ەكىبەتكەيلەرگە» قارسى تاباندىلىقپەن، باتىلدىقپەن كۇرەس جۇرگىزىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن باستاماشىلدىقپەن قورعايمىن.

  ورنىقتىلىقتى قورعاۋدىڭ اتويشىسى بولۋعا قۇلشىنامىن. «ءۇش ءتۇرلى كۇش» ۇلتتى جەلەۋ ەتىپ، ءدىن تونىن جامىلىپ، ءدىني ۇشقارى يدەيانى تاراتىپ، ۇلتتىق وشپەندىلىككە جەلىكتىرىپ، زورلىقتى كۇش لاڭكەستىك دەلولارىن تۋدىرىپ، ءار ۇلت حالىق بۇقاراسىنىڭ ومىرىنە، مال - مۇلكىنە اۋىر زيان سالدى. كادرلار قوسىنىنداعى «ەكىبەتكەيلەر» «ءۇش ءتۇرلى كۇشپەن» استاسىپ بۇزاقىلىق ىستەدى، ولار پارتياعا ادالدىعىن جوعالتىپ، پارتياعا كىرگەندەگى سەرتىن ۇمىتتى، ولار پارتيانىڭ ىستەرىنە، شينجياڭنىڭ ورنىقتىلىعىنا، دامۋىنا توتەنشە زور زيان جەتكىزەدى. مەن تۇرعىم بەرىك، تۋىم ايقىن بولىپ، «ءۇش ءتۇرلى كۇشكە»، «ەكىبەتكەيلەرگە» قارسى تاباندىلىقپەن، باتىلدىقپەن سوڭىنا دەيىن قاندى شايقاس جۇرگىزەمىن، استە جاسقانبايمىن.

  پارتيانى ءسۇيۋدىڭ، پارتيانى قورعاۋدىڭ اتويشىسى بولۋعا قۇلشىنامىن. مەن باستان - اياق پارتياعا ابسوليۋتتى ادال بولىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن. ۇلكەن دۇرىس، ۇلكەن بۇرىس ماسەلەسىندە جۇرەكتىلىكپەن ىرىقتى تۇردە ايقىن پوزيتسيا ءبىلدىرىپ، باستان - اياق سەنىمى بەرىك اڭعارلى ادام، ءىشى مەن سىرتى بىردەي شىنايى ادام، تارتىپكە قاتاڭ بويسۇناتىن ءجون - جوسىقتى ادام بولامىن. باستاماشىلدىقپەن «ءۇش ءتۇرلى كۇشكە»، «ەكىبەتكەيلەرگە» قارسى سوعىس جاريالاپ، بولشەكتەۋشىلىككە قارسى تۇرۋ كۇرەسىنىڭ مىندەتى مەن بورىشىن باتىلدىقپەن ارقالاپ، بارلىق بولشەكتەۋشى يدەيالار مەن سوزدەرگە سايىس جاريالاپ، تىنىشتىقتى، ىنتىماقتى بۇلدىرەتىن بارلىق ءسوز - ارەكەتتەرمەن كۇرەس جۇرگىزەمىن.

  ۇلتتار ىنتىماعىنىڭ اتويشىسى بولۋعا قۇلشىنامىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ورىستەتۋ ارقىلى مەن ءتورت تۋىس تاپتىم، ءبىز ءوزارا قامقورلىق جاساپ، ءبىر وتباسىنىڭ ادامدارىنداي بولىپ كەتتىك. مەن ءار ۇلت بۇقاراسىن ءىس جۇزىندىك ارەكەتىم ارقىلى پارتيانىڭ توڭىرەگىنە ىنتىماقتاستىرىپ، ۇلگىلىك رولىمدى ساۋلەلەندىرىپ، ەسكى سالت - سانانى باستاماشىلدىقپەن وزگەرتىپ، ۇلتتار ىنتىماعىن ىلگەرىلەتەتىن جاقسى ىستەردى، ناقتى ىستەردى باستاماشىلدىقپەن ىستەپ، ۇلتتار ىنتىماعىن بۇلدىرەتىن قاتە ءسوز - ارەكەتتەردى باستاماشىلدىقپەن تەجەپ، سانالى تۇردە ۇلتتار ىنتىماعىن قورعاۋ مەن بەكەمدەۋدىڭ ۇلگىسى بولامىن.
 حالىق ءۇشىن قىزمەت ىستەۋدىڭ اتويشىسى بولۋعا قۇلشىنامىن. ءوز ارتىقشىلىقتارىمدى ساۋلەلەندىرىپ، بۇقاراعا سۇيەنىپ، بۇقارامەن بايلانىس ورناتىپ، بۇقارانى ىنتىماقتاستىرىپ، بۇقارانى اتتانىسقا كەلتىرىپ، بۇقارانىڭ ۇساق ءىسىن باستان - اياق ءوزىمنىڭ ۇلكەن ءىسىم رەتىندە قاراپ، بۇقارا كوڭىل بولەتىن ىستەردەن باستاپ ىستەپ، بۇقارا رازى بولاتىن ىستەردەن باستاپ ىستەپ، ءاربىر ءسوز - ارەكەتىمدە ءار ۇلت بۇقاراسىنا جەتەكشىلىك ەتىپ جانە ولارعا يگى ىقپال كورسەتىپ، ءار ۇلت بۇقاراسىن ءدىني ۇشقارى يدەيانىڭ سىنالاپ كىرۋىنە سانالى قارسى تۇرۋعا، زورلىقتى كۇش لاڭكەستىككە سوققى بەرۋدىڭ، ۇشقارىلىقتى تەجەۋدىڭ، ورنىقتىلىقتى قورعاۋدىڭ ناقتى امالياتىنا ىرىقتى ارالاسۋعا باستاپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا بىرگە ۇلەس قوسامىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى