تيانشان تورابى   ›   جاڭالىقتار   ›   شينجياڭ حابارلارى

شينجياڭنىڭ جولاۋشى ۇشاقتارىنىڭ قالىپتى ۇشۋ - قونۋى تاريحتاعى ەڭ تاماشا دەڭگەيگە جەتتى

  ءۇرىمجى اۋەجايى جۇڭگونىڭ ۇلى قۇرلىق وڭىرىندەگى 10 ميلليون دارەجەلى اۋەجايلار ىشىندە ۇشاق ءدال ۋاعىندا ۇشاتىن اۋەجايعا اينالدى  

  ءتىلشى ما ينيڭ 1 - ايدىڭ 7 - كۇنى ۇرىمجىدەن حابارلايدى. حالىقتىق اۆياتسيا شينجياڭ باسقارۋ مەكەمەسىنەن ۇعىسۋىمىزشا، 2018 - جىلى شينجياڭ رايونىنىڭ جولاۋشى ۇشاقتارىنىڭ قالىپتى ۇشۋ - قونۋى ورتا ەسەپپەن %85.0كە، ءۇرىمجى ديوپۋ حالىقارالىق اۋەجايىنىڭ ۇشاقتى قالىپتى ۇشىرۋ ورتاشا مولشەرى %88.1كە، بۇكىل شينجياڭداعى اۋەجايلاردىڭ ۇشاقتى قالىپتى ۇشىرۋ ورتاشا مولشەرى 90.3% كە جەتىپ، بىلتىرعى سول تۇستاعىدان جەكە - جەكە %8.2، %3.6، %3.2 ارتىپ، ءۇش تۇردەگى ولشەم تۇگەلدەي بۇكىل ەلدىڭ ورتاشا شاماسىنان جوعارى بولىپ، تاريحتاعى ەڭ تاماشا دەڭگەيگە جەتكەن.

  ءۇشىنشى جاق قوعامدىق باعالاۋ قۇرىلىمى − «فيچاڭجۇن» سەرىكتەستىگى جاريالاعان «2018 - جىلعى دۇنيە جۇزىندەگى اۋەجايلار مەن اۆياتسيا سەرىكتەستىكتەرىنىڭ كەسەتىمدى ۋاقىت مولشەرى جونىندەگى بايانداماسىندا» ءۇرىمجى ديوپۋ حالىقارالىق اۋەجايىنىڭ جۇڭگونىڭ ۇلى قۇرلىق وڭىرىندەگى 10 ميلليون دارەجەلى 37 اۋەجاي ىشىندە ۇشاق ءدال ۋاعىندا ۇشاتىن اۋەجايعا اينالعاندىعى، جولاۋشى ۇشاقتارىنىڭ قالىپتى ۇشۋى بىرتىندەپ جوعارى دامۋ ساتىسىنا قادام تاستاعاندىعى كورسەتىلگەن.

  بىلتىردان بەرى، حالىقتىق اۆياتسيا شينجياڭ باسقارۋ مەكەمەسى جولاۋشى ۇشاقتارىنىڭ قالىپتى ۇشۋ - قونۋىن باسقارۋ قىزمەتىن اناعۇرلىم كۇشەيتىپ، ءۇرىمجى ديوپۋ حالىقارالىق اۋەجايى جۇمىس جۇرگىزۋدى سايكەستىرۋ، باسقارۋ كوميتەتىن قۇرۋعا كومەكتەسىپ، جۇمىس جۇرگىزۋ، سايكەستىرۋ جونىندە شەشىم جاساۋ ونىمدىلىگىن جوعارىلاتتى. اۋا رايى ينفورماتسياسىنان بىرگە يگىلىكتەنۋ دەڭگەيى مەن قامتاماسىز ەتۋ قابىلەتىن، سونداي - اق جولاۋشىلاردىڭ جول ورتادا ۇشاق اۋىستىرۋىن قامتاماسىز ەتۋ قابىلەتىن كۇش سالا ءوسىرىپ، اۆياتسيا سەرىكتەستىگىنىڭ جۇمىس جۇرگىزۋدى باسقارۋ، اۋەجايدىڭ قامتاماسىز ەتۋ، باسقارۋ، اۋە قاتىناسىن باسقارۋ، قىزمەت كورسەتۋدى باسقارۋ جانە ۇكىمەتتىڭ باقىلاۋ - باسقارۋ جۇيەسى اناعۇرلىم كەمەلدەندى. جولاۋشى ۇشاقتارىنىڭ قالىپتى ۇشۋ - قونۋىن باقىلاۋ - تەكسەرۋ قىزمەتىن ۇزدىكسىز كۇشەيتىپ، «شينجياڭ وڭىرىندەگى جولاۋشى ۇشاقتارىنىڭ قالىپتى ۇشۋ - قونۋىن باعالاۋ كورسەتكىشى مەن شەكتەۋ شارالارىن (ۋاقىتشا اتقارىلادى)» شىعارىپ، ءارقايسى ورىنداردىڭ سايكەستىك جاۋاپكەرلىكتى تياناقتاندىرۋىن قاتاڭ باقىلاپ، ءۇرىمجى ديوپۋ حالىقارالىق اۋەجايىنىڭ قىس، كوكتەم مەزگىلدەرىندە جولاۋشى ۇشاقتارىنىڭ ۇشۋى كەڭ كولەمدە كەشەۋىلدەۋى سىندى توسىن جاعدايدى ءبىر جاقتى ەتۋ قىزمەتىن ويداعىداي ىستەۋدى ءتۇيىندى باقىلاپ، بايلىق قۋاتىنداعى ولقىلىقتاردى تولىقتىرىپ، جۇمىس جۇرگىزۋ ساپاسىن ءوسىردى. بىلتىر 1 - ايدىڭ 4 - كۇنى شينجياڭنىڭ ADS-B اۋە قاتىناسىن باسقارۋى 2 - ساتىعا ءوتىپ، شينجياڭ وڭىرىندە سەكتورلىق ۇقساس بيىكتىكتە 40 كيلومەتر ارالىق تاستاپ ۇشۋدى ىسكە اسىردى ءارى ADS-B جەتەكتەۋ قىزمەت كورسەتۋىمەن قامداپ، حاۋىپسىز اينالىمعا جانە جولاۋشى ۇشاقتارىنىڭ قالىپتى ۇشۋ - قونۋىن قامتاماسىز ەتۋ قابىلەتى كورنەكتى جوعارىلادى. سونىمەن بىرگە، ءۇرىمجى ديوپۋ حالىقارالىق اۋەجايى جۇمىس جۇرگىزۋدى سايكەستىرۋ، باسقارۋ كوميتەتى مەن قار - مۇز تازالاۋ كوميتەتى ءبىر تۇتاس سايكەستىرىپ، اۋا رايىنان الدىن الا مالىمەتكە نەگىزدەلىپ، قار - مۇزدى اۋا رايىندا جولاۋشى كەزەكشى ۇشاقتارىن رەتتەۋ جوباسىن بەكىتىپ، اۋەجايدىڭ سىرعىما جولىنداعى قار - مۇزداردى تازالاۋ مەن ۇشاق مۇزىن تازالاۋ، مۇزدان ساقتانۋ قىزمەت ءتارتىبىن اشالاپ، ساپالىلاندىرىپ، جۇمىس جۇرگىزۋدى قالپىنا كەلتىرۋ ۋاقىتىن 50 مينۋتتان 40 مينۋتقا قىسقارتتى.

  قازىر شينجياڭ حالىق اۆياتسياسى «بايلىق قۋاتى، ينفورماتسيانى ىركىلىسسىزدەندىرۋ، سايكەسە بىرگە ارەكەتتەنۋ، جىلدام ءبىر جاقتى ەتۋ» نەگىزدىك قىزمەتىن اناعۇرلىم كۇشەيتىپ، جولاۋشى كەزەكشى ۇشاقتارىنىڭ قالىپتى ۇشۋ - قونۋ قىزمەتى جۇيەسى قۇرىلىسىن كەمەلدەندىردى؛ ADS-B دىڭ 2 - ساتىداعى جۇمىس جۇرگىزۋ قىزمەتىنە سۇيەنىپ، 3 - ساتىداعى جۇمىس جۇرگىزۋدى دەر كەزىندە ىلگەرىلەتتى؛ ءۇرىمجى اۋەجايىنىڭ A-CDM جۇيەسىنىڭ جۇمىس جۇرگىزۋىن ىلگەرىلەتىپ، اۋەجاي جۇمىس جۇرگىزۋدى سايكەستىرۋ، باسقارۋ كوميتەتىنىڭ جۇمىس مەحانيزمىن كەمەلدەندىرىپ، جولاۋشىلار ۇشاقتارىنىڭ قالىپتى ۇشۋ - قونۋ قىزمەتىنىڭ عىلميلىعىن، دالدىگىن اناعۇرلىم ارتتىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى