تيانشان تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى اشىلدى

  چىن چۋانگو، شوكىرات زاكىر ءسوز سويلەدى، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين قاتىناستى

  1 - ايدىڭ 7 - كۇنى اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جاڭا دامۋ ۇستانىمدارىن دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، 2018 - جىلعى ەكونوميكالىق قىزمەتتى قورىتىندىلاپ، 2019 - جىلعى ەكونوميكالىق قىزمەتتى ورنالاستىردى.

  اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قورىتىندى ءسوز سويلەدى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، شۇي حايرۇڭ، ەركىن تۇنياز، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي ماجىلىسكە قاتىناستى.

  ماجىلىستە مىنالار اتاپ كورسەتىلدى: باس شۋجي شي جينپيڭنىڭ ورتالىقتىڭ ەكونوميكالىق قىزمەت ماجىلىسىندە سويلەگەن ماڭىزدى ءسوزى 2018 - جىلعى ەلىمىزدىڭ ەكونوميكالىق، قوعامدىق دامۋىندا قولعا كەلگەن جاڭا جەتىستىكتەردى جۇيەلى قورىتىندىلاپ، كەزەكتەگى ەل ءىشىنىڭ ەكونوميكالىق جاعدايىنا ىشكەرىلەي تالداۋ جاساپ، ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر ءارى وندا ۇزاق ۋاقىت تۇرادى دەگەن ماڭىزدى تۇجىرىمدى جانە جاڭا ىشكى مازمۇندى تەرەڭدەي بايىمداپ، 2019 - جىلعى ەلىمىزدىڭ ەكونوميكالىق دامۋىنىڭ جالپىلىق تالابىن، ساياساتتىق بەتالىسىن جانە ءتۇيىندى مىندەتتەرىن عىلمي ورنالاستىرىپ، ءبىزدىڭ بيىلعى ەكونوميكالىق قىزمەتتى ويداعىداي ىستەۋىمىز ءۇشىن ايقىن العا باسۋ بەتالىسىن كورسەتىپ، ءتۇبىرلى ولشەم ازىرلەدى. مۇقيات ۇيرەنىپ، تەرەڭ ءتۇسىنىپ، شىنايى تۇردە يدەيا مەن ارەكەتتى ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ بيىلعى ەكونوميكالىق قىزمەت تۋرالى شەشىمدەرىمەن، ورنالاستىرۋلارىمەن بىرلىككە كەلتىرىپ، بۇكىل رايون ەكونوميكاسىنىڭ جوعارى ساپالى دامۋىنىڭ تىڭ جەتىستىكتەرگە قول جەتكىزۋىن ىلگەرىلەتۋ كەرەك.

  ماجىلىستە مىنالار اتاپ كورسەتىلدى: 2018 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايوندا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن مۇقيات دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيانىڭ ەكونوميكالىق قىزمەتكە باسشىلىعىن كۇشەيتىپ، جاڭا دامۋ ۇستانىمىن دايەكتىلەندىرىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، جوعارى ساپالى دامۋعا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتتى. قوعامدىق جالپى جاعداي جاراسىمدى، ورنىقتى بولىپ، ەكونوميكا ورنىقتى، اقاۋسىز دامىپ، ساپا ونىمدىلىگى كورنەكتى جوعارىلاپ، ءۇش ۇلكەن قامال الۋ شايقاسى تاماشا باستاما كورسەتىپ، رەفورما جاساۋ، ەسىك اشۋ ورنىقتى ىلگەرىلەپ، بۇقارانىڭ تۇرمىسى ۇزدىكسىز جاقسارىپ، ەكونوميكا، قوعام بەلسەندى، جاقسى بەتالىسقا قاراي دامۋ كۇيىن ساقتادى. جاعدايدى جىعا تانىپ، سەنىمدى بەكەمدەپ، ناتيجەنى تۇراقتاندىرىپ، ماسەلەلەرگە دۇرىس قاراپ، ورايدى يگەرىپ، بيىلعى ەكونوميكالىق قىزمەتتى ويداعىداي ىستەۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتۋ كەرەك.

  ماجىلىستە مىنالار باسا دارىپتەلدى: بيىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى. بيىلعى ەكونوميكالىق قىزمەتتى ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، جاڭا دامۋ ۇستانىمدارىنا تاباندى بولىپ، جوعارى ساپالى دامۋدى ىلگەرىلەتۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، بازارلاندىرۋ رەفورماسىن تەرەڭدەتۋگە، جوعارى دەڭگەيلى ەسىك اشۋدى كەڭەيتۋگە تاباندى بولىپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىن تياناقتاندىرىپ، وسىزاماندانعان ەكونوميكالىق جۇيە ورناتۋدى جەدەلدەتىپ، ءۇش ۇلكەن قامال الۋ شايقاسىن ۇزدىكسىز تىڭعىلىقتى جۇرگىزىپ، ميكرو تۇلعالاردىڭ ومىرشەڭدىگىن قاۋلاتۋعا كۇش سالىپ، ماكرولىق رەتتەۋدە جاڭالىق اشىپ جانە ونى كەمەلدەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەرلەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ ىلگەرىلەتىپ، ەكونوميكانىڭ اينالىمىن ۇيلەسىمدى ارالىقتا ساقتاپ، جۇمىسقا ورنالاسۋدى، فينانستى، سىرتقى ساۋدانى، شەتەل قارجىسىن، قارجى قوسۋدى، مەجەنى ونان ارى ورنىقتىرىپ، بازاردىڭ سەنىمىن ارتتىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتىپ، قوعامدىق جالپى جاعدايدىڭ ورنىقتىلىعى مەن ەكونوميكانىڭ ۇزدىكسىز اقاۋسىز دامۋىن ساقتاپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قارسى الۋ كەرەك.

  ماجىلىستە مىنالار باسا دارىپتەلدى: «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» باعىتىن دەن قويا يگەرىپ، جاپپاي دايەكتىلەندىرىپ، ونى كەزەكتەگى جانە بۇدان كەيىنگى ءبىر مەزگىلدەگى قامداۋ جاعىنداعى قۇرىلىمدىق رەفورمانى تەرەڭدەتۋدىڭ، ەكونوميكانىڭ جوعارى ساپالى دامۋىن ىلگەرىلەتۋدىڭ جالپىلىق مەڭگەرەتىن تالابى ەتىپ، جەر - جەردىڭ، تاراۋلاردىڭ ءىس جۇزىندىك جاعدايىمەن تىعىز بىرلەستىرە وتىرىپ ناقتى شارالاردى قولعا الىپ، رەفورما ادىسىنەن كوبىرەك پايدالانىپ، بازارلاندىرۋ، زاڭمەن جونگە سالۋ ءتاسىلىن كوبىرەك قولدانىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» تابىستارىن كۇش سالا بەكەمدەپ، ميكرو تۇلعالاردىڭ ومىرشەڭدىگىن كۇش سالا قاۋلاتىپ، كاسىپ سالاسى تىزبەگىنىڭ دەڭگەيىن كۇش سالا جوعارىلاتىپ، ەكونوميكالىق اينالىمدى كۇش سالا ىركىلىسسىزدەندىرىپ، ەكونوميكالىق، قوعامدىق دامۋدا جاڭا ناتيجەگە قول جەتكىزۋدى ىلگەرىلەتۋ كەرەك.

  ءبىرىنشى، ءۇش ۇلكەن قامال الۋ شايقاسىن ۇزدىكسىز تىڭعىلىقتى جۇرگىزۋ كەرەك. اۋىر حاۋىپ - قاتەرلەردەن ساقتانۋ جانە ونى شەشۋدەن قامال الۋ شايقاسىن تىڭعىلىقتى جۇرگىزىپ، ۇكىمەتتىك قارىز قاتەرى تۋىلماۋ، جۇيەلىك فينانس قاتەرى تۋىلماۋ سىندى تومەنگى شەكتى قاتاڭ ساقتاۋ كەرەك. كەدەيلىكتەن دالمە - ءدال ارىلتۋدان قامال الۋ شايقاسىن تىڭعىلىقتى جۇرگىزىپ، 2020 - جىلى قازىرگى ولشەمدەگى اۋىل - قىستاق كەدەي حالقىن تۇگەلدەي كەدەيلىكتەن ارىلتۋعا، كەدەيلىكتى تۇبەگەيلى جويۋعا كەپىلدىك ەتۋ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋىنا، وڭىرلىك تۇتاس تۇلعالىق كەدەيلىك ماسەلەسىن شەشۋگە كەپىلدىك ەتۋ كەرەك. لاستانۋدان ساقتانۋ مەن ونى تىزگىندەۋدەن قامال الۋ شايقاسىن جاقسى جۇرگىزىپ، ەكولوگيالىق فۋنكتسيالىق قامتاماسىز ەتۋدىڭ نەگىزدىك جەلىسىن، قورشاعان ورتا ساپاسىنىڭ حاۋىپسىزدىك تومەنگى شەگىن، تابيعي بايلىقتاردان پايدالانۋدىڭ جوعارعى شەگىن باتىل ساقتاۋ كەرەك.

  ەكىنشى، «ءۇش ماڭىزدى ءتۇيىندى» تىڭعىلىقتى ىلگەرىلەتۋ كەرەك. جىبەك جولى ەكونوميكالىق بەلدەۋىندەگى وزەكتى رايون قۇرىلىسىن مىقتى يگەرىپ، «ءبىر پورت»، «ەكى رايون»، «بەس ۇلكەن ورتالىق»، «شەكارا وتكەلى ەكونوميكالىق بەلدەۋى» قۇرىلىسىن كۇش سالا ىلگەرىلەتۋ كەرەك. اۋىل - قىستاقتى كوركەيتۋ ستراتەگياسىن زور كۇشپەن اتقارىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتىڭ كاسىپتەرىن وركەندەتۋدى، دارىندىلارىن وركەندەتۋدى، مادەنيەتىن وركەندەتۋدى، ەكولوگياسىن وركەندەتۋدى، ۇيىمدارىن وركەندەتۋدى تىڭعىلىقتى ىلگەرىلەتۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن بۇلجىتپاي اتقارىپ، ساياحات بايلىعىنداعى ءىرى رايوننان ساياحات ەكونوميكاسىنداعى قۇدىرەتتى رايونعا سەكىرۋدى جەدەلدەتۋ كەرەك.

  ءۇشىنشى، ناقتى ەكونوميكانى زور كۇشپەن دامىتۋ كەرەك. اۋىل شارۋاشىلىعى قوسىمشا ونىمدەرىن مانەرلەۋ كاسىبىن كۇش سالا دامىتىپ، اۋىل شارۋاشىلىعىن كاسىپ سالالاندىرۋدى ىلگەرىلەتۋ، اۋىل شارۋاشىلىعىنىڭ جالپى كاسىپ تىزبەگىندىك دامۋىن ىلگەرىلەتۋ؛ ونەركاسىپتىڭ تۇرلەنۋىن، جاڭالانۋىن كۇش سالا ىلگەرىلەتىپ، ءداستۇرلى كاسىپتەرگە ماڭىزدى تەحنيكالىق وزگەرىس جاساۋ جانە ونى جاڭالاۋ ينجەنەرياسىن اتقارىپ، جاساۋ كاسىبى بازاسى قۇرىلىسىن جەدەل ىلگەرىلەتىپ، ستراتەگيالىق جاڭا وركەندەگەن كاسىپتەردى زور كۇشپەن دامىتۋ؛ ەڭبەك شوعىرلانعان كاسىپتەردى كۇش سالا دامىتىپ، كاسىپتەر شوعىرىن قالىپتاستىرىپ، ەڭبەككۇشتەردى جوعارى تىعىزدىقپەن جۇمىسقا ورنالاسۋعا تارتۋ؛ وسى زامانعى قىزمەت وتەۋ كاسىبىن كۇش سالا دامىتىپ، ەكونوميكانىڭ جوعارى ساپالى دامۋىن ىلگەرىلەتۋ ءۇشىن جاڭا قوزعاۋشى ەنەرگيا جانە باسىمدىق ۇستەۋ كەرەك.

  ءتورتىنشى، رەفورما جاساۋدى تەرەڭدەتىپ، ەسىك اشۋدى كەڭەيتۋ كەرەك. ءتۇيىندى سالالارداعى رەفورمالاردى تەرەڭدەتىپ، قوعامدىق جونگە سالۋ جۇيەسىندە جاڭالىق اشىپ، قامداۋ جاعىنداعى قۇرىلىمدىق رەفورمانى تەرەڭدەتىپ، مەملەكەت يەلىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىن جەدەلدەتىپ، قازىنا، سالىق، فينانس ءتۇزىلىسى رەفورماسىن تەرەڭدەتىپ، ۇكىمەت فۋنكتسياسىنا شىنايى بۇرىلىس جاساۋ؛ ىشكە، سىرتقا ەسىك اشۋدى جەدەلدەتىپ، وڭىرلىك ورىن باسىمدىعىن تولىق ساۋلەلەندىرىپ، بازارعا كىرۋ رۇقساتىن كەڭەيتىپ، ەسىك اشۋ اياق الىسىن تەزدەتىپ، شينجياڭعا باعىتتامالى كومەكتەسۋ تۇعىرىنان جاقسى پايدالانىپ، كاسىپ سالاسى ارقىلى شينجياڭعا كومەكتەسۋ سەرپىنىن ارتتىرىپ، شىعىس بولىك تەڭىز جاعالاۋىنداعى دامىعان وڭىرلەردىڭ كاسىپ سالالارىن كوشىرۋىن بەلسەنە قابىلداپ، «سىرتقا شىعارۋ» مەن «ەنگىزۋدى» بىرلەستىرۋگە تاباندى بولىپ، باتىسقا ەسىك اشۋدى ىلگەرىلەتۋ كەرەك.

  بەسىنشى، نەگىزدىك قۇرىلعى قۇرىلىسىن ىلگەرىلەتۋ كەرەك. رەفورما ادىسىنەن پايدالانۋعا، بازارلاندىرىپ جۇمىس جۇرگىزۋ تاسىلىنە تاباندى بولىپ، قوعامدىق كاپيتالدى قاتىناس، سۋ يگىلىگى، ەنەرگيا، قالا - قالاشىق سياقتى نەگىزدىك قۇرىلعى سالالارىنا سالۋعا جۇمىلدىرىپ، ءونىمدى قارجى قوسۋدى زور مولشەردە يكەمدەپ، شينجياڭ ەكونوميكاسىنىڭ دامۋىنا تۇساۋ بولىپ وتىرعان بوگەتتەردى جەدەل ارىلتۋ كەرەك.

  التىنشى، قازىنا، سالىق، فينانس قىزمەتىن ويداعىداي ىستەۋ كەرەك. زاڭ بويىنشا سالىق جيناۋعا تاباندى بولىپ، سالىقتى جەڭىلدەتۋ، اقىنى تومەندەتۋ ساياساتىن مۇقيات تياناقتاندىرىپ، قازىنالىق شىعىس قۇرىلىمىن ساپالىلاندىرىپ، مەجە ەسەپ ونىمدىلىگىن باسقارۋدى جاپپاي ىلگەرىلەتۋ؛ فينانستىڭ ناقتى ەكونوميكاعا قىزمەت كورسەتۋىن ارقاۋ ەتىپ، جالپىعا بىردەي فينانستىق قىزمەت جۇيەسىن كەمەلدەندىرىپ، فينانس قۇرىلىمدارىن جەرگىلىكتى ەكونوميكالىق، قوعامدىق دامۋعا قولداۋ كورسەتۋ سەرپىنىن ارتتىرۋعا جەتەكتەپ، كاسىپورىنداردىڭ تىكەلەي قارجى قۇراۋ ارنالارىن كەڭەيتۋىنە قولداۋ كورسەتۋ كەرەك.

  جەتىنشى، حالىقتىق شارۋاشىلىقتى زور كۇشپەن دامىتۋ كەرەك. باس شۋجي شي جينپيڭنىڭ حالىقتىق كاسىپورىنداردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، حالىقتىق شارۋاشىلىقتىڭ دامۋىنا قولداۋ كورسەتەتىن ساياسات - شارالاردى كەمەلدەندىرىپ، ءادىل باسەكەلىك ورتا قالىپتاستىرىپ، ساياساتتىق قولداۋ سەرپىنىن ارتتىرىپ، تۇرلەندىرۋدى، جاڭالاۋدى جەدەل ىلگەرىلەتىپ، ەتەنە، كىرشىكسىز ۇكىمەت - ساۋدا قاتىناسىن ورناتىپ، كاسىپكەرلەردىڭ كاسىپ ىستەپ، شارۋاشىلىق قۇرۋىن قۇرمەتتەيتىن، ىنتالاندىراتىن جانە قورعايتىن تاماشا ورتا ازىرلەۋ كەرەك.

  سەگىزىنشى، حالىق تۇرمىسىن قامتاماسىز ەتۋ جانە جاقسارتۋ كەرەك. بار كۇشىن سالىپ ءىس تىندىرۋعا، كورپەگە قاراي كوسىلۋگە تاباندى بولىپ، حالىققا ءتيىمدى توعىز ءتۇرلى ينجەنەريانى تىڭعىلىقتى ىلگەرىلەتىپ، جۇمىسقا ورنالاسۋدى ورنىقتىرىپ جانە كەڭەيتىپ، وقۋ - اعارتۋدىڭ ساپاسىن جانە دەڭگەيىن جوعارىلاتىپ، دەنساۋلىق ساقتاۋ، سالاماتتىق بويىنشا حالىققا تيىمدىلىك جاساۋدى ىلگەرىلەتىپ، قوعامدىق قامتاماسىزداندىرۋ بويىنشا تومەنگى شەكتەن تۇسىرمەۋدى كۇشەيتىپ، قالا - اۋىل تۇرعىندارىن الاڭسىز قونىستاندىرۋ قىزمەتىن ويداعىداي ىستەپ، حاۋىپسىزدىك جۇيەسى قۇرىلىسىن كۇشەيتىپ، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم كۇشتى بولۋىنا مۇمكىندىك جاساۋ كەرەك.

  توعىزىنشى، بيڭتۋان رەفورماسىن تىڭعىلىقتى ىلگەرىلەتۋ كەرەك. نازاردى باس نىساناعا بۇلجىتپاي شوعىرلاندىرىپ، جاڭا دامۋ ۇستانىمىن دايەكتىلەندىرىپ، رەفورمانى تەرەڭدەتىپ، ومىرشەڭدىكتى قاۋلاتىپ، بيڭتۋان مەن جەرگىلىكتى ورىندى ءبىر تۇلعادا ءبىر تۇتاس ورنالاستىرىپ دامىتىپ، بيڭتۋان ەكونوميكاسىنىڭ جوعارى ساپالى دامۋىن ىلگەرىلەتىپ، بۇكىل رايون ەكونوميكاسىنىڭ دامۋى ءۇشىن اناعۇرلىم كەسەك ۇلەس قوسۋ كەرەك.

  ونىنشى، جوعارى ساپالى دامۋ ءۇشىن جاراسىمدى دا ورنىقتى قوعامدىق ورتا قالىپتاستىرۋ كەرەك. اناعۇرلىم ۇيلەسىمدى، بايىپتى، جان - جاقتى، تىڭعىلىقتى بولۋدى ماڭىزدى پرينسيپ ەتىپ، اسا قىراعىلىقپەن ساقتىق دابىلىن ۇزاق قاعىپ، جاۋاپكەرشىلىكتى كۇشەيتىپ، شارالاردى كەمەلدەندىرىپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، امالياتتىڭ سىننان وتكەن ءونىمدى شارالاردى ۇدايىلاندىرۋ، باياندى ەتۋ، قوعامدىق جالپى جاعدايدىڭ ءۇرتىس جاراسىمدى دا ورنىقتى بولۋىن قۇلشىنا ىسكە اسىرىپ، جوعارى ساپالى دامۋدى قۇلشىنا ىلگەرىلەتۋ كەرەك.

  ءماجىلىس مىنالاردى اتاپ كورسەتتى: پارتيانىڭ باسشىلىعىن شىن مانىندە كۇشەيتىپ، ەكونوميكالىق قىزمەتكە باسشىلىق ەتۋ قابىلەتى مەن ورەسىن كۇش سالا جوعارىلاتۋ كەرەك. ءار دارەجەلى پارتكومدار مەن ۇكىمەتتەر «ءتورت تانىمدى» شىن مانىندە بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن باتىل دايەكتىلەندىرۋ كەرەك. «ەكى القا» عىلمي مەحانيزمىنە تاباندى بولۋ، ءار دارەجەلى پارتكومدار ءىرى ىستەردى باسقارۋ، ءىرى ىستەردى اقىلداسۋ، ەكونوميكالىق جاعدايعا مەرزىمدى تۇردە زەرتتەۋ جۇرگىزۋ، تالداۋ جاساۋ، كەلەلى ەكونوميكالىق ىستەر جونىندە شەشىم جاساۋ كەرەك؛ ءار دارەجەلى ۇكىمەتتەر مىندەتىن وتەپ، جاۋاپكەرشىلىگىن ادا ەتىپ، باتىلدىقپەن جاۋاپكەرشىلىك ارقالاپ، ناقتاپ يگەرىپ، شىنايى ىستەپ، ەكونوميكالىق قىزمەتتى بار كۇشپەن ويداعىداي يگەرۋ كەرەك. ءار دارەجەلى باسشى كادرلار شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن ىشكەرىلەي ۇيرەنىپ، مۇنى جاڭا دامۋ ۇستانىمىن دايەكتىلەندىرۋدىڭ، جوعارى ساپالى دامۋدى ىلگەرىلەتۋدىڭ مىعىم يدەيالىق قارۋىنا اينالدىرۋ؛ دەن قويا زەرتتەپ، رۋحتى جەتە ءتۇسىنىپ، ساياساتتان ۇتىمدى پايدالانىپ، تەرەڭ تامىر تارتۋىنا، دامۋداعى باسىمدىققا اينالۋىنا كەپىلدىك ەتۋ؛ ۇيرەنۋدى سانالى تۇردە كۇشەيتىپ، باستاماشىلدىقپەن ءبىرىنشى شەپكە بارىپ تەكسەرۋ - زەرتتەۋ جۇرگىزۋ؛ بازار مەحانيزمىنىڭ رولىن تولىق ساۋلەلەندىرىپ، بايلىقتى جايعاستىرۋدا بازاردىڭ شىنىمەن شەشۋشى رول اتقارۋىنا مۇمكىندىك جاساۋ؛ ناقتاپ ىستەۋگە، ناقتى ناتيجەگە ءمان بەرۋدەن جازباي، زەيىن - زەردەنى باس نىساناعا شوعىرلاندىرۋعا، جوعارى ساپالى دامۋدى ىلگەرىلەتۋگە ويىستىرۋ كەرەك. ءار دارەجەلى ۇگىت تاراۋلارى مەن اقپارات قۇرالدارى قوعامدىق پىكىردى جەتەكتەۋدى كۇشەيتىپ، تاراپتاردىڭ كۇش - قۋاتىن ۇيىستىرىپ، تاماشا قوعامدىق پىكىر ورتاسىن قۇلشىنا ازىرلەۋ كەرەك.

  ءماجىلىس مىنالاردى تالاپ ەتتى: جەر - جەر، تاراۋلار، اسىرەسە، پارتيا، ۇكىمەت ورىندارىنىڭ «ءبىرىنشى باسشىلارى» نازاردى باس نىساناعا مىقتاپ شوعىرلاندىرىپ، باس نىسانانى تياناقتاندىرىپ، ەكونوميكانىڭ جوعارى ساپالى دامۋىن كۇش سالا ىلگەرىلەتۋ كەرەك. باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن ويداعىداي تياناقتاندىرىپ، بيىل قىسقى، كەلەر جىلى كوكتەمگى ەگىن، مال شارۋاشىلىق ءوندىرىسى سياقتى قىزمەتتەردى ويداعىداي يگەرۋ كەرەك. نەگىزگى ساتىعا بارۋ، مەيىر جەتكىزۋ قيمىلدارىن كەڭ كولەمدى ورىستەتىپ، حالىق جۇرتشىلىعىنىڭ ارمان - تىلەگىن ارقاۋ ەتىپ، بۇقارا ۋايىمدايتىن كەيبىر قيىن ماسەلەلەردى كوبىرەك شەشىپ، ەڭ تومەنگى تۇرمىسىن قامتاماسىزداندىرۋ وبيەكتىسى ەتىلگەن وتباسىلارىنىڭ، ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ، ەرەكشە كەدەيلەردىڭ نەگىزگى تۇرمىسىن ويداعىداي ورنالاستىرىپ، شارۋا جۇمىسكەرلەردىڭ ەڭبەكاقىسىن كەشىكتىرۋ ماسەلەسىن باستى ورىنعا قويىپ شەشۋ كەرەك. بازاردىڭ قامداۋىن قامتاماسىز ەتۋدى ويداعىداي ىستەپ، ماڭىزدى تاۋارلاردىڭ، اسىرەسە، تۇرمىسقا قاجەتتى بۇيىمدار بازارىنىڭ قامداۋىنا جانە باعانىڭ نەگىزىنەن ورنىقتى بولۋىنا كەپىلدىك ەتۋ كەرەك. بازاردى باقىلاۋ - باسقارۋدى كۇشەيتىپ، ازىق - تۇلىك، ءدارى - دارمەك، دەنساۋلىق ساقتاۋ حاۋىپسىزدىگىن باسقارۋ جانە زاڭ اتقارۋدى باقىلاۋ قىزمەتتەرىنىڭ سەرپىنىن ءتۇيىندى تۇردە كۇشەيتىپ، حالىق جۇرتشىلىعىنىڭ ءومىرىنىڭ حاۋىپسىزدىگىن، سالاماتتىعىن قامتاماسىز ەتۋ كەرەك. مەملەكەت پەن اۆتونوميالى رايوننىڭ ءوندىرىس حاۋىپسىزدىگى جونىندەگى ءتۇرلى بەلگىلەمەلەرىن قاتاڭ اتقارىپ، ءوندىرىس حاۋىپسىزدىگى جاۋاپكەرشىلىك ءتۇزىمىن شىنايى تياناقتاندىرىپ، ءوندىرىس حاۋىپسىزدىگى جاعىنداعى زاڭ اتقارۋ، باقىلاۋ، تەكسەرۋدى كۇشەيتىپ، ءتۇيىندى كاسىپتەردەگى، ءتۇيىندى سالالارداعى جانە ءالسىز بۋىندارداعى حاۋىپسىزدىكتى باقىلاۋدى، باسقارۋدى كۇشەيتىپ، ءوندىرىس حاۋىپسىزدىگىنە قۇلشىنا كەپىلدىك ەتۋ كەرەك.

  ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، قاجىرلىلىقپەن شىنايى ىستەپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن جانە ەكونوميكانىڭ ءۇرتىس اقاۋسىز دامۋىن قۇلشىنا جۇزەگە اسىرىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سۇبەلى ناتيجەلەرمەن قارسى الۋعا ۇندەدى.

  ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القاسىنداعى مۇشەلەر، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى، اۆتونوميالى رايونعا (ورتالىققا) توتە قاراستى مەكەمەلەردىڭ نەگىزگى جاۋاپتى جولداستارى، ت.ب لار ۇرىمجىدەگى نەگىزگى ءماجىلىس زالىندا ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى