جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 1 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 7 - كۇنى تۇتاس كۇن ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس بىلاي دەپ قارادى: وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق ورنىن، بۇكىل پارتياداعى ۇيتقىلىق ورنىن سانالى قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ، قىزمەت اتقارىپ، قىزمەت جاۋاپكەرشىلىگىن تولىق وتەپ، ءار جاقتاعى قىزمەتتەردە جاڭا ىلگەرىلەۋشىلىكتەرگە قول جەتۋىن ىلگەرىلەتىپ، پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ تاماشا باستاماسىن ىسكە اسىرۋعا بەلسەندى ۇلەس قوستى. سونىمەن بىرگە، پارتيا باسشىلىق گرۋپپالارىنىڭ ءوز قۇرىلىسىن شىنايى كۇشەيتىپ، دەموكراتيالىق ورتالىقتاندىرۋ ءتۇزىمىن مۇقيات دايەكتىلەندىرىپ، پارتيانى باسقارۋدىڭ، پارتيانى جونگە سالۋدىڭ تۇلعالىق جاۋاپكەرشىلىگىن سانالىلىقپەن وتەپ، پارتيانى جاپپاي قاتاڭ جونگە سالۋدا ونەگەلىك رولدارىن ساۋلەلەندىردى.
ءماجىلىس بىلاي دەپ قارادى: وتكەن ءبىر جىلدا، ورتالىق كوميتەت شۋجيچۋى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، نازاريامەن قارۋلانۋدى كۇشەيتۋ، پارتيانى جاپپاي قاتاڭ جونگە سالۋدى ىلگەرىلەتۋ، بۇقارالىق ۇيىمدار قىزمەتى مەن بۇقارالىق ۇيىمدار رەفورماسىنا جەتەكشىلىك ەتۋ، پارتيا ىشىندەگى زاڭدىق بەلگىلەمەلەردىڭ جاسالۋى مەن اتقارىلۋىن ىلگەرىلەتۋ، كەلەلى قيمىلدار وتكىزۋگە دايىندالۋ سياقتى جاقتاردا ءبىرسىپىرا قىزمەتتەر ىستەپ، فۋنكتسيالىق رولىن تولىق ساۋلەلەندىردى.
ءماجىلىس مىنالاردى باسا دارىپتەدى: بيىل − جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن ىسكە اسىرۋداعى شەشۋشى جىل. كۇردەلى دە قاتاڭ حالىقارالىق جاعدايعا جانە اۋىر دا جاپالى رەفورما، دامۋ، ورنىقتىلىق مىندەتتەرىنە سايكەس، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارى باستاماشىلدىقپەن «ءتورت تانىمدى» نىعايتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە قاي - قاشان دا تاباندى بولىپ، پارتيا ورتالىق كوميتەتىنىڭ كەلەلى جاعداي جونىندەگى عىلمي تۇجىرىمى مەن ماڭىزدى قىزمەتتەر جونىندەگى شەشىمدەرىن، ورنالاستىرۋلارىن ىشكەرىلەي ءتۇسىنىپ، شىن مانىندە قىزمەتتەرىن اتقارىپ، جاۋاپكەرشىلىگىن تولىق وتەپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن ۇيىستىرىپ جانە وعان دەم بەرىپ، دالمە - ءدال كۇش سالىپ ءتۇرلى قىزمەتتى ويداعىداي ىستەۋ كەرەك. جاڭا داۋىردەگى پارتيا قۇرىلىسىنىڭ باس تالابى بويىنشا، پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن مۇقيات وتەپ، پارتيانىڭ ىشكى ساياسي تۇرمىسىن قاتايتىپ، دەموكراتيالىق ورتالىقتاندىرۋ ءتۇزىمىن قاتاڭ اتقارىپ، ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋدىڭ ەگجەي - تەگجەيلى قاعيداسىنىڭ رۋحىن باستاماشىلدىقپەن دايەكتىلەندىرىپ، فورماشىلدىق، تورەشىلدىك اتاۋلىنىڭ بارلىعىنا باتىل قارسى تۇرىپ جانە ونى جويىپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋ كەرەك.
ءماجىلىس مىنالاردى باسا دارىپتەدى: جاڭا ءبىر جىلدا، ورتالىق كوميتەت شۋجيچۋى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن كۇشەيتۋدە جانە قورعاۋدا ۇلگى بولىپ، باتىلدىقپەن جاۋاپكەرشىلىك ارقالاپ جانە ىسكەرلىك كورسەتىپ، جۇمىس كەڭەسۋ قابىلەتىن جوعارىلاتىپ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ قىزمەت ورنالاستىرۋىن ارقاۋ ەتە وتىرىپ تياناقتاندىرۋدى مىقتى يگەرىپ، پارتيا ورتالىق كوميتەتى تاپسىرعان ءتۇرلى مىندەتتى ويداعىداي ورىنداۋى كەرەك.
