ءتىلشى جاڭ يۇنمەي
جۋىقتاعى جىلداردان بەرى رايونىمىزدىڭ ءار جاقتاعى كۇشتەرى بار قايراتىمەن ارەكەتكە كەلىپ، جۇمىسقا ورنالاستىرۋدىڭ پارمەندى بىرىككەن كۇشىن قالىپتاستىرىپ، قوعامدىق ونىمدىلىگى كۇن سايىن كورنەكتىلەندى. قازىر اۋىل - قىستاقتاعى ارتىق ەڭبەككۇشتەردى سول جەردە، جاقىن ماڭدا جۇمىسقا ورنالاستىرۋدى، رايون اتتاپ باسقا كاسىپكە ويىستىرىپ جۇمىسقا ورنالاستىرۋدى جانە ىشكى ولكە، قالالاردا باسقا كاسىپكە ويىستىرىپ جۇمىسقا ورنالاستىرۋدى ءتۇرلى ارنامەن ىلگەرىلەتۋ ارقىلى رايونىمىز اۋىل - قىستاقتارىنداعى ارتىق ەڭبەككۇشتەر ونەر ۇيرەنىپ، كىرىستەرىن ارتتىرىپ، كوز ايالارىن كەڭەيتتى، وسى زامانعى مادەنيەتتەن ءنار الىپ، «بەستى شىنايى مويىنداۋدى» كۇشەيتتى.
جۇمىسقا ورنالاستىرۋ قىزمەتى سان مىڭداعان وتباسىلارىمەن قاتىستى، ول − ورنىقتىلىقتىڭ نەگىزى، دامۋدىڭ ماڭىزدى نەگىزى، حالىق تۇرمىسىنىڭ وزەگى.
پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، رايونىمىز قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جۇمىسقا ورنالاستىرۋ، شارۋاشىلىق قۇرۋ مەحانيزمىن ۇزدىكسىز كەمەلدەندىرىپ، ءار ۇلت بۇقاراسىنىڭ قالاعا ءتارتىپتى كىرىپ جۇمىسقا ورنالاسۋىنا، سول جەردە، جاقىن ماڭدا جۇمىسقا ورنالاسۋىنا، اۋىلىنا قايتىپ دەربەس شارۋاشىلىق قۇرۋىنا جەتەكشىلىك ەتىپ، اۋىل - قىستاقتاعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋ قىزمەتىندە كورنەكتى تابىسقا قول جەتكىزدى.
- ساياساتتى كەمەلدەندىرىپ، ادامعا دەيىن تياناقتانۋعا، جارامدى بولۋعا كەپىلدىك ەتتى
انحۇي حۋافۋ ءتۇستى توقىماشىلىق شەكتى جارنا سەرىكتەستىگىندە جۇمىس ىستەيتىن سالامات يدىرىس جۇمىس ىستەگەن سايىن جىگەرلەنە ءتۇستى. «مەن قازىر ايىنا 4500 يۋان شاماسىندا اقشا تابامىن، وتباسىمنىڭ تۇرمىسى دا بارعان سايىن جاقساردى»، - دەدى 1 - ايدىڭ 7 - كۇنى سالامات.
سالامات گۇما اۋدانى مۇجى قالاشىعى لاڭگار قىستاعىنان كەلگەن. 2017 - جىلى ول گۇما اۋدانىنداعى باسقا شارۋا وتباسىنان شىققان 102 بويجەتكەنمەن بىرگە سەرىكتەستىككە كەلىپ قىزمەت ىستەگەن. «سەرىكتەستىككە كەلۋدەن بۇرىن، ۇكىمەت ءبىزدى تەگىن باۋلىدى، مۇنىڭ بىزگە كومەگى زور بولدى». سالامات قازىر تەحنيكاعا كۇننەن - كۇنگە جاتىلۋدىڭ ارقاسىندا، كىرىسىنىڭ بارعان سايىن جوعارىلاپ، سەنىمىنىڭ دە ارتا تۇسكەندىگىن ايتتى. «اقشانى جەتكىلىكتى جيناپ، وراي بولعاندا، اۋىلعا قايتىپ شارۋاشىلىق قۇرامىن».
سالامات قابىلداعان تەگىن باۋلۋ − رايونىمىزدىڭ اۋىل - قىستاقتاعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋ ءۇشىن شىعارعان ءتيىمدى ساياساتى.
جۋىقتاعى جىلداردان بەرى رايونىمىز اۋىل - قىستاقتاعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋدى ىلگەرىلەتەتىن ءبىرسىپىرا ساياسات - شارالاردى جولعا قويدى. مۇنىڭ ىشىندە باۋلۋ ساياساتىنىڭ قامتۋ كولەمىن كەڭەيتۋ جاعىندا رايونىمىز قالا، اۋىلداعى جۇمىسقا ورنالاسۋدى ارماندايتىن جانە باۋلۋدى قاجەت ەتەتىن بارلىق ەڭبەكشىلەردى كاسىپتىك باۋلۋ كولەمىنە كىرگىزىپ، باۋلۋدىڭ جالپىعا ءتيىمدى جاردەماقى بەرۋ ءتاسىلىن اتقاردى. سونىمەن بىرگە، وڭتۇستىك شينجياڭداعى 4 ايماق - وبلىستى جانە ىلە قازاق اۆتونوميالى وبلىسىن ءتۇيىندى رايون ەتىپ، جوعارى مەكتەپ تاۋىسىپ جۇمىسقا ورنالاسپاعان وقۋشىلاردى، تولىقسىز ورتانى تاۋىسىپ جوعارىلاپ وقي الماعان جانە تولىق ورتانى تاۋىسىپ جوعارىلاپ وقي الماعان وقۋشىلاردى جانە اۋىل - قىستاق ەڭبەككۇشتەرىن ءتۇيىندى شوعىر ەتىپ، ءتۇيىندى باۋلىدى.
وسى ساياساتتاردىڭ ادامعا دەيىن تياناقتانۋىنا، جارامدى بولۋىنا، ناقتى تياناقتانۋىنا كەپىلدىك ەتۋ ءۇشىن، 2017 - جىلى رايونىمىز «ساياساتتى تياناقتاندىرۋ جىلى» قيمىلىن باستاپ، جۇمىسقا ورنالاستىرۋ، شارۋاشىلىق قۇرۋ ساياساتتارىن تياناقتاندىرۋدى باقىلاۋ تەبىنىن ارتتىرۋ ارقىلى شارتقا ۇيلەسەتىن كاسىپورىنداردىڭ جانە جەكەلەردىڭ جۇمىسقا ورنالاستىرۋ، شارۋاشىلىق قۇرۋ ساياساتىنان يگىلىكتەنۋگە تيىستىلەرىنىڭ تۇگەل يگىلىكتەنۋىنە كەپىلدىك ەتتى.
- مەحانيزمدى كەمەلدەندىرىپ، جۇمىسقا ورنالاستىرۋداعى قيىن ماسەلەلەردى شەشتى
«2017 - جىلى ءبىز ۇيدەن كەتكەنىمىزدە موينىمىزدا 30 مىڭ يۋان قارىزىمىز بار بولاتىن، 2018 - جىلى 4 - ايدا قارىزىمىزدى قايتارىپ بولۋدان سىرت، اقشا دا جينادىق»، - دەدى ميھىرگۇل ابلەت ماقتانىشپەن.
ميھىرگۇل يىڭسار اۋدانى ساعان اۋىلى يكەنكول قىستاعىنىڭ تۇرعىنى. 2017 - جىلى 4 - ايدا اۆتونوميالى رايون قاشقار، حوتان ايماعىنىڭ قالا، اۋىلدارىنداعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋدىڭ 3 جىلدىق جوباسىن باستاپ اتقاردى. العاشقى توپتا يگىلىككە كەنەلگەن ميھىرگۇل جانە ونىڭ جۇبايى شينجياڭ جۇڭتاي توبى حۋاتاي سەرىكتەستىگىنە جۇمىسقا ورنالاسىپ، ونەركاسىپ جۇمىسشىسىنا اينالدى.
قازىر ميھىرگۇل سياقتى كوپتەگەن ادامنىڭ ومىرىندە بۇرىلىس بولدى. تەك 2018 - جىلى 1 - ايدان 11 - ايعا دەيىن، تۇتاس رايونىمىز اۋىل - قىستاقتارداعى ارتىق ەڭبەككۇشتەردەن 2 ميلليون 796 مىڭ ادامدى (رەت) باسقا كاسىپكە ويىستىرىپ جۇمىسقا ورنالاستىرۋدى جۇزەگە اسىردى، مۇنىڭ ىشىندە وڭتۇستىك شينجياڭداعى 4 ايماق - وبلىستان ءبىر ميلليون 736 مىڭ ادامدى (رەت) باسقا كاسىپكە ويىستىرىپ جۇمىسقا ورنالاستىرعان؛ 22 اۋىر كەدەي اۋدان ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى 82 مىڭ ەڭبەككۇشتى ۇيىمدى تۇردە باسقا كاسىپكە ويىستىرىپ جۇمىسقا ورنالاستىرعان.
بۇل ناتيجەلەردىڭ قولعا كەلۋى بۇكىلدەي اۆتونوميالى رايوندىق پارتكومنىڭ كەدەيلەردى جۇمىسقا ورنالاستىرۋ بويىنشا سۇيەمەلدەۋ جونىنەن ءۇرتىس كۇش سالۋدى جوعارى دەڭگەيدە جوبالاۋىنىڭ ارقاسى: 2017 - جىلى اۆتونوميالى رايون قاشقار، حوتان ايماعىنىڭ قالا، اۋىلدارىنداعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋدىڭ 3 جىلدىق جوباسىن اتقارعاننان كەيىن، 2018 - جىلى رايونىمىز تاعى ىلگەرىندى - كەيىندى وڭتۇستىك شينجياڭنىڭ 4 ايماق - وبلىسىنداعى كەدەي ەڭبەككۇشتەردى ۇيىمدى تۇردە باسقا كاسىپكە ويىستىرىپ جۇمىسقا ورنالاستىرۋدىڭ 3 جىلدىق جوباسىن جانە ساياحات كاسىبى ارقىلى جۇمىسقا ورنالاستىرۋعا جەتەكشىلىك ەتۋدىڭ 3 جىلدىق ارەكەت جوسپارىن اتقاردى.
وسى 3 ءتۇرلى جوبانىڭ العا قويىلۋى رايونىمىزدىڭ وڭتۇستىك شينجياڭنىڭ اۋىل - قىستاقتارىنداعى از ۇلت ەڭبەككۇشتەرىن جۇمىسقا ورنالاستىرۋ سىندى قيىن ماسەلەنى شەشۋدەگى ماڭىزدى تۇتقا بولدى، سونىمەن بىرگە، رايونىمىزدىڭ ۇيىمدى تۇردە باسقا كاسىپكە ويىستىرىپ جۇمىسقا ورنالاستىرۋدىڭ ۇكىمەت ىلگەرىلەتۋدى نەگىز ەتكەن جاڭا مەحانيزمىن قالىپتاستىردى، مۇنىڭ ىشىندە بيڭتۋان مەن جەرگىلىكتى ورىننىڭ سەلبەستىك مەحانيزمى، وڭتۇستىك شينجياڭ مەن سولتۇستىك شينجياڭنىڭ ەڭبەككۇشتەرىن سىرتقا شىعارۋدى ءتۇيىلىستىرۋ مەحانيزمى، ناتيجەنى باعالاۋ مەحانيزمى قاتارلىلار قامتىلادى. مۇنان سىرت، رايونىمىز تاعى شينجياڭعا باعىتتامالى كومەكتەسۋ ابزالدىلىعىن ساۋلەلەندىرىپ، ينفورماتسيانى ءتۇيىلىستىرۋ مەحانيزمىن، قىزمەتتى ءتۇيىلىستىرۋ مەحانيزمىن، باسقارۋ - قىزمەت وتەۋدى ءتۇيىلىستىرۋ مەحانيزمىن ورناتىپ، شينجياڭعا باعىتتامالى كومەكتەسەتىن ولكە، قالالارداعى كاسىپورىندارعا ويىستىرىپ جۇمىسقا ورنالاستىرۋدى ۇدايىلاندىردى.
- بىرىككەن كۇش قالىپتاستىرىپ، قوعامدىق ونىمدىلىگىن كورنەكتىلەندىردى
«قازىر قىستاعىمىزداعى جاستاردىڭ كوبى سىرتقا شىعىپ جۇمىس ىستەپ كەتتى، ال وزگە ەڭبەك قۋاتى بار شارۋالارعا مەڭزەس، كووپەراتيۆ قۇرۋ سياقتى ادىستەرمەن ولاردىڭ جۇمىسقا ورنالاسۋىنا بەلسەنە كومەكتەستىك»، - دەدى قۇتىبي اۋداندىق حالىق پروكۋراتۋراسى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ۋگۇڭتاي قالاشىعى باتىس اعاشتى قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي دۇڭ جيڭ.
حوتان حاۋشۋەلاڭ كيىم - كەشەك شەكتى سەرىكتەستىگى دامىپ - ۇلعايۋمەن قاتار، اۋىل - قىستاقتاعى ارتىق ەڭبەككۇشتەردى جۇمىسقا ورنالاستىرۋعا بەلسەنە كومەكتەستى. «سەرىكتەستىك 2017 - جىلى 4 - ايدا قۇرىلعاننان بەرى، لوپ اۋدانىندا قىستاق باسقارۋىنداعى 20 كاسىپورىن قۇرىپ، اۋىل - قىستاقتاعى ارتىق ەڭبەككۇشتەردەن 1400دەن استام ادامدى جۇمىسقا ورنالاستىردى»، - دەدى سەرىكتەستىكتىڭ باس ديرەكتورى باي ياڭفۋ.
رايونىمىزدىڭ ءار جاقتاعى كۇشتەرى بار قايراتىمەن ارەكەتكە كەلىپ، جۇمىسقا ورنالاستىرۋدىڭ پارمەندى بىرىككەن كۇشىن قالىپتاستىرىپ، قوعامدىق ونىمدىلىگى كۇن سايىن كورنەكتىلەندى. قازىر اۋىل - قىستاقتاعى ارتىق ەڭبەككۇشتەردى سول جەردە، جاقىن ماڭدا جۇمىسقا ورنالاستىرۋدى، رايون اتتاپ باسقا كاسىپكە ويىستىرىپ جۇمىسقا ورنالاستىرۋدى جانە ىشكى ولكە، قالالاردا باسقا كاسىپكە ويىستىرىپ جۇمىسقا ورنالاستىرۋدى ءتۇرلى ارنامەن ىلگەرىلەتۋ ارقىلى رايونىمىز اۋىل - قىستاقتارىنداعى ارتىق ەڭبەككۇشتەر ونەر ۇيرەنىپ، كىرىستەرىن ارتتىرىپ، كوز ايالارىن كەڭەيتتى، وسى زامانعى مادەنيەتتەن ءنار الىپ، «بەستى شىنايى مويىنداۋدى» كۇشەيتتى. وڭتۇستىك شينجياڭدا بۇل قىزمەت ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەدى، كەدەيلىكتەن ارىلتۋدان قامال الۋدى جانە قوعام ورنىقتىلىعىن ىلگەرىلەتتى.
