شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 8 - كۇنى جيبۋتيدىڭ زۇڭتۇڭى گەللەمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: ديپلوماتيالىق قارىم - قاتىناس ورناتقان 40 جىلدان بەرى، جۇڭگو مەن جيبۋتي قارىم - قاتىناسى اقاۋسىز، ورنىقتى دامىدى، ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان ماسەلەلەردە ءوزارا ءتۇسىنىپ، ءبىر - ءبىرىن قولداپ، ءتۇرلى سالاداعى سەلبەستىكتە سۇبەلى ناتيجەلەرگە قول جەتكىزدى. 2017 - جىلى 11 - ايدا ءسىز جۇڭگودا مەملەكەتتىك ساپاردا بولىپ، ءبىز جۇڭگو مەن جيبۋتيدىڭ ستراتەگيالىق سەرىكتەستىك قارىم - قاتىناس ورناتقاندىعىن بىرگە جاريالادىق. بىلتىر 9 - ايدا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى كەزىندە، ءبىز جۇڭگو - جيبۋتي قارىم - قاتىناسىن دامىتۋ جونىندە جاڭا ورتاق تانىمعا كەلدىك ءارى «ءبىر بەلدەۋ، ءبىر جول» قۇرىلىسىن بىرگە ىلگەرىلەتۋ جونىندەگى ءوزارا تۇسىنىستىك ەسكەرتپە حاتىنا قول قويۋعا كۋا بولدىق. مەن جۇڭگو مەن جيبۋتيدىڭ قارىم - قاتىناسىن دامىتۋعا وسكەلەڭ ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن وراي دەپ ءبىلىپ، ەكى ەلدىڭ ساياسي جاقتاعى ءوزارا سەنىمدىلىگىن بەكەمدەپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن تياناقتاندىرىپ، جۇڭگو - جيبۋتي ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايمىن.
گەللە قۇتتىقتاۋ تەلەگرامماسىندا مىنانى ءبىلدىردى: 1979 - جىلى 1 - ايدىڭ 8 - كۇنى جيبۋتي مەن جۇڭگونىڭ ديپلوماتيالىق قارىم - قاتىناسىنىڭ نەگىزى قالانعان ءسات، مەن 40 جىلدان بەرى جيبۋتي مەن جۇڭگو قارىم - قاتىناسىنىڭ ءساتتى دامىعاندىعىنا ءدان ريزامىن جانە ونى ماقتانىش ەتەمىن، 2017 - جىلى 11 - ايدا ءبىز جيبۋتي - جۇڭگو قارىم - قاتىناسىن ستراتەگيالىق سەرىكتەستىك قارىم - قاتىناس ەتىپ تۇراقتاندىرۋدى بىرگە بەلگىلەدىك، بۇل ەكى جاقتىڭ جيبۋتي - جۇڭگو قارىم - قاتىناسىن تەرەڭدەتۋدەگى سەنىمىن تولىق ايگىلەدى ءارى ەكى ەلدىڭ ەكونوميكا - ساۋدا سەلبەستىگىنە ايقىن باعدار كورسەتتى. جيبۋتي جۇڭگو ۇكىمەتىنىڭ جانە حالقىنىڭ كورسەتكەن كومەگىنە جانە قولداۋىنا شىن جۇرەكتەن العىس ايتادى، ءبىر جۇڭگو پرينسيبىن ۇزدىكىسز باتىل اتقارادى. مەن سىزبەن بىرگە قۇلشىنىپ، جيبۋتي - جۇڭگو قارىم - قاتىناسىن ۇزدىكسىز ىشكەرىلەي دامىتۋدى قالايمىن.
