شي جينپيڭ جينالىسقا قاتىناستى ءارى ەڭ جوعارى سيلىق يەگەرلەرى سياقتىلارعا سيلىق تاراتتى
لي كىچياڭ ءسوز سويلەدى، ۋاڭ حۋنيڭ كەزدەسۋگە قاتىناستى، حان جىڭ باسقاردى
1 - ايدىڭ 8 - كۇنى 2018 - جىلدىق مەملەكەتتىك عىلىم - تەحنيكا سيلىعىن بەرۋ جينالىسى بەيجيڭدەگى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2018 - جىلدىق مەملەكەتتىك ەڭ جوعارى عىلىم - تەحنيكا سيلىعىنا يە بولعان حاربين ونەركاسىپ داشۋەسىندەگى ليۋ يۇڭتان اكادەميككە (وڭدا) جانە جۇڭگو حالىق ازاتتىق ارمياسى قۇرلىق ارميا ينجەنەريا داشۋەسىندەگى چيان چيحۋ اكادەميككە (سولدا) سيلىق تاراتتى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
1 - ايدىڭ 8 - كۇنى 2018 - جىلدىق مەملەكەتتىك عىلىم - تەحنيكا سيلىعىن بەرۋ جينالىسى بەيجيڭدەگى حالىق سارايىندا سالتاناتپەن وتكىزىلدى. سۋرەتتە: ءماجىلىس الدىندا شي جينپيڭ، لي كىچياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى سيلىق يەگەرلەرىنىڭ ۋاكىلدەرىمەن كەزدەستى ءارى ولارمەن سۋرەتكە ءتۇسىپ ەستەلىك قالدىردى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى (تىلشىلەر چىن فاڭ، ۋ جيڭ). جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 - ايدىڭ 8 - كۇنى تۇستەن بۇرىن بەيجيڭدە مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى. شي جينپيڭ، لي كىچياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى ءماجىلىس قيمىلىنا قاتىناستى. شي جينپيڭ قاتارلىلار سيلىق يەگەرلەرىنىڭ ۋاكىلدەرىنە سيلىق تاراتتى. لي كىچياڭ پارتيا ورتالىق كوميتەتى، مەملەكەتتىك كەڭەس اتىنان جينالىستا ءسوز سويلەدى. حان جىڭ جينالىستى باسقاردى.
تۇستەن بۇرىن ساعات 10نان 30 مينۋت وتكەندە جينالىس ايبىندى مەملەكەت انىمەن باستالدى. قىزۋ شاپالاق ءۇنى ىشىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ الدىمەن 2018 - جىلدىق مەملەكەتتىك ەڭ جوعارى عىلىم - تەحنيكا سيلىعىنا يە بولعان حاربين ونەركاسىپ داشۋەسىندەگى ليۋ يۇڭتان اكادەميككە جانە جۇڭگو حالىق ازاتتىق ارمياسى قۇرلىق ارميا ينجەنەريا داشۋەسىندەگى چيان چيحۋ اكادەميككە مەدال، كۋالىك تاراتتى، ولارمەن ىقىلاسپەن قول الىسىپ، قۇتتىقتادى ءارى ولاردى ءتوراعالار مىنبەسىندە وتىرۋعا ۇسىنىس ەتتى. ونان سوڭ شي جينپيڭ قاتارلى پارتيا مەن مەملەكەت باسشىلارى وسى ەكى ەڭ جوعارى سيلىقتىڭ يەگەرىمەن بىرگە مەملەكەتتىك جاراتىلىستىق عىلىمدار سيلىعىنا، مەملەكەتتىك تەحنيكالىق تاپقىرلىق سيلىعىنا، مەملەكەتتىك عىلىم - تەحنيكا العاباسارلىعى سيلىعىنا جانە جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعىنا يە بولعانداردىڭ ۋاكىلدەرىنە كۋالىك تاراتتى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سوزىندە پارتيا ورتالىق كوميتەتى، مەملەكەتتىك كەڭەس اتىنان بارلىق سيلىق يەگەرلەرىن قىزۋ قۇتتىقتادى، بۇكىل ەلدەگى قالىڭ عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى، جۇڭگونىڭ عىلىم - تەحنيكا ىستەرىنە ات سالىسقان جانە قولداۋ كورسەتكەن شەتەلدىك ماماندارعا شىن جۇرەكتەن العىس ايتتى.
لي كىچياڭ بىلاي دەدى: رەفورما جاساعان، ەسىك اشقان 40 جىلدان بەرى، ەلىمىز عىلىم - تەحنيكاسىنىڭ دامۋى بۇكىل الەمدى تاڭ قالدىرعان ۇلى ناتيجەگە قول جەتكىزىپ، عىلىم - تەحنيكانىڭ دامۋ تاريحىنىڭ شۇعىلالى پاراعىن جازدى. ەندى عانا وتكەن ءبىر جىلدا، كۇردەلى دە قاتاڭ حالىقارالىق جاعداي جانە جاپالى دا ماشاقاتتى رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەكونوميكاسى، قوعامى ءۇرتىس، اقاۋسىز دامىدى، عىلىم - تەحنيكالىق جاسامپازدىقتا تاعى دا تاماشا ناتيجە جاراتىلدى، جاڭا قوزعاۋشى قۋاتتار ءۇرتىس جەدەل ارتتى. كەزەكتە ەكونوميكانىڭ ورنىقتى اينالىمىن ساقتاپ، جوعارى ساپالى دامۋدى جەبەۋدە، ءسوز جوق، جاڭالىق اشۋدىڭ جەتەكتەۋ رولىن اناعۇرلىم ويداعىداي ساۋلەلەندىرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دۇنيە ءجۇزىنىڭ جاڭا كەزەكتى عىلىم - تەحنيكا توڭكەرىسى مەن شارۋاشىلىق سالالارىنداعى بۇرىلىستىڭ جالپى اۋقىمىن مەڭگەرىپ، ماڭىزدى ستراتەگيالىق ورايلاردىڭ جاڭا مازمۇنىن يگەرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، جاڭاشىل ەل جانە دۇنيە جۇزىلىك عىلىم - تەحنيكادا قۇدىرەتتى ەل قۇرۋدى جەدەلدەتىپ، ەكونوميكادا جاڭالىق اشۋ قۋاتى مەن باسەكەلىك قۋاتىن ۇزدىكسىز كۇشەيتۋ كەرەك.
لي كىچياڭ بىلاي دەدى: عىلىم - تەحنيكانى دامىتۋدىڭ ستراتەگيالىق ورنالاسۋىن ساپالىلاندىرىپ، كەلەلى عىلىم - تەحنيكا نىساندارىن رەتتەۋ، ساپالىلاندىرۋ كەرەك. نەگىزدىك زەرتتەۋدى اناعۇرلىم كورنەكتى ورىنعا قويىپ، ۇزاق ۋاقىت تۇراقتى تۇردە قولداۋدى كۇشەيتىپ، نەگىزدىك زەرتتەۋدىڭ، قولدانىلمالى زەرتتەۋدىڭ جانە شارۋاشىلىق سالالارىنىڭ توعىسا دامۋىن ىلگەرىلەتىپ، اشىق، سايكەسىمدى، جوعارى ءونىمدى عىلمي زەرتتەۋ تۇعىرىن ورناتۋ كەرەك. عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكالىق ۇسىنىلىم ساياساتى مەن قاراجاتتى باسقارۋ تۇزىمىندە جاڭالىق اشىپ، عىلمي زەرتتەۋ قىزمەتكەرلەرىنىڭ تەحنيكالىق باعدار تاڭداۋ، قارجى پايدالانۋ، جەتىستىكتى كادەگە جاراتۋ سياقتى جاقتارداعى وزىندىك ۇقىعىن كەڭەيتىپ، اناعۇرلىم يكەمدى، الۋان ءتۇرلى ەڭبەكاقى شابىتتاندىرۋ ءتۇزىمىن اتقارىپ، عالىمداردىڭ رۋحىن ساۋلەلەندىرىپ، عىلمي زەرتتەۋدىڭ ەتيكالىق ولشەمىن قاتاڭ ساقتاپ، عىلمي زەرتتەۋدەگى ادالدىق پەن ۇيرەنۋ ستيلى قۇرىلىسىن كۇشەيتىپ، تىڭعىلىقتى ءىس ىستەپ، ءبىر سارىندىلىققا بوي ۇرماي، جاستاردى باتىلدىقپەن ىستەتىپ، عىلىم - تەحنيكا قىزمەتكەرلەرىنىڭ جاڭالىق اشۋ، جاسامپازدىق جاراتۋ ومىرشەڭدىگىن تولىق قاۋلاتۋ كەرەك.
لي كىچياڭ مىنانى باسا دارىپتەدى: كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، ءوندىرىس، وقىتۋ، عىلمي زەرتتەۋ ءبىر تۇلعالانعان جاڭالىق اشۋ مەحانيزمىن اقاۋسىزداندىرۋ كەرەك. بازارلانعان شارانى ءتىپتى دە كوپ قولدانىپ، كاسىپورىنداردىڭ جاڭالىق اشۋىن جەبەۋ كەرەك، تەك كاسىپورىنداردىڭ جاڭالىق اشۋ ومىرشەڭدىك قۋاتى قاۋلاسا عانا بولعانى، جۇڭگونىڭ ەكونوميكاسىنىڭ تىرشىلىك تىنىسى جالىندايتىن بولادى. ءادىل، سيىسىمدى جاڭالىق اشۋ، شارۋاشىلىق قۇرۋ ورتاسىن كۇش سالا قالىپتاستىرىپ، جاڭالىق اشۋدىڭ، شارۋاشىلىق قۇرۋدىڭ تۇزىمدىك نارقىن تومەندەتىپ، كوپ بولىپ شارۋاشىلىق قۇرۋ، جالپى قاۋىم جۇمىلا جاڭالىق اشۋ دەڭگەيىن كوتەرىپ، ءبىلىم مەنشىك ۇقىعىن جاراتۋ، قورعاۋ، پايدالانۋ، قىزمەت وتەۋ جۇيەسىن جەدەل ورناتىپ، ۇقىققا سۇعاناقتىق جاساۋ، كوز بوياۋشىلىق ىستەۋ ارەكەتىنە قاتاڭ سوققى بەرىپ، بۇكىل قوعامنىڭ جاڭالىق اشۋ مۇمكىندىكتەرىن كۇش سالا قوزعاۋ كەرەك. جاڭالىق اشۋ قابىلەتىن اشىق ۇستاۋ سەلبەستىگىن كۇشەيتىپ، مەملەكەتتىڭ عىلىم - تەحنيكا جوسپارلارى مەن نىساندارىن سىرتقا اشىق ۇستاۋدى كەڭەيتىپ، ادامداردىڭ بارىس - كەلىسى، ءىلمي اۋىس - ءتۇيىس سياقتى جاقتاردا اناعۇرلىم كوپ قولايلى شارت - جاعداي جاراتىپ، ءار جاقتىڭ جاڭالىق اشۋ بايلىعىن اناعۇرلىم كەڭ كولەمدە ۇيىستىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ جينالىستى باسقارعاندا بىلاي دەدى: پارتيا ورتالىق كوميتەتىنىڭ، مەملەكەتتىك كەڭەستىڭ ەلىمىزدىڭ عىلىم - تەحنيكا ىستەرىنىڭ دامۋىنا كورنەكتى ۇلەس قوسقان عىلىم - تەحنيكا قىزمەتكەرلەرىن سالتاناتپەن سيلاۋى عىلىم - تەحنيكا ىستەرىنىڭ دامۋىنا وسكەلەڭ نازار اۋدارعاندىعىن جانە قالىڭ عىلىم - تەحنيكا قىزمەتكەرلەرىنە ىقىلاستى قامقورلىق جاساعاندىعىن تولىق ايگىلەدى. قالىڭ عىلىم - تەحنيكا قىزمەتكەرلەرىنەن سيلىق يەگەرلەرىن ۇلگى ەتىپ، دۇنيە جۇزىندە عىلىم - تەحنيكادا قۇدىرەتتى ەل قۇرۋ كۇرەس نىساناسىنان جازباي، جاڭالىق اشۋ ءبىرىنشى قوزعاۋشى كۇش ۇستانىمىنا تاباندى بولىپ، سەنىم مەن بەكىمدى نىعايتىپ، شەشۋشى وزەكتى تەحنيكالاردا دەربەس جاڭالىق اشۋدى تەزدەتىپ، كەلەلى عىلىم - تەحنيكا سالاسىندا ۇزدىكسىز تىڭ ناتيجەگە قول جەتكىزىپ، عىلىم - تەحنيكالىق جاڭالىق اشۋدىڭ جەتەكشىلىك رولىن اناعۇرلىم جوعارى دەڭگەيدە، اناعۇرلىم كەڭ كولەمدە ساۋلەلەندىرۋدى ءۇمىت ەتەمىن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جينالىستا «مەملەكەتتىك كەڭەستىڭ 2018 - جىلدىق مەملەكەتتىك عىلىم - تەحنيكا سيلىعىن بەرۋ جونىندەگى قارارىن» وقىدى.
ليۋ يۇڭتان، چيان چيحۋ بارلىق سيلىق يەگەرلەرى اتىنان ءسوز سويلەدى.
سيلىق بەرۋ جينالىسى باستالاردىڭ الدىندا، شي جينپيڭ قاتارلى پارتيا مەن مەملەكەت باسشىلارى مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرىمەن كەزدەستى ءارى كوپشىلىكپەن سۋرەتكە ءتۇسىپ ەستەلىك قالدىردى.
ديڭ شۋەشياڭ، شۇي چيلياڭ، چىن شي، حۋاڭ كۇنميڭ، ەركىن يمىرباقى، شياۋ جيە، حى ليفىڭ جينالىسقا قاتىناستى.
ورتالىق پەن مەملەكەتتىك ورگانداردىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتى جولداستار، مەملەكەتتىك عىلىم - تەحنيكا باسشىلىق گرۋپپاسىنىڭ مۇشەلەرى، مەملەكەتتىك عىلىم - تەحنيكا سيلىعى كوميتەتىنىڭ مۇشەلەرى، 2018 - جىلدىق مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرى مەن تۋىس - تۋعاندارىنىڭ ۋاكىلدەرى، استاناداعى عىلىم - تەحنيكا سالاسىنىڭ ۋاكىلدەرى جانە وقۋشىلار ۋاكىلدەرى قاتارلىلاردان 3300گە تارتا ادام جينالىسقا قاتىناستى.
2018 - جىلدىق مەملەكەتتىك عىلىم - تەحنيكا سيلىعى بويىنشا جالپى 278 نىسان جانە 7 عىلىم - تەحنيكا مامانى سارالاندى. مۇنىڭ ىشىندە مەملەكەتتىك ەڭ جوعارى عىلىم - تەحنيكا سيلىعىنا 2 ادام يە بولدى؛ مەملەكەتتىك جاراتىلىستىق عىلىمدار سيلىعى 38 بولىپ، مۇنىڭ ىشىندە بىرەۋى 1 - دارەجەلى سيلىققا، 37سى 2 - دارەجەلى سيلىققا يە بولدى؛ مەملەكەتتىك تەحنيكالىق تاپقىرلىق سيلىعى 67 بولىپ، مۇنىڭ ىشىندە تورتەۋى 1 - دارەجەلى سيلىققا، 63ى 2 - دارەجەلى سيلىققا يە بولدى؛ مەملەكەتتىك عىلىم - تەحنيكا العاباسارلىعى سيلىعى 173 بولىپ، مۇنىڭ ىشىندە ەكەۋى ەرەكشە سيلىققا، 23ى 1 - دارەجەلى سيلىققا، 148ى 2 - دارەجەلى سيلىققا يە بولدى؛ شەتەلدىك 5 مامانعا جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعى بەرىلدى.
