قۇتىبي اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى
ۋىن دي
مەن 20 نەشە جىلدىق پارتيا ستاجىنا يە پارتيا مۇشەسىمىن، ءبىر ۇلى جاڭا داۋىرگە ۇلگەرگەنىمە قۋانىشتامىن. ءوزىم ەسەيىپ - ەرجەتكەن كورىكتى دە ىرىستى مەكەندە، مەن پارتيا مەن مەملەكەتتىڭ ابزال ساياساتى شينجياڭداعى ءار ۇلت حالقىنا باقىتتى تۇرمىس اكەلگەندىگىنە كۋا بولدىم. اسىرەسە، پارتيا 18 - قۇرىلتايىنان بەرى، تيانشاننىڭ وڭتۇستىگى مەن سولتۇستىگىندە جان تەبىرەنتەرلىك وزگەرىستەر تۋىلىپ، ەكونوميكا قارىشتاپ دامىعان، حالىق تۇرمىسى بارىنشا جاقسارعان، قالا، اۋىل بەت - بەينەسى زور وزگەرگەن، ۇلتتار اسا ىنتىماقتى شىت جاڭا بەينە جارىققا شىعىپ، وسى مەكەندە جاساپ جاتقان ءار ۇلت بۇقاراسى شىن جۇرەگىنەن باقىتتى، ماقتانىشتى سەزىمگە بولەندى.
وسىنداي اسا تاماشا جاعدايدى «ءۇش ءتۇرلى كۇش»، «ەكىبەتكەيلەر» كورگىسى كەلمەيدى، ولار وتاندى بولشەكتەۋ سۇرقيا ماقساتىنا جەتۋ ءۇشىن، تاريحتى بۇرمالاپ، سۇرقيا - ساندىراقتاردى ويدان قۇراستىرىپ، زورلىقتى كۇش لاڭكەستىك دەلولار تۋدىرىپ، ءار ۇلت حالىق بۇقاراسىنىڭ ءومىرى مەن مال - مۇلكىنە اۋىر زيان سالىپ، ۇلتتار ىنتىماعىن، ورنىقتى، جاراسىمدى قوعامدىق جاعدايدى اۋىر دارەجەدە ءبۇلدىردى، «ءۇش ءتۇرلى كۇش»، «ەكىبەتكەيلەر» بۇكىل شينجياڭداعى ءار ۇلت حالقىنىڭ ورتاق جاۋى، شينجياڭنىڭ ورنىقتىلىعىنا، دامۋىنا ىقپال جاسايتىن ۋلى وسپە. ءبىز باتىلدىقپەن اۆتونوميالى رايوندىق پارتكومنىڭ «بۇكىلدەي جەڭىسكە جەتپەيىنشە تىنباۋ» تالابى بويىنشا، «ءۇش ءتۇرلى كۇشتى»، «ەكىبەتكەيلەردى» ادا - كۇدە الاستاپ، ءتۇپ تامىرىمەن قوپارىپ، قوعام ورنىقتىلىعى مەن ۇلتتار ىنتىماعىن باتىل قورعاپ، ءار ۇلت بۇقاراسى تۇرمىسىنىڭ تىنىش، بەرەكەلى بولۋىنا كەپىلدىك ەتۋىمىز كەرەك.
از ۇلت كادر رەتىندە، مەن پارتيانىڭ تالاي جىل باۋلۋىندا، تاربيەسىندە قاراپايىم ءبىر كاسىپتىك - تەحنيكالىق قىزمەتكەردەن قازىرگى قىزمەت ورنىما كەلدىم، مەن شىن جۇرەگىمنەن پارتياعا العىس ايتامىن، ۇلى وتاننىڭ قامقورلىعىنا، باۋلۋىنا العىس ايتامىن. مەن ءوزىمنىڭ ارتىقشىلىعىمدى بەلسەنە ساۋلەلەندىرىپ، ىرىقتىلىقپەن نەگىزگى اۋەندى اسقاقتاتىپ، وڭ ەنەرگيا تاراتىپ، بۇقارانى ءدىني ۇشقارى يدەيانىڭ ءمانى مەن زالالىن جەتە تانۋعا باستاپ، ءدىني ۇشقارى يدەيانىڭ سىنالاپ كىرۋىنە باتىل قارسى تۇرىپ، قارسىلىق قۋاتىمدى ۇزدىكسىز كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش - قۋاتىمدى ارنايمىن.
پارتيالى كادر رەتىندە، مەن «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، ساياسي ءتارتىپ پەن ساياسي قاعيداعا قاتاڭ بويسۇنىپ، يدەيام مەن ارەكەتىمدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن شىنايى بىرلىككە كەلتىرىپ، قوعام ورنىقتىلىعىن قورعاۋدىڭ ساياسي جاۋاپكەرشىلىگىن باتىلدىقپەن، تاباندىلىقپەن ارقالاپ، ءارقانداي كەزدە، ءارقانداي جاعدايدا دا تۋىم ەرەكشە ايقىن، پوزيتسيام ەرەكشە باتىل، تۇرعىم ەرەكشە بەرىك بولىپ، اۆتونوميالى رايوندىق پارتكومنىڭ قوعام ورنىقتىلىعىن قورعاۋ «كەشەندى شارالارىن» باتىلدىقپەن، تاباندىلىقپەن ويداعىداي تياناقتاندىرامىن.
حالىق قۇرىلتايى كادرى رەتىندە، مەن پارتيانىڭ لۋشيان، باعىت - ساياساتتارى مەن مەملەكەتتىڭ زاڭ جانە زاڭ ەرەجەلەرىن زور كۇشپەن ۇگىتتەپ، «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا كەيىپ - كەسپىرىن ايپاراداي اشىپ، زاڭ جالپىلاستىرۋمەن جانە دابىرالى ۇگىت - لەكسيا قيمىلىمەن ۇشتاستىرا وتىرىپ، ءار ۇلت بۇقاراسىنىڭ نەنىڭ زاڭدى، نەنىڭ زاڭسىز ەكەندىگىن، مەيلى قايسى ۇلت بولسىن، الدىمەن جۇڭحۋا حالىق رەسپۋبليكاسىنىڭ ازاماتى ەكەندىگىن، ءسوزسىز، نەگىزگى زاڭعا جانە زاڭ ەرەجەلەرگە بويسۇنۋ كەرەك ەكەندىگىن ۇعىنۋىنا جەتەكشىلىك ەتەمىن. مەيلى كىم بولسىن، زاڭعا قايشىلىق جاسايدى ەكەن، بارلىعى زاڭنىڭ قاتاڭ جازاسىنا ۇشىرايدى.
