ءتىلشى ياڭ شۋحان 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى اۆتونوميالى رايون ءوندىرىس حاۋىپسىزدىگى جونىندە تەلەۆيزور - تەلەفون ءماجىلسىن اشىپ، مەملەكەتتىك ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسىنىڭ رۋحىن دايەكتىلەندىردى، تياناقتاندىردى، سونىمەن قاتار اۆتونوميالى رايوندىق ەكى ءماجىلىس، كوكتەم مەرەكەسى جانە مەملەكەتتىك ەكى ءماجىلىس كەزىندەگى ءوندىرىس حاۋىپسىزدىگى قىزمەتىنە ورنالاستىرۋ جاسادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى.
ماجىلىستە مىنالار تالاپ ەتىلدى: تۇتاس رايونداعى جەر - جەر، تاراۋلار، ورىندار ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتىپ، كەزەكتەگى ءوندىرىس حاۋىپسىزدىگى قىزمەتىن جاقسى ىستەۋدى كورنەكتى ورىنعا قويۋى، پارتيا، ۇكىمەتتىڭ ءبىرىنشى باسشىلارى ءوندىرىس حاۋىپسىزدىگى ءتۇرلى قىزمەتتەرىن اقىلداسىپ ورنالاستىرۋى، تەكسەرىپ قۋزاۋى، تياناقتاندىرۋدى ىلگەرىلەتۋى، «اۆتونوميالى رايوننىڭ <جەرگىلىكتى پارتيا مەن ۇكىمەتتىڭ باسشى كادرلارىنىڭ ءوندىرىس حاۋىپسىزدىگى جاۋاپكەرشىلىك ءتۇزىمىن> اتقارۋ جونىندەگى ەگجەي - تەگجەيلى ەرەجەسىندە» بەلگىلەنگەن ءوندىرىس حاۋىپسىزدىگى قىزمەت جاۋاپكەرلىگى بويىنشا، كەزەكتەگى ءوندىرىس حاۋىپسىزدىگى جاعدايىنىڭ ورنىقتى بولۋىنا بار كۇشپەن كەپىلدىك ەتۋى كەرەك.
ماجىلىستە مىنالار باسا دارىپتەلدى: رايونىمىزداعى جەر - جەر ءوندىرىس حاۋىپسىزدىگى تەكسەرۋىن ۇزدىكسىز ورىستەتىپ، كەزەكتەگى ءوندىرىس حاۋىپسىزدىگى ەرەكشەلىگىنە قاراتا، شىرعالاڭ وڭاي تۋىلاتىن ءتۇيىندى كاسىپ سالاسىن، اسىرەسە، قاتىناس - تاسىمال، كومىر كەن، ءورت ءوشىرۋ، ورتتەن ساقتانۋ، قاتەرلى حيميالىق زاتتار، جارقىلداق - تورسىلداق، قۇرىلىس جۇرگىزۋ، ساياحات، وقۋ - اعارتۋ سياقتى ءتۇيىندى سالالارعا حاۋىپسىزدىك تەكسەرۋىن ۇزدىكسىز ۇزبەي ورىستەتىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان بار كۇشپەن ساقتانۋى جانە ونى تەجەۋى كەرەك.
ماجىلىستە مىنالار اتاپ كورسەتىلدى: جەر - جەر، تاراۋلار، ورىندار شۇعىل جاعدايعا توتەپ بەرۋ كەزەكشىلىك قىزمەتىن كۇشەيتۋى كەرەك، اۆتونوميالى رايون شۇعىل جاعدايعا توتەپ بەرۋ كەزەكشى كەڭسەسىنىڭ كەزەكتە تۇرۋ جاعدايىنا قۋزاۋ، تەكسەرۋ جۇرگىزىپ، ءتۇرلى شۇعىل جاعدايعا توتەپ بەرۋ كەزەكشىلىك قىزمەتىنىڭ ورىندالۋىنا كەپىلدىك ەتەدى.
