تيانشان تورابى   ›   جاڭالىقتار   ›   شينجياڭ حابارلارى

اۆتونوميالى رايوننىڭ دامۋ جانە رەفورما قىزمەتى ءماجىلىسى اشىلدى

  جوعارى ساپالى دامۋدى 8 جاقتان ىلگەرىلەتەيىك

  ءتىلشى شى شين، پراكتيكانت لياڭ يانني 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى اشىلعان اۆتونوميالى رايوننىڭ دامۋ جانە رەفورما قىزمەتى ماجىلىسىنەن ۇعىسۋىمىزشا، 2019 - جىلى رايونىمىز نازاردى باس نىساناعا شوعىرلاندىرىپ، جاڭا دامۋ ۇستانىمىنا تاباندى بولىپ، جوعارى ساپالى دامۋدى 8 جاقتان ىلگەرىلەتەدى ەكەن.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: 2018 - جىلدان بەرى، تۇتاس رايونىمىزدىڭ دامۋ جانە رەفورما جۇيەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، قىزمەتتى ورنىقتىلىق بارىسىندا ىلگەرىلەتۋ سىندى نەگىزگى ارناعا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، رەفورما جاساۋدى تەرەڭدەتۋگە، ەسىك اشۋدى كەڭەيتۋگە كۇش سالىپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىن مىقتاپ يگەرىپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى ءبىر تۇتاس جوسپارلاپ، ءتۇرلى قىزمەتتە تىڭ دامۋعا، تىڭ تابىسقا قول جەتكىزدى.

  ءماجىلىس مىنالاردى باسا دارىپتەدى: 2019 - جىل − جاپپاي دوڭگەلەك داۋلەتتى قوعام ورناتۋدىڭ شەشۋشى جىلى، تۇتاس رايونىمىزدىڭ دامۋ جانە رەفورما قىزمەتىن جاقسى ىستەۋدىڭ ماڭىزى زور. تۇتاس رايونىمىزدىڭ دامۋ جانە رەفورما جۇيەسى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن شىنايى بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋلارىن تياناقتاندىرىپ، نازاردى باس نىساناعا شوعىرلاندىرىپ، جوعارى ساپالى دامۋعا جاراسىمدى، ورنىقتى قوعامدىق ورتا ازىرلەۋ، جاڭا دامۋ ۇستانىمىن دايەكتىلەندىرىپ، 3 ۇلكەن قامال الۋ شايقاسىن ۇزدىكسىز ويداعىداي جۇرگىزۋ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى سياقتى «3 ءتۇيىندى قىزمەتتى» كورنەكتىلەندىرىپ مىقتاپ ۇستاۋ، رەفورمانى جاپپاي تەرەڭدەتىپ، ءتۇرلى بازار تۇلعالارىنىڭ ومىرشەڭدىگىن جانداندىرۋ، ىشكى سۇرانىستى اناعۇرلىم ارتتىرىپ، تۇتىنۋدىڭ نەگىزدىك رولىن جانە قارجى قوسۋدىڭ شەشۋشى رولىن ويداعىداي ساۋلەلەندىرۋ، باعانى باسقارۋ ورەسىن ۇزدىكسىز جوعارىلاتىپ، ماكرولىق ەكونوميكانىڭ دامۋىنا قىزمەت وتەۋ، حالىققا تيىمدىلىك جەتكىزۋ ينجەنەريالارىن ۇزدىكسىز ىلگەرىلەتۋ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ سياقتى 8 جاقتان جوعارى ساپالى دامۋدى ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى