تيانشان تورابى   ›   جاڭالىقتار   ›   شينجياڭ حابارلارى

ستەرەولدى «قاتىناس شەڭبەرى» جەدەل قالىپتاستى

  شينجياڭ ىشىندە ساقينالى تۇتاسىپ، شينجياڭعا كىرۋ - شىعۋ تەزدەدى

  ءتىلشى لۋ فىڭباۋ، پراكتيكانت لياڭ يانني

  - تۇتاس شينجياڭداعى جوعارى قارقىندى تاس جولدىڭ ۇزىندىعى 4800 كيلومەتردەن اسىپ، 105 اۋدان دارەجەلى اكىمشىلىك ورىننىڭ 72سىنە جوعارى قارقىندى نەمەسە 1 - دارەجەلى تاس جول، 103ىنە 2 - دارەجەلى تاس جول تۇتاستى

  - تۇتاس شينجياڭداعى تەمىر جولدىڭ قاتىناۋ ۇزىندىعى 6200 كيلومەتردەن اسىپ، 3 تاۋ، 2 ويپاتتان وتەتىن بۇكىلدەي جاڭا جول تورابى قالىپتاستى

  - ەل ءىشى - سىرتىنداعى 36 اۆياتسيا سەرىكتەستىگى 254 تارماق مەرزىمدى اۋە جەلىسىن ىسكە قوستى، 16 مەملەكەت، 25 حالىقارالىق (رايوندىق) قالا، ەل ىشىندەگى 79 قالا ءۇرىمجى حالىقارالىق اۋەجايىنا ۇشاق قاتىناتتى، شينجياڭ ىشىندەگى تارماق جەلى اۋەجايلارى اراسىنا 31 اۆياتسيا جەلىسى تۇتاستى، تارماق جەلى اۋەجايلارىنان ىشكەرىدەگى قالالارعا 42 اۆياتسيا جەلىسىندە تىكە ۇشاق ۇشتى

  جاقىندا عانا اشىلعان اۆتونوميالى رايوندىق پارتكومنىڭ ەكونوميكالىق قىزمەت ماجىلىسىندە «شينجياڭ ىشىندە ساقينالى تۇتاستىرۋ، شينجياڭعا كىرۋ - شىعۋدى تەزدەتۋ» نىساناسىن كوزدەپ، مەملەكەتتىك، ولكەلىك تاس جول جانە جوعارى قارقىندى تاس جول قۇرىلىسىن جەدەلدەتىپ، شينجياڭدى جوعارى قارقىندى تاس جول داۋىرىنە قادام باستىرىپ، لانجوۋ - شينجياڭ جوعارى قارقىندى تەمىر جولىن نەگىزگى جەلى، وڭتۇستىك - سولتۇستىك شينجياڭ جوعارى قارقىندى جولىن ەكى قانات ەتكەن تەمىر جول «قاتىناس شەڭبەرىن» قالىپتاستىرىپ، شينجياڭنىڭ ءىشى - سىرتىنداعى بىرلەسكەن تاسىمال تورىن جەدەل تۇلعالاۋ كەرەكتىگى العا قويىلدى.

  جۋىقتاعى جىلداردان بەرى، شينجياڭ شينجياڭنان كىرىپ - شىعاتىن تەمىر جول، تاس جول ءىرى ارناسى قۇرىلىسىن زور كۇشپەن ىلگەرىلەتىپ، شينجياڭنىڭ ىشىندەگى تاس جول، تەمىر جول، حالىقتىق اۆياتسيا تورىن كەمەلدەندىرىپ، ستەرەولدى «قاتىناس شەڭبەرىن» جەدەل قالىپتاستىردى.

  -ايماقتار، وبلىستار، قالالار جوعارى قارقىندى تاس جولمەن جاپپاي قامتىلدى

  G7 بەيجيڭ - شينجياڭ جوعارى قارقىندى تاس جولىندا اۆتوكولىك قاتىناپ، شينجياڭعا كىرىپ - شىعاتىن جوعارى قارقىندى تاس جولدىڭ سولتۇستىك ارناسى قالىپتاسىپ، شينجياڭنان بەيجيڭگە دەيىنگى جول 1300 كيلومەتردەن استام قىسقاردى؛ جوعارى قارقىندى تاس جولدىڭ شينجياڭنىڭ ورتا بولىگىنەن شىعاتىن ارناسى − G30 جەلىسىنىڭ شينجياڭ بولىگىندەگى كەڭەيتىپ سالىناتىن كوپتەگەن نىساندار ورنىقتى ىلگەرىلەپ، شينجياڭعا كىرىپ - شىعاتىن ارنا قۇرىلىسىن تەزدەتۋگە قۇلشىنىس جاسالدى.

  بىلتىر 8 - ايدىڭ 1 - كۇنى G3012 قاراقاشتان حوتانعا دەيىنگى جوعارى قارقىندى تاس جول سالىنىپ، اۆتوكولىك قاتىنادى، بۇل حوتان ايماعىنداعى تۇڭعىش جوعارى قارقىندى تاس جول. وسىعان دەيىن جوعارى قارقىندى تاس جول تۇتاس شينجياڭداعى بارلىق ايماق، وبلىس، قالانى قامتىدى.

  «تۇتاس شينجياڭداعى جوعارى قارقىندى تاس جولدىڭ نەگىزگى سۇلباسى قالىپتاستى، سولتۇستىك، ورتا، وڭتۇستىك جانە وڭتۇستىك - سولتۇستىك شينجياڭ جوعارى قارقىندى تاس جولىنىڭ ءىرى ارناسى جەدەل سالىنىپ، جۇرتتىڭ بارىس - كەلىسى، اۋىس - ءتۇيىسى كۇننەن - كۇنگە قولايلىلاندى»، - دەدى اۆتونوميالى رايوندىق قاتىناس - تاسىمال مەڭگەرمەسىنىڭ باس جوبالاۋشىسى جىڭ ميڭچۋان.

  جوعارى قارقىندى تاس جول ءالى دە ساقينالى تۇتاسىپ ۇلگىرمەگەنمەن، مەملەكەتتىك، ولكەلىك نەگىزگى جەلىلەر شينجياڭدى «وراي» باستادى، مەيلى تاكلاماكان شولىندە، الدە جوڭعار ويپاتىندا بولسىن، تەز دە قولايلى مەملەكەتتىك، ولكەلىك تاس جولدار ءبىر - بىرلەگەن تۇيىق اينالمالار قالىپتاستىرىپ، شينجياڭنىڭ شار تارابىن تۇتاستىردى.

  قازىر تۇتاس شينجياڭداعى جوعارى قارقىندى تاس جولدىڭ ۇزىندىعى 4800 كيلومەتردەن استى. رايونىمىزداعى 105 اۋدان دارەجەلى اكىمشىلىك ورىننىڭ 72سىنە جوعارى قارقىندى نەمەسە 1 - دارەجەلى تاس جول، 103ىنە 2 - دارەجەلى تاس جول تۇتاستى.

  بۇل كۇندەرى رايونىمىز ءۇرىمجى قالاسىن ورتالىق، مەملەكەتتىك، ولكەلىك نەگىزگى جەلىلەردى نەگىزگى سۇلبا ەتكەن، جوڭعار جانە تارىم ويپاتتارىن اينالاتىن ءارى كەسىپ وتەتىن، ايماق، وبلىس (قالا)، اۋدان، اۋىل جانە ەگىن، مال شارۋاشىلىق تۋان الاڭدارىن قامتيتىن، شىعىستا گانسۋ، چيڭحايمەن ۇلاساتىن، وڭتۇستىكتە شيزاڭعا جالعاساتىن، باتىستا ورتا ازياداعى، باتىس ازياداعى ەلدەرگە شىعاتىن، سولتۇستىكتە موڭعۇلياعا باراتىن نەگىزگى، تارماق جەلى تاس جول قاتىناس تورى قالىپتاستى.

  بيىل رايونىمىز مەملەكەتتىك، ولكەلىك تاس جول جانە جوعارى قارقىندى تاس جول قۇرىلىسىن جەدەلدەتىپ، G30 جەلىسىنىڭ ۇرىمجىدەن كۇيتۇنگە، داحۋاڭشاننان ۇرىمجىگە دەيىنگى، ت.ب جوعارى قارقىندى تاس جولداردى سالىپ، اۆتوكولىك قاتىناتۋعا كۇش سالىپ، G7 ۋتۇڭ داچۋاننان شياماياعا، اراتۇرىككە دەيىنگى جوعارى قارقىندى تاس جول سياقتى ءبىر توپ جالعاستىرىپ سالىناتىن نىسانداردى جەدەل اتقارىپ، G3018 جىڭنان الاتاۋ ساعاسىنا دەيىنگى جوعارى جىلدامدىقتى تاس جولدى جاڭادان باستاپ سالۋعا كۇش سالىپ، شينجياڭدى جالپى بەتتىك جوعارى قارقىندى تاس جول داۋىرىنە وتكىزەدى.

  - تەمىر جول «قاتىناس شەڭبەرىن» قالىپتاستىردى

  حوتاندا ىزعار تىم قاتتى بولدى، 1 - ايدىڭ 9 - كۇنى حوتاننان چارقىلىققا دەيىنگى تەمىر جول نىسانىنىڭ جۇمىس باسىندا جۇمىسشىلار بەتوندى الدىن الا قۇيۋ الاڭى، بولات مانەرلەۋ زاۆودى، جۇمىس اۋماعى تۇراعى سياقتىلاردى قاربالاس سالىپ جاتتى. «قىس بولسا دا جۇمىستى دەن قويا ىستەيمىز»، - دەدى جۇڭتيە بەيجيڭ قۇرىلىس مەكەمەسى توبى حوتان - چارقىلىق تەمىر جول نىسانىنىڭ ديرەكتورى جاڭ تيەفىڭ.

  حوتان - چارقىلىق تەمىر جولى سالىنعاننان كەيىن، وڭتۇستىك شينجياڭ تەمىر جولى جانە قازىر سالىنىپ جاتقان گولمۇتتان كورلاعا دەيىنگى تەمىر جول ارقىلى تاكلاماكان ءشولىن اينالاتىن تەمىر جول شەڭبەرىن قالىپتاستىرادى.

  سولتۇستىك شينجياڭدا 2017 - جىلى 6 - ايدىڭ 10 - كۇنى بەيتۇن - التاي تەمىر جولى تۇتاسقاننان كەيىن، كۇيتۇن - بەيتۇن تەمىر جولى التاي قالاسىنا جەتتى، 2016 - جىلى باستالعان التايدان كوكتوعايعا، جۇندۇڭعا دەيىنگى تەمىر جول قۇرىلىسى قازىر جالعاسۋدا، بۇعان قازىر بار لانجوۋ - شينجياڭ تەمىر جولىنىڭ سولتۇستىك شينجياڭ جەلىسىن قوسقاندا، جوڭعار ويپاتىن اينالاتىن تەمىر جول شەڭبەرى جۋىق ارادا قالىپتاسپاق.

  ساقينالى تۇتاسۋمەن بىرگە، قارقىن دا تەزدەدى. 2014 - جىلى لانجوۋ - شينجياڭ تەمىر جولىنىڭ سالىنىپ، اينالىسقا تۇسۋىنە ىلەسە، ۇرىمجىدەن لانجوۋعا باراتىن ۋاقىت 12 ساعاتتىڭ ىشىندە قىسقاردى.

  شينجياڭنىڭ تەمىر جول تاراۋى كەزەكشى پويەزدەردىڭ قاتىناۋ كەستەسىن ۇزدىكسىز رەتتەپ، كەزەكشى پويەزدەردىڭ قاتىناۋ ۋاقىتىن ساپالىلاندىردى جانە قىسقارتتى. 2017 - جىلى 10 - ايدىڭ 12 - كۇنى شينجياڭ تەمىر جولى جىل ىشىندەگى 8 - رەتكى كەستە رەتتەۋدى اتقارىپ، شينجياڭنان چىڭدۋ، چۇڭچيڭ، كۇنميڭ باعىتتارىندا قاتىنايتىن كەزەكشى پويەزدەردىڭ قاتىناۋ ۋاقىتىن قىسقارتتى، مۇنىڭ ىشىندە ۇرىمجىدەن چۇڭچيڭگە قاتىناۋ ۋاقىتىنان 15 ساعاتقا تاياۋ ۇنەمدەلدى.

  «شينجياڭ تەمىر جولىنىڭ تاياۋ جىلداردان بەرى جولاۋشى تاسىمالىن ۇيىمداستىرۋدى ساپالىلاندىرا رەتتەۋىنە جانە قارقىندى تەزدەتىپ، قۋاتىن كەڭەيتۋىنە ىلەسە، وڭتۇستىك - سولتۇستىك شينجياڭ تەمىر جولىنىڭ قاتىناس تورى اينالىمى اناعۇرلىم ىركىلىسسىزدەنىپ، بۇقارانىڭ ساپار ۋاقىتى كۇن سايىن قىسقاردى»، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جولاۋشى تاسىمال ءبولىمىنىڭ ورىنباسار مەڭگەرۋشىسى سى شىنمين.

  كەزەكتە شينجياڭ تەمىر جولىنىڭ ساۋدا جولى 6200 نەشە كيلومەترگە جەتتى، شينجياڭ تەمىر جولى ەڭ العاشقى ءتۇزۋ جولدان ايىر جولعا وزگەرگەن، ونان قازىرگى لانجوۋ - شينجياڭ جەلىسى، وڭتۇستىك شينجياڭ جەلىسى، ءۇرىمجى - جۇندۇڭ جەلىسى، جىڭ - قۇلجا - قورعاس جەلىسى، لانجوۋ - شينجياڭ جوعارى قارقىندى تەمىر جولى سياقتىلاردى ءوز ىشىنە العان، 3 تاۋ، 2 ويپاتتى كەسىپ وتكەن جاڭا جول تورى جۇلگەسىن قالىپتاستىردى.

  بيىل رايونىمىز گولمۇت - كورلا تەمىر جولى سياقتى سالىنۋ ۇستىندەگى ءبىر توپ نىسان قۇرىلىستارىن بار كۇشپەن ىلگەرىلەتىپ، قارامايلىدان شاۋەشەككە دەيىنگى تەمىر جولدى، بۇراتالا وبلىسىنا باراتىن تارماق تەمىر جولدى سالادى، حوتان - چارقىلىق تەمىر جولىنىڭ، وڭتۇستىك شينجياڭ تەمىر جولىنىڭ كورلادان قاشقارعا دەيىنگى جىلدامدىعىن ارتتىرۋ، قۋاتىن كەڭەيتىپ جاڭالاۋ سياقتى نىسان قۇرىلىستارىن، قۇلجادان اقسۋعا دەيىنگى تەمىر جول سياقتى نىسانداردىڭ العاشقى مەرزىمدىك قىزمەتىن جەدەل ىلگەرىلەتەدى.

  - شينجياڭنىڭ ءىشى - سىرتىنا قاتىنايتىن اۆياتسيا بىرلەسپە تاسىمال تورىن تۇلعالادى

  2018 - جىلى 12 - ايدىڭ 26 - كۇنى وڭتۇستىك اۆياتسيا cz6827 كەزەكشى ۇشاعىنىڭ ءساتتى قونۋىنا ىلەسە، تۇمسىق تاڭۋاڭچىڭ اۋەجايىندا رەسمي ۇشاق قاتىنادى. وسىمەن شينجياڭدا 21 حالىقتىق تارماق جەلى اۋەجايى پايدالانۋعا بەرىلدى.

  حۋاشيا اۆياتسياسى كورلا بازاسىنىڭ باس ديرەكتورى جاۋ شياۋبو تانىستىرىپ بىلاي دەدى: حۋاشيا اۆياتسياسى شينجياڭ ىشىندەگى اۋە جەلىسىن جيىلەتىپ، شينجياڭ ىشىندەگى «بۇلت ءۇستى الەۋمەتتىك قاتىناس» اۆياتسيا سترەولدى تورىن قۇرۋدى ءتۇيىندى ىلگەرىلەتىپ، تۇتاس شينجياڭنىڭ قالالارىنىڭ دەنىن ءجيى اۋە جەلىسى تورىمەن تۇتاستىرىپ، شينجياڭ كولەمىندەگى اينالما جەلى مەن تىزبەكتى اۋە جەلىسىنىڭ ءوزارا تولىقتاۋىن قالىپتاستىرىپ، قالالار ارا ۋاقىت پەن كەڭىستىك ارالىعىن قىسقارتادى. كەزەكتە شينجياڭ ىشىندەگى «بۇلت ءۇستى الەۋمەتتىك قاتىناس» اۆياتسيا سترەولدى تورى العاشقى ادىمدا قالىپتاسىپ، تۇتاس شينجياڭنىڭ 14 تارماق جەلى اۋەجايىمەن تۇتاستى.

  كەزەكتە تۇتاس شينجياڭداعى ىشكى - سىرتقى 36 اۆياتسيا سەرىكتەستىگى 254 تارماق مەرزىمدى اۋە جەلىسىن ىسكە قوستى، 16 مەملەكەتتەگى 25 حالىقارالىق (وڭىرلىك) قالا، ەل ىشىندە 79 قالا ءۇرىمجى حالىقارالىق اۋەجايىنا ۇشاق قاتىناتتى، شينجياڭ ىشىندەگى تارماق جەلى اۋەجايلارى اراسىنا 31 اۆياتسيا جەلىسى تۇتاستى، تارماق جەلى اۋەجايلارىنان ىشكەرىدەگى قالالارعا 42 اۆياتسيا جەلىسىندە تىكە ۇشاق ۇشتى.

  بيىل رايونىمىز اۋەجايدىڭ يقۋاتتىق ورنالاسۋىن كەمەلدەندىرۋدى، اۆياتسيانىڭ تۇتاسۋ دەڭگەيىن جوعارىلاتۋدى ارقاۋ ەتىپ، ءۇرىمجى حالىقارالىق اۋەجايىن كەڭەيتىپ سالۋ جانە كەريا اۋەجايىن جاڭادان سالۋ سياقتى نىسانداردى ىلگەرىلەتىپ، بازارعا بەت الدىرۋ شاراسى ارقىلى اۆياتسيا سەرىكتەستىكتەرى مەن امبەباپ اۆياتسيا سەرىكتەستىكتەرىن ەنگىزىپ، شينجياڭنىڭ ءىشى - سىرتىنىڭ بىرلەسپە تاسىمال تورىن جەدەل تۇلعالايدى.

  قاتىناس نەگىزدىك قۇرىلعى قۇرىلىستارى نىساندارىنىڭ جاڭا ىلگەرىلەۋشىلىككە قول جەتكىزۋىنە ىلەسە، «شينجياڭ ىشىندە ساقينالى تۇتاسىپ، شينجياڭعا كىرۋ - شىعۋدى تەزدەتۋ» نىساناسىنىڭ جۇزەگە اسۋى تەزدەپ، «اياق باسقان زامان جولعا شىعۋ، كوزدى اشىپ - جۇمعانشا جەتىپ بارۋداي» قاتىناس جاعدايىن قالىپتاستىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى