تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدارى قىزمەت ەرەجەسىن» باسىپ تاراتتى

  شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدارى قىزمەت ەرەجەسىن» (تومەندە «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ وڭىرلەردەن، تاراۋلاردان مۇقيات اتقارۋدى تالاپ ەتتى.

  حابارلاندىرۋدا مىنالار تالاپ ەتىلدى: جۇڭگو كوممۋنيستىك پارتياسى ورتالىق كوميتەتى 1999 - جىلى 2 - ايدا باسىپ تاراتقان «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدارى قىزمەت ەرەجەسى» پارتيانىڭ اۋىل - قىستاق قىزمەتىنە باسشىلىعىن كۇشەيتۋ، پارتيانىڭ اۋىل - قىستاق نەگىزگى ساتى ۇيىمدارى قۇرىلىسىن كۇشەيتۋ جانە جاقسارتۋ، پارتيانىڭ اۋىل - قىستاقتاعى بيلىك جۇرگىزۋ نەگىزىن بەكەمدەۋ جونىنەن ماڭىزدى رول اتقاردى. اۋىل - قىستاق رەفورماسىنىڭ، دامۋىنىڭ جانە جاعدايدىڭ، مىندەتتىڭ وزگەرۋىنە ىلەسە، بۇل ەرەجە جاڭا تالاپتار مەن امالياتتىڭ قاجەتىنە بۇكىلدەي ۇيلەسە الماي قالدى، پارتيا ورتالىق كوميتەتى وعان وزگەرىس ەنگىزۋدى ۇيعاردى.

  حابارلاندىرۋدا مىنالار اتاپ كورسەتىلدى: پارتيانىڭ اۋىل - قىستاقتاعى نەگىزگى ساتى ۇيىمدارى پارتيانىڭ اۋىل - قىستاقتاعى بارلىق قىزمەتىنىڭ جانە جاۋىنگەرلىك قۋاتىنىڭ نەگىزى، اۋىل، قالاشىق، قىستاقتاردىڭ ءتۇرلى ۇيىمدارى مەن قىزمەتتەرىنە جاپپاي باسشىلىق ەتەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ اۋىل - قىستاق نەگىزگى ساتى ۇيىمدارىنىڭ قۇرىلىسىنا وسكەلەڭ ءمان بەرىپ، ءار دارەجەلى پارتيا ۇيىمدارىنىڭ پارتيانى پارتيا باسقارۋ، پارتيانى جاپپاي قاتاڭ جونگە سالۋ تالاپتارىن مۇقيات تياناقتاندىرۋىن ىلگەرىلەتىپ، اۋىل - قىستاق پارتيا ياچەيكالارىن مىقتاپ يگەرىپ، جاۋىنگەرلىك قامالدى كۇشەيتىپ، كورنەكتى ونىمدىلىكتەرگە قول جەتكىزدى. قازىر اۋىل - قىستاقتىڭ رەفورماسى ۇزدىكسىز تەرەڭدەپ، كەدەيلىكتەن ارىلتۋدان قامال الۋدا شەشۋشى شايقاس جاساپ، شەشۋشى جەڭىسكە جەتىپ، جاڭا داۋىردە اۋىل - قىستاقتى جاپپاي گۇلدەندىرۋدى ىلگەرىلەتىپ، شارۋا بۇقاراسىنىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن ۇزدىكسىز قاناعاتتاندىرىپ، ءسوز جوق، پارتيانىڭ اۋىل - قىستاقتاعى نەگىزگى ساتى ۇيىمدارى قۇرىلىسىن اناعۇرلىم كورنەكتى ورىنعا قويىپ يگەرىپ، پارتيا ۇيىمدارىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگارد، ونەگەلىك رولىن تولىق ساۋلەلەندىرىپ، اۋىل - قىستاقتىڭ رەفورماسىنا، دامۋىنا، ورنىقتىلىعىنا ساياسي جانە ۇيىمدىق جاقتان پارمەندى كەپىلدىك ەتۋ كەرەك.

  حابارلاندىرۋدا مىنالار باسا دارىپتەلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن جانە جاڭا داۋىردەگى پارتيا قۇرىلىسىنىڭ جالپى تالاپتارىن، جاڭا داۋىردەگى پارتيا ۇيىمدارىنىڭ لۋشيانىن دايەكتىلەندىرىپ، اۋىل - قىستاقتىڭ ءىس جۇزىندىگىمەن تىعىز ۇشتاستىرىپ، ماسەلەنى باعدار ەتۋدەن جازباي، نەگىزگى ساتى جاراتقان جاقسى تاجىريبەلەردى، جاقسى ءادىس - امالداردى قورىتىندىلاپ، پارتيانىڭ اۋىل - قىستاق نەگىزگى ساتى ۇيىمدارى قىزمەتىنە جان - جاقتى ولشەم جاسادى، ول جاڭا داۋىردەگى پارتيانىڭ اۋىل - قىستاق نەگىزگى ساتى ۇيىمدارى قۇرىلىسىنىڭ نەگىزگى ولشەمى. «ەرەجەنىڭ» جاريالانىپ اتقارىلۋى پارتيانىڭ اۋىل - قىستاق قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، اۋىل - قىستاقتى گۇلدەندىرۋ ستراتەگياسىن ىشكەرىلەي اتقارۋ، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي كەڭەيۋىن ىلگەرىلەتۋ، پارتيانىڭ اۋىل - قىستاق نەگىزگى ساتى ۇيىمدارى قۇرىلىسىنىڭ ساپاسىن جوعارىلاتۋ، پارتيانىڭ اۋىل - قىستاقتاعى بيلىك جۇرگىزۋ نەگىزىن بەكەمدەۋ جونىنەن توتەنشە ماڭىزدى مانگە يە.

  حابارلاندىرۋدا مىنالار اتاپ كورسەتىلدى: اۋىل - قىستاق قىزمەتىن پارتيا باسقارۋ − پارتيامىزدىڭ تاماشا ءداستۇرى، پارتيانىڭ اۋىل - قىستاق نەگىزگى ساتى ۇيىمدارى قۇرىلىسىنا ءمان بەرۋ جانە ونى جاقسى ۇستاۋ − پارتيالى باسشى كادرلاردىڭ ساياسي جاۋاپكەرشىلىگى. ءار دارەجەلى پارتكومدار (پارتيا باسشىلىق گرۋپپاسى)، ءسوز جوق، پارتيانىڭ بيلىك جۇرگىزۋ نەگىزىن بەكەمدەۋ وسكەلەڭ تۇرعىسىن شىعار ءتۇيىن ەتىپ، اۋىل - قىستاق نەگىزگى ساتى پارتيا ۇيىمدارىنىڭ باسشىلىق ورنىنان بۇلجىماۋعا، اسىرەسە، اۋدان دارەجەلى جەرگىلىكتى پارتكومدار پارتيانىڭ اۋىل - قىستاق نەگىزگى ساتى ۇيىمدارى قۇرىلىسىن كۇشەيتۋدى پارتيانى باسقارۋدىڭ، پارتيانى جونگە سالۋدىڭ ماڭىزدى مىندەتى ەتىپ مىقتاپ يگەرۋگە، تىڭعىلىقتى يگەرۋگە باستان - اياق تاباندى بولىپ، پارمەندى شارالاردى جولعا قويىپ، جاۋاپكەرشىلىك قامتاماسىزدىعىن كۇشەيتىپ، «ەرەجەنىڭ» ناقتى تياناقتانۋىن، ناقتى ونىمدىلىك كورسەتۋىن ىلگەرىلەتۋ كەرەك. ۇيرەنۋدى، ۇگىتتەۋدى كۇشەيتىپ، گازەت، راديو، تەلەۆيزور جانە تەلەفون، ينتەرنەت سياقتى دانەكەرلەردەن پايدالانىپ، شوعىرلى ۇيرەنۋ، ارناۋلى تاقىرىپتىق زەرتتەۋ - تالقى سياقتى فورمالار ارقىلى ءار دارەجەلى پارتيا ۇيىمدارىنا جانە قالىڭ پارتيا مۇشەلەرىنە، كادرلارعا «ەرەجەنىڭ» رۋحىن جەتە ءتۇسىندىرىپ، اسىرەسە، ءاربىر قىستاق پارتيا ياچەيكاسىنا ۇگىتتەپ، «ەرەجەنىڭ» مازمۇنىن جاپپاي يگەرتىپ، يدەيا مەن ارەكەتتى پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن بىرلىككە كەلتىرىپ، «ەرەجەنى» شىن مانىندە ويداعىداي دايەكتىلەندىرۋ، تياناقتاندىرۋ كەرەك. باۋلۋدى ۇيىمداستىرىپ ورىستەتىپ، «ەرەجەنى» پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋ مازمۇنىنا جانە پارتيا مەكتەبىنىڭ (اكىمشىلىك شۋەيۋان) وقىتۋ ساباعىنا كىرگىزىپ، اۋدان، اۋىل، قىستاق پارتيا ۇيىمدارى شۋجيلەرىنە ارناۋلى تاقىرىپتا كەزەكپەن باۋلۋ جۇرگىزىپ، اۋىل - قىستاق نەگىزگى ساتى قىزمەتىن ىستەپ، اۋىل - قىستاق پارتيا ياچەيكالارى قۇرىلىسىن يگەرۋ قابىلەتىن جوعارىلاتۋ كەرەك. باقىلاۋدى، تەكسەرۋدى كۇشەيتىپ، «ەرەجەنى» دايەكتىلەندىرۋ، تياناقتاندىرۋ بارىسىنداعى قاتىستى ماسەلەلەردى دەر كەزىندە شەشۋ كەرەك. ورتالىق كوميتەت ۇيىمداستىرۋ ءبولىمى قاتىستى تاراۋلارمەن بىرگە قۋزاۋدى، جەتەكشىلىك ەتۋدى كۇشەيتىپ، بەلگىلەمەلەردىڭ دايەكتى اتقارىلۋىنا كەپىلدىك ەتۋ كەرەك.

  حابارلاندىرۋدا مىنالار تالاپ ەتىلدى: وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.