تيانشان تورى   ›   جاڭالىقتار   ›   ەل ءىشى حابارى

بوساڭسىماي، توقىراپ قالماي، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەيىك، دامىتايىق

  − باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزى قىزۋ اڭىس قوزعادى

  شينحۋا اگەنتتىگىنىڭ ءتىلشىسى

  باس شۋجي شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە ماڭىزدى ءسوز سويلەپ، پارتيا 19 - قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكەن جاڭا، ەلەۋلى جەتىستىكتەردى تولىق تۇراقتاندىرىپ، پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىگىنە قول جەتكىزۋ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋگە، دامىتۋعا ايقىن العا باسۋ بەتالىسىن كورسەتتى.

  باس شۋجي شي جينپيڭنىڭ ماڭىزدى ءسوزى جەر - جەردە قىزۋ اڭىس قوزعادى. كوپشىلىك مىنالاردى ءبىلدىردى: يدەيا مەن ارەكەتتى ءسوزدىڭ رۋحىمەن بىرلىككە كەلتىرىپ، بوساڭسىماي، توقىراپ قالماي، ماڭگى جالعاستىراتىن تاباندىلىق پەن قايسارلىق ارقىلى پارتيانى جاپپاي قاتاڭ جونگە سالۋدى تىڭعىلىقتى ىلگەرىلەتىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋىمىز، دامىتۋىمىز كەرەك.

  - شىرىكتەسۋگە قارسى تۇرۋ كۇرەسىنىڭ ۇستەم جەڭىسى جۇرتتى جىگەرلەندىردى

  «پارتيا مەن مەملەكەتتىڭ باقىلاۋ جۇيەسىن كەمەلدەندىرۋ»، «پارتيانى جاپپاي قاتاڭ جونگە سالۋدىڭ ناقتى ونىمدىلىگى ۇزدىكسىز جوعارىلاپ، پارتيانىڭ ىشكى ساياسي ەكولوگياسى ونان ارى جاقساردى»... باس شۋجي شي جينپيڭنىڭ ماڭىزدى ءسوزى ناتيجەنى تۇراقتاندىرىپ، جۇرتتى جىگەرلەندىردى.

  بەيجيڭ قالالىق پارتكومنىڭ تۇراقتى مۇشەسى، قالالىق ءتارتىپ تەكسەرۋ كوميتەتىنىڭ شۋجيى، قالالىق باقىلاۋ - تەكسەرۋ كوميتەتىنىڭ ۋاقىتشا مەڭگەرۋشىسى چىن يۇڭ بىلاي دەدى: باس شۋجي شي جينپيڭنىڭ ماڭىزدى سوزىندە پارتيا 19 - قۇرىلتايىنان بەرگى پارتيا مەن مەملەكەتتىڭ باقىلاۋ جۇيەسىن كەمەلدەندىرۋدە قول جەتكەن جاڭا جەتىستىكتەر تولىق تۇراقتاندىرىلدى. باقىلاۋ - تەكسەرۋ ءتۇزىلىسى رەفورماسىنىڭ مەملەكەت بويىنشا تۇڭعىش توپتاعى سىناق ءتۇيىن ءوڭىرى رەتىندە، بەيجيڭ قالاسى باقىلاۋ - تەكسەرۋ بيلىگىن جۇرگىزۋدىڭ ءتۇزىلىس - مەحانيزمىن ورناتتى، قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ءتۇرلى تۇزىمدەردەن جيىنى 92سىن جاسادى، اتقاردى، بۇكىل قالا كولەمىندە ءبىر - بىرلەپ اۋجاي ءتۇيىپ، تۇراقتاندىرۋ ارقىلى باقىلاۋ - تەكسەرۋ وبيەكتىلەرى 771 مىڭ ادامعا جەتتى، رەفورمانىڭ الدىنداعىعا سالىستىرعاندا 560 مىڭ ادام قوسىلىپ، پارتيا مۇشەلەرى مەن الەۋمەتتىك بيلىك جۇرگىزۋشى ادامدار تۇگەلدەي باقىلاۋ كولەمىنە قامتىلدى.

  باس شۋجي شي جينپيڭ سوزىندە رەفورما جاساعان، ەسىك اشقان 40 جىلدان بەرى پارتيانىڭ وزىنە توڭكەرىس جۇرگىزگەندەگى قۇندى تاجىريبەلەرىن تەرەڭ قورىتىندىلادى. «ءسوز جوق، حالىقتى وزەك ەتۋگە تاباندى بولىپ، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە كەپىلدىك ەتۋ» جونىندە نەگىزگى ساتى ءتارتىپ تەكسەرۋ جۇيەسىندە 8 جىل قىزمەت ىستەگەن يۇننان ولكەسى شۋانۋي قالاسى شۋاڭلۇڭ ءمالى باسقارماسى ءتارتىپ تەكسەرۋ قىزمەت كوميتەتىنىڭ شۋجيى ياڭ جۇنفىڭ تەرەڭ اسەرگە يە.

  2017 - جىلى ياڭ جۇنفىڭعا بۇقارا بەلگىلى ءبىر قىستاقتا اۋىل - قىستاق ەڭ تومەنگى تۇرمىسىن قامتاماسىز ەتۋ قاراجاتىن بەرۋدە جاقىندارىن، دوستارىن الدىمەن ەسكەرۋ سياقتى ماسەلەلەر ورىن تەۋىپ وتىرعاندىعىن اڭىس ەتەدى. ول قىزمەتتەسىمەن بىرگە قىستاقتا تۇرىپ، وتباسىلارىن ارالاپ تەكسەرۋ جۇرگىزىپ، اتالعان قىستاقتا اۋىل - قىستاق ەڭ تومەنگى تۇرمىستى قامتاماسىز ەتۋ قاراجاتىن بەرۋدە كوپتەگەن ماسەلەلەر ورىن تەۋىپ وتىرعاندىعىن بايقايدى ءارى قاتىستى جاۋاپتى ادامدارعا پارتيا ءتارتىبى جازاسىن بەرىپ، وسى قىستاقتاعى اۋىل - قىستاق ەڭ تومەنگى تۇرمىستى قامتاماسىز ەتۋ قاراجاتىن بەرۋگە اداقتاۋ، رەتتەۋ جۇرگىزىپ، بۇقارانىڭ قۇپتاۋىنا يە بولادى.

  «بۇقارانىڭ قولداۋى بولماسا، نەگىزگى ساتى قىزمەتىندە اتتاپ باسۋ قيىن. نەگىزگى ساتى ءتارتىپ تەكسەرۋ كادرلارى، ءسوز جوق، ستيلگە بۇرىلىس جاساپ، بۇقارامەن ىشكەرىلەي ارالاسىپ، بارلىعىندا بۇقارانىڭ ءتول مۇددەسىن شىعار ءتۇيىن ەتىپ، بۇقارانىڭ ادىلدىكتى، تۋراشىلدىقتى سەزىنۋىنە، تابىس سەزىمىن كۇشەيتۋىنە مۇمكىندىك جاساۋ كەرەك»، - دەيدى ياڭ جۇنفىڭ.

 - «6 مىندەتتى» تياناقتاندىرىپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتەمىز

  باس شۋجي شي جينپيڭ وسى رەتكى جالپى ماجىلىسىتە كەزەكتەگى جانە الداعى ءبىر مەزگىلدەگى پارتيانى جاپپاي قاتاڭ جونگە سالۋدى قايتكەندە ونان ارى ىلگەرىلەتۋ جونىندە 6 مىندەتتى العا قويدى.

  «6 مىندەتتىڭ ىشىندە ءبىرىنشىسى <پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، يدەيانى قارۋلاندىرۋدى ۇزدىكسىز كۇشەيتۋ>»، - دەدى جۇڭگو حالىق داشۋەسى پارتكومى ۇگىت ءبولىمىنىڭ كادرى حان يۇي، − «جوعارى مەكتەپتەگى نازاريا قىزمەتكەرى رەتىندە، ءبىز جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالۋىمىز كەرەك. بيىل جاڭا جۇڭگو قۇرىلعاندىعىنىڭ 70 جىلدىعى، ءبىز ىرىقتى تۇردە جوسپارلاپ، تاقىرىپ تاڭداپ، تەرەڭدەي بايىمداپ، دەڭگەيى جوعارى، ىقپالدى ءبىر توپ نازاريالىق جەتىستىكتەر قالىپتاستىرۋعا قۇلشىنۋىمىز كەرەك».

  «باس شۋجي فورماشىلدىقتان، تورەشىلدىكتەن قاتاڭ ساقتانۋدى ماڭىزدى مىندەت ەتۋ كەرەك دەپ باسا دارىپتەدى، بۇل پارتيا ورتالىق كوميتەتىنىڭ <ءتورت بۇرىس ستيلدى> تۇزەتۋدە توقتاپ قالمايتىن بەكىمىن ايگىلەپ، پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋدىڭ، ستيلدى تىنباي جاقسارتۋدىڭ كۇشتى سيگنالىن تاراتتى». حۋاجۇڭ عىلىم - تەحنيكا داشۋەسى مەملەكەت باسقارۋدى زەرتتەۋ مەكەمەسىنىڭ باستىعى وۋياڭ كاڭ بىلاي دەدى: فورماشىلدىقتى، تورەشىلدىكتى قاتاڭ تيۋدا، ءسوز جوق، جوعارىدان تومەنگە قاراي مىقتى ۇستاۋعا تاباندى بولۋ، سونىمەن بىرگە، ءتۇرلى ءتۇزىلىس - مەحانيزم قۇرىلىستارىن ۇزدىكسىز كۇشەيتىپ، يدەيادان، تۇزىمنەن ارەكەتكە دەيىن سايكەسەتىن جاعداي قالىپتاستىرۋدى ىلگەرىلەتۋ كەرەك.

  «تۇلعالىق جاۋاپكەرشىلىكتى قاتايتۋ» جونىندە لياۋنيڭ ولكەسى جيڭجوۋ قالاسى يشيان اۋداندىق پارتكومنىڭ شۋجيى جاڭ جىميڭ جاۋاپكەرلىگىنىڭ اۋىر، ماڭىزدى ەكەنىن تەرەڭ سەزىندى. «2019 - جىل يشيان اۋدانىنىڭ كەدەيلىك قالپاعىن الىپ تاستاۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ جىلى. اۋداندىق پارتكومنىڭ شۋجيى رەتىندە، مەن ءبىرىنشى جاۋاپتى ادامدىق مىندەتىمدى شىنايى اتقارىپ، پارتيانىڭ ساياسي قۇرىلىسىن ماڭداي الدى ورىنعا قويىپ، پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋ قىزمەتىنىڭ جالپى بارىسىنا جانە ءار بۋىنىنا ساباقتاستىرىپ، كەدەيلەردى سۇيەمەلدەۋ سالاسىنا سوزىلعان <سۋىق قولداردى> باتىل تيۋىم كەرەك».

  فۋجيان ولكەلىك ءتارتىپ تەكسەرۋ كوميتەتىنىڭ تۇراقتى مۇشەسى، ولكەلىك پارتكوم شارلاۋ كەڭسەسىنىڭ مەڭگەرۋشىسى يوۋ مەيپيڭ باس شۋجي شي جينپيڭ العا قويعان «شارلاۋدىڭ، شارلاپ تەكسەرۋدىڭ جاپپاي قامتۋىن جوعارى ساپالى ىلگەرىلەتۋ» جونىندە تەرەڭ اسەرگە يە ەكەن. پارتيا 19 - قۇرىلتايىنان بەرى فۋجيان ولكەسى 5 كەزەكتە 95 جەردەگى، مەكەمە - ورىنداعى پارتيا ۇيىمىنا شارلاۋ جۇرگىزىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ قۇرىلىمدارى شارلاۋدا وتكىزىپ بەرىلگەن ماسەلە دەرەكتەرى بويىنشا، مەڭگەرمە دارەجەلى 10 كادردى، باسقارما دارەجەلى 43 كادردى جانە ءبولىم دارەجەلى 310 كادردى دەلو تۇرعىزىپ تەكسەردى.

  «فۋجيان ولكەلىك پارتكومنىڭ شارلاۋ كەڭسەسى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، <ەكىنى قورعاۋدى> شارلاۋ، شارلاپ تەكسەرۋ قىزمەتىنىڭ <ارقاۋى> جانە <جانى> ەتۋگە تاباندى بولىپ، ساياسي شارلاۋدى ۇزدىكسىز تەرەڭدەتىپ، پارتيانى جاپپاي قاتاڭ جونگە سالۋدى ۇزدىكسىز تەرەڭدەتەدى»، - دەدى يوۋ مەيپيڭ.

  «اماليات بارىسىندا بۇقارانىڭ ماڭايىنداعى شىرىكتەسۋ مەن ستيل ماسەلەلەرىن تۇزەتۋ، جونگە سالۋ قىزمەتىن كەڭەيتىپ، ناقتى ادامنان، ناقتى ىستەن باستاپ كىرىسىپ، ماسەلەنى بىردەن - بىردەن شەشۋ كەرەك»، نيڭشيا گۋيۋان قالاسى يۋانجوۋ رايونى حۋاڭدوباۋ قالاشىق ءتارتىپ تەكسەرۋ كوميتەتىنىڭ شۋجيى ۋ يۇڭچياڭ باس شۋجي شي جينپيڭنىڭ ماڭىزدى ءسوزىن قايتا - قايتا زەردەلەپ وقىپ، بۇدان كەيىنگى قىزمەتتى ويداعىداي ىستەۋ جونىندە اناعۇرلىم تەرەڭ ويعا يە بولدى.

  ۋ يۇڭچياڭ بىلاي دەدى: اۋىل - قالاشىق ءتارتىپ تەكسەرۋ كوميتەتىنىڭ شۋجيى رەتىندە، پارتيانىڭ ىشكى زاڭ ەرەجەلەرىن، تۇزىمدەرىن ۇيرەنۋدى، ۇگىتتەۋدى كۇشەيتىپ، نەگىزگى ساتى كادرلار قوسىنىنىڭ زاڭ - ءتارتىپ تانىمىن شىنايى جوعارىلاتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىنە ايقىن پوزيتسيا ءبىلدىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ اۋىل - قىستاقتا دايەكتىلەنۋىنە، تياناقتانۋىنا كەپىلدىك ەتەمىن.

 - پارتياعا ادال، حالىققا ادال بولۋدى ناقتى تياناقتاندىرامىن

  «باسشى كادرلار، اسىرەسە، جوعارى دارەجەلى باسشى كادرلار، ءسوز جوق، تانىم مەن ارەكەتتىڭ بىرلىگى تۇرعىسىنان ءوزىن قاداعالاۋى، وزىنە تالاپ قويۋى، ءوزىن تەكسەرۋى كەرەك»، «رياسىز نيەتپەن، پارتيا ورتالىق كوميتەتىنىڭ بەدەلىن دۇرىس قورعاۋ»، «قىزمەت ورنى نەعۇرلىم جوعارى بولعان سايىن سولعۇرلىم سانالى تۇردە پارتيا العا قويعان ولشەم بويىنشا وزىنە قاتاڭ تالاپ قويۋ»... باس شۋجي شي جينپيڭ وسى رەتكى جالپى ماجىلىستە باسشى كادرلارعا، اسىرەسە، جوعارى دارەجەلى باسشى كادرلارعا ايقىن تالاپ قويدى.

  يۇننان داشۋەسىنىڭ پروفەسسورى ياڭ لينحۇڭنىڭ قاراۋىنشا، «شەشۋشى ازشىلىق» ءۇيدىڭ «ارقالىعى» مەن «تىرەگى» ىسپەتتى شەشۋشى رولعا يە. «باسشى كادرلار، اسىرەسە، جوعارى دارەجەلى باسشى كادرلار ونەگەلىك، باستاماشىلىق رول كورسەتەدى. 2019 - جىل شەشۋشى جىل، «<شەشۋشى ازشىلىق>، ءسوز جوق، تىڭعىلىقتى قىزمەت ستيلىمەن، قىزمەت ناتيجەسىمەن جاقسى باستاما كوتەرىپ، ونەگە كورسەتۋى، ءتۇرلى شەشىمدەردى، ورنالاستىرۋلاردى ناقتى تياناقتاندىرۋى كەرەك».

  «باسشى كادرلاردىڭ وتباسى سالتى پارتيا ستيلىنە ىقپال كورسەتەدى، ۇكىمەت ستيلىمەن بايلانىسىپ جاتادى». جياڭشي ولكەسى يچۇن قالالىق پارتكوم ۇيىمداستىرۋ ءبولىمىنىڭ باستىعى ساي چيڭپيڭ بىلاي دەپ قارايدى: وتباسى سالتىن، وتباسى تاربيەسىن مىقتى ۇستاۋ باسشى كادردىڭ تانىم مەن ارەكەت بىرلىگىنىڭ ماڭىزدى بەينەسى. <جۇرت الدىندا دا، وڭاشادا دا، 8 ساعات قىزمەتتىڭ ءىشى - سىرتىندا دا بىردەي بولۋ> كەرەك. تاياۋ جىلداردان بەرى يچۇن قالالىق پارتكوم باسشى كادرلاردىڭ وتباسى سالتى قۇرىلىسىن كادرلاردى ءدال باعالاۋدىڭ، ناقتى باعالاۋدىڭ ماڭىزدى مازمۇنى ەتىپ، كادرلاردى تەكسەرۋ بويىنشا ۇيىنە بارۋ ءتۇزىمى، نەگىزگى ساتى پارتيا ۇيىمىنىڭ دارەجە بويىنشا ۇيىنە بارۋ ءتۇزىمى سياقتىلار جونىندە ىزدەنىس جاساپ، قالىڭ كادرلاردىڭ ۇيىمدىق تانىمدى، ءتارتىپ تانىمىن كۇشەيتۋىن، وتباسى سالتىنا، وتباسى تاربيەسىنە اناعۇرلىم كوڭىل ءبولۋىن ىلگەرىلەتتى.

  ءتارتىپ تەكسەرۋ، باقىلاۋ - تەكسەرۋ ورگانى پارتيا مەن مەملەكەتتىڭ باقىلاۋعا ارناۋلى جاۋاپتى ورگانى. باس شۋجي شي جينپيڭ «پارتياعا ادال بولۋ، حالىققا ادال بولۋ كەرەك»، «ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك» دەپ باسا دارىپتەدى.

  «بۇل رەتكى جالپى ماجىلىستە مەن ەڭ كوڭىل بولگەن تاقىرىپ − ءتارتىپ تەكسەرۋ، باقىلاۋ - تەكسەرۋ كادرلار قوسىنى قۇرىلىسى»، - دەدى جىجياڭ ولكەلىك پارتكومنىڭ تۇراقتى مۇشەسى، ولكەلىك ءتارتىپ تەكسەرۋ كوميتەتىنىڭ شۋجيى، ولكەلىك باقىلاۋ - تەكسەرۋ كوميتەتىنىڭ ۋاقىتشا مەڭگەرۋشىسى رىن جىنحى، − «ءتارتىپ تەكسەرۋ، باقىلاۋ - تەكسەرۋ كادرلار قوسىنى پارتيانى جاپپاي قاتاڭ جونگە سالۋدى ىلگەرىلەتۋدىڭ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتۋدىڭ نەگىزگى كۇشى، اتويشىل قوسىنى، ول، ءسوز جوق، ەرەكشە كىرشىكسىز، ايرىقشا مىعىم بولۋى كەرەك».

  رىن جىنحى بىلاي دەدى: جىجياڭ ولكەلىك ءتارتىپ تەكسەرۋ كوميتەتى، ولكەلىك باقىلاۋ - تەكسەرۋ كوميتەتى جالپى جۇيە كولەمىندە قۇرىشتاي سومداپ، قۇرىشتاي شىڭداپ، قاۋىرت جاتتىقتىرۋ ارەكەتىن ورنالاستىرىپ، ورىستەتتى. سونىمەن بىرگە، پىشاقتىڭ ءجۇزىن وزىنە كەزەۋدە جۇمساقتىق ىستەمەۋگە تاباندى بولىپ، 2018 - جىلى بۇكىل ولكە كولەمىندە ءتارتىپ تەكسەرۋ، باقىلاۋ - تەكسەرۋ كادرلارىنىڭ ماسەلە دەرەكتەرىنەن جيىنى 545ىن (رەت) قابىلداپ، ءبىر جاقتى ەتىپ، 31 ادامدى دەلو تۇرعىزىپ تەكسەرىپ، ءبىر جاقتى ەتىپ، 29 ادامعا پارتيا ءتارتىبى، اكىمشىلىك جازاسىن بەردى.

  «شىڭاۋدان ءوتىپ، قىسىمعا ءتوزىپ، قيان - كەسكى شايقاس جۇرگىزە ءبىلۋ كەرەك»، «تۇرعىسى بەرىك، ەركى مىعىم، ارەكەتى باتىل بولۋدىڭ ۇلگىسى بولۋ كەرەك»... باس شۋجي شي جينپيڭنىڭ ماڭىزدى ءسوزى سىچۋان ولكەسى سۇينيڭ قالاسى چۋانشان رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى جياڭ جۇڭجىعا ايرىقشا جىگەر بەردى.

   «ءتارتىپ تەكسەرۋ، باقىلاۋ - تەكسەرۋ كادرى رەتىندە، ءبىز <تەمىر سوققاندا قۇرىش بولۋدى> ەستە بەرىك ساقتاۋىمىز كەرەك»، - دەدى جياڭ جۇڭجى، − «اۋدان (رايون) دارەجەلى ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ <القا باستىعى> رەتىندە، قۇلشىنا جاۋاپكەرلىك ارقالاپ، مىندەتتى ادا ەتىپ، ءتارتىپ تەكسەرۋ، باقىلاۋ - تەكسەرۋ كادرلارىنىڭ تەرەڭدەي توعىسۋىن جەبەۋمەن بىرگە، <ءتارتىپتى، زاڭدى ءوزارا ۇيرەنۋ> تاربيە قيمىلىن ۇدايىلاندىرا، ويداعىداي ورىستەتىپ، القانى مىقتى ۇستاپ، قوسىن باستاپ، ىشكى قۋاتتى قۇلشىنا ءوسىرىپ، ءتارتىپ اتقارۋ، زاڭ اتقارۋ قابىلەتىن ونان ارى جوعارىلاتىپ، شىڭاۋعا شىدايتىن، قىسىمعا توزەتىن، قيان - كەسكى شايقاس جۇرگىزە بىلەتىن ءتارتىپ تەكسەرۋ، باقىلاۋ - تەكسەرۋ قوسىنىن قۇلشىنا سومدايمىز».

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.