تيانشان تورى
تيانشان تورى   ›   ۇيرەنۋ   ›   شولۋ

ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 2 - ءماجىلىسى بۇگىن اشىلدى

  ىنتىماق كۇش ۇيىستىرادى، كۇرەس ارمانعا جەتكىزەدى

  − ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 2 - ءماجىلىسىنىڭ اشىلعاندىعىن قىزۋ قۇتتىقتايمىز

شينجياڭ گازەتى باسماقالاسى

  تاعى دا ءبىر جىلداعى ەكى ءماجىلىس كەزىنە جەتتىك. قوعامنىڭ ءار سالاسىنىڭ تىلەگىن، ءار ۇلت حالقىنىڭ ماڭىزدى تاپسىرماسىن ارقالاعان ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 2 - ءماجىلىسى بۇگىن سالتاناتپەن اشىلدى. تۇتاس شينجياڭنىڭ جەر - جەرىنەن كەلگەن ءار ۇلت، ءار سالا ساياسي كەڭەس مۇشەلەرى ءبىر اراعا باس قوسىپ، شينجياڭنىڭ ورنىقتىلىق، دامۋ ءىرى جوسپارىن بىرگە كەڭەسەدى. بۇل بۇكىل اۆتونوميالى رايونداعى ءار ۇلت حالقىنىڭ ساياسي ومىرىندەگى ءبىر ۇلكەن ءىس. ءبىز ءماجىلىستىڭ اشىلعانىن قىزۋ قۇتتىقتايمىز!

  قايىرىلا قاراعاندا عانا ۋاقىتتىڭ كەرەمەتى ەرەكشە كوزگە تۇسەدى. تاياۋدا عانا وتكەن 2018 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم اۆتونوميالى رايونداعى ءار ۇلت كادر - جۇرتشىلىعىن ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى،ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، نازاردى باس نىساناعا شوعىرلاندىرىپ، «كەشەندى شارانى» ويداعىداي اتقاردى، ءتۇرلى ىستەردە جاڭا ىلگەرىلەۋشىلىكتەرگە قول جەتىپ، تيانشاننىڭ تۇستىگى مەن تەرىستىگىندەگى بار الاپتا ورنىقتى بولعان، دامىعان تاماشا جاعداي جارىققا شىقتى. قول جەتكەن وسى ناتيجەلەر باس شۋجي شي جينپيڭنىڭ ءجون سىلتەپ، رول ۇستاۋىنىڭ ارقاسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىنىڭ ارقاسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، بۇكىل ەلدەگى ءار ۇلت حالقىنىڭ زور كۇشپەن كومەكتەسۋىنىڭ ارقاسى، بۇكىل اۆتونوميالى رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ قاجىرلىلىقپەن كۇرەس جۇرگىزۋىنىڭ ارقاسى، وعان ءار دارەجەلى ساياسي كەڭەس ۇيىمدارى مەن ءارقايسى دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، ءارقايسى حالىقتىق ۇيىمداردىڭ جانە قالىڭ ساياسي كەڭەس مۇشەلەرىنىڭ جۇرەك قانى مەن اقىل - پاراساتى دا سىڭگەن، وسى ناتيجەلەر قالىڭ كادرلار مەن جۇرتشىلىقتىڭ، ءار ۇلت، ءار سالا قايراتكەرلەرىنىڭ ءبىر نيەتپەن ىنتىماقتاسىپ، جۇدىرىقتاي جۇمىلىپ، قايسارلىقپەن كۇرەس جۇرگىزۋىنەن، ىستەۋىنەن كەلگەن.

  وتكەن ءبىر جىلدا، مەملەكەتتىك ساياسي كەڭەستىڭ كوڭىل ءبولۋى مەن جەتەكشىلىك ەتۋىندە، اۆتونوميالى رايوندىق پارتكومنىڭ باسشىلىعىندا، اۆتونوميالى رايوننىڭ ساياسي كەڭەس ىستەرىندە دە جاڭا دامۋ مەن جاڭا ناتيجەلەرگە قول جەتتى. ءبىر جىلدا، اۆتونوميالى رايونداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرى ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، وزەكتى ارقاۋ ەتىپ، جالپى جاعدايعا قىزمەت ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مىقتاپ ارقاۋ ەتىپ، نازاردى باس نىسانانى تياناقتاندىرۋعا شوعىرلاندىرىپ، ءۇش ۇلكەن قامال الۋ شايقاسىن ويداعىداي جۇرگىزىپ، «ءۇش ءتۇيىندى قىزمەتتى» ىلگەرىلەتىپ، رەفورما جاساۋدى، ەسىك اشۋدى تەرەڭدەتىپ، سوتسياليستىك ءماسليحاتتىق دەموكراتيانىڭ ماڭىزدى ارناسى مەن ارناۋلى ءماسليحات قۇرىلىمدارىنىڭ رولىن ساۋلەلەندىرىپ، شىنايى ءماسليحاتتاسىپ، ناقتى ءماسليحاتتاسىپ، شىن جاعدايدى ورتاعا سالىپ، شىن ءسوزدى العا قويىپ، تاماشا شارالاردى ورتاعا قويىپ، ىنتىماقتى، دەموكراتيالى، شىندىققا جۇگىنگەن، العا ىلگەرىلەگەن، قارىشتاي دامىعان جاڭا جاعدايدى ونان ارى اشىپ، اۆتونوميالى رايوندىق پارتكوم مەن ۇكىمەتتىڭ عىلمي شەشىم جاساۋعا پايدالانۋىنا ماڭىزدى دايەك ۇسىنىپ، شينجياڭنىڭ ورنىقتىلىعى مەن دامۋىنا جۇرت قالاۋى مەن كۇش - قۋات ۇيىستىرىپ، باس نىسانانى تياناقتاندىرۋدى ىلگەرىلەتۋگە ماڭىزدى ۇلەس قوستى.

  «عيمارات جالعىز اعاشپەن سالىنبايدى؛ تەڭىز جالعىز وزەنمەن تولمايدى». ءبىر جىلدان بەرى ساياسي كەڭەس قىزمەتىنىڭ جاندى امالياتى مەن ۇزدىك جاۋابى اۆتونوميالى رايوندىق ساياسي كەڭەستىڭ ساياسي ءماسليحات، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ىسىنە كەڭەس بەرۋ جاقتارىندا ورنىن باسقالار باسا المايتىن رول اتقارعانىن تولىق دالەلدەدى. بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋداعى شەشۋشى جىل ءارى اۆتونوميالى رايونىمىز قوعامىنىڭ ءۇرتىس جاراسىمدى، ورنىقتى بولۋىن ىلگەرىلەتۋدەگى ماڭىزدى ءبىر جىل، حالىق ساياسي كەڭەسى اۋىر مىندەت ارقالاپ وتىر. جاڭا ءبىر جىلدا، بۇكىل اۆتونوميالى رايونداعى ءار دارەجەلى ساياسي كەڭەستەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن ءتۇرلى قىزمەتكە ءبىر تۇتاس باسشىلىق ەتىپ، ارتىقشىلىقتى تولىق ساۋلەلەندىرىپ، قىزمەت فۋنكتسياسىن مۇقيات وتەپ، ءتۇرلى پارتيا - توپتاردىڭ، ۇيىمداردىڭ، ءار ۇلت، ءار سالا قايراتكەرلەرىنىڭ ۇلى ىنتىماعى مەن ۇلى بىرلەستىگىن كۇشەيتىپ، جۇڭگوشا سوتسياليستىك شينجياڭ قۇرۋ جولىندا بىرگە قۇلشىنا كۇرەس جۇرگىزىپ، ساياسي كەڭەس قىزمەتىندە جاڭا جاعداي اشىپ، جاپپاي دوڭگەلەك داۋلەتتى قوعام ورناتۋعا شەشۋشى نەگىز قالاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋى كەرەك.

  ىنتىماق كۇش ۇيىستىرادى، كۇرەس ارمانعا جەتكىزەدى. ءبىز ءاربىر ساياسي كەڭەس مۇشەسىنىڭ، ءسوز جوق، وسكەلەڭ بورىشتىلىق سەزىممەن جانە جاۋاپكەرشىلىك سەزىممەن، ءماجىلىستىڭ نەگىزگى تاقىرىبىن ارقاۋ ەتىپ، پاراساتتى كەڭەس بەرىپ، شىنايى شارالاردى العا قويىپ، بار زەيىن - زەردەسىن سالىپ، وسى رەتكى ءماجىلىستى ىنتىماقتى، دەموكراتيالى، شىندىققا جۇگىنگەن، قايرات بەرەتىن ءماجىلىس ەتىپ اشىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە قۋاتتى وڭ ەنەرگيا ۇيىستىراتىندىعىنا سەنەمىز. ءماجىلىستىڭ تولىق تابىستى بولۋىن تىلەيمىز!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.