− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى (3)
حالىق گازەتىنىڭ شولۋشىسى
پارتيانىڭ ىشكى ساياسي تۇرمىسىن قاتايتۋ پارتيانى جاپپاي قاتاڭ جونگە سالۋداعى ءتۇبىرلى نەگىزدىك قىزمەت ءارى جۇڭگو كوممۋنيستەرىنىڭ اۋەلگى ماقساتتى ۇمىتپاۋىنىڭ، اسىلگى قاسيەتتى ساقتاۋىنىڭ ماڭىزدى كەپىلى.
«<ءتورت تانىمدى> كۇشەيتۋ، <ءتورت سەنىمدى> بەكەمدەۋ، <ەكىنى قورعاۋدى> ورىنداۋ ابستراكت ەمەس، ناقتى. باسشى كادرلار، اسىرەسە، جوعارى دارەجەلى كادرلار، ءسوز جوق، تانىم مەن ارەكەتتىڭ بىرلىگى تۇرعىسىنان ءوزىن قاداعالاۋى، وزىنە تالاپ قويۋى، ءوزىن تەكسەرۋى كەرەك». 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ ماسەلەنى نىشان ەتۋدەن جازباي، كورنەكتى ماسەلەلەرگە قاراتا باسشى كادرلاردىڭ، اسىرەسە، جوعارى دارەجەلى كادرلاردىڭ جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى دايەكتىلەندىرۋى تۋرالى ايقىن تالاپتاردى العا قويىپ، «شەشۋشى ازشىلىقتىڭ» ساياسي ءتارتىپ پەن ساياسي قاعيدانى بەرىك ساقتاۋىنا، پارتيانىڭ ىشكى ساياسي تۇرمىسىن كۇشەيتۋىنە جانە ارناعا تۇسىرۋىنە ماڭىزدى ولشەم ازىرلەدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى باتىل ىلگەرىلەتتى، پارتيانىڭ ىشكى ساياسي تۇرمىسىندا جاڭا بەينە ايگىلەنىپ، پارتيانىڭ ىشكى ساياسي تۇرمىس ەكولوگياسى كورنەكتى جاقساردى. دەسەدە، «پارتيانى جاپپاي قاتاڭ جونگە سالۋ ماڭگى جالعاسادى»، شارلاپ تەكسەرۋ - باقىلاۋدا، داعدىلى باقىلاۋدا بايقالعان ماسەلەلەردەن قاراعاندا، ءىشىنارا باسشى كادرلاردىڭ جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى دايەكتىلەندىرۋىندە ءالى دە ىنتاسىزدىق، سىلبىرلىق، اۋا جايىلۋشىلىق ءومىر سۇرۋدە. مىسالى، «ەكىنى قورعاۋدى» تياناقتاندىرۋدا قۇر ۇرانداۋ، پەيىل قويماۋ، ناقتى ءىس تىندىرماۋ، بار كۇشىن سالماۋ، فورماشىلدىققا سالىنۋ، ەپتەپ - سەپتەۋ جايتى ساقتالىپ وتىر؛ مىسالى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە ءالى دە كەمەيتۋ، وزگەرتۋ، تالعام جاساۋ جاعدايلارى ساقتالۋدا، كەيبىرەۋلەر، ءتىپتى، قول ۇشىمەن ىستەيدى، سوزبۇيدالىققا سالادى؛ مىسالى، باسشى كادرلىگىن بۇلداپ بەلگىلەمەگە قايشىلىق جاساپ كيلىگەدى، پرينسيپتى دارىپتەمەيدى، جان باسادى، ءتىپتى، ۇكىمەتتىڭ اقشاسىمەن «جومارتتىق ىستەپ» باسشى كادرلاردىڭ وتباسىنا، دوستارىنا پايدا جەتكىزەدى. وسىلاردىڭ بارلىعى پارتيانىڭ ىشكى ساياسي تۇرمىسىن قاتايتۋدا ەڭ ماڭىزدىسى ءبىلۋ مەن ارەكەتتىڭ بىرلىگى ەكەندىگىن؛ پارتيانى جاپپاي قاتاڭ جونگە سالۋدا ەڭ ءتۇبىرلىسى بۇيرىق - جارلىقتاردى بۇلجىتپاي اتقارۋ ەكەندىگىن ايگىلەيدى.
«ءبىلۋ − ارەكەتتىڭ باستاماسى، ارەكەت − ءبىلۋدىڭ ناتيجەسى». باسشى كادرلار، اسىرەسە، جوعارى دارەجەلى كادرلار ءبىلۋ مەن ارەكەتتىڭ بىرلىگى تۇرعىسىنان ءوزىن قاداعالاۋدا، وزىنە تالاپ قويۋدا، ءوزىن تەكسەرۋدە، ءسوز جوق، «ءتورت تانىمدى» كۇشەيتۋدىڭ، «ءتورت سەنىمدى» بەكەمدەۋدىڭ، «ەكىنى قورعاۋدى» ورىنداۋدىڭ ەرەكشە ساياسي ءمانىن يدەيادا تەرەڭ تانىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن، ءسوز جوق، مىزعىماستان، باتىل، بۇلجىتپاي، تىڭعىلىقتى، ەگجەي - تەگجەيلى تياناقتاندىرۋ كەرەك. ساياسي ءتارتىپتى قاتاڭ ساقتاپ، ەلەۋلى پرينسيپتىك ماسەلە مەن ۇلكەن دۇرىس پەن ۇلكەن بۇرىس الدىندا، ءسوز جوق، تۇرعىسى بەرىك، تۋى ايقىن بولۋ كەرەك. رياسىز نيەتپەن پارتيا ورتالىق كوميتەتىنىڭ بەدەلىن دۇرىس قورعاپ، ورتالىقتاعى باسشى جولداستاردىڭ ءۇي ىشىندەگىلەردىڭ، بالا - شاعاسىنىڭ، قاسىنداعى قىزمەتكەرلەردىڭ جانە باسقا ەرەكشە قاتىناسى بار ادامداردىڭ بەلگىلەمەگە قايشى كيلىگۋ، پايدا الۋ سياقتى ارەكەتتەرىنە، ءوزىن ورتالىقتاعى باسشى جولداستارمەن ەرەكشە بايلانىسى بار دەپ اتاعان ادامداردىڭ ورتاعا قويعان تالاپتارىنا، ءسوز جوق، باتىل قارسى تۇرۋ كەرەك. پارتيا ىشىندە اقاۋسىز پارتيا ىشىندەگى جولداستىق قاتىناستى ساقتاپ، كىرشىكسىز جولداستىق قاتىناستى، ءتارتىپتى جوعارى - تومەن قاتىناسىن دارىپتەپ، اۋىز جالاسۋ، قولپاشتاۋ سياقتى بۇرىس ستيل مەن تەرىس پيعىلدارعا باتىل قارسى تۇرىپ، پارتيا ىشىندەگى قاتىناستى ارناعا ءتۇسىرۋ، كىرشىكسىزدەندىرۋ كەرەك. دەموكراتيالىق ورتالىقتاندىرۋ ءتۇزىمىن باستاماشىلدىقپەن دايەكتىلەندىرىپ، ۇيىمنىڭ ۇيعارۋىنا، ۇيىمنىڭ جۇمىس بولىسىنە بويسۇنۋ كەرەك. اقاۋسىز قىزمەت قاتىناسىن باستاماشىلدىقپەن ورناتىپ، باسقارۋىنداعى الەۋمەتتىك بايلىقتى جەكە باسىنىڭ نەمەسە مەكەمە - ورىننىڭ «ىلىكتەستىك» ورناتۋىنا، تامىر - تانىس تابۋىنا، پايدا قاراستىرۋىنا پايدالانباۋ كەرەك.
«ۇلگى − كوزگە كورىنەتىن فيلوسوفيالىق قاعيدا». باس شۋجي شي جينپيڭ پارتيامىزدى جاقسى قۇرۋ ءۇشىن، ءسوز جوق، «شەشۋشى ازشىلىقتى» مىقتاپ ۇستاۋ كەرەك دەپ قايتا - قايتا باسا دارىپتەدى. جاڭا جاعدايداعى پارتيانىڭ ىشكى تۇرمىسى جونىندەگى ولشەمدەردى دايەكتىلەندىرىپ، پارتيانى جاپپاي قاتاڭ جونگە سالۋدى مىزعىماستان ىلگەرىلەتۋدە، باسشى كادرلار، اسىرەسە، جوعارى دارەجەلى كادرلار شەشۋشى رول اتقاردى. قىزمەت ورنى جوعارى بولعان سايىن، سانالى تۇردە پارتيا العا قويعان ولشەمدەر بويىنشا وزىنە قاتاڭ تالاپ قويىپ، كۇشتى پارتيالىلىقپەن جانە اسىل قاسيەتپەن بۇكىل پارتياعا باستاماشى بولۋ، ونەگە كورسەتۋ كەرەك. وسىلاي ىستەگەندە عانا، ساتى سايىن ۇلگى كورسەتۋگە، ساتى سايىن جەتەكتەۋگە، پارتيانى پارتيا باسقارۋدىڭ، پارتيانى جاپپاي قاتاڭ جونگە سالۋدىڭ قۇدىرەتتى اۋقىمىن قالىپتاستىرۋعا بولادى؛ وسىلاي ىستەگەندە عانا ۇيرەنۋدى تەرەڭدەتىپ، دۇرىس ارەكەت جاساۋ، تانىم مەن ارەكەتتىڭ بىرلىگىن ساقتاۋ بارىسىندا جۇڭگو كوممۋنيستەرىنىڭ اقيقات كۇشى مەن ادامگەرشىلىك كۇش - قۋاتىن ايگىلەۋگە بولادى.
(شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى)
