ءتىلشى ميھىرگۇل ناسىر، ەرىكتى ءتىلشى ۋاڭ چيۋلين 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 14 - كۇنى اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت (كەڭەيتىلگەن) ءماجىلىسىن اشىپ، 19 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ارناۋلى تاقىرىپتا ۇيرەنىپ، دايەكتىلەندىرۋ، تياناقتاندىرۋ شارالارىن اقىلداستى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ ۋاقىتتىق مەڭگەرۋشىسى ياڭ شين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى 19 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، تياناقتاندىرۋدى كەزەكتەگى ءبىر ماڭىزدى ساياسي مىندەت ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. باسشىلار باستاماشى بولۋعا، بارلىق ادامدى قامتۋعا تاباندى بولىپ، كوپ ءتۇرلى ءتاسىل قولدانىپ، ءتۇپ نۇسقا بويىنشا ۇيرەنىپ، رۋحاني ناقتى ءمانىن يگەرۋگە، ۇيرەنۋ مەن قولدانۋدى بىرلەستىرۋگە، بەكەمدەۋگە - تەرەڭدەتۋگە كۇش سالىپ، جەتە ۇيرەنۋ، جەتە يگەرۋ، شىنايى تياناقتاندىرۋ كەرەك.
ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى باقىلاۋ - تەكسەرۋدىڭ ماڭىزدى مازمۇنى ەتىپ، جالپى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن كوكەيگە تۇيۋگە، كوڭىلگە ۇيالاتۋعا كەپىلدىك ەتىپ، جالپى ءماجىلىستىڭ رۋحىن ناقتى تياناقتاندىرۋى كەرەك. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ورنالاستىرۋلارى مەن اۆتونوميالى رايوندىق پارتكومنىڭ قىزمەت تالاپتارىنا ساي، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، بوساڭسىماي، توقتاپ قالماي، ماڭگى جالعاسادى دەيتىن توزىمدىلىكپەن جانە تاباندىلىقپەن مۇقيات مىندەت وتەپ، جاۋاپكەرشىلىكتى ادا ەتىپ، بۇكىل رايوننىڭ ءتارتىپ تەكسەرۋ، باقىلاۋ - تەكسەرۋ قىزمەتىن جەدەلدەتۋدى تىڭعىلىقتى ىلگەرىلەتىپ، جوعارى ساپالى دامۋدى جۇزەگە اسىرۋ كەرەك.
