ءتىلشى ميھىرگۇل عوپۇر، ءپاريزات
تۋىسىممەن بىرگە ۇن يلەپ، نان جاپتىم، مەرەكەنى بىرگە وتكىزىپ، باس قوسۋدى اڭگىمە ەتتىك، تۋىسىمنىڭ بالاسىنىڭ تاپسىرما ورىنداۋىنا كومەكتەستىم، ماقتا تەرىستىم، تۋىسىمدى ۇرىمجىگە ەرتىپ كەلىپ ساياحاتتاتتىم... بىلتىردان بەرى، «ۇلتتار ىنتىماعىنىڭ بەرەكەلى شاڭىراعى» قيمىلى جانە ۇلتتار ىنتىماعى بىرلەسكەن دوستىق قيمىلى ۇزدىكسىز ىشكەرىلەي ورىستەتىلدى، تۇتاس رايونىمىزداعى ءبىر ميلليون 120 مىڭ كادر - قىزمەتكەر نەگىزگى ساتىداعى ءبىر ميلليون 690 مىڭ بۇقارامەن جۇپ قۇراپ، تۋىس بولدى، ولار بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ بارىسىندا تۇسىنىستىكتى تەرەڭدەتىپ، سۇيىسپەنشىلىكتەرىن ارتتىردى. ءار ۇلت اعا - باۋىر، اپەكە - سىڭلىلەر ءوزارا بارىس - كەلىس جاساپ، ءوزارا كومەكتەسىپ، جۇرەكتەرى جالعاسىپ، كوڭىلدەرى توعىسىپ، باۋىرمال، ءبىر - ءبىرىن قۇرمەتتەيتىن ءبىر وتباسىنىڭ ادامدارىنا اينالدى.
ليۋ شۋەجۇن:
تۋىسىمنىڭ جۇمىسى − مەنىڭ جۇمىسىم
«مەن ياركەن اۋدانى باشكەنت قالاشىعى اۋات قىستاعىنىڭ تۇرعىنى تۇرسىن ساۋىتپەن تۋىس بولدىم، وتكەن جىلى تۋىسىمنىڭ ۇيىنە 6 رەت بارىپ، ءار رەتتە بىرنەشە كۇن تۇرىپ قايتتىم. تۋىسىمنىڭ بالاسى نۇرمامەت تۇرسىن مەنىڭ ۇلىمنان ءبىر جاس ۇلكەن، ونى ءوز بالامداي كورەمىن». مۇشە ليۋ شۋەجۇن ءار رەتكى بارىس - كەلىس بارىسىندا، ەكى وتباسى ادامدارىنىڭ ءبىر وتباسىنىڭ ادامدارىنا اينالعاندىعىن ايتتى.
«جاڭا تانىسقان كەزدە، نۇرمامەت العا باسۋدى ويلامايتىن، مەن وعان ءوزىمنىڭ دە اۋىل - قىستاقتان شىققانىمدى، تىنباي قۇلشىنۋدىڭ ارقاسىندا مەملەكەت كادرى بولعاندىعىمدى، باقىتتى تۇرمىستىڭ قۇلشىنىستان كەلەتىندىگىن ايتتىم. ول مەنىڭ ءسوزىمدى ەستىگەننەن كەيىن، مەملەكەتتە ءبىر تۇتاس قولدانىلاتىن ءتىل - جازۋدى مۇقيات ۇيرەندى ءارى سىرتقا شىعىپ جۇمىس ىستەپ اقشا تاباتىندىعىن ايتتى، مەن ونىڭ يدەيالىق بۇرىلىسىنا توتەنشە رازى بولدىم». ليۋ شۋەجۇن وعان جۇمىس تاۋىپ بەردى، قازىر ول ايىنا 3000 يۋانعا جۋىق ەڭبەكاقى الادى.
«ءبىز ۇنەمى ۋيچات ارقىلى اڭگىمەلەسىپ تۇرامىز، قازىر ونىڭ جىگەرى تاسقىنداپ تۇر، مەن ول ءۇشىن شىن جۇرەكتەن قۋانامىن»، - دەدى ليۋ شۋەجۇن كوڭىلى جايلانىپ.
(سۇحبات بەرگەن: اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى گەولوگيالىق اپاتقا شۇعىل توتەپ بەرۋدى باسقارۋ كەڭسەسىنىڭ مەڭگەرۋشىسى)پاڭ زىجيان:
نەگىزگى ساتىداعى بۇقارا مەنىڭ تۋىسىم
«مەن شاندۇڭنىڭ يانتايىنان شينجياڭنىڭ قاشقارىنا كەلگەنمىن، 4 جىلدان بەرى اسەرلەندىرگەن جانە قۋانتقان ىستەر توتەنشە كوپ. مەن جونىنەن العاندا، بۇل ارا مەنىڭ تۋعان جەرىم، نەگىزگى ساتىداعى بۇقارا مەنىڭ تۋىسىم». ۋاكىل پاڭ زىجيان 2014 - جىلى 7 - ايدا ءوزىنىڭ قاشقارعا كەلىپ، اۋىل - قالاشىقتىڭ نەگىزگى ساتى كادرى بولعاندىعىن ايتتى.
«قىزمەتتەستەرىممەن بىرگە تۋىستاردىڭ ۇيىنە بارىپ جاعداي ۇعىسقان كەزدە، مەن ءار ۇلت بۇقاراسىنا پارتيانىڭ حالىققا تيىمدىلىك جاساۋ ساياساتتارىن، زاڭدار مەن زاڭ ەرەجەلەرگە قاتىستى بىلىمدەردى ۇگىتتەيمىن، كەشتە مەملەكەتتە ءبىر تۇتاس قولدانىلاتىن ءتىل - جازۋدى بىرگە ۇيرەنەمىز. مەن اۋىلداستارعا بەيجيڭ، شاڭحاي قاتارلى دامىعان جەرلەردىڭ سۋرەتىن، بەينە كەسكىندەرىن كورسەتكەنىمدە، ولاردىڭ جانارىنداعى جالىنداعان ارماندى بايقايمىن، بۇل ماعان تاماشا دا باقىتتى تۇرمىستىڭ بارلىق ادامنىڭ ارمانى ەكەندىگىن ءتۇسىندىردى، مەن اۋىلداستارىما بار ىنتا - پەيىلىممەن قىزمەت ىستەيمىن»، - دەدى پاڭ زىجيان.
قازىر اۋىل - قىستاقتا كەزىندەگى توپىراق جول ءارى كەڭ، ءارى تەگىس اسفالت جولعا اينالدى، قىستاق جولىنىڭ ەكى جاعىندا كۇن ەنەرگيالى جول شىراعى ورناتىلدى، اۋلاعا كوكونىس ەگەتىن شاعىن جىلىجاي سالىندى، قىستاق قۋانىشتى كۇلكى مەن جىلى لەبىزدەرگە تولدى، كوپشىلىك كەشكى مەكتەپكە بارىپ مادەنيەت ۇيرەندى، وسى زامانعى مادەنيەت جاڭا سالتى قىستاققا تارالدى.
«وسى وزگەرىستەردى كورگەندە، مەنىڭ جۇپ قۇراپ، تۋىس بولۋ قىزمەتىنە دەگەن سەنىمىم مەن بەكىمىم اناعۇرلىم بەكەمدەلدى، ءبىز پارتيالى كادرلار وزىمىزدەن باستاپ ونەگە كورسەتىپ، ۇلتتار ىنتىماعىن تۇرمىستىڭ جان - جاعىنا ءسىڭىرىپ، ءار ۇلتتى اناردىڭ دانىندەي تىعىز ۇيىستىرۋىمىز كەرەك»، - دەدى پاڭ زىجيان.
(سۇحبات بەرگەن: اۆتونوميالى رايوندىق حالىق قۇرىلتايىنىڭ ۋاكىلى، ياركەن اۋدانى چىڭشي ءمالى باسقارماسى پارتيا قىزمەتى كوميتەتىنىڭ ورىنباسار شۋجيى)مامەتجان داۋىت:
تۋىستارىمنىڭ تۇرمىسىن بارعان سايىن جاقسارتامىن
«مەنىڭ 2 تۋىسىم بار، بىرەۋىنىڭ اتى ءيمىن سايىت، بىرەۋىنىڭ اتى شى شىڭگو، قازىر ول ەكەۋى دە ءبىر - بىرىمەن تۋىس بولىپ كەتتى»، - دەدى مۇشە مامەتجان داۋىت.
«تۋىستارىم تۇگەلدەي حوتان اۋدانى تاۋاككول اۋىلى قاقشال قىستاعىندا تۇرادى، ءيمىن كەزىندە كەدەي وتباسى بولاتىن، مەن ونى يدەيانى ازات ەتىپ، قوس قولىنا سۇيەنىپ كىرىسىن ارتتىرىپ، كەدەيلىكتەن ارىلۋعا شابىتتاندىردىم. بەرتىنگى 2 جىلدا ءيمىن عىلمي باعىمشىلىق تەحنيكالارىن بەلسەندىلىكپەن ۇيرەنە باستادى، بىلتىر ول جاستاي ساقتاۋ مولشەرى 60 تونناعا جەتەتىن جاستاي ساقتاۋ جەر تولەسىنەن ەكەۋىن سالىپ الدى، ۇيىندەگى 2 سيىرى 8گە كوبەيىپ، دىر - دۋماندى تۇرمىس كەشىرە باستادى. شى شىڭگو 50 مۋ جەرگە شىلان ەككەن، ەڭبەكشىل دە شوگەل ول عىلمي باسقارۋدىڭ ارقاسىندا شىلاننىڭ ساپاسىن جوعارىلاتىپ، كىرىسىن جىلدان - جىلعا مولايتتى». مامەتجان تۋىستارىنىڭ وزگەرىستەرىن اۋىزعا السا بولعانى، توقتاي المايدى.
«قانداي قيىنشىلىققا جولىقسا، ولار ەڭ الدىمەن ماعان تەلەفون سوعادى، مەن ولارعا شامامنىڭ جەتىسىنشە كومەكتەسەمىن، تۋىستارىمنىڭ تۇرمىسىن بارعان سايىن جاقسارتۋ — مەنىڭ جاۋاپكەرشىلىگىم»، - دەدى مامەتجان.
(سۇحبات بەرگەن: اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق جاستار وداعى كوميتەتى پارتيا باسشىلىق گرۋپپاسىنىڭ ورىنباسار شۋجيى، جاستار وداعى كوميتەتىنىڭ شۋجيى، اۆتونوميالى رايوندىق جاستار بىرلەستىگىنىڭ ءتوراعاسى)
