تىلشىلەر ياۋ تۇڭ، لياڭ ليحۋا 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 15 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ ءتوراعالار القاسى 2 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعالارى چىن چۋانگو، شاۋكەت يمىن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سو يۋە جيىنعا قاتىناستى. شاۋكەت يمىن جيىندى باسقاردى.
جيىن ءماجىلىس حاتشىلار باسقارماسىنىڭ اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ سايلاۋ جانە داۋىسقا سالۋ ءادىسى جوباسىنىڭ قارالۋ جاعدايى جونىندەگى مالىمەتتى تىڭدادى، ءادىس جوباسىن جالپى جيىندا داۋىسقا سالۋعا ۇسىنۋدى ۇيعاردى؛ ءماجىلىس حاتشىلار باسقارماسىنىڭ اۆتونوميالى رايوندىق 13 - كەزەكتى حالىق قۇرىلتايى قوعامدىق قۇرىلىس كوميتەتىنىڭ جانە ىشكى ىستەر ءادىليا كوميتەتىنىڭ اتىن وزگەرتۋ جونىندەگى قارار جوباسىنىڭ قارالۋ جاعدايى جونىندەگى مالىمەتتى تىڭدادى، قارار جوباسىن جالپى جيىندا داۋىسقا سالۋعا ۇسىنۋدى ۇيعاردى.