تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، 19 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى

  باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، پارتيانى جاپپاي قاتاڭ جونگە سالۋدى شىن مانىندە مىقتى ۇستاپ، ناقتى يگەرۋ كەرەك

چىن چۋانگو ءماجىلىستى باسقاردى

  ءتىلشى ياۋ تۇڭ 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 15 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، 19 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى، ورنالاستىرۋ جاسادى، اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ قىزمەت بايانداماسىن قارادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى پارتيا 19 - قۇرىلتايىنىڭ رۋحىن جان - جاقتى دايەكتىلەندىرۋدىڭ، پارتيانى جاپپاي قاتاڭ جونگە سالۋدى مىزعىماستان ىلگەرىلەتۋدىڭ جاڭا جاعدايىندا اشىلعان ءبىر رەتكى ماڭىزدى ءماجىلىس. باس شۋجي شي جينپيڭ ماجىلىسكە قاتىناسىپ جانە ماڭىزدى ءسوز سويلەپ، پارتيا 19 - قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكەن تىڭ دا ەلەۋلى تابىستاردى تولىق تۇراقتاندىرىپ، رەفورما جاساعان، ەسىك اشقان 40 جىلدان بەرگى پارتيامىزدىڭ وزىندىك توڭكەرىس جۇرگىزۋىنىڭ قىمباتتى تاجىريبەلەرىن تەرەڭ قورىتىندىلاپ، پارتيانى جاپپاي قاتاڭ جونگە سالۋ ارقىلى پارتيانىڭ ىنتىماعىن، بىرلىگىن بەكەمدەۋدى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى پارمەندى قامتاماسىز ەتىپ، ستراتەگيالىق ورنالاستىرۋ جاساپ، باسشى كادرلاردىڭ، اسىرەسە، جوعارى دارەجەلى كادرلاردىڭ جاڭا جاعدايدا پارتيانىڭ ىشكى ساياسي تۇرمىسى جونىندەگى ءبىرقانشا ولشەمدەردى دايەكتىلەندىرۋى جونىندە ايقىن تالاپتار قويىپ، پارتيامىزدىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ وسكەلەڭ سانالىلىعىن تولىق ايگىلەدى، ول ايقىن دا تەرەڭ ساياسيلىققا، يدەيالىلىققا، نازاريالىلىققا يە، جاڭا داۋىردە پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ جونىنەن ماڭىزدى جەتەكشى مانگە يە. تۇتاس رايونىمىزداعى ءار دارەجەلى، ءارقايسى ورىندار، تاراۋلار 19 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جان - جاقتى دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانى جاپپاي قاتاڭ جونگە سالۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تىڭعىلىقتى ىلگەرىلەتۋ كەرەك.

  ءبىرىنشى، نازاريامەن قارۋلانۋدى كۇشەيتۋگە تاباندى بولۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋدەن جازباي، ءىس جۇزىندىكپەن بىرلەستىرىپ ۇيرەنىپ، ۇزدىكسىز سوڭىنا ءتۇسىپ ۇيرەنىپ، قانىق ءتۇسىنىپ ۇيرەنىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا شىن مانىندە كۇش سالىپ، ۇيرەنۋ جەتىستىكتەرىن مۇرات - سەنىمدى بەكەمدەۋدىڭ، پارتيالىلىقتى، مىنەز - قۇلىقتى شىڭداۋدىڭ، ادالدىقپەن مىندەت اتقارىپ، جاۋاپكەرشىلىكتى ادا ەتۋدىڭ يدەيالىق سانالىلىعى مەن ءىس جۇزىندىك ارەكەتىنە اينالدىرۋ كەرەك.

  ەكىنشى، پارتيانىڭ ساياسي قۇرىلىسىن كۇشەيتۋ كەرەك. ساياسي ءتارتىپ پەن ساياسي قاعيدانى قاتايتىپ، باستان - اياق ساياسي تۇرعىدا، ساياسي باعداردا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بۇيرىق - جارلىقتارىنىڭ ىركىلىسسىزدىگىنە، بۇيرىقتى بۇلجىتپاي اتقارۋعا، تيىم سالىنعاننان تيىلۋعا كەپىلدىك ەتۋ كەرەك.

  ءۇشىنشى، العان بەتتەن قايتپاي ستيلدە بۇرىلىس جاساۋ كەرەك. پارتيانىڭ تاماشا ستيلىن زور كۇشپەن اسقاقتاتىپ، ورتالىقتىڭ «8 ءتۇرلى بەلگىلەمەسى» مەن اتقارۋ قاعيداسىنىڭ رۋحىن باتىل دايەكتىلەندىرىپ، «ءتورت بۇرىس ستيلدى»، «ءتورت تەرىس پيعىلدى» مىزعىماستان رەتتەپ - جونگە سالىپ، نازاردى «سوزىلمالى سىرقاتتارعا» شوعىرلاندىرىپ، باقىلاۋدى، باسقارۋدى كۇشەيتىپ، رەتتەۋ - جونگە سالۋ تەبىنىن ارتتىرۋ، اسىرەسە، فورماشىلدىققا، تورەشىلدىككە قارسى تۇرۋعا ۇزدىكسىز كۇش قوسۋ كەرەك.

  ءتورتىنشى، تەگەۋرىندى كۇيدى ۇزدىكسىز ساقتاۋ كەرەك. پارتيانى جاپپاي قاتاڭ جونگە سالۋدىڭ باعىتى مەن تالاپتارىن دايەكتىلەندىرىپ، تياناقتاندىرىپ، ەرەكشەلەنۋ يدەياسىندا بولماۋدى بەرىك ورناتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن يگەرۋدەن جازباي، نىساناعا الىپ ەمدەۋدەن، دالمە - ءدال جازالاۋدان، ۇستىنەن وڭاۋ مەن تۇبىرىنەن وڭاۋدى قاتار يگەرۋدەن، نەگىزدى بەكەمدەۋدەن جازباي، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەپ جانە دامىتىپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرۋ كەرەك.

  بەسىنشى، جاۋاپكەرشىلىك ارقالاۋدى ۇزدىكسىز كۇشەيتۋ كەرەك. ءار دارەجەلى پارتكومدار (پارتيا باسشىلىق گرۋپپالارى) تۇلعالىق جاۋاپكەرشىلىكتى ناقتىلاندىرىپ، پارتكوم (پارتيا باسشىلىق گرۋپپاسىنىڭ) شۋجيى ءبىرىنشى جاۋاپتى بولۋدى تىڭعىلىقتى ىستەپ، باسشىلىق القانىڭ مۇشەلەرى «ءبىر قىزمەت ورنىندا ەكى جاۋاپكەرشىلىك ارقالاۋدى» ويداعىداي اتقارۋ كەرەك؛ ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى باقىلاۋ مىندەتىن ناقتىلاندىرىپ، ەگجەي - تەگجەيلەندىرىپ، ساياسي شارلاۋدى كۇشەيتىپ، داعدىلى باقىلاۋدى، ۇزاق ۋاقىت باقىلاۋدى كۇشەيتۋ كەرەك.

  التىنشى، بۇقارانىڭ ءتول مۇددەسىن قورعاۋ كەرەك. بۇقارانىڭ ماڭىندا تۋىلعان شىرىكتەسۋ جانە ستيل ماسەلەلەرىن ۇزدىكسىز رەتكە سالىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى ىشكەرىلەي ورىستەتىپ، حالىق تۇرمىسى سالاسىنداعى ارناۋلى رەتتەۋ - جونگە سالۋدى ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  جەتىنشى، تانىم مەن ارەكەتتىڭ بىرلىگىن شىن مانىندە جۇزەگە اسىرۋ كەرەك. ءار دارەجەلى باسشى كادرلار باستاماشىلدىقپەن «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدەردى باستاماشىلدىقپەن دايەكتىلەندىرىپ، دەموكراتيالىق ورتالىقتاندىرۋ ءتۇزىمىن باستاماشىلدىقپەن دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بەرىك، باتىل، بۇلجىتپاي دايەكتىلەندىرىپ، ەلەۋلى ماسەلەلەردى، ماڭىزدى ىستەردى دەر كەزىندە پارتيا ورتالىق كوميتەتىنە مالىمدەۋگە تاباندى بولۋ كەرەك.

  سەگىزىنشى، ءتارتىپ تەكسەرۋ، باقىلاۋ - تەكسەرۋ قوسىنى قۇرىلىسىن كۇشەيتۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى پارتيانىڭ ساياسي قۇرىلىسىن كۇشەيتىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان قۇرۋعا قۇلشىنۋ كەرەك؛ ءتارتىپ تەكسەرۋ، باقىلاۋ - تەكسەرۋ كادرلارى مۇرات - سەنىمدى بەكەمدەپ، ساياسي قابىلەتتى كۇشەيتىپ، ءوزىن تەجەۋدى كۇشەيتىپ، كاسىپتىك قابىلەتتى ارتتىرىپ، ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇلشىنا قۇرۋ كەرەك.

  اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، لي پىڭشين، ليۋ ۋانلۇڭ، لي ۋي، شۇي حايرۇڭ، سارقىت اقان ۇلى، ياڭ شين، جاڭ چۇنلين قاتارلىلار ماجىلىسكە قاتىناستى.

  

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.