تيانشان تورى
تيانشان تورى   ›   ۇيرەنۋ   ›   شولۋ

شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەيىك، دامىتايىق

  − باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى (4) 

حالىق گازەتىنىڭ شولۋشىسى

  اعىنعا قارسى جۇزگەندە ەسكەكتى توقتاۋسىز ەسۋ كەرەك؛ تامشى تاس تەسەدى، ءبىر تامشىنىڭ دا رولىن ساۋلەلەندىرۋ كەرەك. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ءارى قامال الۋ شايقاسى، ءارى ۇزاققا سوزىلاتىن شايقاس، قاي - قاشان دا بوساڭسىتۋعا بولمايدى، ءبىر ساتتە دە بوساڭسىمايدى.

  «ءبىز پارتيانى جاپپاي جونگە سالۋدى ۇزدىكسىز ىلگەرىلەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز ىلگەرىلەتۋىمىز كەرەك». پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ جاڭا داۋىردەگى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان كەزەكتەگى جانە بۇدان بىلايعى ءبىر مەزگىلدە پارتيانى جاپپاي قاتاڭ جونگە سالۋ جونىندە 6 ءتۇرلى مىندەتتى ورتاعا قويدى، ول پارتيانى جاپپاي قاتاڭ جونگە سالۋدا اناعۇرلىم زور ستراتەگيالىق ناتيجەگە قول جەتكىزۋ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، دامىتۋ جونىنەن كەلەلى جەتەكشى ماڭىز الادى، جاڭا داۋىردە ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋگە ايقىن بەتالىس كورسەتتى، ولشەم ازىرلەدى.

  «مىعىم دايىندىقپەن تىڭ ساپارعا اتتانىپ، پارتيانى جاپپاي جونگە سالۋدى ماڭگى جالعاستىراتىن تاباندىلىقپەن ونان ارى تەرەڭدەتۋ كەرەك». پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى باستان - اياق دايەكتى جالعاستىرىپ، تاباندىلىقپەن ىلگەرىلەتىپ، پارتيانىڭ ىشكى ساياسي ەكولوگياسىندا جاڭا بەينە جارىققا شىعارىپ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزدى، پارتيانى جاپپاي قاتاڭ جونگە سالۋدا كەلەلى ناتيجەگە قول جەتكىزدى. سونىمەن بىرگە، شىرىكتەسۋگە قارسى تۇرۋ كۇرەسى جاعدايىنىڭ ءالى دە قاتاڭ، كۇردەلى، پارتيانى جاپپاي قاتاڭ جونگە سالۋدىڭ مىندەتى ءالى اۋىر، جولى الىس ەكەندىگىن دە كورە ءبىلۋىمىز كەرەك. پارتيامىز جالپى بەتتىك باسشىلىق ەتىپ، ۇزاق ۋاقىت بيلىك جۇرگىزەدى، پارتيا مۇشەلەرى، كادرلار «قامالاپ اۋلاۋ»، ءشىرىتۋ حاۋىپ - قاتەرىنە قاشاندا ءدوپ كەلەدى. اماليات شىرىكتەسۋگە قارسى تۇرۋ كۇرەسىندە شەگىنشەكتەۋگە بولمايتىندىعىن ءارى شەگىنۋگە دە مۇمكىندىك جوق ەكەندىگىن، ءسوز جوق، «قاتاڭدىققا» ۇزاق ۋاقىت تاباندى بولىپ، شىرىكتەسۋگە باتىلى بارماۋدى، شىرىكتەسۋگە مۇمكىندىگى بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، پارتيانىڭ وزىندىك توڭكەرىس جاساۋىن ۇزدىكسىز ىلگەرىلەتىپ، ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوزىن جوعارىلاتۋ كەرەكتىگىن قايتا - قايتا كورسەتىپ كەلەدى.

  2019 - جىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى، ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋدىڭ جاۋاپكەرشىلىگى اۋىر. بۇكىل پارتيا باس شۋجي شي جينپيڭ ورتاعا قويعان 6 ءتۇرلى مىندەتتى مۇقيات دايەكتىلەندىرۋ، تياناقتاندىرۋ كەرەك: پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، يدەيانى قارۋلاندىرۋدى ۇزدىكسىز كۇشەيتۋ؛ پارتيانىڭ ساياسي قۇرىلىسىن كۇشەيتىپ، بۇكىل پارتيانىڭ شوعىرلى بىرلىگىنە، بۇيرىقتى بۇلجىتپاي اتقارۋعا، تيىم سالىنعاننان تيىلۋعا كەپىلدىك ەتۋ؛ تاڭداۋلى ستيلدى ساۋلەلەندىرىپ، دوڭگەلەك داۋلەتكە جەتۋدى ءبىر جاعادان باس، ءبىر جەڭنەن قول شىعارا وتىرىپ جۇزەگە اسىرۋ؛ شىرىكتەسۋدى باتىل جازالاپ، ۇستەم جەڭىستى بەكەمدەۋ، دامىتۋ؛ تۇلعالىق جاۋاپكەرشىلىكتى كۇشەيتىپ، باقىلاۋ جۇيەسىن كەمەلدەندىرۋ؛ بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەسىنە سەمسەر سىلتەپ، بۇقارانىڭ ءتول مۇددەسىن قورعاۋ كەرەك. وسى 6 ءتۇرلى مىندەت وتە كۇشتى ساياسي سيپاتقا، داۋىرلىك سيپاتقا، باعىتتامالىلىق سيپاتقا يە، ءار دارەجەلى پارتيا ۇيىمدارى ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، بوساڭسىماي، توقىراپ قالماي، پارتيانى جاپپاي قاتاڭ جونگە سالۋ ارقىلى پارتيانىڭ ىنتىماعىن، بىرلىگىن بەكەمدەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدى پارمەندى قامتاماسىز ەتۋ كەرەك.

  تەمىر سوقساڭ قۇرىش بول. پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق ناتيجەسىنە قول جەتكىزىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋدە، دامىتۋدا، ءسوز جوق، ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى پارتيا مەن مەملەكەتتىڭ باقىلاۋعا ارناۋلى جاۋاپتى ورگانى، پارتياعا، حالىققا ادال بولىپ، «ءتورت تانىمدى» باستاماشىلدىقپەن كۇشەيتۋ، «ءتورت سەنىمدى» باستاماشىلدىقپەن بەكەمدەۋ، «ەكىنى قورعاۋعا» باستاماشىلدىقپەن كەپىلدىك ەتۋ؛ پارتيانىڭ ءتارتىپ تەكسەرۋ ءتۇزىلىسى رەفورماسىن، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن جانە ءتارتىپ تەكسەرۋ، باقىلاۋ - تەكسەرۋ قۇرىلىمى رەفورماسىن ءبىر تۇتاس ىلگەرىلەتىپ، فۋنكتسياعا بۇرىلىس جاساۋدى، تاسىلگە بۇرىلىس جاساۋدى، ستيلگە بۇرىلىس جاساۋدى اناعۇرلىم جوعارى دەڭگەيدە تەرەڭدەتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ؛ ورگانداعى پارتيانىڭ ساياسي قۇرىلىسىن باستاماشىلدىقپەن كۇشەيتىپ، ىشكى مەڭگەرۋ مەحانيزمىن اقاۋسىزداندىرىپ، اۋلانى ۇنەمى تازالاپ، شىرىق بۇزۋشىلاردى الاستاۋ كەرەك. قالىڭ ءتارتىپ تەكسەرۋ، باقىلاۋ - تەكسەرۋ كادرلارى قيىندىقتان سۇرىنبەي وتە الاتىن، قىسىمعا توتەپ بەرە الاتىن، قيان - كەسكى شايقاس جۇرگىزە الاتىن بولۋ؛ داڭقتى ءداستۇردى ساۋلەلەندىرىپ، ساياسيدى دارىپتەپ، وزىندىك قابىلەتتى جەتىلدىرىپ، ساپانى جوعارىلاتىپ، شەبەرلىكتى كۇشەيتىپ، تۇرعىسى بەرىك، ەركى كۇشتى، ارەكەتى باتىل بولۋدىڭ ۇلگىسىنە اينالۋ كەرەك.

  حالىق قالاۋى − ەڭ ۇلكەن ساياسي، ادىلدىك − ەڭ پارمەندى كۇش. 89 ميلليوننان استام پارتيا مۇشەسى، ءبىر ميلليارد 300 ميلليوننان استام جان سانى بار ءبىز سياقتى ءىرى ەلگە ۇزاق ۋاقىت بيلىك جۇرگىزگەن پارتيا جونىنەن العاندا، پارتيانى باسقارۋدا، پارتيانى جونگە سالۋدا ءبىر ءسات تە بوساڭسۋعا بولمايدى. ماڭگى جالعاستىرامىز دەيتىن قايسارلىق جانە تاباندىلىق ارقىلى شىرىكتەسۋگە باتىلىن بارعىزبايتىن سەستى كۇشەيتىپ، شىرىكتەسۋگە مۇمكىندىك بەرمەيتىن توردى بەرىك توقىپ، شىرىكتەسۋدى ويىنا المايتىن سانالىلىقتى نىعايتاتىن بولساق، ءبىز، ءسوز جوق، كىرشىكسىز زاماندى، تىنىش قوعامدى قارسى الاتىن بولامىز.

  (شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.