شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇلشىنا قۇرايىق» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: تاريحي تاجىريبەلەردى قابىلداۋعا ءمان بەرۋ − پارتيامىزدىڭ تاماشا ءداستۇرى. جۇڭگو تاريحىنداعى ۇلىقتاردىڭ جۇمىس ستيلى جانە بيلەۋ ناتيجەسى تۋرالى ۇيرەنۋدىڭ ماقساتى ەلىمىز تاريحىنداعى ۇلىقتاردىڭ جۇمىس ستيلى مەن بيلەۋ ناتيجەلەرىنىڭ جەتىستىك - ساتسىزدىكتەرىن ءتۇسىنىپ، جوعارى ساپالى كادرلار قوسىنىن قۇرۋعا ۇلگى - ونەگە كورسەتۋ. دۇرىس ساياسي لۋشيانعا دۇرىس ۇيىمدىق لۋشيان ارقىلى كەپىلدىك ەتۋ كەرەك. پارتيامىز حالىقتى ىنتىماقتاستىرىپ جانە باستاپ، «قوس 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، ءسوز جوق، جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، ءمورال - قابىلەت ولشەمىن قاتاڭ يگەرىپ، ادام ىستەتۋدە ءادىل بولۋعا تاباندى بولىپ، ادام ىستەتۋدەگى كوز ايانى كەڭەيتىپ، كادرلاردىڭ بەلسەندىلىگىنە دەم بەرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قۇلشىنا قۇرۋ كەرەك. ماقالادا مىنالار اتاپ كورسەتىلدى: ءمورال - قابىلەت ولشەمىن قاتاڭ يگەرۋ كەرەك. كادرلار ساياسي ءمورال، كاسىپتىك ءمورال، قوعامدىق جالپىلىق ءمورال، وتباسىلىق تاماشا ءمورال جاقتارىندا قاتاڭ سىننان ءوتۋى، بارىنەن ماڭىزدىسى، ساياسي ءمورالدا قاتاڭ سىننان ءوتۋى كەرەك. ادام ىستەتۋدە ءادىل بولۋعا تاباندى بولۋ كەرەك. ادام ىستەتۋدە ءادىل بولۋ − پارتيامىزدىڭ جالپى ءۇشىن پارتيا قۇرىپ، حالىق ءۇشىن بيلىك جۇرگىزۋىنىڭ ۇيىمدىق لۋشيانداعى بەينەلەنۋى، بۇل ءبىزدىڭ ادام تاڭداۋداعى، ادام ىستەتۋدەگى ءتۇبىرلى تالابىمىزعا اينالۋى ءتيىس. ادامدى ءادىل ىستەتۋدەگى ادىلدىك كوپشىلدىكتە، ادىلدىك ىستە، ادىلدىك دۇرىس ستيلدە. ادام ىستەتۋدەگى كوز ايانى كەڭەيتۋ كەرەك. كوز ايانى كەڭەيتىپ، كادرلار قوسىنى مەن ءار جاقتاعى دارىندىلاردىڭ رولىن تولىق ساۋلەلەندىرۋ كەرەك. كادرلاردىڭ بەلسەندىلىگىنە دەم بەرىپ، ادام تاڭداۋدا، ادام ىستەتۋدە جاۋاپكەرشىلىكتى دارىپتەۋدىڭ، جاۋاپكەرشىلىككە ءمان بەرۋدىڭ ايقىن بەتالىسىن ايگىلەپ، كادرلاردىڭ ءىس تىندىرىپ، ناتيجە شىعارۋداعى رۋح - جىگەرىنە دەم بەرۋ كەرەك.
