تيانشان تورى   ›   جاڭالىقتار   ›   شينجياڭ حابارلارى

شينجياڭ اليبابا توبىمەن بىرلەسىپ، «اۋىل شارۋاشىلىعىن گۇلدەندىرۋ ارقىلى كەدەيلەردى سۇيەمەلدەۋ» نىسانىن اتقارا باستادى

  42 اۋدان - قالا ەلەكتروندىق ساۋدانى دامىتۋدىڭ «جۇردەك كولىگىنە» شىقتى  

  ءتىلشى شى شين، پراكتيكانت ءتىلشى لياڭ يانني 1 - ايدىڭ 16 - كۇنى ۇرىمجىدەن حابارلايدى. 1 - ايدىڭ 16 - كۇنى اۆتونوميالى رايون اليبابا توبىمەن شينجياڭ «اۋىل شارۋاشىلىعىن گۇلدەندىرۋ ارقىلى كەدەيلەردى سۇيەمەلدەۋ» نىسانىن بىرلەسىپ اتقارىپ، شينجياڭنىڭ اۋىل شارۋاشىلىعى ونىمدەرىن ساتۋىنا كۇش قوستى.

  حوتان اۋدانى، كۇنەس اۋدانى، ياركەن اۋدانى، شىڭگىل اۋدانى، كۇشار اۋدانى قاتارلى 42 اۋدان - قالا «اۋىل شارۋاشىلىعى ارقىلى كەدەيلەردى سۇيەمەلدەۋدىڭ ۇكىمەتتىك ماركا پۋنكتىن» اشىپ، وسى ارقىلى اليبابا توبىمەن باياندى سەلبەستىك مەحانيزمىن ورناتتى. وسى اۋدان - قالالاردىڭ اۋىل شارۋاشىلىعى ونىمدەرى اليبابا ەلەكتروندىق ساۋدا تۇعىرىندا ساتىلىپ قالماستان، حىما شيانشىڭ، دارۇنفا قاتارلى جەلىدەن تىس پارشا ساتۋدىڭ جاڭا ارناسىنا دا ورنىقتى.

  اليبابا تۇعىرىنا ورنىعۋ شىڭگىل اۋدانىنىڭ جاعراپيالىق نىشاندىق ءونىمى شىرعاناق جونىنەن العاندا، ەلەكتروندىق ساۋدانى دامىتۋدىڭ «جۇردەك كولىگىنە» شىققانمەن بارابار ەدى. شىڭگىل اۋداندىق ساۋدا ىستەرى جانە ەكونوميكانى ينفورماتسيالاندىرۋ كوميتەتىنىڭ مەڭگەرۋشىسى لي حۇڭمەي شىڭگىل اۋدانىندا 100 مىڭ مۋ شىرعاناق بازاسىندا 20 مىڭعا جۋىق ادام شىرعاناق ەگىنشىلىگى، شىرعاناق ءۇزۋ، وڭدەۋ، ساتۋ قاتارلىلارعا قاتىناسقاندىعىن ايتتى.

  «الايدا ساتۋ ارناسى جەتكىلىكسىز بولعاندىقتان، جىلدىق ءونىمى 5000 توننا كەلەتىن شىرعاناقتىڭ جىلدىق ساتىلۋ مولشەرى نەبارى 3000 توننا عانا. اليبابا تۇعىرىنا ورنىعۋ ساتۋ ارناسىن كەڭەيتىپ عانا قالماستان، ونىڭ ۇستىنە شارۋالار وتباسى كىرىسىنىڭ ارتۋىنا تۇرتكى بولۋىنان ءۇمىت بار»، - دەدى لي حۇڭمەي.

  اليبابا توبىنىڭ ورىنباسار ءتوراعاسى فاڭ جيانشىڭ بىلاي دەپ تانىستىردى: «اۋىل شارۋاشىلىعىن گۇلدەندىرۋ ارقىلى كەدەيلەردى سۇيەمەلدەۋ» نىسانى اليبابا توبىنىڭ وزەكتى ستراتەگيالىق نىسانىنىڭ ءبىرى، اليبابا توبى مەن جەرگىلىكتى ۇكىمەت بىرگە قۇرىپ، «تىكە قامداۋ، تىكە ساتۋ» جەتكىزىلىم تىزبەگى جۇيەسىن قۇرىپ، كەدەي اۋدانداردىڭ ساپالى اۋىل شارۋاشىلىعى ونىمدەرىن قالالارداعى اس ۇستەلدەرىنە تىكە جەتكىزۋدى ماقسات ەتەدى؛ ەندى ءبىر جاعىنان، تۇتىنۋ ۇلكەن ساندى مالىمەتتىك تالداۋ ارقىلى اۋىل شارۋاشىلىعى وندىرىسىنە جەتەكشىلىك ەتىپ، جەرگىلىكتى ۇكىمەتتىڭ ەرەكشە اۋىل شارۋاشىلىعىن قاراستىرۋىنا، جەتىلدىرۋىنە جانە ۇلعايتۋىنا كومەكتەسەدى.

  اليبابا توبى وڭىرلىك اۋىل شارۋاشىلىعى ونىمدەرىن ولشەمدەستىرۋ، ماركالاستىرۋ، زات اينالىمى، فينانس قاتارلى جاقتاردا قولداۋ كورسەتتى. قازىر بۇكىل ەلدەگى 23 ولكەنىڭ، رايوننىڭ، قالانىڭ 493 اۋدانىنداعى اۋىل شارۋاشىلىعى ونىمدەرى تۇعىرعا ورنىعىپ بولدى.

  ۇعىسۋعا قاراعاندا، وسى رەتكى قيمىلدا جەلىدەن تىس اتتانىسقا كەلتىرۋ ماجىلىسىنەن سىرت، جەلىدە دە «جۇڭگو ءدامى جونىندە ىزدەنۋ − ءدامدى تاعام شينجياڭدا» اتىندا جەلىدە ساتۋ قيمىلى ورىستەتىلگەن. كەدەيلەردى سۇيەمەلدەۋ سۋرەت كورمەسى، شىڭگىل شىرعاناعى ميكرو كينوسىن تاراتۋ جانە تاشقورعان مۇزدىعىنىڭ قارا كارتوپ ونىمدەرىن تۇڭعىش تاراتۋ سىندى 3 ۇلكەن جارقىن ءتۇيىن ارقىلى تۇتىنۋشىلاردىڭ سەزىنۋىن ءار قىرىنان جوعارىلاتىپ، شينجياڭنىڭ اۋىل شارۋاشىلىعى ونىمدەرىنىڭ ماركاسىن جاراتتى. جەلىدەگى قيمىل 1 - ايدىڭ 3 - كۇنى باستالعاننان بەرى، 8 ميلليون يۋاننان استام ساتۋ ناتيجەسىنە قول جەتكىزىپ، بۇكىل كوكتەم مەرەكەسى كەزىندە 20 ميلليون يۋاندىق ساتىلۋ سوماسىن جۇزەگە اسىراتىندىعى مەجەلەندى.

  جۋىقتاعى جىلداردان بەرى اۆتونوميالى رايون اۋىل - قىستاق ەلەكتروندىق ساۋداسىن زور كۇشپەن دامىتىپ، ەلەكتروندىق ساۋدا ارقىلى كەدەيلەردى سۇيەمەلدەۋدى تىڭعىلىقتى ىلگەرىلەتتى. ءۇشىنشى جاقتىڭ ۇلكەن ساندى مالىمەتىنىڭ ساناعىنا قاراعاندا، 2018 - جىلى تۇتاس شينجياڭدا ەلەكتروندىق ساۋدا سوماسى 188 ميلليارد 72 ميلليون يۋان بولىپ، سايكەس مەزگىلدەگىدەن %16.07 ارتقان. جەلىدەگى پارشا ساتۋ مولشەرى 29 ميلليارد 666 ميلليون يۋانعا جەتىپ، سايكەس مەزگىلدەگىدەن %26.96 ارتقان؛ اۋىل - قىستاقتىڭ جەلىدەگى پارشا ساتۋ سوماسى 7 ميلليارد 191 ميلليون يۋان بولىپ، سايكەس مەزگىلدەگىدەن %44.51 ارتقان.

  ءتىلشىنىڭ اۆتونوميالى رايوندىق ساۋدا مەڭگەرمەسىنەن ۇعىسۋىنا قاراعاندا، 2015 - جىلدان بەرى، تۇتاس شينجياڭ ەلەكتروندىق ساۋدانى اۋىل - قىستاققا جەتكىزۋدەن مەملەكەت دارەجەلى كەشەندى ۇلگى كورسەتۋ اۋدانىنان 46سىن بەكىتكىزىپ، ورتالىقتىڭ 920 ميلليون يۋان قارجىلاي كومەگىنە قول جەتكىزىپ، 22 اۋىر كەدەي اۋداندى (قالا) تۇتاس قامتىعان؛ ەلەكتروندىق ساۋدانى اۋىل - قىستاققا جەتكىزۋدەگى كەشەندى ۇلگى كورسەتۋ نىساندارىنا سۇيەنىپ، ارحيۆ تۇرعىزىلىپ، كارتچكا بەرىلگەن كەدەيلەردەن 59 مىڭ 800 ادامدى (رەت) باۋلىپ، ارحيۆ تۇرعىزىلىپ، كارتچكا بەرىلگەن كەدەيلەردىڭ 40 ميلليون يۋانعا جۋىق قۇنعا يە اۋىل شارۋاشىلىق ونىمدەرىن ساتۋىنا كومەكتەسكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى