تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 5 - ءماجىلىسى اشىلدى

  ءتىلشى لي ياڭ 1 - ايدىڭ 16 - كۇنى ۇرىمجىدەن حابارلايدى. 1 - ايدىڭ 16 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 5 - ءماجىلىسى اشىلدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى.

  ءماجىلىس اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشاننىڭ كادرلارعا قاتىستى ىستەر جونىندەگى تۇسىندىرمەسىن تىڭدادى؛ اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن (جوبا)، اۆتونوميالى رايوندىق ساياس كەڭەس 12 - كەزەكتى كوميتەتى 2 - ءماجىلىسىنىڭ ۇسىنىس جوبالاردى تەكسەرۋ احۋالى جونىندەگى بايانداماسىن (جوبا)، اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ ساياسي قاۋلىسىن (جوبا) قاراپ ماقۇلدادى. ءماجىلىس جوعارىداعى حۇجاتتاردىڭ جوباسىن 1 - ايدىڭ 17 - كۇنى تۇستەن بۇرىن وتكىزىلەتىن اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ جابىلۋ جيىنىنىڭ قاراۋىنا تاپسىرىپ بەرۋدى ۇيعاردى. ءماجىلىس تاعى كادرلارعا قاتىستى ىستەردى ماقۇلدادى.

  اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ماعاۋ سەيىتقامزا ۇلى، ورىنباسار ءتوراعا، قوسىمشا باس حاتشى جاڭ بو، ورىنباسار ءتوراعالار ءمۇتاللىپ وبۇل، كۇڭ شيڭلۇڭ، چيۋ شۋحۋا، ياڭ يۇڭ، ءيلھام سابىر، ما شيۇڭچىڭ، ابدۇرىقىپ ءتومۇرنياز ماجىلىسكە قاتىناستى.

   ماجىلىستەن بۇرىن، اۆتونوميالى رايوندىق ساياسي كەڭەس ءتوراعالار ءماجىلىسىن اشىپ، اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ گرۋپپالار ءماجىلىسى جاعدايىنىڭ جيناق مالىمەتىن تىڭدادى، وسى رەتكى تۇراقتى كوميتەت ماجىلىسىنە تاپسىرىلعان ءتۇرلى قاۋلىلاردى (جوبا) قاراپ ماقۇلدادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.