تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى ءتوراعالار القاسىنىڭ 3 - جيىنىن وتكىزدى

  تىلشىلەر لياڭ ليحۋا، ياۋ تۇڭ 1 - ايدىڭ 16 - كۇنى ۇرىمجىدەن حابارلايدى. 1 - ايدىڭ 16 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى ءتوراعالار القاسىنىڭ 3 - جيىنىن وتكىزدى.

  ءماجىلىس ءتوراعالار القاسىنىڭ تۇراقتى ءتوراعالارى شاۋكەت يمىن، لي شۋەجۇن، ۋاڭ يۇڭميڭ، ءمۇتاللىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سو يۋە جيىنعا قاتىناستى. جيىندى شاۋكەت يمىن باسقاردى.

  جيىن ءماجىلىس حاتشىلار باسقارماسىنىڭ ۋاكىلدەر ۇيىرمەلەرىنىڭ ۇكىمەت قىزمەتىنەن باياندامانى تالقىلاۋ جاعدايى جونىندەگى بايانداماسىن تىڭداپ، ۇكىمەت قىزمەتىنەن بايانداماعا قاتىستى قاۋلى جوبانى ۋاكىلدەر ۇيىرمەلەرىنىڭ تالقىلاۋىنا ۇسىنۋدى ۇيعاردى؛ اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ جوسپار، مەجە ەسەپ جوباسىن تەكسەرۋ ناتيجەسى جونىندەگى بايانداماسىن تىڭداپ، جوسپار، مەجە ەسەپ جونىندەگى جوبانى ۋاكىلدەر ۇيىرمەلەرىنىڭ تالقىلاۋىنا ۇسىنۋدى ۇيعاردى؛ ءماجىلىس حاتشىلار باسقارماسىنىڭ ءارقايسى كانديداتقا كورسەتىلگەندەردىڭ ەسىمدىگى جونىندەگى تۇسىندىرمەسىن تىڭداپ، ءارقايسى كانديداتقا كورسەتىلگەندەردى ۋاكىلدەر ۇيىرمەلەرىنىڭ اقىلداسۋىنا ۇسىنۋدى ۇيعاردى؛ ۋاكىلدەردىڭ بىرلەسىپ كانديدات كورسەتۋدىڭ ەڭ سوڭعى ۋاقىت شەگى جونىندەگى ۇيعارىمدى داۋىسقا سالىپ ماقۇلدادى، ونى ءماجىلىس حاتشىلار باسقارماسى جيىننان كەيىن ۋاكىلدەر ۇيىرمەلەرىنە باسىپ تاراتىپ بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.