تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىقتىڭ ساياسي - زاڭ قىزمەتى ماجىلىسىندە بىلاي دەپ باسا دارىپتەدى

  جاڭا داۋىردەگى ساياسي - زاڭ قىزمەتتەرىن جان - جاقتى، ىشكەرىلەي جاقسى ىستەپ، قوعامنىڭ ادىلدىگىن، تۋراشىلدىعىن جەبەپ، حالىقتىڭ شات - شادىمان ءومىر كەشىرۋىن قامتاماسىز ەتۋ كەرەك

  ۋاڭ حۋنيڭ، حان جىڭ قاتىناستى

  ورتالىقتىڭ ساياسي - زاڭ قىزمەتى ءماجىلىسى 1 - ايدىڭ 15 - ، 16 - كۇندەرى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ ساياسي - زاڭ قىزمەتىنە بۇلجىماس باسشىلىعىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، ساياسي - زاڭ سالاسىندا رەفورمانى جاپپاي تەرەڭدەتۋدى جەدەل ىلگەرىلەتىپ، ساياسي - زاڭ قوسىنىنىڭ توڭكەرىسشىلدەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن جەدەل ىلگەرىلەتىپ، ادالدىقپەن مىندەت اتقارىپ، جاۋاپكەرشىلىكتى وتەپ، جاۋاپكەرشىلىك ارقالاپ، ىسكەرلىك كورسەتۋگە باتىل بولىپ، قايسارلىقپەن رەفورما جاساپ، جاڭالىق اشىپ، مەملەكەتتىڭ ساياسي حاۋىپسىزدىگىن قورعاۋ، قوعامنىڭ جالپى جاعدايىنىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ شات - شادىمان ءومىر كەشىرۋىن قامتاماسىز ەتۋ بورىشى مەن مىندەتىن ويداعىداي اتقارىپ، ساياسي - زاڭ ىستەرى دامۋىنىڭ جاڭا تاراۋىن ۇزدىكسىز جازۋ كەرەك.

  پارتيا 18 - قۇرىلتايىنان بەرى، پارتيا ورتالىق كوميتەتى ساياسي - زاڭ قىزمەتىن اناعۇرلىم ماڭىزدى ورىنعا قويىپ يگەرىپ، ءبىر قىدىرۋ كەلەلى شەشىم جاساپ، ءبىر قىدىرۋ كەلەلى شارا اتقارىپ، ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن قورعاپ، ەكونوميكانىڭ، قوعامنىڭ باياندى، اقاۋسىز دامۋىن جەبەدى.

  پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىلىعىن قوعامدىق جونگە سالۋدىڭ ءونىمدى قۋاتىنا اينالدىرۋعا شەبەر بولىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن جونگە سالۋ ارقىلى قامتاماسىز ەتىلەتىن قوعامدىق جونگە سالۋ ءتۇزىلىسىن كەمەلدەندىرىپ، بىرگە قۇراتىن، بىرگە جونگە سالاتىن، ورتاق يگىلىكتەنەتىن قوعامدىق جونگە سالۋ جاعدايىن قالىپتاستىرۋ كەرەك.

  شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى. ورتالىقتىڭ ساياسي - زاڭ قىزمەتى ءماجىلىسى 1 - ايدىڭ 15 - ، 16 - كۇندەرى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ ساياسي - زاڭ قىزمەتىنە بۇلجىماس باسشىلىعىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، ساياسي - زاڭ سالاسىندا رەفورمانى جاپپاي تەرەڭدەتۋدى جەدەل ىلگەرىلەتىپ، ساياسي - زاڭ قوسىنىنىڭ توڭكەرىسشىلدەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن جەدەل ىلگەرىلەتىپ، ادالدىقپەن مىندەت اتقارىپ، جاۋاپكەرشىلىكتى وتەپ، جاۋاپكەرشىلىك ارقالاپ، ىسكەرلىك كورسەتۋگە باتىل بولىپ، قايسارلىقپەن رەفورما جاساپ، جاڭالىق اشىپ، مەملەكەتتىڭ ساياسي حاۋىپسىزدىگىن قورعاۋ، قوعامنىڭ جالپى جاعدايىنىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ شات - شادىمان ءومىر كەشىرۋىن قامتاماسىز ەتۋ بورىشى مەن مىندەتىن ويداعىداي اتقارىپ، ساياسي - زاڭ ىستەرى دامۋىنىڭ جاڭا تاراۋلارىن ۇزدىكسىز جازۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ ماجىلىسكە قاتىناستى.

  شي جينپيڭ سوزىندە بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى ساياسي - زاڭ قىزمەتىن اناعۇرلىم ماڭىزدى ورىنعا قويىپ يگەرىپ، ءبىر قىدىرۋ كەلەلى شەشىم جاساپ، ءبىر قىدىرۋ كەلەلى شارا اتقارىپ، ساياسي حاۋىپسىزدىكتى، قوعامنىڭ تىنىشتىعىن، حالىقتىڭ الاڭسىزدىعىن قورعاپ، ەكونوميكانىڭ، قوعامنىڭ باياندى، اقاۋسىز دامۋىن جەبەدى. بۇل − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ تىزە قوسا كۇرەس جاساعاندىعىنىڭ ناتيجەسى، بۇعان بۇكىل ەلدەگى ساياسي - زاڭ شەبى مەن قالىڭ ساياسي - زاڭ كادر - ساقشىلارىنىڭ اقىل - پاراساتى مەن ماڭداي تەرى سىڭگەن. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ساياسي - زاڭ كادر - ساقشىلارىنان ىقىلاسپەن حال سۇرادى.

  شي جينپيڭ بىلاي دەپ اتاپ كورسەتتى: پارتيانىڭ بۇقارالىق لۋشيانىن ويداعىداي دايەكتىلەندىرىپ، قوعامدى حالىق ءۇشىن جونگە سالۋعا تاباندى بولىپ، پارتيانىڭ تاڭداۋلى ءداستۇرى مەن جاڭا تەحنيكالاردى، جاڭا تاسىلدەردى ۇشتاستىرۋعا شەبەر بولىپ، بۇقارانى ۇيىمداستىرۋ، بۇقارانى جۇمىلدىرۋ مەحانيزمىندە جاڭالىق اشىپ، حالىقتىڭ مۇددەسىن كوزدەۋ، حالىق ءۇشىن ءىس ىستەۋ، حالىقتى ۋايىمنان ارىلتۋ مەحانيزمىندە جاڭالىق اشىپ، بۇقارانىڭ پاراساتى مەن دارىنىن قوعامدى جونگە سالۋدا جاڭالىق اشۋدىڭ سارقىلماس قاينارىنا اينالدىرۋ كەرەك. بۇقارانىڭ ءتول مۇددەسىمەن بايلانىستى ءتۇيىندى سالالارداعى زاڭ اتقارۋدىڭ، ءادىليانىڭ تەبىنىن ارتتىرىپ، اسپان اناعۇرلىم اشىق، سۋ اناعۇرلىم تۇنىق، اۋا اناعۇرلىم تازا، ازىق - تۇلىك اناعۇرلىم حاۋىپسىز، قاتىناس اناعۇرلىم ىركىلىسسىز، قوعام اناعۇرلىم جاراسىمدى، ءتارتىپتى بولۋعا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىلىعىن قوعامدىق جونگە سالۋدىڭ ءونىمدى قۋاتىنا اينالدىرۋعا شەبەر بولىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن جونگە سالۋ ارقىلى قامتاماسىز ەتىلەتىن قوعامدىق جونگە سالۋ ءتۇزىلىسىن كەمەلدەندىرىپ، بىرگە قۇراتىن، بىرگە جونگە سالاتىن، ورتاق يگىلىكتەنەتىن قوعامدىق جونگە سالۋ جاعدايىن قالىپتاستىرۋ كەرەك. اماندىق قۇرىلىسى قىزمەتتەرىن سايكەستىرۋ مەحانيزمىندە جاڭالىق اشىپ جانە ونى كەمەلدەندىرىپ، ساياسي - زاڭ جۇيەسى مەن قاتىستى تاراۋلاردىڭ بايلىعىن، كۇش - قۋاتىن ويداعىداي ءبىر تۇتاس جوسپارلاپ، ماسەلەنى بىرلەسىپ جونگە سالاتىن، قىزمەتتە بىرلەسە ارەكەت ەتەتىن، اماندىقتى بىرگە جاراتاتىن تاماشا جاعداي قالىپتاستىرۋ كەرەك. وڭىرلەردەگى، تاراۋلارداعى نەگىزگى جاۋاپتى جولداستار اماندىق قۇرىلىسىنىڭ باسشىلىق جاۋاپكەرشىلىك ءتۇزىمىن جاقسى تياناقتاندىرىپ، ءبىر ءوڭىردىڭ ورنىقتىلىعىن قورعاۋ، ءبىر ءوڭىردىڭ اماندىعىن ساقتاۋ ساياسي جاۋاپكەرشىلىگىن ويداعىداي اتقارۋ كەرەك. الەۋمەتتىك اۋماقتى جونگە سالۋدا جاڭالىق اشۋدى ىشكەرىلەي ىلگەرىلەتىپ، ومىرشەڭدىك كۇشكە جانە ونىمدىلىككە باي جاڭاشا نەگىزگى ساتى قوعامدىق جونگە سالۋ جۇيەسىن ورناتۋ كەرەك.

  شي جينپيڭ بىلاي دەپ اتاپ كورسەتتى: سوتسياليستىك وزەكتى قۇن كوزقاراسىن زور كۇشپەن ساۋلەلەندىرىپ، يدەيالىق تاربيەنى، ءمورالدىق تاربيەنى كۇشەيتىپ، ادىلەت جولىندا ەرلىك كورسەتكەن ۇلگىلەردى باعالاۋ، ماداقتاۋ - سيلاۋ قىزمەتىن جاقسارتىپ، تۇتاس قوعامدى تۋراشىلدىققا، ادىلدىككە بولەۋ كەرەك. زاڭ بويىنشا ءىس ىستەۋگە تاباندى بولىپ، زاڭعا، تارتىپكە بويسۇنعانداردىڭ مەرەيىن اسىرىپ، جىگەرىن تاسىتۋ، زاڭعا قايشىلىق جاساپ، ءمورالدان ازعانداردى اتتاپ باسا المايتىن ەتۋ كەرەك. نەگىزگى ساتىداعى بۇقارانىڭ ءوزىن - ءوزى باسقارۋ مەحانيزمىن كەمەلدەندىرىپ، قالا، اۋىلدارداعى بۇقارانىڭ، كاسىپورىنداردىڭ، ءىسورىنداردىڭ، قوعامدىق ۇيىمداردىڭ ءوزىن - ءوزى بيلەۋ، ءوزىن - ءوزى باسقارۋ بەلسەندىلىگىن جۇمىلدىرىپ، بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن وتەيتىن قوعامدىق جونگە سالۋ ورتاق تۇلعاسىن قالىپتاستىرۋ كەرەك. قوعامدىق پسيحولوگيالىق قىزمەت وتەۋ جۇيەسىن جانە پسيحولوگيالىق جەتەكتەۋ مەحانيزمىن، داعدارىسقا ارالاسىپ ەمدەۋ مەحانيزمىن اقاۋسىزداندىرىپ، ءوزىن قادىرلەيتىن، وزىنە سەنىمدى، ۇستامدى، سىپايى، باۋىرمال ىزگى قوعامدىق كوڭىل كۇي سومداۋ كەرەك. قوعام اماندىعىن باسقارۋدىڭ جان - جاقتى، ينفورماتسيالانعان ساقتانۋ - تىزگىندەۋ جۇيەسى قۇرىلىسىن جەدەل ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: قارا، سۇرقيا كۇشتەر قوعامداعى ۋلى وسپە، ەكونوميكالىق، قوعامدىق ءتارتىپتى اۋىر دارەجەدە ءبۇلدىرىپ، پارتيانىڭ بيلىك جۇرگىزۋ نەگىزىن شىرىتەدى. 3 جىلدىق مەرزىمدى نىسانادان تيتتەي دە بوساڭسىماي، كەزەڭدەر، سالالار بويىنشا تاكتيكالاردى، ءادىس - امالداردى كەمەلدەندىرىپ، نەگىزگى شابۋىل باعدارىن رەتتەپ، سۇراپىل شابۋىل اۋقىمىن ساقتاۋ كەرەك. قارا، سۇرقيا كۇشتەرگە قاتىستى ەلەۋلى دەلولاردان، قارا، سۇرقيا كۇشتەردىڭ ەكونوميكالىق نەگىزىنەن، ارت جاعىنداعى «بايلانىس تورىنان»، «باسقالقاسىنان» تيتتەي دە كوز جازباي، سوققى بەرۋ مەن ساقتانۋدى قاتار جۇرگىزۋگە، ۇستىنەن وڭاۋ مەن تۇبىرىنەن وڭاۋدى قاتار يگەرۋگە شىنايى كۇش سالىپ، تاپتەشتەي كۇش سالىپ، ناقتى ونىمدىلىككە، ۇزاق ۋاقىتتىق ونىمدىلىككە قول جەتكىزۋگە شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: ساياسي - زاڭ جۇيەسى اناعۇرلىم بيىك باستامادا، رەفورمادا تىڭ قامال الۋ سيپاتتى ىلگەرىلەۋشىلىكتەرگە قول جەتكىزۋدى جەبەپ، سايكەسىمدى، جوعارى ءونىمدى ساياسي - زاڭ قۇرىلىمى فۋنكتسيا جۇيەسىن جەدەل ورناتۋ، ساپالىلاندىرۋ كەرەك. ساياسي - زاڭ ورگاندارىنىڭ قىزمەت ۇقىعىن سەپتەۋدى ساپالىلاندىرىپ، اركىم ءوز مىندەتىن وتەيتىن، پارمەندى سايكەسەتىن، ۇتىمدى تەجەلەتىن قىزمەت جۇيەسىن ورناتۋ كەرەك. ساياسي - زاڭ ورگاندارىنىڭ ىشكى قۇرىلىمدارى رەفورماسىن ىلگەرىلەتىپ، فۋنكتسيا سەپتەۋىن، قۇرىلىم ورنالاسۋىن، قىزمەتكەرلەر شتاتىن ساپالىلاندىرىپ، اينالىمىن اناعۇرلىم ىركىلىسسىز، جوعارى ءونىمدى ەتۋ كەرەك. ءادىليا جاۋاپكەرشىلىك ءتۇزىمىن جان - جاقتى تياناقتاندىرىپ، ءادىليا قىزمەتكەرلەرىن زەيىن - زەردەنى، كۇش - قۋاتتى شوعىرلاندىرا جاۋاپكەرشىلىگىن ويداعىداي وتەيتىن، دەلونى جاقسى بىتىرەتىن ەتىپ، ءادىليانىڭ ساپاسىن، ونىمدىلىگىن، الەۋمەتتىك سەنىمدىلىگىن جوعارىلاتۋ كەرەك. نازاردى حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەرگە شوعىرلاندىرىپ، بيلىكتىڭ ءجۇرىلۋىن باقىلاۋ جانە تەجەۋ مەحانيزمىن مىقتى يگەرە كەمەلدەندىرىپ، زاڭدى قاتاڭ اتقارماۋدان، ءادىليادا ءادىل بولماۋدان، ءتىپتى، زاڭ اتقارۋدا زاڭعا قايشىلىق جاساۋدان، ءادىليادا شىرىكتەسۋدەن قاتاڭ ساقتانۋ كەرەك. ارىز - شاعىم ءتۇزىمى رەفورماسىن تەرەڭدەتىپ، دەلولاردى كۇردەلى - قاراپايىمدىلىعىنا قاراي جىكتەۋدى، اۋىر - جەڭىلىنە قاراي ايىرۋدى، تەز - باياۋلىعىنا قاراي ءبولۋدى ىلگەرىلەتىپ، ءىرى ساندى مالىمەت، جاساندى زەردە سياقتى عىلىم - تەحنيكالىق جاسامپازدىق جەتىستىكتەرىن ءادىليا قىزمەتىمەن تەرەڭدەي توعىستىرۋ كەرەك.

  شي جينپيڭ بىلاي دەپ باسا دارىپتەدى: ساياسي - زاڭ ورگانى قىرۋار الەۋمەتتىك قىزمەت وتەۋ فۋنكتسياسىن ارقالاپ وتىر، جاپپاي ءتيىمدى، بىركەلكى، قولايلى، جوعارى ءونىمدى، زەردەلى، دالمە - ءدال الەۋمەتتىك قىزمەت وتەۋمەن قامتاماسىز ەتۋگە قۇلشىنۋ كەرەك. «كۋالىكتى ازايتىپ، حالىققا قولايلىلىق جاساۋ» ارەكەتىن ءۇرتىس ورىستەتىپ، ءوڭىر اتتاپ تۇرعىزىلعان دەلوعا ارىز - شاعىمدىق قىزمەت وتەۋ رەفورماسىن جەدەل ىلگەرىلەتىپ، ارىز - شاعىم ىستەرىن ءوڭىر اتتاپ الىس ارالىقتى ءبىتىرۋدى، دارەجە اتتاپ بىرلەسە ءبىتىرۋدى ىلگەرىلەتىپ، وزگە جەردە ارىز - شاعىم بەرۋ قيىن بولۋ سياقتى ماسەلەلەردى ويداعىداي شەشۋ كەرەك. الەۋمەتتىك زاڭدىق قىزمەت وتەۋ جۇيەسى قۇرىلىسىن تەرەڭدەتىپ، ادۆوكات، الەۋمەتتىك كۋالاندىرۋ، ءادىليالىق ساراپتاۋ، تورەلىك ايتۋ، ءادىليا بولىمشەسى، حالىقتىق جاراستىرۋ سياقتى زاڭدىق قىزمەت وتەۋ بايلىعىن جەدەل بىرىكتىرىپ، جالپى كاسىپتى، جالپى ۋاقىت كەڭىستىگىن قامتىعان زاڭدىق قىزمەت وتەۋ تورىن تەز ارادا قۇرۋ كەرەك. شەتەلدەگى حاۋىپسىزدىكتى قورعاۋ جۇيەسىن جەدەل قۇرىپ، ەلىمىزدىڭ شەتەلدەگى قۇرىلىمدارىنىڭ، قىزمەتكەرلەرىنىڭ زاڭدى ۇقىق - مۇددەسىن قامتاماسىز ەتۋ كەرەك.

  شي جينپيڭ بىلاي دەپ اتاپ كورسەتتى: تۋى ايقىن تۇردە ساياسي قۇرىلىستى ماڭداي الدى ورىنعا قويىپ، پارتيا ورتالىق كوميتەتى الاڭسىز بولاتىن، حالىق ريزا بولاتىن جوعارى ساپالى ساياسي - زاڭ قوسىنىن قۇلشىنا قۇرۋ كەرەك. عىلمي نازاريامەن قارۋلانۋدى مىقتاپ يگەرىپ، قالىڭ كادر - ساقشىلاردى جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگوشا سوتسياليزم ىستەرىنىڭ قۇرىلىسشىلارى، قورعاۋشىلارى بولۋدان باستان - اياق جازباۋعا تاربيەلەۋ، جەتەكتەۋ كەرەك. ساياسي - زاڭ ورگاندارى پىشاق ءجۇزىن باتىلدىقپەن ىشكە قاراتىپ، جانعا باتىرا ۋىتتى ايداپ، شىرىق بۇزۋشىلاردى باتىل الاستاۋ كەرەك.

  شي جينپيڭ بىلاي دەپ باسا دارىپتەدى: ساياسي - زاڭ جۇيەسى ماماندانۋ قۇرىلىسىن اناعۇرلىم ماڭىزدى ورىنعا قويىپ يگەرۋ كەرەك. ماماندانۋ قۇرىلىسىندا ناقتى شايقاس، ناقتى قولدانۋ، ناقتى ونىمدىلىك بەتالىسىن كورنەكتىلەندىرىپ، ساياسي - زاڭ كادر - ساقشىلارىنىڭ زاڭداردى، ساياساتتاردى قولدانۋ قابىلەتىن، حاۋىپ - قاتەردەن ساقتانۋ جانە ونى تىزگىندەۋ قابىلەتىن، بۇقارالىق قىزمەت قابىلەتىن، عىلىم - تەحنيكانى قولدانۋ قابىلەتىن، قوعامدىق پىكىرگە جەتەكشىلىك ەتۋ قابىلەتىن جالپى بەتتىك جوعارىلاتۋ كەرەك. ساياسي - زاڭ قوسىنى بەيبىت زاماندا ەڭ كوپ ۇلەس قوسقان، ەڭ زور قۇرباندىق بەرگەن قوسىن. وسى ەرەكشە قوسىنعا ەرەكشە قامقورلىق جاساپ، ساياسي جاقتا ىنتالاندىرىپ، قىزمەتتە جىگەرلەندىرىپ، مامىلەدە قامتاماسىز ەتىپ، گۋمانيتارلىق جاقتان كوڭىل ءبولىپ، ولاردىڭ ءتۇرلى ءىس جۇزىندىك قيىنشىلىقتارىن شەشۋىنە امالدىڭ بارىنشا كومەكتەسىپ، كادر - ساقشىلاردىڭ الاڭسىز، ۋايىمسىز بولۋىنا، كاسىبىمەن الاڭسىز اينالىسۋىنا مۇمكىندىك جاساۋ كەرەك.

  شي جينپيڭ بىلاي دەپ اتاپ كورسەتتى: ساياسي - زاڭ باسشىلىق القاسى جانە كادرلار قوسىنى قۇرىلىسىن كۇشەيتىپ، ساياسي - زاڭ ورگاندارىنىڭ نەگىزگى ساتى پارتيا ۇيىمى قۇرىلىسىن نىعايتۋ كەرەك. ءار دارەجەلى پارتيا ۇيىمدارى مەن باسشى كادرلار ساياسي - زاڭ ورىندارىنىڭ قىزمەت ورىستەتۋىن قولداۋى، ءادىليا ورگاندارىنىڭ مىندەت ۇقىعىن زاڭ بويىنشا دەربەس، ءادىل جۇرگىزىن قولداۋى كەرەك. ءار دارەجەلى پارتكومداردىڭ ساياسي - زاڭ كوميتەتتەرى قىزمەتتىڭ كۇش سالۋ ءتۇيىنىن ساياسي بەتالىستى مەڭگەرۋگە، ءارقايسى جاقتىڭ فۋنكتسياسىن سايكەستىرۋگە، ساياسي - زاڭ قىزمەتىن ءبىر تۇتاس جوسپارلاۋعا، ساياسي - زاڭ قوسىنىن قۇرۋعا، مىندەتتى زاڭ بويىنشا اتقارۋدى قۋزاۋعا، ءادىليانى ءادىل جۇرگىزۋ ورتاسىن قالىپتاستىرۋعا قويىپ، ساياسي باقىلاۋ - تەكسەرۋ، جالپىلىق جونگە سالۋعا قۋزاۋ سالۋ - جەتەكشىلىك ەتۋ، زاڭنىڭ اتقارىلۋىن باقىلاۋ، ءتارتىپ - ستيل باقىلاۋ، شارلاۋ سياقتى ءتۇزىم - مەحانيزمدەردى اقاۋسىزداندىرۋ، كەمەلدەندىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن قورىتىندى سوزىندە مىنانى اتاپ كورسەتتى: باس شۋجي شي جينپيڭنىڭ ماڭىزدى ءسوزى جاڭا داۋىردەگى ساياسي - زاڭ ىستەرىنىڭ دامۋىنا ايبىندى جوبا جاساپ، ءتۇبىرلى دايەكپەن قامتاماسىز ەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، مەملەكەتتىڭ ساياسي حاۋىپسىزدىگىن قورعاۋعا، قوعامدىق جالپى جاعدايدىڭ ورنىقتىلىعىنا كەپىلدىك ەتۋگە، قوعامدىق ادىلدىكتى، تۋراشىلدىقتى جەبەۋگە، حالىقتىڭ شات - شادىمان ءومىر كەشىرۋىن قامتاماسىز ەتۋگە كۇش سالىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قارسى الۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءىشىنارا مۇشەلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى قاتىستى باسشى جولداستار، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى ماجىلىسكە قاتىناستى.

  ورتالىق ساياسي - زاڭ كوميتەتىنىڭ مۇشەلەرى، ورتالىق ساياسي - زاڭ كوميتەتىندەگى، ورتالىق ساياسي - زاڭ ورىندارىنداعى، ءارقايسى ولكەلەردەگى، اۆتونوميالى رايوندارداعى، قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، مەملەكەت مەنشىگىندەگى قاتىستى ءىرى كاسىپورىندارداعى جانە جوعارى مەكتەپتەردەگى، ارميانىڭ قاتىستى ورىندارىنداعى جاۋاپتى جولداستار، ت .ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ولكەلەردە، اۆتونوميالى رايونداردا، قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس الاڭدارى ورنالاستىرىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.