تىلشىلەر حي حۇڭۋي، ما ينيڭ، چىن چياڭۋي
«سالىقتى تومەندەتىپ، اقىنى ازايتۋ ساياساتتىق شاراسىن ناقتاپ تياناقتاندىرىپ، كاسىپورىنداردىڭ اۋىرتپالىعىن جەڭىلدەتۋ كەرەك»، - ءتوراعا شي جينپيڭنىڭ 2019 - جىلعى جاڭا جىلدى قۇتتىقتاۋ سوزىندەگى وسى ءسوز كاسىپورىنداردىڭ «كوڭىلىن ورنىقتىردى». سالىقتى تومەندەتىپ، اقىنى ازايتۋدىڭ پايداسىن جەتكىزۋ كاسىپورىنداردىڭ اۋىرتپالىعىن ونان ارى جەڭىلدەتىپ، بازار ومىرشەڭدىگىن قاۋلاتادى.
بىلتىردان بەرى سالىق قۇرىلىمى رەفورماسىنىڭ ىشكەرىلەي ىلگەرىلەۋىنە ساي، سالىقتى تومەندەتىپ، اقىنى ازايتۋعا قاتىستى ءبىر قىدىرۋ شارالار رايونىمىزدا جەدەل تياناقتانىپ، كوپتەگەن كاسىپورىندار ءتىپتى كوپ ناقتى يگىلىككە كەنەلدى. بيىلعى ەكى ماجىلىستە سالىقتى اناعۇرلىم تومەندەتۋ، اقىنى اناعۇرلىم ازايتۋ، ساۋدا ورتاسىن جاقسارتۋ، ناقتى ەكونوميكانىڭ دامۋىنا دەم بەرۋ ۋاكىلدەردىڭ، مۇشەلەردىڭ نازار اۋدارعان تۇيىنىنە اينالدى.
چىن گاڭلياڭ:
كاسىپورىندى الۋەتتەندىرەمىز، ساپالىلاندىرامىز، زورايتامىز
«بىلتىر سەرىكتەستىك سالىقتى تومەندەتىپ، اقىنى ازايتۋ ساياساتىنان يگىلىكتەنىپ، ءبىر ميلليون 900 مىڭ يۋان وزىندىك قۇندى تومەندەتتى، ءبىز بۇل قارجىنى ءوندىرىستى دامىتۋعا، اسپاپ تولىقتاۋعا، تەحنولوگيا دەڭگەيىن جوعارىلاتۋعا ىستەتەمىز. مۇنان تىس، مالشىلاردى سيلايمىز، تۇيە شارۋاشىلىعىن ۇزدىكسىز كۇش سالا دامىتۋعا شابىتتاندىرىپ، ولاردى اۋقاتتانىپ دوڭگەلەك داۋلەتكە جەتۋگە جەتەكشىلىك ەتەمىز»، - دەدى ۋاكىل چىن گاڭلياڭ.
چىن گاڭلياڭ بىلاي دەپ تانىستىردى: شينجياڭ ۋاڭيۋان بيوتەحنيكا توبى تۇيە سىندى شينجياڭداعى وسى ءبىر ەرەكشە ابزال بايلىققا مىقتاپ سۇيەنىپ، ورگانيكالى تۇيە ءسۇتى ونىمدەرىن ىشكەرىلەي زەرتتەپ اشۋدى بارىنشا جاقسى ىستەپ، عىلىم - تەحنيكا ارقىلى كاسىپ سالاسىنىڭ دامۋىنا جەتەكشىلىك ەتۋ، «باستاماشى» ارقىلى اۋىل شارۋاشىلىعىن كاسىپ سالالاندىرۋعا جانە كەدەيلەردى دالمە - ءدال سۇيەمەلدەۋگە جەتەكشىلىك ەتۋ جاڭا جولىن اشتى. قازىر بۇل توپ سولتۇستىك شينجياڭ ءوڭىرىنىڭ تۇيە شارۋاشىلىعىن دامىتۋعا جەتەكشىلىك ەتتى. التاي، تارباعاتاي، سانجى، ءۇرىمجى، قۇمىل سياقتى جەرلەردەگى 5000نان استام مالشى تۇيە باعىمىشىلىعى، تۇيە ءسۇتىن ساتۋ ارقىلى كىرىستەرىن ارتتىرىپ اۋقاتتانۋ جولىنا ءتۇستى.
«ۇكىمەت قىزمەتىنەن باياندامادا سالىقتى تومەندەتىپ، اقىنى ازايتۋعا قاتىستى ءتىپتى كوپ ساياساتتاردى شىعارۋ العا قويىلدى، حالىقتىق كاسىپورىن رەتىندە ءبىز قاتتى جەلپىندىك. پارتيا مەن ۇكىمەت حالىقتىق كاسىپورىنداردىڭ ارمان - تىلەگىنە ءمان بەرىپ، حالىقتىق كاسىپورىنداردىڭ دامۋىن قولدادى، ءبىز اناعۇرلىم قۇلشىنىپ، كاسىپورىندى الۋەتتەندىرىپ، ساپالىلاندىرىپ، زورايتىپ، ءتىپتى كوپ ەگىنشى - مالشى باۋىرلاستاردى بىرگە اۋقاتتانۋعا باستايمىز»، - دەدى بيىلعى دامۋدى اۋىزعا العاندا چىن گاڭلياڭ نىق سەنىممەن.
(سۇحبات بەرگەن اۆتونوميالى رايوندىق حالىق قۇرىلتايىنىڭ ۋاكىلى، شينجياڭ ۋاڭيۋان بيوتەحنيكا توبىنىڭ باس جوراسى)
شياڭ جيانجۇن:
شاعىن، ۇساق كاسىپورىنداردىڭ دامۋ ومىرشەڭدىگىن قاۋلاتامىز
«بولىمشە سەرىكتەستىگىمىز شينجياڭ كوۋلى كوۋفۋ يمپورت - ەكسپورت ساۋدا سەرىكتەستىگى جەتىلۋ ۇستىندەگى تولىسۋ سيپاتتى شاعىن، ۇساق كاسىپورىن، بىلتىر ارتقان قۇن سالىعى، يمپورت كەدەن سالىعى سياقتى جاقتارداعى ءتيىمدى ساياسات سەرىكتەستىك ءۇشىن، 125 مىڭ يۋاننان استام سالىقتى تومەندەتتى». مۇشە شياڭ جيانجۇن بىلاي دەدى: بيىلعى اۋىرتپالىقتى جەڭىلدەتۋگە قاتىستى ءبىر قىدىرۋ ساياساتتاردىڭ العا قويىلۋىمەن ۇساق، شاعىن كاسىپورىنداردىڭ دامۋ ومىرشەڭدىگى بارىنشا قاۋلايدى.
شياڭ جيانجۇن بىلاي دەپ تانىستىردى: سەرىكتەستىكتىڭ نەگىزگى تيجاراتى يمپورت ازىق - تۇلىكتەرىن ساتۋ جانە تولايىم ساتۋ. 2018 - جىلى سەرىكتەستىكتىڭ ەلىمىزدىڭ نەگىزگى ۇلكەن، ورتا قالالارىنا ساتقان رەسەيدىڭ بولكاسى جانە بالى قىزۋ قارسى الۋعا بولەندى، تىعىز سەلبەستىك قارىم - قاتىناس ورناتقان ساۋداگەرلەر 100گە تايادى.
شياڭ جيانجۇن بىلاي دەدى: سالىقتى تومەندەتىپ، اقىنى ازايتۋعا قاتىستى ءبىر قىدىرۋ ساياساتتار كاسىپورىنداردىڭ «كوڭىلىن ورنىقتىردى». «ۇكىمەت قىزمەتىنەن باياندامادا 2019 - جىلى مەملەكەتتىڭ سالىقتى تومەندەتىپ، اقىنى ازايتۋ ساياساتىن مۇقيات تياناقتاندىرۋ العا قويىلدى، بۇل ورتا، شاعىن، ۇساق كاسىپورىندار جونىنەن الىپ ايتقاندا، ەرەكشە پايدالى، وسى ءتيىمدى ساياساتتار كاسىپورىنداردىڭ قىسىمىن جەڭىلدەتىپ، ومىرشەڭدىگىن قاۋلاتىپ، ولارعا قوزعاۋشى كۇش قوساتىنى داۋسىز»، - دەدى شياڭ جياڭجۇن.
(سۇحبات بەرگەن اۆتونوميالى رايوندىق ساياسي كەڭەستىڭ مۇشەسى، كەريا جىبەك جولى كاسىپ سالاسىن جەتىلدىرۋ شەكتى سەرىكتەستىگىنىڭ باس مەڭگەرۋشىسى)
جاۋ ۋي：
سالىقتى تومەندەتۋ ساياساتىن قاز - قالپىندا جاقسى تياناقتاندىرامىز
«بيىل 1 - ايدىڭ 1 - كۇنى جەكەلەردىڭ تابىس سالىعى رەفورماسى ورنىقتى تياناقتانىپ، مەملەكەتتىڭ ءتىپتى زور كولەمدەگى جالپىعا ءتيىمدى سالىق جيناۋدى جەڭىلدەتۋ - كەشىرۋ ساياساتىن ۇزبەي تياناقتاندىرۋىمىزعا جاقسى باستاما اشىپ بەردى»، - دەدى مۇشە جاۋ ۋي.
بىلتىردان بەرى سالىقتى تومەندەتىپ، اقىنى ازايتۋعا قاتىستى شارالار رايونىمىزدا تياناقتانىپ، كاسىپورىندارعا ءتىپتى كوپ ناقتى تيىمدىلىك جەتكىزدى.
«ءتۇرلى ساياساتتاردىڭ سالىقتى تومەندەتىپ، اقىنى ازايتۋداعى، سالىق قاينارىن ساقتاۋداعى، ناقتى ەكونوميكانىڭ ومىرشەڭدىگىن قوزعاۋداعى تاماشا اسەرى ۇزدىكسىز كورنەكتىلەنىپ، سالىق تاپسىرۋشىلاردىڭ اڭىسى جاقسى بولدى»، - دەدى جاۋ ۋي. سوڭعى 2 جىلدا مەملەكەت سالىق ءتۇزىمى رەفورماسىن كۇش سالا ىلگەرىلەتىپ، شينجياڭنىڭ سالىق تاراۋلارى جوعارى ساپالى دامۋ تالابى بويىنشا، سالىق كىرىسىن زاڭ بويىنشا ۇيىمداستىرىپ، سالىقتى تومەندەتۋدىڭ ءتۇرلى ساياساتتارىن قاز - قالپىندا ويداعىداي تياناقتاندىرىپ، كاسىپورىنداردىڭ جۇگىن جەڭىلدەتۋدى جەبەدى.
جاۋ ۋي بىلاي دەدى: بيىل ءبىز سالىق سالاسىنداعى «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن اناعۇرلىم تەرەڭدەتىپ، سالىق جۇمىستارىن ءبىتىرىپ، اقى تاپسىرۋدا «ەڭ كوپ بولعاندا ءبىر رەت بارۋ» قىزمەتىن زور كۇشپەن ىلگەرىلەتىپ، «ءبىر زالدا ءبىر تۇتاس ءبىتىرۋدى» ويداعىداي ىستەپ، ەلەكتروندىق سالىق مەكەمەسىن ويداعىداي قۇرىپ، كوپ نەگىزدى، قولايلى اقى تاپسىرۋ، سالىق جۇمىستارىن ءبىتىرۋ ارناسىن بەلسەنە ازىرلەيمىز. ساياساتتى ۇگىتتەۋدى، جەتەكشىلىك ەتۋدى مىقتى ۇستاپ، سالىق تاپسىرۋشىلار ءۇشىن جان - جاقتى، قولايلى سالىق ءبىتىرۋ قىزمەتىن وتەپ، سالىق جيناۋ شارۋاشىلىعى ورتاسىن ۇزدىكسىز ساپالىلاندىرىپ، سالىق تاپسىرۋشىلاردىڭ رەفورما بارىسىنداعى تابىس سەزىمىن جانە قىزمەت وتەۋگە رازى بولۋ دارەجەسىن شىن مانىندە كۇشەيتەمىز.
(سۇحبات بەرگەن اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق سالىق مەكەمەسى پارتكومىنىڭ ورىنباسار شۋجيى، مەكەمە باستىعى)
