تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى 15 كەڭەستىك جوبا تاپسىرىپ الدى

  416 ۇسىنىس، سىن، پىكىر تاپسىرىپ الدى

  تىلشىلەر لياڭ ليحۋا، حي حۇڭۋي 1 - ايدىڭ 17 - كۇنى ۇرىمجىدەن حابارلايدى. ءماجىلىس ءتوراعالار القاسى ۇيعارعان ۋاكىلدەردىڭ كەڭەستىك جوبا قويۋ ۋاقىت شەگى تولعانعا دەيىن، اۆتونوميالى رايوندىق 13 - كەزەكتى حالىق قۇرىلتايىنىڭ 2 - ماجىلىسىنە قاتىناسقان ءار ۇلت ۋاكىلدەرى ماجىلىسكە 15 كەڭەستىك جوبا قويدى.

  وسى جولعى ءماجىلىس ياسىن سىدىق قاتارلى 10 ۋاكىل العا قويعان كەن، گەولوگيا ورتاسىن وڭاۋدى جانە ونى قورعاۋدى كۇشەيتۋ جونىندەگى كەڭەستىك جوبا، سۋ شياۋلي قاتارلى 12 ۋاكىل العا قويعان «شينجياڭ ۇيعۇر اۆتونوميالى رايونىنىڭ مەكتەپكە دەيىنگى تاربيە ەرەجەسىن» جاساۋ جونىندەگى كەڭەستىك جوبا، ءانۋار نۇر قاتارلى 10 ۋاكىل العا قويعان «شينجياڭ ۇيعۇر اۆتونوميالى رايونىنىڭ تەز جولداما ۋاقىتتىق ءادىسىن» بەلگىلەۋ جونىندەگى كەڭەستىك جوبا سياقتى 15 كەڭەستىك جوبانى تاپسىرىپ الدى.

  ۇعىسۋعا قاراعاندا، وسى كەڭەستىك جوبالاردىڭ مازمۇنى نەگىزىنەن قوعامنىڭ جاراسىمدىلىعىن، ورنىقتىلىعىن قورعاۋ، ەكونوميكانىڭ جوعارى ساپالى دامۋىن جەبەۋ، نەگىزدىك قۇرىلعى قۇرىلىسىن كۇشەيتۋ، سوتسياليستىك دەموكراتيالى ساياسيدى دامىتۋ، زاڭدىق باقىلاۋدى كۇشەيتۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق وركەنيەت قۇرىلىسىن جەبەۋ سياقتى جاقتارعا شوعىرلانعان.

  «شينجياڭ ۇيعۇر اۆتونوميالى رايونىنىڭ حالىق قۇرىلتايى ۋاكىلدەرىنىڭ كەڭەستىك جوباسىن ءبىر جايلى ەتۋ ادىسىندەگى» بەلگىلەمەگە ساي، ءماجىلىس ءتوراعالار القاسى ءماجىلىس حاتشىلار باسقارماسىنىڭ بايانداماسىنا نەگىزدەلىپ، ۋاكىلدەردىڭ كەڭەستىك جوباسىن وسى رەتكى ءماجىلىستىڭ كەڭەستىك تارتىبىنە ەنگىزۋ - ەنگىزبەۋدى بەلگىلەيدى نەمەسە ماجىلىستەن كەيىن قاتىستى ارناۋلى كوميتەتتىڭ قاراۋىنا تاپسىرادى. كەڭەستىك جوبانى قاتىستى ارناۋلى كوميتەت قاراعاننان كەيىن، زاڭ بويىنشا اۆتونوميالى رايوندىق حالىق قۇرىلتايى تۇراقتى كوميتەتىنە قاراۋ ناتيجەسى جونىندەگى باياندامانى تاپسىرادى، اۆتونوميالى رايوندىق حالىق قۇرىلتايى تۇراقتى كوميتەتى ءماجىلىسى قاراپ ماقۇلداعان ۋاكىلدەردىڭ كەڭەستىك جوباسىن قاراۋ ناتيجەسى جونىندەگى بايانداما كەلەسى جولعى اۆتونوميالى رايوندىق حالىق قۇرىلتايى ماجىلىسىندە باسىپ تاراتىلادى.

  ۇعىسۋعا قاراعاندا، ءماجىلىس كەزىندە تاپسىرىپ العان ۋاكىلدەر العا قويعان اۆتونوميالى رايوننىڭ ءار جاقتاعى قىزمەتتەرىنە قاتىستى ۇسىنىس، سىن، پىكىر 416 بولعان. «شينجياڭ ۇيعۇر اۆتونوميالى رايونىنىڭ حالىق قۇرىلتايى ۋاكىلدەرىنىڭ ۇسىنىسىن، سىنىن، پىكىرىن ءبىر جايلى ەتۋ ەرەجەسىنە» ساي، ماجىلىستەن كەيىن، تۇراقتى كوميتەتتىڭ مەڭگەرۋشىلەر ءماجىلىسى اۆتونوميالى رايوندىق حالىق ۇكىمەتىنىڭ، باقىلاۋ - تەكسەرۋ كوميتەتىنىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ جانە قاتىستى تاراۋلاردىڭ، ۇيىمداردىڭ اقىلداسىپ ءبىر جاقتى ەتۋىنە تاپسىرادى، سونداي - اق ۋاكىلدەرگە جاۋاپ بەرەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.