تىلشىلەر ياۋ تۇڭ، لياڭ ليحۋا 1 - ايدىڭ 17 - كۇنى ۇرىمجىدەن حابارلايدى. 1 - ايدىڭ 17 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ ءتوراعالار القاسى 4 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعالارى شاۋكەت يمىن، لي شۋەجۇن، ۋاڭ يۇڭميڭ، ءمۇتاللىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سو يۋە جيىنعا قاتىناستى، شاۋكەت يمىن جيىندى باسقاردى.
جيىن ءماجىلىس حاتشىلار باسقارماسىنىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامالاردى قاراۋ جاعدايى جونىندەگى باياندامانى تىڭداپ، جوعارىداعى 3 بايانداما جونىندەگى قاۋلى جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى؛ ءماجىلىس حاتشىلار باسقارماسىنىڭ ۋاكىلدەر ورتاعا قويعان كەڭەستىك جوبانى ءبىر جاقتى ەتۋ پىكىرى جونىندەگى باياندامانى تىڭدادى؛ ءماجىلىس حاتشىلار باسقارماسىنىڭ ۋاكىلدەر ۇيىرمەلەرىنىڭ ءتوراعالار القاسى ورتاعا قويعان جانە ۋاكىلدەر بىرلەسىپ كورسەتكەن كانديداتتاردى اقىلداسۋ جاعدايى جونىندەگى مالىمەتتى تىڭداپ، ءارقايسى رەسمي كانديداتقا كورسەتىلگەندەردى جالپى جيىننىڭ سايلاۋىنا ۇسىنۋدى بەلگىلەدى؛ قاتىستى ارناۋلى كوميتەت قۇرامىنداعىلاردىڭ ەسىمدىگى جوباسىن جالپى جيىننىڭ داۋىسقا سالۋىنا ۇسىنۋدى ۇيعاردى؛ باس بەلەت باقىلاۋشى، بەلەت باقىلاۋشىلار ەسىمدىگى جوباسىن جالپى جيىننىڭ داۋىسقا سالۋىنا ۇسىنۋدى ۇيعاردى.
