تيانشان تورى   ›   ۇيرەنۋ   ›   شولۋ

اناعۇرلىم جوعارى دەڭگەيدەگى تىنىش جۇڭگو قۇرۋعا قۇلشىنايىق

  − باس شۋجي شي جينپيڭنىڭ ورتالىقتىڭ ساياسي - زاڭ قىزمەتى ماجىلىسىندە سويلەگەن ماڭىزى ءسوزىن ۇيرەنۋ، دايەكتىلەندىرۋ تۋرالى (2)

   حالىق گازەتىنىڭ شولۋشىسى

  تىنىشتىق − حالىقتىڭ باقىتتى، الاڭسىز بولۋىنىڭ نەگىزگى تالابى، رەفورمانىڭ، دامۋدىڭ نەگىزگى العى شارتى.

  ورتالىقتىڭ ساياسي - زاڭ قىزمەتى ماجىلىسىندە، باس شۋجي شي جينپيڭ حالىقتىڭ شات - شادىمان ءومىر كەشۋىن، قوعامنىڭ تىنىشتىعىن، تارتىپتىلىگىن، مەملەكەتتىڭ باياندى تىنىشتىعىن كوزدەي وتىرىپ، قوعامدىق جونگە سالۋدى وسىزامانداندىرۋدى جەدەل ىلگەرىلەتۋ جونىندە ماڭىزدى ورنالاستىرۋ جاساپ، قوعامدىق جونگە سالۋدى كۇشەيتۋ جانە وندا جاڭالىق اشۋ، قوعامنىڭ جاراسىمدىلىعىن، ورنىقتىلىعىن قورعاۋ، اناعۇرلىم جوعارى دەڭگەيدەگى تىنىش جۇڭگو قۇرۋ ءۇشىن ايقىن قۇلشىنۋ بەتالىسىن جانە ماڭىزدى جول كورسەتتى.

  «بيلىكتىڭ تەتىگى − حالىقتىڭ كوڭىلىن تابۋدا». پارتيا 18 - قۇرىلتايىنان بەرى، تىنىش جۇڭگو قۇرىلىسىنىڭ ىشكەرىلەي ىلگەرىلەۋىنە مەڭزەس، حالىق بۇقاراسى ۇيىندە اناعۇرلىم قامسىز، جول جۇرسە اناعۇرلىم الاڭسىز، تۇرمىستا اناعۇرلىم جايلى بولا ءتۇستى. «تىنىش جۇڭگو» مەملەكەتتىڭ تاماشا تانىسقىسىنا، جۇڭگو الەمدە حاۋىپسىزدىك سەزىمى ەڭ كۇشتى مەملەكەتتەردىڭ بىرىنە اينالدى. سونىمەن بىرگە، تىنىش جۇڭگو قۇرىلىسى جاڭا جاعدايعا، جاڭا سىن - سايىستارعا ءدوپ كەلدى. ءار ەلدىڭ ەل باسقارۋ امالياتىن الىپ قاراساق، قوعامدىق جونگە سالۋ ەكونوميكالىق دامۋدىڭ اياق الىسىنا ىلەسە الماسا، ءتۇرلى قوعامدىق قايشىلىقتار مەن ماسەلەلەر ءونىمدى شەشىلمەسە، ەكونوميكالىق دامۋدى جالعاستىرۋ قيىنعا سوققانمەن قويماي، بۇكىل قوعام دا الاساپىرانعا ءتۇسۋى مۇمكىن ەكەنىن كورەمىز. قوعامدىق جونگە سالۋدى وسىزامانداندىرۋدى جەدەل ىلگەرىلەتىپ، اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرعاندا عانا، قوعامدىق دامۋدىڭ جاڭا جاعدايىنا ۇيلەسىپ، حالىق بۇقاراسىنىڭ كۇتكەن تىلەگىن قاناعاتتاندىرۋعا بولادى.

  اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرۋ ءۇشىن، بۇقارانىڭ پاراساتى مەن دارىنىن قوعامدىق جونگە سالۋدا جاڭالىق اشۋدىڭ سارقىلماس قاينارىنا اينالدىرۋ كەرەك. حالىق بۇقاراسى ەڭ اقىلدى، ەڭ پاراساتتى، ول ەڭ جاقسى ۇستاز. بۇقارالىق لۋشيان − پارتيامىزدىڭ جان تامىرى جانە ءتۇبىرلى قىزمەت لۋشيانى، مەيلى زامان قالاي وزگەرسىن، بۇقارالىق لۋشيان سىندى پارتيانىڭ اسىل قازىناسىن جوعالتۋعا بولمايدى. تەك پارتيانىڭ بۇقارالىق لۋشيانىن ويداعىداي دايەكتىلەندىرىپ، قوعامدى حالىق ءۇشىن جونگە سالۋعا تاباندى بولىپ، پارتيانىڭ تاڭداۋلى ءداستۇرى مەن جاڭا تەحنيكالاردى، جاڭا تاسىلدەردى ۇشتاستىرۋعا شەبەر بولىپ، بۇقارانى ۇيىمداستىرۋ، بۇقارانى جۇمىلدىرۋ مەحانيزمىندە جاڭالىق اشىپ، حالىقتى يگىلىككە كەنەلدىرۋ، حالىق ءۇشىن ءىس ىستەۋ، حالىقتى ۋايىمنان ارىلتۋ مەحانيزمىندە جاڭالىق اشىپ، بۇقارانى قوعامدىق جونگە سالۋدان ەڭ كوپ يگىلىكتەنۋشىگە، قوعامدىق جونگە سالۋعا ەڭ كەڭ ات سالىسۋشىعا، قوعامدىق جونگە سالۋعا اقىرعى باعا بەرۋشىگە اينالدىرعاندا عانا، قوعامدىق جونگە سالۋدى وسىزامانداندىرۋدى جەدەل ىلگەرىلەتۋگە تاۋسىلماس پاراساتتىق جانە قوزعاۋشى كۇشتىك قولداۋ ۇسىنۋعا بولادى.

  اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرۋ ءۇشىن، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاعدايىن قالىپتاستىرۋ كەرەك. بىرگە قۇرۋ، بىرگە جونگە سالۋ، بىرگە يگىلىكتەنۋ − پارتيامىزدىڭ ماڭىزدى جونگە سالۋ ۇستانىمى، ول پارتيامىزدىڭ قوعامدىق جونگە سالۋ زاڭدىلىعى تۋرالى تانىمىنىڭ ۇزدىكسىز تەرەڭدەگەندىگىن جانە ونى ءدال يگەرگەندىگىن ايگىلەدى. پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىلىعىن قوعامدىق جونگە سالۋدىڭ ءونىمدى قۋاتىنا اينالدىرۋعا شەبەر بولىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن جونگە سالۋ ارقىلى قامتاماسىز ەتىلەتىن قوعامدىق جونگە سالۋ ءتۇزىلىسىن كەمەلدەندىرىپ، قوعامدىق جونگە سالۋدىڭ قوعامدانۋ، زاڭ ارناسىنا ءتۇسۋ، زەردەلىلەنۋ، ماماندانۋ دەڭگەيىن جوعارىلاتۋ كەرەك. اماندىق قۇرىلىسى قىزمەتتەرىن سايكەستىرۋ مەحانيزمىندە جاڭالىق اشىپ جانە ونى كەمەلدەندىرىپ، ساياسي - زاڭ جۇيەسى مەن قاتىستى تاراۋلاردىڭ بايلىعىن، كۇش - قۋاتىن ويداعىداي ءبىر تۇتاس جوسپارلاپ، ماسەلەنى بىرلەسىپ جونگە سالاتىن، قىزمەتتە بىرلەسە ارەكەت ەتەتىن، تىنىشتىقتى بىرگە جاراتاتىن تاماشا جاعداي قالىپتاستىرۋ كەرەك.

  اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرۋ ءۇشىن، نەگىزگى ساتى قوعامدىق جونگە سالۋ جۇيەسىندە جاڭالىق اشۋدى ىشكەرىلەي ىلگەرىلەتۋ كەرەك. «كىشى - گىرىم ءىس قىستاقتان، ۇلكەن ءىس قالاشىقتان شىقپاۋ، قايشىلىقتى جوعارىعا تاپسىرماۋ كەرەك». «فىڭچياۋ تاجىريبەسى» بۇقاراعا سۇيەنىپ، سول جەردىڭ وزىندە قايشىلىقتى شەشكەن، ونىڭ ەڭ ماڭىزدى جەمىسى جانە ەڭ ايقىن ەرەكشەلىگى − ءوزىن تارتىپكە شاقىرۋ جانە باسقالاردى تارتىپكە شاقىرۋدىڭ، قاتاڭدىق پەن يكەمدىلىكتىڭ، تۇلعانى جونگە سالۋ مەن نيەتتى جونگە سالۋدىڭ، ادام كۇشى مەن عىلىم - تەحنيكانىڭ بىرلىگىن جۇزەگە اسىرۋ، ومىرشەڭدىگى نەگىزگى ساتىنى جونگە سالۋدا جاڭالىق اشۋدا. قوعامدىق جونگە سالۋدىڭ سالماق ءتۇيىنى نەگىزگى ساتىدا، قيىن ءتۇيىنى نەگىزگى ساتىدا، ومىرشەڭدىگى دە نەگىزگى ساتىدا؛ قوعامدىق جونگە سالۋدىڭ ەڭ جاقسى ءادىسى قايشىلىقتى قالىپتاسپاي تۇرعاندا شەشۋ، حاۋىپ - قاتەردى كومەسكى قالپىندا شەشۋ بولىپ تابىلادى. نەگىزگى ساتىنى جونگە سالۋدا جاڭالىق اشۋدى ىشكەرىلەي ىلگەرىلەتىپ، ومىرشەڭدىك كۇشكە جانە ونىمدىلىككە باي جاڭاشا نەگىزگى ساتى قوعامدىق جونگە سالۋ جۇيەسىن ورناتىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ، نەگىزگى ساتىداعى بۇقارانىڭ ءوزىن - ءوزى باسقارۋ مەحانيزمىن كەمەلدەندىرىپ، قالا، اۋىلدارداعى بۇقارانىڭ، كاسىپورىنداردىڭ، ءىسورىنداردىڭ، قوعامدىق ۇيىمداردىڭ ءوزىن - ءوزى بيلەۋ، ءوزىن - ءوزى باسقارۋ بەلسەندىلىگىن جۇمىلدىرىپ، بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن وتەيتىن قوعامدىق جونگە سالۋ ورتاق تۇلعاسىن قالىپتاستىرعاندا، نەگىزگى ساتى قوعامدىق جونگە سالۋدىڭ جاڭا قوزعاۋشى ەنەرگياسىن تۋىنداتۋعا بولادى.

  «دامۋ − داۋ جۇرمەيتىن شىندىق، ورنىقتىلىق تا داۋ جۇرمەيتىن شىندىق، دامۋدى مىقتى ۇستاۋدىڭ، ورنىقتىلىقتى مىقتى ۇستاۋدىڭ ەكەۋىن دە قاتار قاتاڭ يگەرۋ كەرەك». قوعامدىق جونگە سالۋدى كۇشەيتۋدى جانە وندا جاڭالىق اشۋدى اناعۇرلىم كورنەكتى ورىنعا قويىپ، قوعامدىق جونگە سالۋدىڭ وسىزاماندانۋىن جەدەل ىلگەرىلەتىپ، اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرساق، ءبىز، ءسوز جوق، حالىق تىلەگىن اناعۇرلىم ويداعىداي توعىستىرىپ، حالىق جۇرەگىنە اناعۇرلىم ويداعىداي جىلۋ شاشىپ، مۇراتتاس نيەتتى اناعۇرلىم ويداعىداي جۇمىلدىرا الامىز.

 (شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.