چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين قاتىناستى، نۇرلان ءابىلماجىن ۇلى باسقاردى ءارى ءسوز سويلەدى
اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى 1 - ايدىڭ 17 - كۇنى شينجياڭ حالىق سارايىندا جابىلدى. سۋرەتتە: ءماجىلىس زالى. سۋرەتتى ءتىلشى لي رۇي تۇسىرگەن
تىلشىلەر لي ياڭ، ياۋ تۇڭ 1 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى ءتۇرلى كەڭەستىك تارتىپتەرىن تولىق ورىنداپ بولعان سوڭ، 1 - ايدىڭ 17 - كۇنى ءتۇستىڭ الدىندا شينجياڭ حالىق سارايىندا جابىلدى.
چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي، ت.ب ءتوراعالار مىنبەسىنەن ورىن الدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا ۇلى، جاڭ بو، ءمۇتاللىپ وبۇل، كۇڭ شيڭلۇڭ، چيۋ شۋحۋا، ياڭ يۇڭ، ءيلھام سابىر، ما شيۇڭچىڭ، ابدۇرىقىپ ءتومۇرنياز ءتوراعالار مىنبەسىنىڭ الدىڭعى قاتارىنان ورىن الدى.
ساعات 10نان 30 مينۋت وتكەندە، جابىلۋ ءماجىلىسى باستالدى. نۇرلان ءابىلماجىن ۇلى مىنانى جاريالادى: اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 515 ادام، بۇگىن ناقتى قاتىناسقان مۇشە 461 ادام، بۇل بەلگىلەمەگە ۇيلەسەدى.
ءماجىلىس اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، اۆتونوميالى رايوندىق ساياسي كەڭەس 12 - كەزەكتى كوميتەتى ۇسىنىس جوبا كوميتەتىنىڭ اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، اۆتونوميالى رايوندىق ساياسي كەڭەس 12 - كەزەكتى كوميتەتى 2 - ءماجىلىسىنىڭ ساياسي قاۋلىسىن ماقۇلدادى.
نۇرلان ءابىلماجىن ۇلى بىلاي دەدى: ءماجىلىس كەزىندە، ءار ۇلت، ءار سالا ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن، ۇكىمەت قىزمەتىنەن باياندامانى، ساياسي كەڭەس تۇراقتى كوميتەتىنىڭ قىزمەت بايانداماسىن جانە باسقا باياندامالاردى مۇقيات تالقىلاپ، اۆتونوميالى رايوننىڭ ەكونوميكالىق، قوعامدىق دامۋىنداعى كەلەلى ماسەلەلەردى ارقاۋ ەتە وتىرىپ بەلسەندىلىكپەن اقىل - كەڭەس بەرىپ، كوپتەگەن تارتىمدى پىكىر - ۇسىنىستاردى ورتاعا قويىپ، جاڭا داۋىردەگى ساياسي كەڭەس مۇشەلەرىنىڭ مىندەت وتەۋ كەلبەتىن تولىق ايگىلەدى. ءماجىلىس دۋماندى، سالتاناتتى، قاتاڭ، شىنايى، ستيلى پاك، سالتى دۇرىس بولدى، يدەيانى بىرلىككە كەلتىرۋ، وي - نيەت پەن كۇش - قۋاتتى جۇمىلدىرۋ، جۇرت كوڭىلىنە دەم بەرۋ، ىنتىماقتاسا العا باسۋ ماقساتىنا جەتتى.
نۇرلان ءابىلماجىن ۇلى مىنالاردى باسا دارىپتەدى: بيىل − جاڭا جۇڭگو قۇرىلعاندىعىنىڭ 70 جىلدىعى، حالىق ساياسي كەڭەسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋدەگى شەشۋشى جىل. بۇكىل اۆتونوميالى رايونداعى ءار دارەجەلى ساياسي كەڭەس ۇيىمدارى، ءار ۇلت، ءار سالا ساياسي كەڭەس مۇشەلەرى جانە قالىڭ ساياسي كەڭەس كادرلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جۇڭگو كوممۋنيستىك پارتياسى ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ۇيرەنۋمەن، دايەكتىلەندىرۋمەن ۇشتاستىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋمەن، دايەكتىلەندىرۋمەن ۇشتاستىرىپ، جۇيەلى ۇيرەنىپ، ءجىتى ۇيرەنىپ، امالياتقا ۇشتاستىرا ۇيرەنىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، ءوز ارتىقشىلىعىن ساۋلەلەندىرىپ، ءار سالا مەن نەگىزگى ساتىداعى بۇقارانى بەتكە الا وتىرىپ كەڭ كولەمدە ۇگىت - ءناسيحات جۇرگىزىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جۇرت كوڭىلىنە تەرەڭ ۇيالاپ، بار وتباسىنا جەتۋىن ىلگەرىلەتۋى؛ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ قىزمەت جاۋاپكەرشىلىگىن تولىق وتەپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋى بويىنشا، ورنىقتىلىقتى قورعاۋدى قاي - قاشان دا بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ كەشەندى شارالارىن باتىل تياناقتاندىرىپ، تۋى ايقىن تۇردە «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەس جۇرگىزىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا بەلسەنە ات سالىسىپ، ءماسليحات جوسپارىن جانە وسى رەتكى ماجىلىستە تۇراقتاندىرىلعان ءتۇرلى مىندەتتى جاپپاي تياناقتاندىرىپ، ۇكىمەت كەڭەسىنە اقىل - كەڭەس بەرۋ جانە ورتاق تانىم ۇيىستىرۋ سىندى ەكى بەتالىسقا كۇش سالىپ، اۆتونوميالى رايوننىڭ ورنىقتىلىعىنا، دامۋىنا قۇدىرەتتى وڭ ەنەرگيا توعىستىرۋى؛ جاڭا مىندەتتى ارقالاۋدىڭ مىندەت وتەۋ قابىلەتىن ۇزدىكسىز كۇشەيتىپ، قابىلەت قۇرىلىسىن اناعۇرلىم كورنەكتى ورىنعا قويىپ، جاڭا ءبىلىم ۇيرەنۋ، جاڭا قابىلەت يگەرۋ سانالىلىعى مەن كوكەي كەستىلىك سەزىمىن ۇزبەي نىعايتىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، مۇشەلەردىڭ ساياسي كەڭەس قىزمەتىندەگى تۇلعالىق رولىن، ءوز قىزمەتىندەگى باستاماشىلىق رولىن، سالا جانە بۇقارا ورتاسىنداعى ۋاكىلدىك رولىن شىنايى ساۋلەلەندىرىپ، مىندەت وتەۋدە جاۋاپكەرشىلىك ارقالاۋدى، اقىل - كەڭەس بەرۋدە ساپا بولۋدى، ءىس - ارەكەتتە قاعيدا بولۋدى ورىنداپ، جاڭا داۋىردەگى حالىق ساياسي كەڭەسى ءتۇزىمىنىڭ قاتىناسۋشىسى، امالياتتا ايگىلەۋشىسى، ىلگەرىلەتۋشىسى بولۋعا قۇلشىنىپ، جاپپاي دوڭگەلەك داۋلەتتى قوعام ورناتۋعا، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا جاڭا، اناعۇرلىم زور ۇلەس قوسىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋى كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، بيڭتۋاننىڭ باسشى جولداستارى؛ اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى؛ اۆتونوميالى رايوندىق ساياسي كەڭەسكە قاتىسۋشى ورىنداردىڭ جاۋاپتىلارى، ت.ب لار دا ءتوراعالار مىنبەسىنەن ورىن الدى.
ءماجىلىس ايبىندى مەملەكەت گيمىنى ىشىندە جابىلدى.
