تىلشىلەر ياۋ تۇڭ، لياڭ ليحۋا 1 - ايدىڭ 18 - كۇنى ۇرىمجىدەن حابارلايدى. 1 - ايدىڭ 18 - كۇنى تۇستەن بۇرىن، اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسىنىڭ ءتوراعالار القاسى 5 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعالارى شاۋكەت يمىن، لي شۋەجۇن، ۋاڭ يۇڭميڭ، ءمۇتاللىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل ۇلى، سو يۋە جيىنعا قاتىناستى، شاۋكەت يمىن جيىندى باسقاردى.
جيىن ۇكىمەت قىزمەتىنەن بايانداما، اۆتونوميالى رايوننىڭ 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى حالىق شارۋاشىلىعى مەن قوعامدىق دامۋ جوسپارى، اۆتونوميالى رايوننىڭ 2018 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى مەجە ەسەبى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن بايانداما، اۆتونوميالى رايوندىق حالىق پروكۋراتۋراسىنىڭ قىزمەتىنەن بايانداما جونىندەگى 6 قاۋلى جوبانى جالپى جيىننىڭ داۋىسقا سالۋىنا ۇسىنۋدى ۇيعاردى.
