بايسالدى، تىڭعىلىقتى ىستەپ، باتىلدىقپەن جاۋاپكەرشىلىك ارقالاپ، باتىلدىقپەن جاڭالىق اشىپ، ءىس ىستەۋگە، ناتيجە شىعارۋعا شەبەر بولىپ، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتىپ، تىڭ، اناعۇرلىم زور ىلگەرىلەۋشىلىككە قول جەتكىزۋ كەرەك
حان جىڭ قىزمەت تەكسەرۋدە بىرگە بولدى ءارى اڭگىمە ماجىلىسكە قاتىناستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 16 - كۇنىنەن 18 - كۇنىنە دەيىن بەيجيڭدە، تيانجيندە، حىبەيدە قىزمەت تەكسەرىپ، بەيجيڭدى، تيانجيندى، حىبەيدى سايكەستىرە دامىتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 16 - كۇنىنەن 18 - كۇنىنە دەيىن بەيجيڭدە، تيانجيندە، حىبەيدە قىزمەت تەكسەرىپ، بەيجيڭدى، تيانجيندى، حىبەيدى سايكەستىرە دامىتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتە: 1 - ايدىڭ 16 - كۇنى تۇستەن بۇرىن شي جينپيڭ حىبەيدىڭ شيۇڭان جاڭا رايونىنىڭ جوبا كورمە ورتالىعىندا جاڭا رايوننىڭ جالپىلىق جوباسى، ساياسات جۇيەسى جانە قۇرىلىس جاعدايى تۋرالى تانىستىرۋدى دەن قويا تىڭداۋدا. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بەيجيڭدە، تيانجيندە، حىبەيدە قىزمەت تەكسەرىپ، بەيجيڭدى، تيانجيندى، حىبەيدى سايكەستىرە دامىتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: بەيجيڭدى، تيانجيندى، حىبەيدى سايكەستىرە دامىتۋ قىزمەتىن جالپى جاعداي بيىگىنەن جانە اناعۇرلىم ۇزاق بولاشاقتان تانىپ جانە ويداعىداي ىستەپ، سايكەستىرە دامىتۋدىڭ سانالىلىعىن، ىرىقتىلىعىن، جاسامپازدىعىن كۇشەيتىپ، تاريحي سابىرلىق پەن ستراتەگيالىق تۇراقتىلىقتى ساقتاپ، بايسالدى، تىڭعىلىقتى ىستەپ، باتىلدىقپەن جاۋاپكەرشىلىك ارقالاپ، باتىلدىقپەن جاڭالىق اشىپ، ءىس ىستەۋگە، ناتيجە شىعارۋعا شەبەر بولىپ، اناعۇرلىم كوپ كۇش جۇمساپ، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتىپ، تىڭ، اناعۇرلىم زور ىلگەرىلەۋشىلىككە قول جەتكىزۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ حىبەيدىڭ شيۇڭان جاڭا رايونىندا جانە بەيجيڭ قالاسىندا قىزمەت تەكسەرۋدە بىرگە بولدى ءارى اڭگىمە ماجىلىسكە قاتىناستى.
قاقاعان قىستا سولتۇستىك جۇڭگونىڭ بايتاق دالاسىندا ساقىلداعان سارى اياز بەت قاريدى. 1 - ايدىڭ 16 - كۇنىنەن 18 - كۇنىنە دەيىن شي جينپيڭ جەكە - جەكە حىبەي ولكەلىك پارتكومنىڭ شۋجيى ۋاڭ دۇڭفىڭ مەن ولكە باستىعى شۇي چيننىڭ، ج ك پ ورتالىق كوميتەتى ساياسي بيۋروسىنىڭ مۇشەسى، تيانجين قالالىق پارتكومنىڭ شۋجيى لي حۇڭجۇڭ مەن قالا باستىعى جاڭ گوچيڭنىڭ، ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي مەن قالا باستىعى چىن جينيڭنىڭ سەرىك بولۋىندا، حىبەيدىڭ شيۇڭان جاڭا رايونىن، تيانجيندى، بەيجيڭدى ىشكەرىلەي ارالاپ، بەيجيڭدى، تيانجيندى، حىبەيدى سايكەستىرە دامىتۋ جاعدايىمەن تانىستى.
1 - ايدىڭ 16 - كۇنى تۇستەن بۇرىن شي جينپيڭ الدىمەن حىبەيدىڭ شيۇڭان جاڭا رايونىنىڭ جوبا كورمە ورتالىعىنا كەلىپ، جاڭا رايوننىڭ جالپىلىق جوباسى، ساياسات جۇيەسى جانە قۇرىلىس جاعدايى تۋرالى تانىستىرۋدى دەن قويا تىڭداپ، رايوننىڭ قالا جوباسىن جيناۋدى باستاۋ جوبا مودەلدەرىن ءارى جۇمىس باستاۋ الدىندا تۇرعان ءىرى ينجەنەريالاردىڭ، ءتۇيىندى نىسانداردىڭ كورسەتىلىمدەرىن كوردى. ول مىنالاردى باسا دارىپتەدى: شيۇڭان جاڭا رايونىن قۇرۋ − مىڭ جىلدىق ۇلى جوسپار. جاڭا رايون ەڭ الدىمەن جوبا، قۇرىلىس ۇستانىمى جاعىندا جاڭا بولۋى، بولجامپازدىق، جەتەكشىلىك سيپاتتى كورنەكتىلەندىرۋى كەرەك. جاڭا دامۋ ۇستانىمدارىن جاپپاي دايەكتىلەندىرىپ، جوعارى ساپالى دامۋ تالابىنا تاباندى بولىپ، جاڭا داۋىردەگى جوعارى ساپالى دامۋدىڭ ۇلگىسىن جاراتۋعا قۇلشىنۋ كەرەك. شي جينپيڭ ۇلكەن ەكران ارقىلى بەيجيڭ - شيۇڭان قالا ارالىق تەمىر جولى شيۇڭان بەكەتى قۇرىلىسىنىڭ جۇمىس الاڭىمەن توتە بايلانىس جاساپ، قۇرىلىس جۇرگىزۋشىلەرگە قول بۇلعاپ، قۇرمەت ءبىلدىرىپ، ولاردى شيۇڭان جاڭا رايونى قۇرىلىسىنىڭ جول اشار اتويشىلارى دەپ القاپ، ولارعا قۇرىلىستى عىلمي جۇرگىزۋدى، حاۋىپسىزدىككە كوڭىل ءبولۋدى، ساپاعا كەپىلدىك ەتۋدى، مىندەتتى ۋاعىندا ورىنداۋدى تاپسىردى، سونداي - اق ولارعا جانە بۇكىل مەملەكەتتەگى ءبىرىنشى شەپتە قاجىرلىلىقپەن شايقاس جاساپ جاتقان ەڭبەكشىلەرگە شىن ىقىلاستى سالەم جولداپ، ىزگى تىلەك ءبىلدىردى.
شي جينپيڭ وسىدان سوڭ جاياۋ ءجۇرىپ، اكىمشىلىك ىستەر قىزمەت وتەۋ ورتالىعىنا كەلىپ، قىزمەت وتەۋ تەرەزەسىن كورىپ، شيۇڭان جاڭا رايونىنىڭ جونگە سالۋ ءتۇزىلىس - مەحانيزمى رەفورماسىن تەرەڭدەتۋ، قىزمەت وتەۋگە شەبەر ۇكىمەت قۇرۋ قىزمەتى جاعدايىمەن تانىستى. شي جينپيڭ شيۇڭان جاڭا رايونى اكىمشىلىك ىستەر قىزمەت وتەۋ ورتالىعىنىڭ «ءبىر تاڭبامەن سوڭىنا دەيىن باسقارۋ» جاپپاي تۇتاستىرۋ قىزمەت وتەۋ ءادىسىن تولىق تۇراقتاندىردى. ول مىنالاردى اتاپ كورسەتتى: وسى زامانعى ينفورماتسيا تەحنولوگياسىنان پايدالانىپ، اكىمشىلىك ىستەر ينفورماتسيالارىن بايلانىستىرىپ بىرگە قولدانۋدى ىلگەرىلەتىپ، اكىمشىلىك ىستەر قىزمەت وتەۋىنىڭ ينفورماتسيالانۋ، زەردەلىلەنۋ، دالمە - ءدال بولۋ، قولايلىلانۋ دەڭگەيىن جوعارىلاتىپ، بۇقارانى از سابىلتۋ كەرەك. اكىمشىلىك ىستەر قىزمەت وتەۋ ورتالىعىنىڭ زالىندا وسىندا تۇراتىن ءبىر ءبولىم كاسىپورىنداردىڭ وكىلدەرى قاۋمالاي كەلدى، شي جينپيڭ ولارمەن ىقىلاستى تۇردە اڭگىمەلەستى. ول مىنالاردى باسا دارىپتەدى: شيۇڭان جاڭا رايونىن قۇرۋ كوپتەگەن كاسىپورىنداردىڭ بىرگە ات سالىسۋىن قاجەت ەتەدى. مەملەكەت مەنشىگىندەگى كاسىپورىندار بولسىن، الدە حالىقتىق كاسىپورىندار بولسىن، جەرگىلىكتى كاسىپورىندار بولسىن، الدە بەيجيڭ كاسىپورىندارى بولسىن، جۇڭگو كاسىپورىندارى بولسىن، الدە شەتەل قارجىلاندىرعان كاسىپورىندار بولسىن، جاڭا رايوننىڭ كاسىپ سالاسىن دامىتۋ جوباسىنا ۇيلەسسە بولعانى، ءبىز بارلىعىن قارسى الامىز. قالىڭ كاسىپورىنداردىڭ وسىناۋ مىڭدا ءبىر كەزىگەتىن تاپتىرماس تاريحي ورايدى مىقتى ۇستاپ، جاڭا، شۇعىلالى ناتيجە جاراتۋلارىن ءۇمىت ەتەمىن.
شيۇڭان جاڭا رايونى ەكولوگيانى الدىمەن ويلاستىرۋعا، جاسىل دامۋعا تاباندى بولىپ، ەكولوگيالىق نەگىزدىك قۇرىلعى قۇرىلىسىن جانە قورشاعان ورتانى رەتتەۋ - وڭاۋدى الدىمەن باستادى. 1 - ايدىڭ 16 - كۇنى تۇستەن كەيىن شي جينپيڭ «مىڭ جىلدىق كوركەم ورمان» داچيڭحى اۋماق ورمانى 1 - رايونىنداعى ورمان ءوسىرۋ اۋماعىنا كەلىپ، اۆتوكولىكپەن ورماندى ارالاپ، اعاشتاردىڭ ءوسۋ جاعدايىن كوردى، سونداي - اق كوركەم ورمان ايالداماسىندا كورسەتپە تاقتايلارمەن بىرلەستىرىپ، شيۇڭان جاڭا رايونى ەكولوگيالىق قۇرىلىسىنىڭ جالپىلىق جاعدايى جانە «مىڭ جىلدىق كوركەم ورمان» اۋماعىنداعى اعاش ەگىپ، ورمان ءوسىرۋ جاعدايى تۋرالى تانىستىرۋدى تىڭداپ، 2 - قاباتتاعى تۇعىرعا كوتەرىلىپ، ورمان اۋماعىنىڭ جالپى كورىنىسىنە الىستان كوز جىبەرىپ، ولاردىڭ عىلمي ادىسپەن اعاش ەگىپ، ورمان وسىرگەن، ورماندى ينفورماتسيالاندىرۋ تاسىلىنەن پايدالانىپ باپتاعان، قورعاعان ادىستەرىنە القاۋ ءبىلدىردى. ول مىنالاردى باسا دارىپتەدى: الدىمەن جاسىل جامىلعى ەگىپ، ونان سوڭ قالا قۇرۋ − شيۇڭان جاڭا رايونى قۇرىلىسىنداعى جاڭا ۇستانىم. تاماشا ەكولوگيالىق ورتا − شيۇڭان جاڭا رايونىنىڭ ماڭىزدى قۇنىنىڭ ايگىلەنۋى. «مىڭ جىلدىق جوبا»، «مىڭ جىلدىق كوركەم ورماننان» باستالۋى كەرەك، كوك اسپان مەن جاسىل مانات جاراسقان، ادام مەن تابيعات جاراسىمدى قاتار ءومىر سۇرگەن كوركەم بەينەنى جالعاستىرۋعا قۇلشىنۋ كەرەك. ول ورمان وسىرۋگە، ورمان قورعاۋعا قاتىناسقان قىستاق تۇرعىندارىنىڭ قىزمەت جانە كىرىس جاعدايلارىن ەگجەي - تەگجەيلى سۇراستىرىپ، جەرگىلىكتى شارۋالاردى بەلسەنە ات سالىسۋعا تارتۋدى، شارۋالاردى ورمان ءوسىرۋ، ورمان قورعاۋ بارىسىندا ۇزاق ۋاقىت يگىلىككە كەنەلدىرۋدى تاپسىردى.
1 - ايدىڭ 17 - كۇنى تۇستەن بۇرىن شي جينپيڭ تيانجين نانكاي داشۋەسىنە كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. نانكاي داشۋەسى 1919 - جىلى قۇرىلعان، داڭقتى وتانشىلدىق داستۇرگە يە ايگىلى مەكتەپ. شي جينپيڭ مەكتەپ تاريحى كورمەسىن ەكسكۋرسيالاپ، نانكاي داشۋەسىنىڭ تاريحي وزگەرىسى، پاندەر قۇرىلىسى، دارىندىلار قوسىنى، عىلمي زەرتتەۋ، جاڭالىق اشۋ سياقتى جاعدايلارىمەن ەگجەي - تەگجەيلى تانىستى. شي جينپيڭ مىنالاردى اتاپ كورسەتتى: مەكتەپ ونەگە كورسەتىپ، ادام تاربيەلەيتىن جەر. وتانشىلدىق − جۇڭحۋا ۇلتىنىڭ ۇلتتىق جۇرەگى، ۇلتتىق رۋحى. سوتسياليزمنىڭ قۇرىلىسشىلارىن جانە ءىزباسارلارىن تاربيەلەۋدە، ەڭ الدىمەن، وقۋشىلاردىڭ وتانشىلدىق سۇيىسپەنشىلىگىن جەتىلدىرۋ كەرەك. جوعارى مەكتەپ پارتيا ۇيىمدارى مەكتەپتىڭ پارتيا قۇرىلىسى قىزمەتى مەن يدەيا - ساياسي قىزمەتىن مىقتى يگەرۋدى مەكتەپ باسقارۋدىڭ، مەكتەپتى جونگە سالۋدىڭ نەگىزگى ونەرى ەتۋ كەرەك. شي جينپيڭ سول جەردەگى ءبىر ءبولىم اكادەميكتەردىڭ، مامانداردىڭ جانە ورتا جاس، جاس بۋىن وقىتۋشىلاردىڭ ۋاكىلدەرىمەن پىكىرلەستى. ول مىنالاردى باسا دارىپتەدى: مامان وقىتۋشىلار قوسىنى − داشۋەنىڭ وزەكتى باسەكەلىك قۋاتى. ساياسي ساپاسى سىننان وتكەن، كاسىپتىك قابىلەتى مىعىم، ادام تاربيەلەۋ قابىلەتى اسا كۇشتى جوعارى ساپالى وقىتۋشىلار قوسىنىن قۇرۋدى داشۋە قۇرىلىسىنىڭ نەگىزدىك قىزمەتى ەتىپ، باستان - اياق مىقتى، ويداعىداي يگەرۋ كەرەك. ەلەمەنتتىك ورگانيكالىق حيميا مەملەكەتتىك ءتۇيىندى تاجىريبەحاناسىندا ول مىنالاردى باسا دارىپتەدى: بىرەگەي داشۋە جانە بىرەگەي پاندەر قۇرىلىسىن جەدەلدەتىپ، نەگىزدىك زەرتتەۋلەردى كۇشەيتىپ، ءتول جاسامپازدىق جانە دەربەس جاڭالىق اشۋ جاعىندا اناعۇرلىم كوپ ناتيجە شىعارۋعا كۇش سالىپ، باتىلدىقپەن الەمدىك عىلىم - تەحنيكانىڭ بيىك شىڭىنا شىعۋ كەرەك. ول وقىتۋشى - وقۋشىلاردى ۇيرەنۋدىڭ، كۇرەسۋدىڭ ناقتى نىساناسىن ۇلتتىڭ گۇلدەنۋىنىڭ ۇلى نىساناسىمەن بىرلەستىرىپ، كىشكەنتاي «مەندى» ۇلكەن «مەنگە» توعىستىرىپ، ءبىزدىڭ داۋىردەگى ادامدارعا ءتان تاريحي ۇلەس قوسۋدى مۇرات ەتۋگە ىنتالاندىردى. تاجىريبەحانادان شىققاندا، الاڭ وقۋشىلارعا لىق تولىپتى، ولار «باس شۋجي سالەمەتسىز بە»، «باس شۋجي جاپا شەكتىڭىز» دەپ داۋىستاپ، «جۇڭحۋانى سۇيەمىن، جۇڭحۋانى كوركەيتەمىن» دەپ ءبىر اۋىزدان ايقايلاپ، «مەن جانە مەنىڭ وتانىم» ءانىن دە شىرقادى. شي جينپيڭ جاقىن تۇستاعى وقۋشىلارمەن ىقىلاستى تۇردە قول الىسىپ، الىستاعى وقۋشىلارعا قول بۇلعاپ، قۇرمەت ءبىلدىردى. شاپالاق ءۇنى، ءان اۋەنى، الاقايلاعان داۋىستار مەكتەپ اۋلاسىن كوپكە دەيىن جاڭعىرتىپ تۇردى.
وسىدان كەيىن، شي جينپيڭ تيانجين حىپيڭ رايونى شينشيڭ كوشەسى چاۋياڭلي الەۋمەتتىك اۋماعىنا كەلىپ، پارتيا مۇشەلەرىنە، بۇقاراعا قىزمەت وتەۋ ورتالىعىنىڭ جالپىلىق ءىس جۇرگىزۋ زالىنا كىرىپ، الەۋمەتتىك اۋماقتى تور كوزدەندىرىپ باسقارۋ، نەگىزگى ساتى پارتيا قۇرىلىسى، حالىققا قولايلى قىزمەت ەتۋ سياقتى جاعدايلارمەن تانىستى. شي جينپيڭ مىنالاردى اتاپ كورسەتتى: الەۋمەتتىك اۋماقتىڭ قىزمەتى − ناقتى قىزمەت، حالىقتى وزەك ەتۋگە تاباندى بولىپ، تۇرعىنداردىڭ، بۇقارانىڭ ءتۇرلى قاجەتتەرىن ءداپ باسىپ، دەر كەزىندە الەۋمەتتىك اۋماق تۇرعىندارىنا دالمە - ءدال، ناقتى قىزمەت وتەۋ كەرەك. شي جينپيڭ قوسىننان شەگىنگەن اسكەريلەرگە قىزمەت ەتۋ جانە ولاردى قامتاماسىز ەتۋ قىزمەتىنە ايرىقشا كوڭىل ءبولدى. ول الەۋمەتتىك اۋماقتاعى قوسىننان شەگىنگەن اسكەريلەرگە ارنالعان قىزمەت وتەۋ - باسقارۋ پۋنكتىنە كىرىپ، الەۋمەتتىك اۋماقتىڭ قوسىننان شەگىنگەن اسكەريلەرگە قىزمەت وتەۋ جاعىنداعى ناقتى ادىستەرىن ەگجەي - تەگجەيلى سۇراستىردى. ول مىنالاردى باسا دارىپتەدى: قوسىننان شەگىنگەن اسكەريلەر ءىسى قۇرىلىمىن قۇرۋدا قوسىننان شەگىنگەن اسكەريلەردى باسقارۋ، قامتاماسىز ەتۋ قىزمەتىن كۇشەيتۋ، اسكەر بولۋدى بۇكىل قوعام ارداقتايتىن كاسىپكە اينالدىرۋ كەرەك. ءار دارەجەلى پارتكوم مەن ۇكىمەت ايرىقشا ءمان بەرىپ، قوسىننان شەگىنگەن قالىڭ اسكەريلەردىڭ زاڭدى ۇقىق - مۇددەسىن شىنايى، ويداعىداي قورعاپ، ولاردىڭ قىزمەتى مەن تۇرمىسىن ويداعىداي قامتاماسىز ەتۋ كەرەك. چاۋياڭلي الەۋمەتتىك اۋماعى − بۇكىل مەملەكەت بويىنشا تۇڭعىش الەۋمەتتىك اۋماق ەرىكتىلەر ۇيىمىنىڭ وشاعى. الەۋمەتتىك اۋماق ەرىكتىلەر قىزمەت وتەۋ كورمە سارايىندا شي جينپيڭ ەرىكتىلەرمەن ىقىلاسپەن پىكىرلەستى. ول مىنالاردى باسا دارىپتەدى: ەرىكتىلەردىڭ قىزمەت وتەۋى − قوعامدىق وركەنيەتتىڭ العا باسۋىنىڭ ماڭىزدى بەلگىسى، قالىڭ ەرىكتىلەردىڭ ۇلەس قوسىپ، مەيىر باعىشتاۋىنىڭ ماڭىزدى ارناسى. ەرىكتىلەردىڭ قىزمەت وتەۋىنە اناعۇرلىم كوپ تۇعىر ازىرلەپ، ەرىكتىلەردىڭ قىزمەت وتەۋىنىڭ قوعامدىق جونگە سالۋداعى بەلسەندى رولىن اناعۇرلىم ويداعىداي ساۋلەلەندىرۋ كەرەك.
تيانجين كوپتەگەن وزگەشە ستيلدەگى تاياۋ زامانعى قۇرىلىستار شوعىرىن جانە تاريحي مادەنيەت كوشە - اۋماقتارىن ساقتاپ قالعان. شي جينپيڭ حىبەي رايونى مينزۋ جولىنداعى لياڭ چيچاۋدىڭ كونە تۇراعىنا كەلىپ، كورسەتپە تاقتايلارمەن بىرلەستىرىپ، تيانجين قالاسىنىڭ تاريحي مادەنيەت كوشە - رايوندارىن قورعاۋ جاعدايى تۋرالى تانىستىرۋدى تىڭدادى. ول مىنالاردى اتاپ كورسەتتى: قالانىڭ تاريحي - مادەنيەت مۇرالارىن ايالاپ، قورعاۋ بارىسىندا دامىتۋ، دامىتۋ بارىسىندا قورعاۋ كەرەك.
تيانجين پورتىنىڭ دۇنيە جۇزىندەگى 180نەن استام مەملەكەت پەن رايونداعى 500دەن استام پورتپەن ساۋدا بارىس - كەلىسى بار. 1 - ايدىڭ 17 - كۇنى تۇستەن كەيىن شي جينپيڭ تيانجين پورتىنىڭ كەمەتۇراعىنا كەلىپ، سول جەردە جۇمىس ىستەپ جاتقان جۇمىسشىلارمەن ىقىلاستى تۇردە قول الىسىپ، پورتتاعى كەمەتۇراقتىڭ جۇمىس جۇرگىزۋىمەن جانە اۆتوماتتى قۇرىلعىلاردىڭ اينالىم جاعدايىمەن تانىستى. ول ورنالاستىرۋ - جەتەكشىلىك ەتۋ ورتالىعىنا كىرىپ، ۇلكەن ەكران ارقىلى پورتتىڭ جالپى كورىنىسىن كورىپ، ناقتى ۋاقىتتاعى ساندى مالىمەتتىك كورسەتىلىممەن بىرلەستىرىپ، تيانجين پورتىنىڭ بەيجيڭدى، تيانجيندى، حىبەيدى سايكەستىرە دامىتۋعا قىزمەت وتەۋى سياقتى جاعدايلار تۋرالى تانىستىرۋدى تىڭدادى. شي جينپيڭ مىنالاردى باسا دارىپتەدى: ەكونوميكا دامۋ، مەملەكەت قۇدىرەتتەنۋ ءۇشىن، قاتىناس، اسىرەسە، تەڭىز تاسىمالى ەڭ الدىمەن كۇشەيۋى كەرەك. اسقاق مۇرات ورناتىپ، دۇنيە جۇزىندە بىرەگەي زەردەلى پورت، جاسىل پورت قالىپتاستىرۋعا قۇلشىنىپ، بەيجيڭدى، تيانجيندى، حىبەيدى سايكەستىرە دامىتۋعا جانە «ءبىر بەلدەۋ، ءبىر جولدى» بىرگە قۇرۋعا اناعۇرلىم ويداعىداي قىزمەت ەتۋ كەرەك. شي جينپيڭ مىنالاردى اتاپ كورسەتتى: ناقتى ەكونوميكا − ءىرى ەلدىڭ نەگىزى، ەكونوميكادا ناقتىلىقتان قول ءۇزىپ، كوپىرتپەلىككە بەت بۇرۋعا بولمايدى. ناقتى ەكونوميكانى مىقتى ۇستاپ، ۇزدىكسىز تىنباي كۇرەس جۇرگىزىپ، تىڭعىلىقتى قاداممەن الەمنىڭ بيىك شىڭىنا شىعۋ كەرەك.
تيانجين پورتىنان شىعىپ، شي جينپيڭ تيانجين بيڭحاي - جۇڭگۋانسۇن عىلىم - تەحنيكا باقشاسىنا كەلدى. سايكەستىرۋ - جاڭالىق اشۋ كورمە ورتالىعىندا شي جينپيڭ «تيانحى» جەلىلەس اسقىن كومپيۋتەرلەرى، فەيتىڭ چيبى، چيلين مەڭگەرۋ جۇيەسى، جاساندى زەردەلى ەلەكتر ۇلەستىرۋ جەلىسىنىڭ توكپەن جۇمىس ىستەيتىن قۇلتەمىرى، ۇشقىشسىز اپپارات شوعىرىن زەردەلى مەڭگەرۋ جۇيەسى سياقتى ونىمدەردىڭ كورسەتىلىمىن ەگجەي - تەگجەيلى قاراپ شىقتى. شي جينپيڭ مىنانى باسا دارىپتەدى: دەربەس جاڭالىق اشۋ − جوعارى ساپالى دامۋدىڭ، قوزعالىس ەنەرگياسىن جاڭالاۋدىڭ كوكەي تەستى تالابى جانە ماڭىزدى تىرەگى، ءسوز جوق، شارت - جاعداي ازىرلەپ، ورتا جاساپ، ءار جاقتىڭ جاڭالىق اشۋ بەلسەندىلىگىن جۇمىلدىرىپ، جاڭالىق اشۋ ارمانى بارلاردىڭ جاڭالىق اشۋدى قاداعالاۋىنا مۇمكىندىك جاساۋ، جاڭالىق اشۋ جالىندى كۇشتەرىن تولىق ساۋلەلەندىرۋ كەرەك. عىلىم - تەحنيكا باقشا رايونى ءتۇزىلىس - مەحانيزمىن جاڭالاۋدى تەرەڭدەتىپ، شارۋاشىلىق ورتاسىن ساپالىلاندىرىپ، بەيجيڭدەگى عىلىم - تەحنيكالىق جاقتان قىزمەت وتەۋ بايلىعىن باقشا رايونىنا بارىپ قارجى قوسۋعا نەمەسە جۇمىسىن كەڭەيتۋگە كوپتەپ باۋراپ، بەيجيڭ مەن تيانجين قالاسىنىڭ ابزالدىلىقتارىمەن ءبىر - ءبىرىن تولىقتاۋىن، مىقتىلاردىڭ بىرلەسۋىن جەبەۋ كەرەك.
1 - ايدىڭ 18 - كۇنى تۇستەن بۇرىن شي جينپيڭ اۆتوكولىككە وتىرىپ، بەيجيڭ قالاسى قوسالقى ورتالىعىنا باردى، سونداي - اق جول بويى «قالا جاسىل وزەك» اعاش ەگىپ، ورمان ءوسىرۋ الابىن كوزدەن كەشىردى. قالالىق پارتكوم جۇمىس عيماراتىنىڭ نەگىزگى عيماراتىندا شي جينپيڭ جوبالانعان مودەل جانە كورمە تاقتايشاسى ارقىلى، قوسالقى ورتالىقتاعى ءىرى قۇرىلىس نىساندارىنىڭ جوبالانىپ سالىنۋ جاعدايىن ەگجەي - تەگجەيلى ۇعىستى. شي جينپيڭ مىنانى باسا دارىپتەدى: بەيجيڭ قالاسى قوسالقى ورتالىعىن قۇرۋدا جوبانى الدىمەن اتقارۋعا، ساپانى ءبىرىنشى ورىنعا قويۋعا تاباندى بولۋ كەرەك. الەۋمەتتىك قۇرىلىس پەن تابيعاتتى توعىستىرىپ ءبىر تۇلعالاندىرىپ، ءوندىرىس، تۇرمىس، ەكولوگيا كەڭىستىگىن عىلمي ورنالاستىرىپ، قىزمەت، تۇرارجاي، تىنىعۋ، قاتىناس، وقۋ - اعارتۋ، ەمدەلۋ سياقتىلاردىڭ ورگانيكالى ۇشتاسۋىنا، قولايلى، ەبدەيلى بولۋىنا مۇمكىندىك جاساۋ كەرەك. جوبانى ويداعىداي اتقارىپ، ويداعىداي تياناقتاندىرىپ، جوبانى ناقتى كورىنىسكە اينالدىرىپ، بەيجيڭ قالاسى قوسالقى ورتالىعىنىڭ سان عاسىرلىق ەجەلگى استانانىڭ كوركى كوز تارتاتىن تاعى ءبىر تانىستىرماسىنا اينالۋىنا مۇمكىندىك جاساۋ كەرەك.
بەيجيڭ قالالىق پارتكوم جۇمىس عيماراتى نەگىزگى عيماراتىنىڭ ءماجىلىس بولمەسىندە شي جينپيڭ بەيجيڭدى، تيانجيندى، حىبەيدى سايكەستىرە دامىتۋ اڭگىمە ءماجىلىسىن باسقارىپ اشتى. مەملەكەتتىك دامۋ، رەفورما كوميتەتىنىڭ مەڭگەرۋشىسى حى ليفىڭ، بەيجيڭ قالالىق پارتكومنىڭ شۋجيى ساي چي، تيانجين قالالىق پارتكومنىڭ شۋجيى لي حۇڭجۇڭ، حىبەي ولكەلىك پارتكومنىڭ شۋجيى ۋاڭ دۇڭفىڭ ىركەس - تىركەس لەبىز ءبىلدىرىپ، بەيجيڭدى، تيانجيندى، حىبەيدى سايكەستىرە دامىتۋ قىزمەتى جاعدايىن تانىستىردى، پىكىر، ۇسىنىس قويدى.
كوپشىلىكتىڭ لەبىزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بەيجيڭدى، تيانجيندى، حىبەيدى سايكەستىرە دامىتۋ ستراتەگياسى اتقارىلعاننان بەرى قول جەتكەن كورنەكتى تابىستاردى تولىق تۇراقتاندىردى. ول مىنانى باسا دارىپتەدى: بەيجيڭدى، تيانجيندى، حىبەيدى سايكەستىرە دامىتۋ − جۇيەلى قۇرىلىس، ءبىر جولدا تابىسقا جەتۋ مۇمكىن ەمەس، ۇزاق ۋاقىت كۇرەس جۇرگىزۋگە يدەيالىق جاقتان دايىندالۋ كەرەك. وتكەن 5 جىلدا بەيجيڭدى، تيانجيندى، حىبەيدى سايكەستىرە دامىتۋ تۇلعالىق جاقتان وي جەلى تۋرالى كەڭەسۋ، نەگىز قالاۋ، جاڭالىق قاراستىرۋ كەزەڭىندە تۇردى، كەزەكتە جانە مۇنان بىلايعى ءبىر مەزگىلدە تاستى دومالاتىپ تاۋعا شىعاتىن، كەزەڭ اسىپ، كەدەرگىلەردەن وتەتىن، قيىنشىلىقتى جەڭىپ قامال الاتىن شەشۋشى كەزەڭگە وتەدى، سول ءۇشىن قىزمەتتى مۇنان دا زور كۇشپەن ىلگەرىلەتۋ كەرەك.
شي جينپيڭ بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتۋ جونىندە مىناداي 6 جاقتان تالاپ قويدى. ءبىرىنشى، «مۇرىندىقتى» بوساڭسىتپاي مىقتى يگەرىپ، بەيجيڭنىڭ استاناعا جاتپايتىن فۋنكتسياسىن بەلسەندى، ورنىقتى، ءتارتىپتى تۇردە سەيىلتۋ كەرەك. ءادىس - امالعا ءتىپتى دە ءمان بەرىپ، مولشەردىڭ ارتۋىن قاتاڭ تىزگىندەۋ مەن ىركىندىنى سەيىلتۋدى ءوزارا ۇشتاستىرۋعا تاباندى بولىپ، ىشكى جاقتا فۋنكتسيانى قايتا ۇيىمداستىرۋ مەن سىرتقا سەيىلتۋگە، كوشىرۋگە بىردەي كۇش سالىپ، بايسالدى، ءتارتىپتى ىلگەرىلەتۋ، اتقارۋ كەرەك. بازار مەحانيزمى رولىن ساۋلەلەندىرىپ، بازارلاندىرۋ، زاڭمەن جونگە سالۋ ءتاسىلىن قولدانىپ، باعىتتامالى جەتەكشىلىك ەتەتىن ساياسات شىعارىپ، شيۇڭان جاڭا رايونىمەن، بەيجيڭ قالاسى قوسالقى ورتالىعىمەن بىرىككەن كۇش قالىپتاستىرۋ كەرەك. بەيجيڭنىڭ «4 ورتالىق» فۋنكتسيالىق ورنىن تياناق ەتىپ، استانانىڭ ۇيتقىلىق فۋنكتسياسىن ۇزدىكسىز ساپالىلاندىرۋ كەرەك. ەكىنشى، تاريحي توزىمدىلىك پەن ستراتەگيالىق تۇراقتىلىقتى ساقتاپ، شيۇڭان جاڭا رايونىن جوبالاۋ قۇرىلىسىن جوعارى ساپامەن، جوعارى ولشەممەن ىلگەرىلەتۋ كەرەك. جوبالاۋ جەتىستىگىن مەڭگەرۋ سيپاتىنداعى ەگجەي - تەگجەيلى جوباعا ەنگىزىپ، بەينەلەپ، جوبانىڭ قاتاڭدىعى مەن تەجەمدىلىگىن ساقتاپ، جوبانىڭ سوڭىنا دەيىن اتقارىلۋىنا زاڭ، زاڭ ەرەجە ارقىلى شىنايى كەپىلدىك ەتۋ كەرەك. بەيجيڭنىڭ استاناعا جاتپايتىن فۋنكتسياسىمەن تۇيىلىسەتىن ءبىر توپ بەلگى سيپاتىندىق قۇرىلىس نىساندارىن سالىپ، قاتىناس، سۋ يگىلىگى، الەۋمەتتىك قىزمەت وتەۋ سياقتى ماڭىزدى نەگىزدىك سايكەستى قۇرىلعى قۇرىلىستارىنان ءبىرسىپىراسىن باستاپ سالىپ، قوعامداعى ءار سالاعا جانە جاڭا رايونداعى بۇقاراعا وزگەرىستەردى كورسەتۋ كەرەك. ساياسيدا سىننان وتكەن، كاسىپتە شوگەل، جاپاعا ءتوزىمدى، ءورىس اشا جاڭالىق اشۋ رۋحى مىعىم كادرلار قوسىنىن قۇرىپ، پارتيا ستيلى، پاكتىك قۇرىلىسىن كۇشەيتىپ، ستيلى پاك، سالتى دۇرىس تاماشا ورتا قالىپتاستىرۋ كەرەك. ءۇشىنشى، بەيجيڭدەگى قالا دارەجەلى ورگانداردى كوشىرۋگە وراي، بەيجيڭ قالاسى قوسالقى ورتالىعىن جوبالاپ سالۋ قۇرىلىسىن جوعارى ساپامەن ىلگەرىلەتۋ كەرەك. كوشى - قون بارىسىندا كەزىگۋ مۇمكىندىگى بار ءتۇرلى جاعدايلاردى تولىق ويلاستىرىپ، باعىتتامالى جانە يكەمدى ساياساتتاردى، شارالاردى اقىلداسىپ، العا قويىپ، كادرلار مەن قىزمەتكەرلەردى ۋايىمنان الاڭسىز ەتۋ كەرەك. ءىرى نەگىزدىك قۇرىلعىلار قۇرىلىسىن جەدەلدەتىپ، وقۋ - اعارتۋ، ەمدەۋ، مادەنيەت سياقتى الەۋمەتتىك قىزمەت وتەۋ فۋنكتسياسىن ورنالاستىرىپ، قوسالقى ورتالىقتىڭ كوتەرىمدىلىگى مەن باۋراۋ قۋاتىن جوعارىلاتۋ كەرەك. بەيجيڭنىڭ وزەكتى قالا رايونىنداعى «كونە قالا رايونىن قايتا قۇرۋدى» ىلگەرىلەتىپ، بەيجيڭنىڭ كەڭىستىك ورنالاسۋى مەن ەكونوميكالىق قۇرىلىمىن ساپالىلاندىرىپ، بەيجيڭ قالاسىنىڭ اكىمشىلىك باسقارۋ ونىمدىلىگى مەن ورتالىقتىڭ اكىمشىلىك ىستەرىنە قىزمەت وتەۋ رولىن كوتەرۋ كەرەك. ءتورتىنشى، رەفورما جاساۋدان، جاڭالىق اشۋدان قوزعاۋشى كۇش الىپ، جوعارى ساپالى دامۋعا جەتەكشىلىك ەتەتىن ماڭىزدى قوزعاۋشى كۇش قاينارى رولىن ساۋلەلەندىرۋ كەرەك. جوعارى دەڭگەيدە جاڭالىق اشۋ بايلىقتارىن جيناپ جانە بۇلاردان پايدالانىپ، ءىرى عىلىم - تەحنيكا نىساندارىن زەرتتەپ - اشۋ سەلبەستىگىن بەلسەنە ورىستەتىپ، ەلىمىزدىڭ دەربەس جاڭالىق اشۋىنىڭ ماڭىزدى قاينارىن جانە العاشقى جاڭالىق اشۋىنىڭ باستى وشاعىن قالىپتاستىرۋ كەرەك. ادام اينالىمى، زات اينالىمى، ينفورماتسيا اينالىمى سياقتى فاكتورلاردىڭ بازاردا ءبىر تۇلعالانۋىن ىلگەرىلەتۋدى تياناق ەتىپ، قاتىناستىڭ ءبىر تۇلعالانۋىن ىلگەرىلەتۋ كەرەك. سايكەستىرە دامىتۋعا تۇساۋ بولاتىن اكىمشىلىك قامالدار مەن ءتۇزىلىس - مەحانيزم كەدەرگىلەرىن تالقانداپ، سايكەستىرە دامىتۋدى، جوعارى ساپالى دامۋدى جەبەيتىن ءتۇزىم كەپىلدىگىن ورناتۋ كەرەك. بەسىنشى، تۇنىق سۋ مەن جاسل تاۋ −− باعالى بايلىق ۇستانىمىنا تاباندى بولىپ، ەكولوگيالىق ورتانى بىرلەسىپ قۇرۋدى، بىرلەسىپ ساقتاۋدى، بىرلەسىپ جونگە سالۋدى كۇشەيتۋ كەرەك. تازا ەنەرگيامەن قامداۋدى كۇشەيتىپ، ەنەرگيادان تۇتىنۋ قۇرىلىمىن رەتتەپ، بەيجيڭ - تيانجين - حىبەي ءوڭىرىنىڭ ەكولوگيالىق قۇرىلىسىن تاباندىلىقپەن ىلگەرىلەتىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىك جاعدايىن، كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن جەدەل قالىپتاستىرۋ كەرەك. التىنشى، حالىقتى وزەك ەتۋگە تاباندى بولىپ، نەگىزگى الەۋمەتتىك قىزمەت وتەۋدى بىرگە قۇرۋدى، ودان بىرگە يگىلىكتەنۋدى جەبەۋ كەرەك. بۇقارا كوڭىل بولەتىن، ولاردىڭ ءتول مۇددەسىنە ساياتىن قولامتالى، قيىن ماسەلەلەردى كۇش سالا شەشۋ، وقۋ - اعارتۋ، ەمدەۋ بايلىقتارىن ورنالاستىرۋدى ساپالىلاندىرۋ كەرەك. حىبەي ولكەسىندەگى كەدەي وڭىرلەردىڭ كەدەيلىكتەن ارىلۋدان قامال الۋ قىزمەتىن كۇش سالا ىلگەرىلەتىپ، بەيجيڭ مەن تيانجيننىڭ باعىتتامالى سۇيەمەلدەۋ مەحانيزمىنىڭ رولىن ويداعىداي ساۋلەلەندىرىپ، 2020 - جىلى بەيجيڭ - تيانجين - حىبەي وڭىرىندەگى كەدەي اۋدانداردىڭ ءبارىنىڭ قالپاعىن الىپ تاستاۋىنا كەپىلدىك ەتۋ كەرەك. جۇمىسقا ورنالاستىرۋدى ماڭداي الدى ورىنعا قويۋعا تاباندى بولىپ، جەرگىلىكتى بۇقارانى جۇمىسقا ورنالاستىرۋ قىزمەتىن ويداعىداي ىستەۋ كەرەك.
حان جىڭ مىنالاردى ءبىلدىردى: باس شۋجي شي جينپيڭنىڭ بەيجيڭدى، تيانجيندى، حىبەيدى سايكەستىرە دامىتۋ جونىندەگى ماڭىزدى ستراتەگيالىق يدەياسىن ىشكەرىلەي ۇيرەنىپ، ءتۇسىنىپ، بەيجيڭنىڭ استاناعا جاتپايتىن فۋنكتسيالارىن سەيىلتۋ سىندى «مۇرىندىقتى» مىقتاپ ۇستاپ، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتۋدە جاڭا تابىستارعا، جاڭا ونىمدىلىكتەرگە قول جەتكىزۋ كەرەك. ساياساتتى كەمەلدەندىرىپ، مەحانيزمدى اقاۋسىزداندىرىپ، بەيجيڭنىڭ استاناعا جاتپايتىن فۋنكتسياسىن سەيىلتۋدەگى ىشكى قوزعاۋشى كۇشتى كۇشەيتۋ كەرەك. جوعارى ساپاعا، جوعارى ولشەمگە تاباندى بولىپ، بەيجيڭنىڭ جاڭا «ەكى قاناتىن» ويداعىداي جوبالاۋ، قۇرۋ كەرەك. ءوڭىر ارالىق ءىرى وربيتالىق قاتىناس سياقتى نەگىزدىك قۇرىلعىلار قۇرىلىسىن ويداعىداي يگەرىپ، بەيجيڭنىڭ استاناعا جاتپايتىن فۋنكتسيالارىن سەيىلتۋگە قولايلى شارت - جاعداي ازىرلەۋ كەرەك. حالىقتى وزەك ەتۋدەي دامۋ يدەياسىنا تاباندى بولىپ، نەگىزگى الەۋمەتتىك قىزمەت وتەۋدى بىركەلكىلەندىرۋدى ىلگەرىلەتىپ، حالىق جۇرتشىلىعىنىڭ تابىس سەزىمىن ۇزدىكسىز كۇشەيتۋ كەرەك.
ءماجىلىس اياقتاعاننان كەيىن، شي جينپيڭ ليفتپەن 1 - قاباتتاعى ۇلكەن زالعا كەلدى، بەيجيڭ قالالىق پارتكوم مەن قالالىق ۇكىمەتتىڭ قىزمەتكەرلەرى باس شۋجيدى قىزۋ شاپالاق سوعىپ قارسى الدى. شي جينپيڭ ولارعا قايتا - قايتا قول بۇلعاپ، تەرەڭ سۇيىسپەنشىلىكپەن بىلاي دەدى: سىزدەر ءىس جۇزىندىك ارەكەتتەرىڭىزبەن پارتيا ورتالىق كوميتەتىنىڭ كەلەلى شەشىمدەرىن دايەكتىلەندىرىپ، تياناقتاندىرىپ، بەيجيڭنىڭ استاناعا جاتپايتىن فۋنكتسيالارىن سەيىلتۋ، بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتۋ ءۇشىن ۇلەس قوستىڭىزدار. بەيجيڭ قالاسىنىڭ قوسالقى ورتالىعىن قۇرۋ − بەيجيڭ قالا بولىپ قۇرىلىپ، استانا ەتىپ تۇراقتاندىرىلعاننان بەرگى بەلەستىك ماڭىزعا يە ءبىر كەلەلى ءىس، جاڭا داۋىردەگى بەيجيڭنىڭ دامۋى جونىنەن كەلەلى وراي. بىرگە قۇلشىنىپ وسى ءىرى ءىستى ويداعىداي ىستەيىك. سىزدەردىڭ جاڭا جۇمىس ورنىنداعى جاڭا بەينەمەن ءتۇرلى قىزمەتتە جاڭا دا اناعۇرلىم كەسەك ناتيجەلەرگە قول جەتكىزۋلەرىڭىزدى ءۇمىت ەتەمىن! اتتانارىندا شي جينپيڭ ولارمەن ءبىر - بىرلەپ قول الىستى، شاپالاق ءۇنى كوپكە دەيىن تولاستامادى.
ديڭ شۋەشياڭ، ليۋ حى، ۋاڭ يۇڭ، حى ليفىڭ جانە شۇي كۋاڭدي قاتارلىلار جەكە - جەكە تەكسەرۋدە بىرگە بولدى نەمەسە اڭگىمە ماجىلىسكە قاتىناستى، ورتالىقتىڭ جانە مەملەكەت قۇرىلىمدارىنداعى قاتىستى تاراۋلاردىڭ جاۋاپتى جولداستارى، قاتىستى ولكە، قالالاردىڭ جاۋاپتى جولداستارى اڭگىمە ماجىلىسكە قاتىناستى.
