30 مىڭ اۆتوبۋز ساياحاتشىلاردىڭ سىرتقا شىعۋىن قامتاماسىز ەتەدى
ءتىلشى لۋ فىڭباۋ، پراكتيكانت لياڭ يانني 1 - ايدىڭ 19 - كۇنى ۇرىمجىدەن حابارلايدى. 1 - ايدىڭ 18 - كۇنى اشىلعان قاتىناس - تاسىمال، كوكتەم مەرەكەسىندەگى تاسىمال جانە ءوندىرىس حاۋىپسىزدىگى جونىندەگى اۆتونوميالى رايوندىق تەلەۆيزور - تەلەفون ماجىلىسىنەن ۇعىسۋىمىزشا، كوكتەم مەرەكەسىندەگى تاسىمال كەزىندە رايونىمىز تاس جولدارمەن مەجەمەن 10 ميلليون 260 مىڭ ادام (رەت) ساياحاتشى جونەلتەدى ەكەن، بۇل بىلتىرعىمەن نەگىزىنەن قارايلاس. قاتىناس - تاسىمال تاراۋلارى ساياحاتشىلاردىڭ سىرتقا شىعۋىنا كەپىلدىك ەتۋ ءۇشىن 30 مىڭ اۆتوبۋزدى ىسكە قوسپاقشى ءارى جولاۋشىلار ەرەكشە كوبەيگەن كەزدەگى ماسەلەنى شەشۋ ءۇشىن، شۇعىل جاعدايعا توتەپ بەرۋگە كەپىلدىك ەتەتىن اۆتوبۋزدان 750ىن دايىنداعان.
كوكتەم مەرەكەسىندەگى تاسىمال كەزىندە قاتىناس - تاسىمال تاراۋلارى تاسىمال كاسىپورىندارىن ينتەرنەتتە بەلەت ساتۋ جۇيەسىنىڭ رولىن تولىق ساۋلەلەندىرىپ، بەلەت قاينارىنا قاتىستى ينفورماتسيالاردىڭ جاريالىلىعىن كۇشەيتىپ، ينتەرنەتتە بەلەت ساتىپ الۋ، قول تەلەفوندا بەلەت ساتىپ الۋ سياقتى قولايلى قىزمەت ەتۋمەن بەلسەنە قامداۋىنا جەتەكشىلىك ەتەدى. ۇلكەن جولاۋشى تاسىمال بەكەتتەرى دە اۆتوماتتى بەلەت ساتۋ (الۋ) جابدىقتارىن كوبەيتىپ ورناتىپ، بەلەت ساتۋ ورىندارىن كوبەيتىپ، بەلەت ساتۋ ۋاقىتىن ۇزارتادى ءارى ساياحاتشىلارعا سىمسىز جەلىگە شىعۋ، شۇعىل قۇتقارۋ ءدارى - دارمەكتەرىمەن قامداۋ سياقتى ەرەكشە قىزمەت وتەپ، كارى، ءسابي، ناۋقاس، مۇگەدەك، جۇكتى ايەل سياقتى ءتۇيىندى ساياحاتشىلارعا ويداعىداي قىزمەت وتەيدى. تەمىر جولمەن ۇشتاساتىن 2 - دارەجەلىدەن جوعارى جولاۋشى تاسىمال بەكەتتەرى كۇتۋ بولمەسىن تاۋلىك بويى اشىق ۇستاپ ءارى قايناق سۋمەن تەگىن قامداپ، ازىق - تۇلىكپەن جانە زاتتىق بۇيىمدارمەن قامداۋدى ويداعىداي ىستەپ، ساياحاتشىلاردىڭ كوڭىلدى ساپار شەگۋىنە مۇمكىندىك جاسايدى. قاتىناس - تاسىمال تاراۋلارى تەمىر جول، حالىقتىق اۆياتسيا جۇيەسىمەن قىزمەتتى توعىستىرۋدى ىرىقتىلىقپەن كۇشەيتىپ، پويەزگە، ۇشاققا وتىرعان - تۇسكەن ساياحاتشىلاردىڭ وتىراتىن اۆتوبۋزى بولۋىنا مۇمكىندىك جاسايدى؛ قالا الەۋمەتتىك قاتىناسىنىڭ، رەليستى قاتىناستىڭ نەگىزگى جەلى تاسىمال تاسىلىمەن تاسىمال قۋاتى، قاتىناۋ كەزەگى، ۋاقىتى جاعىنان سايكەسۋىن كۇشەيتىپ، كىرە اۆتوموبيلدەرىنىڭ تاسىمال قۋاتىن عىلمي ورنالاستىرىپ، ساياحاتشىلاردى دەر كەزىندە جونەلتەدى.
سونىمەن بىرگە، قاتىناس - تاسىمال تاراۋلارى ءتۇيىندى جول بولىكتەرىندەگى اينالىمدى باقىلاۋ مەن ءتارتىپتى قورعاۋدى كۇشەيتەدى، اسىرەسە، وڭاي كەپتەلىس تۋىلاتىن جول بولىكتەرىنە جانە اقى الۋ پۋنكتتەرىنە الدىن الا باعىتتامالى شارا شىعارىپ، اۆتوكولىكتەردىڭ قاتىناۋ ونىمدىلىگىن جوعارىلاتادى؛ قوعام حاۋىپسىزدىگى قاتىناس ساقشىسى سياقتى تاراۋلارمەن سايكەسە قيمىلداپ، جولاۋشىلاردى، جۇكتى ارتىق تيەۋ، زاڭسىز كىرە تارتۋ، جولاۋشىلاردى تاستاپ كەتۋ، جولاۋشىلاردان ارتىق اقشا الۋ سياقتى زاڭعا قايشىلىق جاساۋ، سەنىمنەن ايرىلۋ جايتتەرىنە زاڭ بويىنشا قاتاڭ سوققى بەرىپ، كوكتەم مەرەكەسىندەگى تاسىمال كەزىندە تاسىمال بازارىنىڭ ءتارتىبىن بىرگە ويداعىداي قورعايدى. كاسىپورىنداردىڭ زاڭعا قايشى كىرە تارتۋى، جولاۋشىلاردىڭ زورەكەرلىك ىستەپ ورىن يەلەپ الۋى، اۆتوبۋزدا جاڭجال شىعارۋى، بەلەتسىز ءجۇرۋ، شوفەردىڭ اۆتوكولىك جۇرگىزۋىنە كەدەرگىلىك جاساۋ سياقتى ەرەجەگە قايشىلىق جاساۋ، سەنىمنەن ايرىلۋ ارەكەتتەرىنە قاراتا قاتىناس - تاسىمال تاراۋلارى سەنىمدىلىك بويىنشا جازالاپ ساقتاندىرۋ تەبىنىن ارتتىرادى، زاڭعا اۋىر دارەجەدە قايشىلىق جاساپ سەنىمنەن ايرىلۋ ارەكەتتەرىن جۇرتقا جاريالايدى ءارى جاعدايعا قاراي «سەنىمنەن ايرىلعاندار تىزىمىنە» ەنگىزەدى.
