تيانشان تورى
تيانشان تورى   ›   ۇيرەنۋ   ›   شولۋ

ساياسي - زاڭ سالاسىنىڭ رەفورماسىن اناعۇرلىم جوعارى باستامادا ىلگەرىلەتەيىك

  − باس شۋجي شي جينپيڭنىڭ ورتالىقتىڭ ساياسي - زاڭ قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى (3)

  حالىق گازەتىنىڭ شولۋشىسى

  رەفورما ساياسي - زاڭ قىزمەتىندەگى قيىن ماسەلەلەردى شەشۋدەگى ءتۇبىرلى شىعار جول، ساياسي - زاڭ ىستەرىنىڭ ۇزاق بولاشاقتىق دامۋىن جەبەۋدەگى كىلت.

  «ساياسي - زاڭ جۇيەسى اناعۇرلىم جوعارى باستامادا تۇرىپ، رەفورمادا تىڭ قامال الۋ سيپاتتى ىلگەرىلەۋشىلىكتەرگە قول جەتكىزۋدى جەبەۋ كەرەك»، ورتالىقتىڭ ساياسي - زاڭ قىزمەتى ماجىلىسىندە باس شۋجي شي جينپيڭ ساياسي - زاڭ سالاسىنداعى رەفورمانىڭ نىسانالارىن، تالاپتارىن ايقىن العا قويىپ، ساياسي - زاڭ سالاسىندا رەفورمانى جاپپاي تەرەڭدەتۋدى جەدەل ىلگەرىلەتۋ ءۇشىن ماڭىزدى ورنالاستىرۋ جاسادى، بۇل ساياسي - زاڭ سالاسىنداعى رەفورمانى تەرەڭدەتۋدىڭ ماڭىزدى ولشەمى، جاڭا داۋىردەگى ساياسي - زاڭ قىزمەتىن ويداعىداي ىستەۋدە، ساياسي - زاڭ ىستەرى دامۋىنىڭ تىڭ تاراۋىن ۇزدىكسىز جازۋعا، ءسوزسىز، كەلەلى ىقپال جاسايدى.

  رەفورمادان ومىرشەڭدىك كۇش تۋىندايدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ساياسي - زاڭ سالاسىنداعى رەفورماعا جاپپاي كۇش سالعان، كوپ تۇيىندە قامال العان، تەرەڭدەي ىلگەرىلەگەن تاماشا جاعداي جارىققا شىقتى. مەملەكەتتى زاڭمەن جونگە سالۋ ءتۇزىلىسى رەفورماسى، ءادىليا ءتۇزىلىسى رەفورماسى، قوعامدىق جونگە سالۋ ءتۇزىلىسى رەفورماسى سياقتى ءبىر قىدىرۋ كەلەلى رەفورما تىڭعىلىقتى ىلگەرىلەتىلىپ، بيلىكتىڭ ءجۇرىلۋىن تەجەۋ جانە باقىلاۋ جۇيەسى قۇرىلىسى ءونىمدى اتقارىلدى... 6 جىلدان ارتىق ۋاقىتتان بەرى، ساياسي - زاڭ شەبى قيىندىقتان تايسالماي، تاۋەكەلگە بەل بۋىپ، قامالداردى تالقانداپ، ءبىرتالاي جىل ويلاعان، ءبىرتالاي جىل ايتقان، ايتسە دە ورىنداي الماعان رەفورمانى ورىندادى، قوعامنىڭ ادىلدىگىن، تۋراشىلدىعىن قورعاۋدا ماڭىزدى رول اتقاردى.

  كەزەكتە ساياسي - زاڭ سالاسىنداعى رەفورما جۇيەلى، جالپىلىق وزگەرىستىڭ جاڭا كەزەڭىنە قادام تاستادى. ساياسي - زاڭ سالاسىنداعى رەفورمانى اناعۇرلىم جوعارى باستامادا ىلگەرىلەتۋدە سايكەسىمدى، جوعارى ءونىمدى ساياسي - زاڭ قۇرىلىمىنىڭ فۋنكتسيالىق جۇيەسىن قۇرۋدى، ساپالىلاندىرۋدى جەدەلدەتۋ كەرەك. باس شۋجي شي جينپيڭ مىنانى كوپ رەت باسا دارىپتەدى: ساياسي - زاڭ قىزمەتىنە تۇساۋ بولاتىن تۇزىلىستىك، مەحانيزمدىك ماسەلەلەردى زەرتتەپ شەشىپ، جاڭا جاعدايداعى ساياسي - زاڭ قىزمەتىن ويداعىداي ىستەۋ ءۇشىن پارمەندى كەپىل ازىرلەۋ كەرەك. ساياسي - زاڭ ورگاندارىنىڭ قىزمەت ۇقىعىن سەپتەۋدى ساپالىلاندىرىپ، اركىم ءوز مىندەتىن وتەيتىن، پارمەندى سايكەسەتىن، ۇتىمدى تەجەلەتىن قىزمەت جۇيەسىن ورناتىپ، ساياسي - زاڭ ورگاندارىنىڭ ىشكى قۇرىلىم رەفورماسىن ىلگەرىلەتىپ، فۋنكتسيا سەپتەۋىن، قۇرىلىم ورنالاسۋىن، قىزمەتكەرلەر شتاتىن ساپالىلاندىرعاندا عانا، اينالىمىن اناعۇرلىم ىركىلىسسىزدەندىرۋگە، ونىمدىلىگىن جوعارىلاتۋعا بولادى.

  ساياسي - زاڭ سالاسىنداعى رەفورمانى اناعۇرلىم بيىك باستامادا ىلگەرىلەتۋدە ءادىليا ءتۇزىلىسىنىڭ جالپىلىق سايكەستى رەفورماسىن تەرەڭدەتۋ كەرەك. باس شۋجي شي جينپيڭ مىنالاردى ايقىن اتاپ كورسەتتى: ءادىليا جاۋاپكەرشىلىك ءتۇزىمىن جان - جاقتى تياناقتاندىرىپ، ءادىليا قىزمەتكەرلەرىن زەيىن - زەردەنى، كۇش - قۋاتتى شوعىرلاندىرا جاۋاپكەرشىلىگىن ويداعىداي وتەيتىن، دەلونى جاقسى بىتىرەتىن ەتىپ، ءادىليانىڭ ساپاسىن، ونىمدىلىگىن، الەۋمەتتىك سەنىمدىلىگىن جوعارىلاتۋ كەرەك؛ نازاردى حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەرگە شوعىرلاندىرىپ، بيلىكتىڭ ءجۇرىلۋىن باقىلاۋ جانە تەجەۋ مەحانيزمىن مىقتى يگەرە كەمەلدەندىرىپ، زاڭدى قاتاڭ اتقارماۋدان، ءادىليادا ءادىل بولماۋدان، ءتىپتى، زاڭ اتقارۋدا زاڭعا قايشىلىق جاساۋدان، ءادىليادا شىرىكتەسۋدەن قاتاڭ ساقتانۋ كەرەك؛ ارىز - شاعىم ءتۇزىمى رەفورماسىن تەرەڭدەتىپ، دەلولاردى كۇردەلى - قاراپايىمدىلىعىنا قاراي جىكتەۋدى، اۋىر - جەڭىلىنە قاراي ايىرۋدى، تەز - باياۋلىعىنا قاراي ءبولۋدى ىلگەرىلەتىپ، ءىرى ساندى مالىمەت، جاساندى زەردە سياقتى عىلىم - تەحنيكالىق جاسامپازدىق جەتىستىكتەرىن ءادىليا قىزمەتىمەن تەرەڭدەي توعىستىرۋ كەرەك. ءادىليا − قوعامنىڭ ادىلدىگىن، تۋراشىلدىعىن قورعاۋداعى ەڭ سوڭعى قورعانىس شەبى، باس شۋجي شي جينپيڭنىڭ ءتۇرلى تالاپتارىن ويداعىداي دايەكتىلەندىرگەندە، تياناقتاندىرعاندا عانا، حالىق جۇرتشىلىعىنا ءاربىر ءادىليا دەلوسىندا ادىلدىكتى، تۋراشىلدىقتى قۇلشىنا سەزىندىرۋگە بولادى.

  ساياسي - زاڭ سالاسىنداعى رەفورمانى اناعۇرلىم بيىك باستامادا ىلگەرىلەتۋدە رەفورما ارقىلى حالىق جۇرتشىلىعىنا اناعۇرلىم كوپ تابىس سەزىمىن بەرۋ كەرەك. حالىق بۇقاراسى نەگە كوڭىل بولسە، نەنى اڭساسا، رەفورما سونى يگەرۋ، سونى ىلگەرىلەتۋ كەرەك. ساياسي - زاڭ ورگانى قىرۋار الەۋمەتتىك قىزمەت وتەۋ فۋنكتسياسىن ارقالاپ وتىر، جاپپاي ءتيىمدى، بىركەلكى، قولايلى، جوعارى ءونىمدى، زەردەلى، دالمە - ءدال الەۋمەتتىك قىزمەت وتەۋمەن قامتاماسىز ەتۋگە قۇلشىنۋ؛ «كۋالىكتى ازايتىپ، حالىققا قولايلىلىق جاساۋ» ارەكەتىن ءۇرتىس ورىستەتىپ، ءوڭىر اتتاپ دەلو تۇرعىزۋ، ارىز - شاعىم بەرۋ بويىنشا قىزمەت وتەۋ رەفورماسىن جەدەل ىلگەرىلەتىپ، ارىز - شاعىم ىستەرىن ءوڭىر اتتاپ الىس ارالىقتى ءبىتىرۋدى، دارەجە اتتاپ بىرلەسە ءبىتىرۋدى ىلگەرىلەتىپ، وزگە جەردە ارىز - شاعىم بەرۋ قيىن بولۋ سياقتى ماسەلەلەردى ويداعىداي شەشۋ؛ الەۋمەتتىك زاڭدىق قىزمەت وتەۋ جۇيەسى قۇرىلىسىن تەرەڭدەتىپ، جالپى كاسىپتى، جالپى ۋاقىت كەڭىستىگىن قامتىعان زاڭدىق قىزمەت وتەۋ تورىن تەز ارادا قۇرۋ؛ شەتەلدەگى حاۋىپسىزدىكتى قورعاۋ جۇيەسىن جەدەل قۇرىپ، ەلىمىزدىڭ شەتەلدەگى قۇرىلىمدارىنىڭ، قىزمەتكەرلەرىنىڭ زاڭدى ۇقىق - مۇددەسىن قامتاماسىز ەتۋ كەرەك.

  «زاڭ − الەمنىڭ ولشەۋىشى». ادىلدىك تارازىسىن ارقالاپ، تۋراشىلدىق سەمسەرىن سەرت ۇستاعان ساياسي - زاڭ شەبىنىڭ بورىشى داڭقتى، جاۋاپكەرلىگى اۋىر. پارتيا ورتالىق كوميتەتىنىڭ رەفورما شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ادالدىقپەن مىندەت اتقارىپ، جاۋاپكەرشىلىك ارقالاپ، ىسكەرلىك كورسەتۋگە باتىل بولىپ، قايسارلىقپەن رەفورما جاساپ، جاڭالىق اشىپ، جۇيەسى كەمەلدى، ولشەمى عىلمي، اينالىمى ءونىمدى ساياسي - زاڭ ءتۇزىم جۇيەسىن كۇش سالا قالىپتاستىرساق بولعانى، ءبىز، ءسوزسىز، قوعامنىڭ ادىلدىگىن، تۋراشىلدىعىن جەبەيتىن، حالىقتىڭ شات - شادىمان ءومىر كەشىرۋىن قامتاماسىز ەتەتىن جاڭا ناتيجەلەرگە قول جەتكىزە الامىز.

  (شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.