تيانشان تورى   ›   ۇيرەنۋ   ›   بايانداما

اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەتىنەن بايانداما

  − 2019 - جىلى 1 - ايدىڭ 13 - كۇنى شينجياڭ ۇيعۇر اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىندە جاسالدى

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى

  1 - ايدىڭ 13 - كۇنى، نۇرلان ءابىلماجىن ۇلى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىندە ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى. سۋرەتتى ءتىلشى سۇي جىجيان تۇسىرگەن

  مۇشەلەر:

  مەن ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.

  ءبىرىنشى، نازاردى باس نىساناعا شوعىرلاندىرىپ، ساياسي كەڭەس قىزمەتىندە تىڭ ناتيجەلەرگە قول جەتكىزدىك

  2018 - جىل ج ك پ 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، رەفورما جاساۋدىڭ، ەسىك اشۋدىڭ 40 جىلدىعى. ءبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونىمىزداعى ءار ۇلت كادرلارى مەن بۇقارانى ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايى مەن 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، جان - جاقتى شارا قولدانىپ، شىنايى يگەرىپ، ناقتى ىستەپ، قيىندىقتاردان قامال الىپ، قايراتتانا العا ۇمتىلىپ، ورنىقتىلىق پەن دامۋدىڭ ءتۇرلى قىزمەتتەرىن ىلگەرىلەتۋدە كەلەلى ىلگەرىلەۋشىلىككە قول جەتكىزدى، قوعام اماندىعىن جونگە سالۋ جاعدايىندا كورنەكتى جاقسارۋ بولدى، تۇتاس رايونىمىزدىڭ قوعامدىق جالپى جاعدايى ورنىقتىلىقتى ساقتاپ، ورنىقتىلىقتىڭ تابىستارى ۇزدىكسىز جارىققا شىقتى، ەكونوميكا ورنىقتى، اقاۋسىز دامىپ، ساپا ونىمدىلىگى كورنەكتى جوعارىلادى، ءۇش ۇلكەن قامال الۋ شايقاسىنىڭ باستاماسى جاقسى بولىپ، رەفورما جاساۋ، ەسىك اشۋ ورنىقتى ىلگەرىلەپ، حالىق تۇرمىسى ۇزدىكسىز جاقسارىپ، ءار سالا ىستەرى جاپپاي ىلگەرىلەتىلدى.

  وتكەن ءبىر جىل − اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى مىندەت وتەگەن العاشقى جىل. اۆتونوميالى رايوندىق پارتكومنىڭ دۇرىس باسشىلىعىندا جانە مەملەكەتتىك ساياسي كەڭەستىڭ دەن قويا جەتەكشىلىك ەتۋىندە، اۆتونوميالى رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىنتىماق جانە دەموكراتيا سىندى 2 ۇلكەن نەگىزگى تاقىرىپقا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ارناۋلى كەڭەستىك قۇرىلىم رولىن تولىق ساۋلەلەندىرىپ، نەگىزگى زاڭ مەن ۋستاۆ بويىنشا مىندەت وتەپ، كەڭەس جوسپارى بويىنشا ىلگەرىلەتىپ، ەرەكشەلىگى مەن باسىمدىعىنا ساي كۇش شىعارىپ، ۇكىمەت ىستەرىن كەڭەسۋ تابىسىن مولايتىپ، دەموكراتيالىق باقىلاۋ ونىمدىلىگىن ارتتىرىپ، ىنتىماقتى، دوستىقتى جان - جاقتى تەرەڭدەتىپ، ىنتىماقتى، دەموكراتيالى، شىنايى ىستەپ، شىنايى ۇمتىلىس جاسايتىن، قارىشتاپ داميتىن جاڭا جاعدايدى ونان ارى كەڭەيتىپ، باس نىسانانى تياناقتاندىرۋدى ىلگەرىلەتۋگە ماڭىزدى ۇلەس قوستى.

  (1) ۇيتقىنى باتىل قورعاپ، دۇرىس ساياسي بەتالىسقا تاباندى بولدىق

  ءبىز باستان - اياق تۋى ايقىن تۇردە ساياسيدى دارىپتەدىك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرىن «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداۋعا باستاپ، باستان - اياق يدەيادا ۇيتقىنى شىنايى مويىنداپ، ساياسيدا ۇيتقىنى جاقتاپ، ۇيىمدىق جاقتا ۇيتقىعا بويسۇنىپ، ارەكەتتە ۇيتقىعا تىعىز ىلەسىپ، ۇيتقىنى باتىل قورعاپ، ۇيتقىعا شارتسىز ادال بولدىق، باستان - اياق ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ءىس جۇزىندىك ارەكەتىمىز ارقىلى پارتيا ورتالىق كوميتەتىنىڭ اسقاق ابرويى مەن بۇلجىماس شەشىم جاسايتىن بەدەلىن قورعاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ساياسي كەڭەستىڭ بارلىق قىزمەتتەرىندە باتىلدىقپەن بۇلجىماي دايەكتىلەندىردىك، تياناقتاندىردىق.

  ءبىز باستان - اياق جاسامپاز نازاريامەن قارۋلانۋدى كۇشەيتتىك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، بۇكىل رايونىمىزداعى ساياسي كەڭەس جۇيەسىندە باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ - تالقىلاۋ قيمىلىن كەڭىنەن ورىستەتىپ، اۋەلگى نۇسقانى ۇيرەنۋدى، پارىقتاردى تابۋدى، تالقى جۇرگىزۋدى، جاقسارتۋدى كۇشەيتۋدى نەگىزگى بۋىن، باس شۋجي شي جينپيڭنىڭ حالىق ساياسي كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن باستى ماتەريال ەتىپ، پارتيا 19 - قۇرىلتايىنىڭ بايانداماسىن ارناۋلى تاقىرىپتارعا ءبولىپ، ىشكەرىلەي ۇيرەنىپ، پارتيا ۋستاۆىن، نەگىزگى زاڭدى، ساياسي كەڭەس ۋستاۆىن ىشكەرىلەي ۇيرەنىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى، ت.ب لاردى ىشكەرىلەي ۇيرەنىپ، ءالسىز بۋىنداردى كۇشەيتىپ، ولقىلىقتاردى وڭاپ، يدەيالىق تانىمدا، نازاريالىق زەرتتەۋدە جانە ءتۇزىم جاسامپازدىعىندا جاڭا كەسەك تابىستاردى قولعا كەلتىردىك. تۇتاس رايونىمىزدا جالپى 1280 نەشە كەزەك ءار تۇردەگى ۇگىت لەكسيا جيىنىن، اڭگىمە ءماجىلىسىن، تالقى جيىنىن اشتىق، وعان 30 مىڭنان استام ادام - رەت قاتىناستى، 700 نەشە زەرتتەۋ ماقالاسى دايىندالدى، اۆتونوميالى رايونىمىزداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرىنىڭ نازاردى باس نىساناعا شوعىرلاندىرىپ، جاڭا ءداۋىر حالىق ساياسي كەڭەس ىستەرىندە جاڭالىق اشۋ مەن دامۋدى ىلگەرىلەتكەن رۋحاني بەت - بەينەسىن جانە باتىلدىقپەن جاۋاپكەرشىلىك ارقالاعاندىعىن تولىق ايگىلەدى.

  ءبىز باستان - اياق ساياسي كەڭەستىڭ پارتيا قۇرىلىسىن كۇشەيتتىك. جاڭا داۋىردەگى پارتيا قۇرىلىسىنىڭ باس تالابى بويىنشا، ج ك پ ورتالىق كوميتەتى كەڭسەسىنىڭ «جاڭا داۋىردەگى حالىق ساياسي كەڭەسى پارتيا قۇرىلىسى قىزمەتىن كۇشەيتۋ جونىندەگى ءبىرقانشا پىكىرىن» جانە مەملەكەتتىك ساياسي كەڭەس پارتيا باسشىلىق گرۋپپاسىنىڭ «حابارلاندىرۋىنىڭ» رۋحىن مۇقيات دايەكتىلەندىرىپ، اۆتونوميالى رايوننىڭ «جاڭا داۋىردەگى حالىق ساياسي كەڭەسى پارتيا قۇرىلىسى قىزمەتىن كۇشەيتۋ جونىندەگى اتقارۋ پىكىرىن» جاساپ، تۇڭعىش رەت بۇكىل شينجياڭداعى ساياسي كەڭەس جۇيەسىنىڭ پارتيا قۇرىلىسى قىزمەتى جونىندە اڭگىمە ءماجىلىس اشىپ، اۆتونوميالى رايوندىق ساياسي كەڭەستىڭ پارتيا قۇرىلىسى قىزمەتىنە جاپپاي ورنالاستىرۋ جاسادىق. ساياسي كەڭەستىڭ پارتيا ۇيىمى قۇرىلىمىن كەمەلدەندىرىپ جانە جاقسارتىپ، پارتيا قۇرىلىسى قىزمەتى ءتۇزىمى مەن مەحانيزمىن ورناتىپ جانە اقاۋسىزداندىرىپ، ساياسي كەڭەس پارتيا ۇيىمىنىڭ ساياسي كەڭەس قىزمەتىندەگى ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن كۇشەيتتىك. نۇسقاۋ سۇراۋ، مالىمەت بەرۋ ءتۇزىمىن مۇقيات تياناقتاندىرىپ، جىلدىق كەڭەس جوسپارىن پارتكومنىڭ تەكسەرىپ بەكىتۋىنە جولداۋعا تاباندى بولدىق، كەلەلى ىستەردە ىرىقتىلىقپەن پارتكومنان نۇسقاۋ سۇرادىق، ماڭىزدى قىزمەتتەردى ورىستەتۋ جاعدايى جونىندە ىرىقتى تۇردە پارتكومعا مالىمەت بەردىك، ماڭىزدى ۇكىمەت ىسىنە كەڭەس بەرۋ تابىستارىن ىرىقتىلىقپەن پارتكومعا جولداپ وتىردىق. پارتكوم ورنالاستىرۋ جاساسا ساياسي كەڭەس تياناقتاندىرۋدى، پارتكوم تالاپ ەتسە ساياسي كەڭەس اڭىس قايتارۋدى، پارتكوم نۇسقاۋ بەرسە ساياسي كەڭەس اتتانىسقا كەلۋدى ىسكە اسىردىق، پارتيانىڭ وزەكتى قىزمەتى قاي جەردە بولسا، ساياسي كەڭەس قىزمەتىن سوعان سايكەستىرىپ، اقىل - پاراسات پەن كۇش - قۋاتتى دا سول اراعا شوعىرلاندىردىق.

  (2) وزەككە ىرىقتىلىقپەن قىزمەت وتەپ، كەشەندى شارالاردى جاۋاپكەرشىلىكپەن اتقاردىق

  ءبىز قوعام ورنىقتىلىعىن قورعاۋدىڭ جاۋاپكەرشىلىگىن باتىلدىقپەن ۇستىمىزگە الدىق. ورنىقتىلىقتى قورعاۋ قىزمەتىنەن تىسقارى قالاتىن رايون، تىسقارى قالاتىن ورىن، تىسقارى قالاتىن ادام بولماۋ يدەياسىن بەرىك ورناتىپ، ساياسي كەڭەستىڭ ارتىقشىلىعى مەن رولىن تولىق ساۋلەلەندىرىپ، يدەولوگيا سالاسىنداعى بولشەكتەۋشىلدىككە قارسى كۇرەسكە بەلسەنە ات سالىسىپ، لاڭكەستىككە قارسى تۇرىپ، ورنىقتىلىقتى قورعاۋ ءتۇيىندى قىزمەتىندە جاۋاپكەرشىلىك ارقالاپ، ىسكەرلىك تانىتتىق. ارناۋلى تاقىرىپتا ۇكىمەت ىسىنە كەڭەس بەرۋ سيپاتتى تۇراقتى مۇشەلەر جيىنىن اشىپ، «نازاردى باس نىساناعا شوعىرلاندىرىپ، بۇقارالىق قىزمەتتى ىشكەرىلەي جاقسى ىستەپ، ۇلتتار ىنتىماعىنىڭ نەگىزىن بەكەمدەۋدى» كەڭەس تاقىرىبى ەتىپ، «مىزعىماستان نازاردى باس نىساناعا شوعىرلاندىرىپ، شينجياڭنىڭ ورنىقتىلىعى مەن دامۋى ءۇشىن اناعۇرلىم جاقسى قىزمەت ەتۋ جونىندەگى قاۋلىنى» شىعارىپ، بۇكىل رايونىمىزداعى ءار دارەجەلى ساياسي كەڭەس ۇيىمدارىنا جەتەكشىلىك ەتىپ، باتىل ءۇن قاتىپ، ايقىن پوزيتسيا ءبىلدىرۋ قيمىلىن 1780 كەزەك - رەت ورىستەتىپ، نەگىزگى گازەت - جۋرنالداردا باتىل ءۇن قاتىپ، ايقىن پوزيتسيا ءبىلدىرۋ بويىنشا 1100دەن استام ماقالا جاريالاپ، تۋى ايقىن تۇردە «ءۇش ءتۇرلى كۇشپەن» جانە «ەكى بەتكەيلەرمەن» باتىل كۇرەس جۇرگىزدىك؛ ءار ۇلت بۇقاراسىن ءبىر - بىرىنە قارايلاسۋ، ءوزارا ءسۇيىنۋ بارىسىندا «ءۇشتىڭ ءبىر - بىرىنەن ايرىلا الماۋ» يدەياسى مەن جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ىنتىماعىن كوز قاراشىعىنداي قورعاپ، ومىرىندەي قاستەرلەپ، اناردىڭ دانىندەي تىعىز ۇيىسۋعا تاربيەلەدىك. «19 - قۇرىلتايدى ۇيرەنۋ، نازاردى باس نىساناعا شوعىرلاندىرۋ، التىدا ونەگە بولۋعا ۇمتىلۋ» تۋرالى ءدىني قايراتكەرلەردىڭ اڭگىمە ءماجىلىسىن اشىپ، ءدىني قايراتكەرلەردى دۇرىس سەنىم، دۇرىس ارەكەت ورناتۋعا جەتەكتەدىك. سالالارداعى مۇشەلەردى جوعارى مەكتەپتەردىڭ يدەولوگيا سالاسىنداعى ىرىقتىلىق ۇقىقتى، ءسوز بيلىگىن مىقتاپ يگەرۋ، ت.ب جونىندە تەكسەرىپ - زەرتتەۋ، كوزدەن كەشىرۋ جۇرگىزۋگە ۇيىمداستىرىپ، وقۋ - اعارتۋ تاراۋلارىنىڭ ستۋدەنتتەرگە ماركسيزمدىك بەس كوزقاراس تاربيەسىن كۇشەيتۋىنە كومەكتەستىك. ۇلتتاردىڭ ىنتىماعىن بەكەمدەۋ، ەلىمىزدە ءىسلام ءدىنىن جۇڭگوشالاندىرۋ بەتالىسىنا تاباندى بولۋ، ءدىن ىستەرىن باسقارۋدى زاڭ بويىنشا كۇشەيتۋ سياقتىلاردى ارقاۋ ەتە وتىرىپ سىندارلى ۇسىنىس قويدىق. زاڭ شىعارۋ كەڭەسىن مۇقياتتىلىقپەن ورىستەتىپ، حالىق قۇرىلتايىنىڭ بەس جىلدىق زاڭ شىعارۋ جوباسى، ۇكىمەت ۇسىنىس ەتكەن اكىمشىلىك زاڭ اتقارۋدى باقىلاۋشىلاردى باسقارۋ ءادىسى، ت.ب جونىندە ۇسىنىستار ورتاعا قويدىق. «اۆتونوميالى رايوننىڭ ۇشقارىلىققا قارسى تۇرۋ ەرەجەسىن» ۇگىتتەۋدى، دايەكتىلەندىرۋدى، تياناقتاندىرۋدى ىلگەرىلەتۋ جاعدايى جونىندە دەموكراتيالىق باقىلاۋ جۇرگىزىپ، ءار ۇلت بۇقاراسىن قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىنا كۇش - قۋاتتارىن ارناۋعا باستادىق.

  ءبىز كەدەيلىكتەن ارىلتۋدان قامال الۋدى ىلگەرىلەتۋ بارىسىندا شەبەرلىك تانىتتىق. باس شۋجي شي جينپيڭنىڭ كەدەيلەردى سۇيەمەلدەۋ جونىندەگى سويلەگەن ماڭىزدى ءسوزى مەن ماڭىزدى نۇسقاۋلارىنىڭ رۋحىن باتىل دايەكتىلەندىرىپ، نازاردى اۋىر كەدەي وڭىرلەرگە شوعىرلاندىرىپ، اۋىل - قىستاقتارداعى كەدەي جان سانىنىڭ اق شەل ناۋقاسىن اقىسىز ەمدەۋ، قيىنشىلىعى بار بۇقارانىڭ اۋرۋ سەبەبىنەن كەدەيلەسۋ، اۋرۋ سەبەبىنەن قايتالاي كەدەيلەسۋ ماسەلەسىن شەشۋدى ىلگەرىلەتۋدى كەڭەس تاقىرىبى ەتە وتىرىپ، 2 رەت ايلىق كەڭەس - اڭگىمە جيىنىن اشىپ، سالماقتى ناۋقاستاردى ەڭ تومەنگى شەكتە قامتاماسىز ەتۋ، كەدەي رايونداردىڭ ەمدەۋ - قىزمەت وتەۋ قابىلەتىن جوعارىلاتۋ، ىرىكتەۋ جانە ارحيۆ تۇرعىزىپ، كارتچكا بەرۋ سياقتىلار جونىندە كەڭەس، ۇسىنىس بەردىك، ورتاعا قويعان «ەمدەۋ ورتاق تۇلعاسى»، «ەمدەۋ بىرلەستىگى» جونىندە كەڭەس ۇسىنىستارىمىزدى اۆتونوميالى رايوندىق حالىق ۇكىمەتى پايدالانۋعا الدى. ورنىقتىلىقتى قورعاۋ جانە كەدەيلىكتەن ارىلتۋدان قامال الۋ تاقىرىبىن مىقتاپ ارقاۋ ەتىپ، ىركەس - تىركەس 3 رەت اتۇش قالاسىنىڭ قاراجون اۋىلى ورتا قاراجون قىستاعىندا 4 اي تۇراقتاپ تۇرىپ تەكسەرىپ - زەرتتەۋ جۇرگىزىپ، ارناۋلى تاقىرىپتىق تەكسەرىپ - زەرتتەۋ بايانداماسىن جازدىق. ونەركاسىپ - ساۋدا سالاسىنداعى مۇشەلەردىڭ رولىن ساۋلەلەندىرىپ، مىڭ كاسىپورىن مىڭ قىستاققا كومەكتەسۋ قيمىلىن بەلسەنە ورىستەتىپ، 1255 كاسىپورىندى تۇتاس رايون كولەمىنەن 1376 كەدەي قىستاقپەن جۇپ قۇراپ سۇيەمەلدەۋگە ۇيىمداستىردىق، بۇعان كەدەيلەردى كاسىپ سالاسى بويىنشا سۇيەمەلدەۋ قارجىسىنان ءبىر ميلليارد 380 ميلليون يۋان ءبولىنىپ، 281 مىڭ كەدەي بۇقارا يگىلىكتەندى. ءار دارەجەلى ساياسي كەڭەس ۇيىمدارى مەن ءار ۇلت، ءار سالا مۇشەلەرى كەدەيلىكتەن ارىلتۋدان قامال الۋعا بەل شەشە كىرىسىپ، امالياتقا ارالاسۋ بارىسىندا تاربيە الىپ، ءوزىن - ءوزى ءوسىرىپ، ۇكىمەت ءىسىن كەڭەسۋ بارىسىندا ورتاق تانىمعا كەلىپ، بىرىككەن كۇشتى ارتتىرىپ، كەدەيلىكتەن ارىلتۋدان قامال الۋ شايقاسىن جاقسى جۇرگىزۋگە، جەڭىسكە جەتۋگە دەمەۋشى بولدى.

  ءبىز رەفورما مەن دامۋدى ىلگەرىلەتۋگە شىنايى كەڭەس بەردىك. باس شۋجي شي جينپيڭنىڭ «رەفورما جاساۋعا، دامۋعا اقىل - كۇش قوسۋدى ارقاۋ ەتۋگە تاباندى بولۋ» جونىندەگى ماڭىزدى نۇسقاۋىنىڭ رۋحىن مۇقيات تياناقتاندىرىپ، اۆتونوميالى رايوندىق پارتكومنىڭ رەفورمانى تەرەڭدەتۋ جونىندەگى قىزمەت ورنالاستىرۋلارى بويىنشا، لاستانۋدان ساقتانۋ جانە وڭاۋ، ۇكىمەت قۇرىلىمدارىن ىقشامداپ ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى، جالپىلىق مەنشىككە جاتپايتىن شارۋاشىلىقتىڭ دامۋى جانە كۇيتۇن - مايتاۋ ەكونوميكالىق اشۋ رايونىنىڭ «توعىسپالى دامۋى» سىناق ءتۇيىنىن ىلگەرىلەتۋ سىندى 5 ۇلكەن رەفورمانىڭ 65 ءتۇرلى ناقتى مىندەتىن مىقتاپ ارقاۋ ەتىپ، 160 نەشە ساياسي كەڭەس مۇشەسى مەن مامان، وقىمىستىنى ۇيىمداستىرىپ، 21 ايماق، وبلىس، قالاعا جانە كوميتەت، كەڭسە، مەڭگەرمە، مەكەمەلەرگە جىبەرىپ، 32 رەت تەكسەرۋ - زەرتتەۋ، كوزدەن كەشىرۋ قيمىلىن ورىستەتىپ، 60 نەشە رەت كەڭەس - اڭگىمە جيىنىن اشىپ، جالپىلىق بايانداما جانە ارناۋلى تاقىرىپتىق تەكسەرۋ - زەرتتەۋ، كوزدەن كەشىرۋ بايانداماسىن دايىنداپ، اۆتونوميالى رايوندىق پارتكوم مىندەتتەگەن رەفورمانى تەرەڭدەتۋ مىندەتىن، دەموكراتيالىق باقىلاۋ قىزمەتىن تابىسپەن ورىندادىق. فينانس حاۋىپ - قاتەرىنەن ساقتانۋ جانە ونى شەشۋ، ناقتى ەكونوميكا مەن ارالاس مەنشىكتەگى شارۋاشىلىقتىڭ، ساياحات شارۋاشىلىعىنىڭ دامۋىن، شينجياڭ ەلەكتر جەلىسىن توراپتاندىرۋ، وسى زامانعى جىلقى شارۋاشىلىعىنىڭ دامۋىن ىلگەرىلەتۋ سياقتىلاردى ارقاۋ ەتىپ، ساياسي كەڭەس مۇشەلەرىن تەكسەرۋ - زەرتتەۋگە، كوزدەن كەشىرۋگە ۇيىمداستىرىپ، پىكىر - ۇسىنىس قويدىق. «حالىق اراسىنداعى قارجىنى كەڭەيتىپ، قامداۋ جاعىنداعى قۇرىلىمدىق رەفورماعا دەم بەرۋدى» كەڭەس تاقىرىبى ەتە وتىرىپ ايلىق كەڭەس وتكىزىپ، تاماشا ورتا جاراتۋ، قارجى قۇراۋ ارناسىن كەڭەيتۋ، دارىندىلاردى ەنگىزۋگە، باۋلۋعا باسا ءمان بەرۋ، بازارعا كىرۋگە رۇقسات ەتۋ مەحانيزمىن اقاۋسىزداندىرۋ، مونوپوليالاۋدى باقىلاپ - باسقارۋدى كۇشەيتۋ قاتارلى جاقتاردان كەڭەس جەتىستىكتەرىن قالىپتاستىردىق، مۇنى اۆتونوميالى رايوندىق حالىق ۇكىمەتى بەلسەندى تۇردە قابىل الدى.

  ءبىز حالىق تۇرمىسىن قامتاماسىزداندىرۋ، جاقسارتۋ جاعىندا ناقتىلى شارالار اتقاردىق. حالىقتى وزەك ەتكەن دامۋ يدەياسىنا تاباندى بولىپ، حالىق ءۇشىن مىندەت وتەۋ ۇستانىمىن دايەكتىلەندىرىپ، وتباسىلىق قىزمەت وتەۋ كاسىبىنىڭ دامۋىن ىلگەرىلەتۋدى كەڭەس تاقىرىبى ەتىپ، ايلىق اڭگىمە - كەڭەس جيىنىن اشىپ، وتباسىلىق قىزمەت وتەۋ كاسىبى ساياساتىن تياناقتاندىرۋ، دامۋ جوباسىن جاساۋ، سۇيەمەلدەۋ تەبىنىن ارتتىرۋ، بازار ءتارتىبىن جۇيەگە ءتۇسىرۋ قاتارلىلار جونىندە ءتۇيىندى تۇردە ۇسىنىس بەردىك، كەڭەس جەتىستىكتەرى اۆتونوميالى رايوندىق حالىق ۇكىمەتى جاساعان «وتباسىلىق قىزمەت وتەۋ كاسىبىن دامىتۋ جونىندەگى ناقتى شارالاردا» تولىق ايگىلەندى. حالىققا تيىمدىلىك جەتكىزۋ ساياساتتىق شارالارىنىڭ تياناقتاندىرىلۋ جاعدايىن تەكسەرىپ - باقىلاۋدى ءورىس الدىرۋدى ارقاۋ ەتىپ، مادەنيەت، دەنساۋلىق ساقتاۋ، دەنە تاربيە سىندى «ءۇشتى اۋىل - قىستاققا جەتكىزۋ» قيمىلىن دەن قويا ۇيىمداستىرىپ، جالپى حالىقتىڭ دەنساۋلىعىن تەگىن تەكسەرۋ، قالالارداعى وقۋ جاسىنداعى بالالاردى بالاباقشاعا، مەكتەپكە قابىلداۋ، جوعارى دارەجەلى كاسىپتىك مەكتەپتەردىڭ وقىتۋشىلار قوسىنى قۇرىلىسى، اۋلا شارۋاشىلىعىن دامىتۋ جانە مال باعىمشىلىعى، جەمىس اعاشتارىن دەرت - دەربەزدەن قورعاۋ قاتارلى حالىق تۇرمىسى ماسەلەلەرى جونىندە كەڭەس، ۇسىنىس بەرىپ، تاماشا ونىمدىلىككە قول جەتكىزدىك.

  ءبىز كورىكتى شينجياڭ قۇرىلىسىنا دەم بەرۋ بارىسىندا تاماشا شارالار ۇسىندىق. شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، «تۇنىق سۋ، جاسىل تاۋ − باعالى بايلىق، قارلى دالا، مۇزدى القاپ تا باعالى بايلىق» دەيتىن ۇستانىمدى امالياتتا ايگىلەپ، ارناۋلى تاقىرىپتا ۇكىمەت ىسىنە كەڭەس بەرۋ سيپاتتى تۇراقتى مۇشەلەر جيىنىن اشىپ، «نازاردى باس نىساناعا شوعىرلاندىرىپ، ەكولوگيالىق ورتانى قورعاۋدى ىشكەرلەي ىلگەرىلەتىپ، اسپانى اشىق، جەرى مانات، سۋى ءمولدىر كورىكتى شينجياڭ قۇرۋدى» كەڭەس تاقىرىبى ەتىپ، سۋ قاينارلارىن قورعاۋدى كۇشەيتۋ، سولتۇستىك شينجياڭداعى قالالار شوعىرىنىڭ اتموسفەراسىنىڭ بىلعانۋىن بىرلەسىپ جونەگە سالۋدى، بىرلەسىپ ساقتانۋدى، بىرلەسىپ تىزگىندەۋدى ىلگەرىلەتۋ، «بىتىراندى، جۇيەسىز، لاستانعان» كاسىپورىنداردى رەتتەپ جونگە سالۋ، مەشەۋ ءوندىرىس قۋاتىن كۇشىنەن قالدىرۋ سياقتىلار جونىندە سىندارلى ۇسىنىستار قويدىق. لاستانۋدان ساقتانۋ جانە جونگە سالۋ، ەلەكترلى جىلۋمەن قامداۋ جانە توك باعاسىن رەتتەۋ، «ءۇش جوعارى» نىسانىنىڭ شينجياڭعا كىرۋىن باتىل شەكتەۋ، جاسىل ەنەرگيانىڭ دامۋى، قارامايلى جاراتىلىستىق قورىعىنىڭ ەكولوگيالىق ورتاسىن رەتتەۋ، جاقسارتۋ سياقتى ءتۇيىندى قىزمەتتەردى ارقاۋ ەتىپ، دەموكراتيالىق باقىلاۋ جۇرگىزىپ، قاتىستى قىزمەتتەردىڭ كۇشەيۋى مەن جاقسارۋىن پارمەندى ىلگەرىلەتتىك. جاسىل دامۋ ۇستانىمىنا تاباندى بولىپ، بيولوگيالىق وڭاي ىدىرايتىن جارعاق سياقتى ەكولوگيالىق قورشاعان ورتاعا قاتىستى جاڭا تەحنيكالاردى جالپىلاستىرىپ پايدالانۋ جونىندە ۇزدىكسىز ىزدەنىس جاساپ، ءبىر قىدىرۋ كەڭەس جەتىستىكتەرىن قالىپتاستىرىپ، حالىق ساياسي كەڭەسى گازەتى سياقتى نەگىزگى اقپارات قۇرالدارىندا ارناۋلى تاقىرىپتا حابارلادىق. «اۆتونوميالى رايوندىق 3 - كەزەكتى سالاماتتىق، كۇتىنۋ ساياحاتى كاسىبىن دامىتۋدى ىلگەرىلەتۋدىڭ الدىمەن اتقارىپ، الدىمەن سىناق جاساۋ رايونى» اڭگىمە ءماجىلىسىن بىرلەسىپ وتكىزىپ، سالاماتتىق، كۇتىنۋ كاسىبى نىسانىنىڭ تياناقتانۋىنا جەبەۋشىلىك ەتىپ، تاماشا ۇلگىلىك اسەر تۋدىردىق.

  (3) جۇرت تىلەگىن كەڭىنەن ۇيىستىرىپ، باس نىسانانىڭ جۇزەگە اسۋىنا قۋاتتى وڭ ەنەرگيا شوعىرلاندىردىق

  ءبىز «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى مەن «ۇلتتار ىنتىماعىنىڭ بەرەكەلى شاڭىراعى» قاتارلى قيمىلداردى ىشكەرىلەي ورىستەتتىك. اۆتونوميالى رايوندىق پارتكومنىڭ ورنالاستىرۋىنا ساي، قىستاقتا تۇراقتاپ تۇراتىن كۇشتەردى ءبىر تۇتاس جوسپارلاپ، كادرلاردىڭ قىستاق تۇرعىندارىنىڭ ۇيىنە قونۋ ءتۇزىمىن تياناقتاندىرىپ، ءار ۇلت، ءار سالا مۇشەلەرى مەن ساياسي كەڭەس كادرلارىن بارلىق قىستاق تۇرعىندارىنىڭ ۇيىنە قونىپ، بۇقاراعا قىزمەت وتەۋگە ويىستىردىق. ءبىر جىلدان بەرى، اۆتونوميالى رايوندىق ساياسي كەڭەس ورگانى 6 رەت 29 توپقا ءبولىنىپ «تۋىسشىلاۋ اپتالىعى» قيمىلى مەن 12 كەزەك ەرەكشەلىگى ايقىن، الۋان فورماداعى ۇلتتار ىنتىماعى بىرلەسكەن دوستىق قيمىلىن ورىستەتىپ، 63 مىڭ ادام - رەت بۇقارادان حال سۇراپ، كەدەيلەردى سۇيەمەلدەۋ بويىنشا 54 نىسان اتقاردى، بۇعان 19 ميلليون يۋاننان استام قارجى جۇمسالدى. تۇراقتى كوميتەت قۇرامىنداعىلار سىندى «شەشۋشى ازشىلىقتىڭ» رولىن ساۋلەلەندىرىپ، بۇكىل رايونىمىزداعى ءار دارەجەلى ساياسي كەڭەس القالارى قۇرامىنداعىلار مەن مۇشەلەردىڭ اراسىنداعى باسشى كادرلار 25 كەدەي اۋدانمەن، 741 كەدەي قىستاقپەن، 10 مىڭنان استام كەدەي بۇقارامەن، 927 مەكتەپپەن بايلانىس جاساپ، شىن نيەتىمەن بۇقاراعا شىنايى ءىس تىندىرىپ، جاقسى ءىس ىستەپ، قيىنشىلىعىن شەشىپ بەردى. اۆتونوميالى رايوندىق پارتكومنىڭ «ەكىنى جاپپاي قامتۋ» تالابىن تياناقتاندىرىپ، بۇكىل رايونىمىزداعى ءار ۇلت، ءار سالا ساياسي كەڭەس مۇشەلەرى مەن ورگان كادرلارىن اتتانىسقا كەلتىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە، «ۇلتتار ىنتىماعىنىڭ بەرەكەلى شاڭىراعى» جانە تۋىسشىلاۋ اپتالىعى «تورتتە بىرگە بولۋ» قيمىلىنا بەلسەنە قاتىناسىپ، كەدەيلەردى سۇيەمەلدەۋ بويىنشا 3481 نىسان اتقارىپ، 400 ميلليون يۋان نىسان قارجىسىن سەلبەسىپ شەشتىك، ۇلتتار ىنتىماعى بىرلەسكەن دوستىعى بويىنشا 39 مىڭ كەزەك - رەت قيمىل ۇيىمداستىرىپ، 2 ميلليون 930 مىڭ ادام - رەت بۇقارادان حال سۇرادىق، ىستەلگەن ناقتى ءىس، جاقسى ءىس 66 مىڭنان اسىپ، جۇرت تىلەگىن كەڭ كولەمدە باۋراپ، حالىق تىلەگىن ۇيىستىردىق.

  ءبىز ۇلى ىنتىماقتى، ۇلى بىرلىكتى ىشكەرىلەي ىلگەرىلەتتىك. «جۇڭگو كوممۋنيستىك پارتياسىنىڭ بىرلىكساپ ەرەجەسىن (سىناق رەتىندە اتقارىلادى)» مۇقيات دايەكتىلەندىرىپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ ساياسي كەڭەستە مىندەت اتقارۋ رولىن ساۋلەلەندىرۋگە باسا ءمان بەرىپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ ۇكىمەت ىسىنە ارالاسۋىنا، ۇكىمەت ىسىنە كەڭەس بەرۋىنە بەلسەنە شارت - جاعداي ازىرلەدىك. ءارقايسى پارتيا - توپتار، ۇيىمدار 50دەن استام ءماجىلىس جارىس ءسوزىن، 120دان استام ۇسىنىس - جوبا تاپسىرىپ، ۇكىمەت ىسىنە اقىل - كەڭەس بەرۋ رولدارىن تولىق ساۋلەلەندىردى. شەتەلدەگى شينجياڭدىق چياۋمين باۋىرلاستار جانە شەتەلدە وقىپ جاتقان وقۋشىلارمەن اۋىس - ءتۇيىستى، دوستىقتى كۇشەيتىپ، شينجياڭدا وقىپ جاتقان شەتەلدىك وقۋشىلاردىڭ جانە شينجياڭدىق حۋاچياۋ، حۋارىن وقۋشىلاردىڭ ۋاكىلدەرىمەن اڭگىمە ءماجىلىس وتكىزىپ، شينجياڭنىڭ ورنىقتىلىق، دامۋ جەتىستىكتەرىن بەلسەنە ۇگىتتەپ، وتاندى سۇيەتىن، شينجياڭدى سۇيەتىن دوس كۇشتەردى كەڭ كولەمدە ىنتىماقتاستىرىپ توپتادىق. «وتانعا ورالعان چياۋميندەردىڭ تۋىس - تۋعاندارىنىڭ ۇقىق - مۇددەسىن قورعاۋ زاڭىنىڭ» دايەكتىلەنۋ، تياناقتانۋ احۋالىنا تەكسەرۋ جۇرگىزىپ، ارناۋلى كەڭەس جيىنىن اشىپ، شەتەلدەردەگى شينجياڭعا ساياتىن چياۋمين ۇجىمدارى قۇرىلىسىن كۇشەيتۋ، وتانعا ورالعان چياۋميندەردىڭ تۋىس - تۋعاندارى قىزمەتىن جاقسى ىستەۋ، شەتەلگە ساياتىن زاڭدىق قىزمەت وتەۋ كاسىبىنىڭ دامۋىن ىلگەرىلەتۋ جونىندە ۇسىنىس بەردىك.

  (4) رەفورما جاساۋعا، جاڭالىق اشۋعا باسا ءمان بەرىپ، ساياسي كەڭەس قىزمەتىنىڭ ساپاسىن جوعارىلاتۋعا كۇش سالدىق

  ءبىز بار زەيىن - زەردەمىزدى جۇمساپ «ءۇش ۇلكەن تاڭداۋلى تۇعىر» قۇردىق. ساياسي كەڭەس قىزمەتىن جوعارى ساتىعا، جوعارى دەڭگەيگە، جوعارى ورەگە كوتەرۋدى كوزدە ۇستاپ، «شينجياڭ ساياسي كەڭەس . مەيىرىم ساباق مىنبەرى» تاڭداۋلى تۇعىرىن قۇرىپ، «ۇلگىگە قاتار تۇزەۋ ۇيرەنۋ باقشاسى»، «ماۋسىمدىق ارناۋلى تاقىرىپتىق لەكسيا مىنبەرى»، «دەن قويا ۇيرەنۋ، جاتىلۋ تەكشەسى»، «ۇلتتار ىنتىماعىنىڭ بەرەكەلى شاڭىراعى ءوزارا ۇيرەنۋ ساباقحاناسى» سىندى 4 ۇلكەن ايدار اشىپ، ۇيرەنۋ تۇعىرىن قۇرىپ، اۆتونوميالى رايوندىق ساياسي كەڭەستىڭ ءار ءتۇرلى ۇيرەنۋ قيمىلىن ءبىر تۇتاس جوسپارلاپ، مەملەكەتتىك ساياسي كەڭەستىڭ تولىق تۇراقتاندىرۋىنا يە بولدىق؛ «شينجياڭ ساياسي كەڭەس . تيانشان ايقىن پوزيتسيا ءبىلدىرۋ تۇعىرىن» دايىنداپ، «توراپ، گازەت، جۋرنال، ساراي، كورمە» سىندى 5 ۇلكەن بازانى بەرىك ساقتاپ، ۇگىت الدىڭعى شەبىن قۇرىپ، «توراپتان بوگدە ءۇن شىقپاۋ، گازەتتىڭ وزىندىك ەرەكشەلىگى بولۋ، جۋرنالدان جاڭاشا لەپ بايقاتۋ، سارايعا تاڭداۋلى تۋىندى ساقتاۋ، كورمەگە قۇندى سۋرەت قويۋدى» جۇزەگە اسىرۋعا كۇش سالدىق؛ «شينجياڭ ساياسي كەڭەس . كەشەندى شارا تۇعىرى» تاڭداۋلى تۇعىرىن قۇرىپ، «ۇعىسۋ، تيىمدىلىك جاساۋ، توعىستىرۋدىڭ سىعاي قوسىنىن جاساقتاۋ»، «ءبىرىنشى شۋجي كەدەيلىكتەن ارىلتۋدى مىقتى ۇستاۋ»، «شىنايى سۇيىسپەنشىلىكپەن تورتتە بىرگە بولىپ تۋىس بولۋ»، «مەملەكەت ءتىلى تاربيەسى حالىق قالاۋى» سىندى 4 ۇلكەن ينجەنەريانى ىلگەرىلەتىپ، ورنىقتىلىقتى قورعاۋ ءبىرىنشى شەبىن قۇرىپ، قىزمەتتەردىڭ ۇدايى قانات جايۋىن ىلگەرىلەتتىك.

  ءبىز ۇسىنىس جوبا جانە تاريحي ماتەريالدار قىزمەتىن كۇشەيتۋگە باسا ءمان بەردىك. مەملەكەتتىك ساياسي كەڭەستىڭ ۇسىنىس جوبا قىزمەت ەرەجەسىنە وزگەرىس ەنگىزۋىنە بەلسەنە ات سالىسىپ، «ءتورتتى تەكسەرىپ» ەستەلىككە الۋ كەڭەس ءتۇزىمى مەن توراپ ۇسىنىس جوبا باسقارۋ جۇيەسىن كەمەلدەندىرىپ، ۇسىنىس جوبانىڭ «ءۇش بۇرىلىسىن» جۇزەگە اسىرۋدى ىلگەرىلەتتىك. ۇسىنىس جوبانىڭ ساپاسىنا ءمان بەرۋ تالابىنا تاباندى بولىپ، ۇسىنىس جوبانى ەستەلىككە الىپ تەكسەرۋ جانە ءبىر جاقتىلى ەتۋگە قۋزاۋ تەبىنىن ارتتىردىق، 795 ۇسىنىس جوبا تاپسىرىپ الىپ، 689ىن ەستەلىككە الىپ، جاۋاپ قايتارىلۋ مولشەرىن %100كە جەتكىزدىك. ساياسي كەڭەس ءتوراعالار ماجىلىسىندە ءتۇيىندى ۇسىنىس جوبالاردى اقىلداسىپ تۇراقتاندىرۋ جانە پارتكومنىڭ، ۇكىمەتتىڭ، ساياسي كەڭەستىڭ سالاعا جاۋاپتى باسشىلارىنىڭ ءتۇيىندى ۇسىنىس جوبالاردى ءبىر جاقتى ەتۋگە بىرلەسىپ قۋزاۋ سالۋ مەحانيزمىنە تاباندى بولىپ، 2018 - جىلعى ءتۇيىندى ۇسىنىس جوبالاردى تۇگەلدەي ءبىر جاقتى ەتىپ بولدىق. ساياسي كەڭەس 11 - كەزەكتى كوميتەتىنىڭ 58 تاڭداۋلى ۇسىنىس جوباسى مەن ءبىر جاقتى ەتۋدى مىندەتىنە العان تاڭداۋلى 38 وزات ورىندى حابارلاندىرۋ شىعارىپ ماراپاتتادىق. دۇرىس بەتالىستان جازباي، جالعانىن تاستاپ، شىنىن قابىلداپ، وتكەن عاسىردىڭ 80 - جىلدارىنان بەرى باسپادان شىققان تاريحي ماتەريالداردى قايتادان رەتتەپ، تەكسەرىپ، وقىپ، 500 مىڭ ارىپتىك «شينجياڭ تاريحي ماتەريالدار تاڭدامالىلارىن» باسپادان شىعاردىق، 3 ميلليون 700 مىڭنان استام ارىپتىك از ۇلتتاردىڭ 100 جىلدىق ناقتى دەرەكتەرىن جيناپ قۇراستىرۋ قىزمەتىن ورىندادىق. حالىق ساياسي كەڭەسىنىڭ 70 جىلدىعىنا ارناپ، شەتەلدەگى چياۋمين باۋىرلاستار مەن وتانعا ورالعان چياۋميندەردىڭ تۋىس - تۋعاندارىنىڭ وتاننىڭ قۇرىلىسىنا ات سالىسۋ ەستەلىكتەرىن جيناۋ قىزمەتىن جاپپاي باستادىق.

  ءبىز تۇزىمدە جاڭالىق اشۋعا باسا ءمان بەردىك. باس شۋجي شي جينپيڭنىڭ «حالىق ساياسي كەڭەس ءتۇزىمىن اناعۇرلىم كەمەلدەندىرۋ، اناعۇرلىم نىعايتۋ» تۋرالى ماڭىزدى نۇسقاۋىن باتىل تياناقتاندىرىپ، جاڭا جاعدايعا، تىڭ تالاپقا ۇيلەسىپ، اۆتونوميالى رايوندىق ساياسي كەڭەستىڭ جالپى ءماجىلىسى مەن تۇراقتى كوميتەت ءماجىلىسىن جۇرگىزۋ ەرەجەسىن جاساپ، سىرت جەردەگى ساياسي كەڭەس مۇشەلەرىنىڭ اۆتونوميالى رايوندىق ساياسي كەڭەستىڭ قيمىلىنا قاتىناسۋ ءادىسى سياقتى 17 ءتۇرلى تۇزىمگە وزگەرىس ەنگىزدىك جانە كەمەلدەندىردىك. ماجىلىستە جارىس ءسوز سويلەۋدى سارالاۋ مەحانيزمىن كەمەلدەندىرىپ، ارناۋلى تاقىرىپتاعى ۇكىمەت ىسىنە كەڭەس بەرۋ سيپاتتى تۇراقتى مۇشەلەر جيىنىنىڭ ىقپالداستىق بۋىنىن كوبەيتىپ، جيىنىنىڭ گرۋپپالارعا ءبولىنۋ فورماسىن جاقسارتتىق. ايلىق كەڭەس - اڭگىمە جيىنىنىڭ فورماسىن كەمەلدەندىرىپ، كەڭەس تاقىرىبىن تۇراقتاندىرۋ، جيىندى ۇيىمداستىرۋ، ءتارتىپتى جۇيەلىلەندىرۋ، ناتيجەسىن كادەگە جاراتۋ سياقتى جاقتا بەلگىلەمە جاسادىق، تۇڭعىش رەت بەينە ەكران فورماسى ارقىلى جەرگىلىكتى ورىنداعى ساياسي كەڭەس مۇشەلەرىن ۇكىمەت ىسىنە كەڭەس بەرۋگە ۇسىنىس ەتىپ، ساياسي كەڭەس مۇشەلەرىنىڭ ارناۋلى تاقىرىپتاعى لەكسيالارىن لازەرلىك تاباققا كوشىرىپ، نەگىزگى ساتىلارعا تاراتىپ، ءار جاقتىڭ جاقسى باعاسىنا يە بولدىق.

 (5) قاتاڭ ءارى شىنايى بولۋعا تاباندى بولىپ، وزىندىك قۇرىلىستى ۇزدىكسىز كۇشەيتتىك

  ءبىز ساياسي كەڭەستىڭ «ەكى قوسىن» قۇرىلىسىن شىنايى كۇشەيتتىك. ساياسي قۇرىلىستى ءبىر تۇتاس باسشىلىققا الۋعا تاباندى بولىپ، جوبا جاساپ، مۇشەلەردى تاربيەلەۋدى، مىندەت وتەۋدى، حابارلاندىرۋدى جانە شابىتتاندىرۋدى كۇشەيتىپ، مەملەكەتتىك ساياسي كەڭەستەن، ايگىلى كاسىپورىنداردان مامانداردى، وقىمىستىلاردى ۇسىنىس ەتىپ، 13 كەزەك ارناۋلى تاقىرىپتىق لەكسيا ورنالاستىردىق، مۇشەلەرگە 450 مىڭ ارىپتىك ۇيرەنۋ ماتەريالىن قۇراستىرىپ باستىرىپ بەردىك. تۇتاس رايونىمىزداعى ءار دارەجەلى ساياسي كەڭەستەن تاربيەلەنگەن مۇشەلەر سانى 13 مىڭ ادام - رەتكە جەتتى، ءار دارەجەلى مۇشەلەر ساياسي كەڭەس ۇيىمداستىرعان ءتۇرلى مىندەت وتەۋ قيمىلىنا بەلسەنە قاتىناستى. كادرلارمەن سىرلاسۋ، اڭگىمەلەسۋ، جەكە باسىنداعى كەلەلى ىستەردى مالىمدەۋ، ماڭىزدى جاعدايلاردى دەر كەزىندە اڭىس ەتۋ جانە سىرتقا شىققان كەزدە مالىمدەپ بەكىتتىرۋ سياقتى تۇزىمدەردى قاتاڭ تياناقتاندىرىپ، ورتالىقتىڭ «8 ءتۇرلى بەلگىلەمەسىنىڭ» رۋحىن جانە اۆتونوميالى رايوندىق پارتكومنىڭ اتقارۋ ءادىسىن باتىل اتقارىپ، «ءتورت ءتۇرلى بۇرىس ستيلدى»، «ءتورت تەرىس پيعىلدى» ۇزدىكسىز وڭاپ، قىزمەت ستيلىن كورنەكتى جاقسارتىپ، مىندەت وتەۋ قابىلەتىن ۇزدىكسىز جوعارىلاتتىق.

  ءبىز ارناۋلى كوميتەتتەر مەن سالالار قۇرىلىسىن شىنايى كۇشەيتتىك. تۇراقتى كوميتەت ماجىلىسىندە ارناۋلى كوميتەتتىڭ قىزمەتتەن بەرگەن مالىمەتىن تىڭداۋ، ساياسي كەڭەستىڭ ورىنباسار ءتوراعالارى ارناۋلى كوميتەتپەن جانە سالالارمەن بايلانىس جاساۋ قىزمەت مەحانيزمىنە تاباندى بولىپ، اۆتونوميالى رايوندىق ساياسي كەڭەستىڭ قۇرىلىم رەفورماسى قىزمەتىن ورىندادىق. سالالاردىڭ قيمىل ادىسىنە وزگەرىس ەنگىزىپ، ءار سالالارداعى مۇشەلەردىڭ تۇگەلدەي ارناۋلى كوميتەت ماجىلىسىنە قاتىناسۋ ءتۇزىمىن ورناتىپ، سالالاردىڭ كوزدەن كەشىرۋى، سالالار بىرىككەن گرۋپپا تالقىسى سياقتى قيمىلدى بەلسەندىلىكپەن ورىستەتىپ، سالالار ابزالدىلىعى مەن ەرەكشە رولىن تولىق ساۋلەلەندىردىك.

  ءبىز ساياسي كەڭەستىڭ ورگان قۇرىلىسىن شىنايى كۇشەيتتىك. ءتۇرلى ورگان قىزمەتى ءتۇزىمىن كەمەلدەندىرىپ جانە وعان جاڭالىق ەنگىزىپ، ءتۇرلى شارالاردى ىلگەرىلەتىپ، ابزالدىلىقتار ارقىلى ءبىر - ءبىرىن تولىقتىردىق. نازاردى باس نىساناعا شوعىرلاندىرىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن يگەرۋمەن بىرگە، ەندى ءبىر جاعىنان، پارتيا سيتلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن دە يگەرىپ، ساقتىق تاربيەسىن كۇشەيتىپ، ساقتىق دابىلىن قاعىپ وتىردىق. قىزمەت ورتاسىن جاقسارتىپ، قىزمەت وتەۋمەن قامتاماسىز ەتۋدى جاقسى جۇرگىزىپ، قىزمەت ونىمدىلىگىن جوعارىلاتتىق. ادامدى، جۇمىستى ءتۇزىم بويىنشا باسقارۋعا، تاماشا ستيل ارقىلى قيىندىقتان قامال الۋعا، ادام ىستەتۋدىڭ دۇرىس بەتالىسىنا تاباندى بولىپ، ورگاننىڭ باسشىلىق القاسى مەن ءار دارەجەلى كادرلاردى باعالاۋداعى ۇزدىكتەر مولشەرىن ارتتىرىپ، «بىردە باستاماشى بولاتىن، ۇشتە ۇلگى كورسەتەتىن، بىردە ونەگە بولاتىن» ورگان قۇرۋدى تىڭعىلىقتى ىلگەرىلەتتىك.

  مۇشەلەر، 2018 - جىلى ءبىز مەملەكەتتىك ساياسي كەڭەس قىزمەتىنە بەلسەنە سايكەستىك، مەملەكەتتىك ساياسي كەڭەسكە سەلبەسىپ، «مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋدى كۇشەيتۋ، ءار ۇلتتىڭ ارالاسۋىن، ىشتەسۋىن، توعىسۋىن ىلگەرىلەتۋ»، «ورتا، ۇزاق مەزگىلدىك جان سانى وزگەرىسى جانە ەكونوميكالىق، قوعامدىق دامۋ» سياقتىلار جونىندە بىرلەسكەن تەكسەرۋ - زەرتتەۋ قيمىلىن ورىستەتتىك. مەملەكەتتىك ساياسي كەڭەستىڭ شينجياڭدا تۇراتىن مۇشەلەرىنىڭ رولىن ساۋلەلەندىرىپ، ولاردى ماجىلىسكە جانە كەڭەس قيمىلدارىنا قاتىناسۋعا ىرىقتىلىقپەن ۇسىنىس ەتىپ، جاعدايدان حابارلى بولۋ، ساياساتتى ءبىلۋ جاعىنان مۇقيات قىزمەت وتەدىك. ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى كەزىندە، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى 120 ۇسىنىس جوبا تاپسىرىپ، ماجىلىستە 163 رەت ءسوز سويلەدى. جەرگىلىكتى ساياسي كەڭەسپەن بايلانىس جاساۋدى شىنايى كۇشەيتىپ، ايماقتىق، وبلىستىق، قالالىق، اۋداندىق، رايوندىق ساياسي كەڭەسپەن ءوزارا ىقپالداستىقتى، بارىس - كەلىستى نىعايتىپ، مىندەت وتەۋ بەتالىسى، قىزمەت وي جەلىسى، ماڭىزدى كەڭەس قيمىلى سياقتى جاقتاردا جەرگىلىكتى ساياسي كەڭەستىڭ قىزمەت ورىستەتۋىنە جەتەكشىلىك ەتىپ، مەرزىم بويىنشا ارالاپ جانە جەرگىلىكتى ءار دارەجەلى ساياسي كەڭەس مۇشەلەرىن بىرلەسىپ تەكسەرۋ - زەرتتەۋ جۇرگىزۋ، كوزدەن كەشىرۋ، ءوزارا اڭگىمەلەسۋ، پىكىرلەسۋ، ماڭىزدى جينالىس سياقتى قيمىلدارعا ۇسىنىس ەتىپ، جالپى تۇلعالىق مىندەت وتەۋ بىرىككەن كۇشىن قالىپتاستىرىپ، تۇتاس اۆتونوميالى رايوننىڭ ساياسي كەڭەس قىزمەتىن تىڭ دەڭگەيگە كوتەرۋگە جەبەدىك.

  مۇشەلەر، وتكەن ءبىر جىلدا قول جەتكىزگەن تابىستار − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، مەملەكەتتىك ساياسي كەڭەستىڭ دەن قويا جەتەكشىلىك ەتۋىنىڭ ناتيجەسى، اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ پارمەندى قولداۋىنىڭ ناتيجەسى، ورتالىقتىڭ شينجياڭدا تۇراتىن ورىندارىنىڭ، شينجياڭداعى حالىق ازاتتىق ارمياسىنىڭ، قارۋلى ساقشى ءبولىمىنىڭ، ءوندىرىس - قۇرىلىس بيڭتۋانىنىڭ، قوعام حاۋىپسىزدىگى كادر - ساقشىلارىنىڭ، سونداي - اق شينجياڭعا كومەككە كەلگەن كادرلاردىڭ بەلسەندىلىكپەن ات سالىسۋىنىڭ ناتيجەسى، ءار ۇلت، ءار سالا مۇشەلەرىنىڭ، دەموكراتيالىق پارتيا - توپتاردىڭ، ونەركاسىپ - ساۋدا بىرلەستىگىنىڭ، حالىقتىق ۇيىمداردىڭ، پارتيادا، توپتا جوق قايراتكەرلەردىڭ جانە قوعامنىڭ ءار سالاسىنداعى قايراتكەرلەردىڭ ىنتىماقتاسا كۇرەس جۇرگىزۋىنىڭ ناتيجەسى. وسى ورايدا، اۆتونوميالى رايوندىق ساياسي كەڭەس تۇراقتى كوميتەتى اتىنان كوپشىلىككە شىنايى العىس ايتامىن!

  ناتيجەلەردى قورىتىندىلاۋمەن بىرگە، ساياسي كەڭەس قىزمەتىندە ساقتالعان كەيبىر جەتەرسىزدىكتەردى كورە ءبىلۋىمىز كەرەك، باستىسى، مۇشەلەردىڭ نەگىزگى تۇلعالىق رولىن ساۋلەلەندىرۋدى اناعۇرلىم كۇشەيتۋ، تەكسەرىپ - زەرتتەۋدى اناعۇرلىم ىشكەرىلەي ورىستەتۋ، مۇشەلەردىڭ مىندەت وتەۋ بارىسىندا قويعان ۇسىنىسىنىڭ دالدىك دارەجەسىن اناعۇرلىم جوعارىلاتۋ، ۇكىمەت ىسىنە كەڭەس بەرۋ ناتيجەسىن اناعۇرلىم جاقسارتۋ، ستيل قۇرىلىسى ناتيجەسىن اناعۇرلىم بەكەمدەۋ، ت.ب. بۇل ماسەلەلەرگە ايرىقشا ءمان بەرىپ، مۇقيات زەرتتەۋ جۇرگىزىپ شەشۋىمىز قاجەت.

  ەكىنشى، نازاردى باس نىساناعا شوعىرلاندىرىپ، ساياسي كەڭەس قىزمەتىنىڭ جاڭا جاعدايىن اشايىق

  بيىل − جاڭا جۇڭگو قۇرىلعاندىعىنىڭ 70 جىلدىعى، حالىق ساياسي كەڭەسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى. تۇتاس اۆتونوميالى رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىندا تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ۇيتقىنى باتىل قورعاپ، وزەككە ىرىقتىلىقپەن قىزمەت وتەپ، جۇرت تىلەگىن جاپپاي ۇيىستىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق پارتكومنىڭ «1 + 3 + 3 +رەفورما جاساۋ، ەسىك اشۋ» قىزمەت ورنالاستىرۋىنان جازباي، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، ىشكەرىلەي تەكسەرۋ - زەرتتەۋ جۇرگىزىپ، جان - جاقتى كەڭەسىپ، ناقتى باقىلاۋ جۇرگىزىپ، ۇسىنىس، كەڭەس بەرۋ جانە ورتاق تانىم ۇيىستىرۋ سياقتى قوس باعىتتا قۇلشىنىپ، قوعامدىق جالپى جاعدايدىڭ ورنىقتىلىعىنا كەپىلدىك ەتۋگە، ەكونوميكانىڭ جوعارى ساپالى دامۋىن جەبەۋگە تىڭ دا اناعۇرلىم زور ۇلەس قوسۋ كەرەك.

  (1) شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولۋ

  ءار ۇلت، ءار سالاداعى مۇشەلەردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋگە، باس شۋجي شي جينپيڭنىڭ حالىق ساياسي كەڭەس قىزمەتىن جاقسارتۋ جانە كۇشەيتۋ جونىندەگى ماڭىزدى يدەياسىن ىشكەرىلەي ۇيرەنۋگە ۇيىمداستىرىپ، ءتۇپ نۇسقانى وقۋعا، اسىلگى ءماتىندى ۇيرەنۋگە، قاعيداسىن يگەرۋگە، جاپپاي جۇيەلى ۇيرەنۋگە، دەر كەزىندە ىلەسىپ ۇيرەنۋگە، ءىس جۇزىندىكپەن بايلانىستىرىپ ۇيرەنۋگە تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز قۇلشىنىپ، ۇيرەنۋ ارقىلى سەنىمدى بەكەمدەپ، ۇيرەنۋ ارقىلى شارتسىز ادال بولىپ، ۇيرەنۋ ارقىلى بورىشتى باتىلدىقپەن ارقالاپ، «ءتورت تانىمدى» اناعۇرلىم كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، جالپى جاعداي نەگىزىندە ورنىن بەلگىلەپ، جالپى جاعداي نەگىزىندە ارەكەتتەنىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى، نازاردى باس نىساناعا شوعىرلاندىرۋداعى ساياسي سانالىلىقتى، يدەيالىق سانالىلىقتى جانە ارەكەت سانالىلىعىن شىنايى كۇشەيتىپ، نازاريا ۇيرەنۋدى ۇزدىكسىز تەرەڭدەتۋ ارقىلى ساياسي كەڭەس قىزمەت امالياتىنىڭ داۋىرمەن بىرگە العا باسۋىن جەبەۋ كەرەك.

  (2) لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» باتىل ويداعىداي اتقارۋ

  باس نىسانانى جالپى باعدارلاما، كوزدەۋ ءتۇيىنى جانە كۇش سالۋ ءتۇيىنى ەتۋگە باستان - اياق تاباندى بولىپ، قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ساناۋدان جازباي، «كەشەندى شارالاردى» تياناقتاندىرۋدى ىلگەرىلەتۋ بارىسىندا ساياسي كەڭەستىڭ ابزالدىلىعى مەن رولىن ويداعىداي ساۋلەلەندىرۋ كەرەك. بولشەكتەۋشىلىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس مايدانى تانىمىن اناعۇرلىم كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە، ۇلتتار ىنتىماعىن قورعاۋ جانە ءدىن جاراسىمدىلىعىن جەبەۋدىڭ ءبىرىنشى شەبىندە، تىلەكتى توعىستىرىپ، كۇش - قۋات ۇيىستىرۋدىڭ ءبىرىنشى شەبىندە باتىل تۇرىپ، كۇرەسكە باستاماشىلىقپەن ات سالىسىپ، ۇزدىكسىز باتىل ءۇن قاتىپ، ايقىن پوزيتسيا ءبىلدىرىپ، «ەكىبەتكەي توپتىڭ»، «ەكىبەتكەيلەردىڭ» ساياسي كەڭەسكە بۇقپانتايلاپ كىرىپ الۋىنا استە جول بەرمەۋ كەرەك. ءار ۇلت، ءار سالا مۇشەلەرىن سالالارعا ىشكەرىلەي بارىپ، بۇقارا اراسىندا مىندەت وتەۋ قيمىلىن ورىستەتۋگە ۇيىمداستىرىپ، جاعدايدى جان - جاقتى يگەرىپ، ينفورماتسيالارمەن دۇرىس قامداپ، بەلەڭ بەرۋ سيپاتىنداعى، بەيىمدىلىك كورسەتۋ سيپاتىنداعى، ساقتاندىرۋ سيپاتىنداعى قوعامدىق اۋقىمدى دەر كەزىندە اڭىس ەتىپ، پىكىر - ۇسىنىستى مۇقياتتىلىقپەن، جاۋاپكەرشىلىكپەن ورتاعا قويىپ، قوعام ورنىقتىلىعىن قورعاۋدىڭ نەگىزدىك قىزمەتتەرىن بۇلجىتپاستان جاقسى ىستەۋ كەرەك. ارناۋلى تاقىرىپتا كەڭەسەتىن تۇراقتى كوميتەت ءماجىلىسىن اشىپ، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسىن» تياناقتاندىرۋ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ، ۇلتتار ىنتىماعى تاربيەسىن ورىستەتۋ سياقتى جاقتاردا ۇكىمەت ىستەرىن كەڭەسۋ.

  (3) تىلەكتەردى توعىستىرۋ، كۇش - قۋاتتى ۇيىستىرۋ قىزمەتىن ۇزدىكسىز جاقسى ىستەۋ

  جۇرت تىلەگى − ەڭ ۇلكەن ساياسي، ورتاق تانىم − قايراتتانا العا باسۋدىڭ قوزعاۋشى كۇشى. ۋاكىلدىك سيپاتى كۇشتى، بايلانىس اۋماعى كەڭ، قامتىمى زور بولۋداي ابزالدىلىقتى ۇزدىكسىز ساۋلەلەندىرىپ، بارلىق بەلسەندى فاكتوردى مۇمكىندىكتىڭ بارىنشا اتتانىسقا كەلتىرىپ، ىنتىماقتاسۋعا بولاتىن بارلىق كۇشتى ىنتىماقتاستىرىپ، باس نىسانانى جۇزەگە اسىرۋ ءۇشىن جۇرت تىلەگىنە قول جەتكىزىپ، ورتاق تانىم ۇيىستىرۋ كەرەك. ءار ۇلت، ءار سالا مۇشەلەرى نەگىزگى ساتىعا ىشكەرىلەي بارىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ بارىسىندا يدەيا - ساياسي جاقتان جەتەكشىلىك ەتۋدى كۇشەيتىپ، ءوز اسەرى، ناقتى ساندى مالىمەت، جاندى مىسال جانە قاراپايىم دا ۇعىنىقتى ءتىل ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا جاساعان ەرەكشە قامقورلىعى، پارتيانىڭ حالىققا ءتيىمدى جاقسى ساياساتتارى، لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارى» اكەلگەن تىڭ وزگەرىستەردى ەگجەي - تەگجەيلى بايانداپ، شينجياڭنىڭ ءبىرقانشا تاريحي ماسەلەلەرىن ايقىن بايانداپ، ءار ۇلت كادر - بۇقاراسىن شينجياڭ − جۇڭگو تەرريتورياسىنىڭ ايرىلماس ءبىر بولەگى ەكەندىگىن، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى ەكەندىگىن، شينجياڭداعى ءار ۇلت مادەنيەتى جۇڭحۋا مادەنيەتىنىڭ قۇرامداس بولىگى ەكەندىگىن ىشكەرىلەي تانۋعا جەتەكتەپ، جۇڭحۋا ۇلتى جانە جۇڭحۋا مادەنيەتى سىندى توركىن مەن رۋحتى وسكەلەڭ دەڭگەيدە شىنايى مويىنداپ، جۇڭحۋا ۇلتى ورتاق تۇلعا تانىمىن تۇبىرىنەن بەكەمدەپ، جۇڭحۋا مادەنيەتىن ءار ۇلت بۇقاراسىنىڭ سۇيىسپەنشىلىك تىرەگىنە، كوڭىل تياناعىنا جانە رۋحاني مەكەنىنە اينالدىرۋ كەرەك. ۇلتتار ىنتىماعى جانە ءدىن جاراسىمدىلىعى سىندى وسى ەڭ ۇلكەن بۇقارالىق قىزمەتتى ىشكەرىلەي ويداعىداي ىستەپ، بۇقارامەن تىكە بايلانىس جاساۋ، قىزمەت وتەۋ ءتۇزىمىن جاپپاي تياناقتاندىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى سياقتىلاردى ۇزدىكسىز ورىستەتىپ، ءار ۇلت كادر - بۇقاراسىن ارالاسۋ بارىسىندا سۇيىسپەنشىلىكتى تەرەڭدەتۋگە، ىشتەسۋ بارىسىندا كىربەڭدىكتى جويۋعا، توعىسۋ بارىسىندا ىنتىماقتاسا كۇرەس جۇرگىزۋگە جەبەپ، ۇلتتار كىرىگە ورنالاسقان قوعامدىق قۇرىلىم جانە الەۋمەتتىك اۋماق ورتاسىن قالىپتاستىرۋدى ىلگەرىلەتۋ كەرەك. ەلىمىزدە ءىسلام ءدىنىن جۇڭگوشالاندىرۋ بەتالىسىنان جازباي، ءار ۇلت، ءار سالا مۇشەلەرىنىڭ رولىن تولىق ساۋلەلەندىرىپ، دىنگە سەنەتىن قالىڭ بۇقارانى دۇرىس سەنىم ورناتۋعا، ۇشقارىلىقتى تەجەۋگە ىنتىماقتاستىرىپ، سوتسياليستىك وزەكتى قۇن كوزقاراسىن بار كۇشپەن اسقاقتاتىپ، ءدىن ىستەرىن باسقارۋدى زاڭ بويىنشا كۇشەيتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. شينجياڭعا ساياتىن چياۋمين ىستەرى قىزمەتىن ىشكەرىلەي ورىستەتىپ، شەتەلدەگى شينجياڭدىق چياۋمين باۋىرلاستارمەن جانە شەتەلدە وقىپ جاتقان وقۋشىلارمەن بايلانىس جاساۋدى كۇشەيتىپ، وتاندى سۇيەتىن، شينجياڭدى سۇيەتىن دوستىق كۇشتەردى ىنتىماقتاستىرۋ، توپتاۋ كەرەك.

  (4) ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ

  شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ، «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» باعىتىنا تاباندى بولىپ، جاڭا دامۋ ۇستانىمىن تياناقتاندىرىپ، قامداۋ جاعىنداعى قۇرىلىم رەفورماسىن نەگىزگى جەلى ەتىپ، ەلەۋلى حاۋىپ - قاتەردەن ساقتانۋ جانە ونى شەشۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى جونگە سالۋ سىندى ءۇش ۇلكەن قامال الۋ شايقاسىن ويداعىداي جۇرگىزۋدى ارقاۋ ەتىپ، باعىتتامالى تۇردە ۇكىمەت ىستەرىن كەڭەسىپ، ماسەلەنى دۇرىس تاۋىپ، سەبەبىن انىقتاپ، ناقتىلى ۇسىنىس - پىكىر بەرىپ، اۆتونوميالى رايوندىق پارتكومنىڭ شەشىم جاساۋىنا اقىل - كەڭەس قوسۋ كەرەك. «نازاردى باس نىساناعا شوعىرلاندىرىپ، حالىقتىق كاسىپورىنداردىڭ رولىن ساۋلەلەندىرىپ، اۋىر كەدەي اۋدانداردىڭ، قالالاردىڭ كەدەيلىكتەن دالمە - ءدال ارىلۋىنا كومەكتەسۋدى» كەڭەس تاقىرىبى ەتىپ، ارناۋلى تاقىرىپتا ۇكىمەت ءىسىن كەڭەسۋ جونىنەن تۇراقتى كوميتەت ءماجىلىسىن اشىپ، «1000 كاسىپورىن 1000 قىستاققا كومەكتەسۋ» شاراسىنىڭ دالمە - ءدال تياناقتانۋىن ىلگەرىلەتۋ، حالىقتىق شارۋاشىلىقتى زورايتۋ، وڭتۇستىك شينجياڭنىڭ اۋىل شارۋاشىلىق ونىمدەرىن مانەرلەۋ سياقتى جاقتاردا ءبىر قىدىرۋ شوقتىعى بيىك، تاتىمدى ءماسليحاتتاسۋ، كەڭەسۋ ناتيجەسىن قالىپتاستىرۋ كەرەك. جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن تەزدەتۋ، اۋىل - قىستاقتى گۇلدەندىرۋ ستراتەگياسىن اتقارۋ، ساياحات كاسىبىنىڭ دامۋىن ىلگەرىلەتۋ سىندى ءۇش ءتۇيىندى قىزمەتتى ارقاۋ ەتىپ، تەكسەرۋ - زەرتتەۋ مەن ۇكىمەت ىستەرىن كەڭەسۋدى ۇشتاستىرىپ، «ءبىر پورت، ەكى رايون، بەس ۇلكەن ورتالىق» جانە وتكەل ەكونوميكالىق بەلدەۋى قۇرىلىسى جونىندە تاماشا اقىل - كەڭەس بەرىپ، اۋىل - قىستاقتا «بەستى جاپپاي گۇلدەندىرۋدى» ىلگەرىلەتۋ جانە شينجياڭدى ساياحات ارقىلى گۇلدەندىرۋ ستراتەگياسىن اتقارۋ جاعىندا ۇتىمدى ءادىس - شارا كورسەتۋ كەرەك. قامداۋ جاعىنداعى قۇرىلىمدىق رەفورماسى، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ»، مەملەكەت مەنشىگىندەگى كاسىپورىن، مەملەكەت مەنشىگىندەگى مال - مۇلىك سياقتى ءتۇيىندى رەفورما مىندەتتەرىن ارقاۋ ەتىپ، دەموكراتيالىق باقىلاۋ فۋنكتسياسىن مۇقيات اتقارىپ، ۇسىنىس - پىكىرلەردى بۇكپەسىز ورتاعا قويىپ، دامۋعا ومىرشەڭدىك كۇش ۇستەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسى سالاسىنداعى ماڭىزدى ماسەلەلەر جونىندە اقىل - كەڭەس بەرۋدى مىقتاپ يگەرىپ، وڭتۇستىك شينجياڭداعى اۋىل - قىستاقتاردا «دارەتحانا توڭكەرىسىن» جۇرگىزۋ، شەكارا كۇزەتشىسى مەحانيزمىن كەمەلدەندىرۋ، «بەستى شىنايى مويىنداۋ» تاربيەسى، مادەني مۇرا جۇرتتارىن قورعاۋ، پايدالانۋ سياقتى جاقتاردا جان - جاقتىلى تەكسەرۋ - زەرتتەۋ جۇرگىزدى، كەڭەس بەرۋدى ارقاۋ ەتىپ، حالىققا ءتيىمدى ءتۇرلى ساياسات - شارالاردىڭ تياناقتانىپ، ونىمدىلىك كورسەتۋىن جەبەپ، حالىق بۇقاراسىن اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك.

  ءۇشىنشى، نازاردى باس نىساناعا شوعىرلاندىرىپ، جاڭا باعداردى يگەرىپ، جاڭا بورىش ارقالاۋ

  تۇتاس رايونىمىزداعى ءار دارەجەلى ساياسي كەڭەس ۇيىمدارى جانە ءار ۇلت، ءار سالا مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ مول ىشكى ءمانىن، رۋحاني ءمانىن جانە امالياتتىق تالابىن تەرەڭ ءتۇسىنىپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، جاڭا داۋىردە حالىق ساياسي كەڭەسىنىڭ جاڭا باعدارىن، جاڭا بورىشىن مىقتاپ يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ساياسي كەڭەس قىزمەتى جونىندەگى تالاپتارىن تياناقتاندىرۋ، تۇتاس رايونىمىزداعى ءار ۇلت حالقىنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جۇزەگە اسىرۋداعى اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىنايى ارقالاۋ كەرەك.

  جۇڭگو كوممۋنيستىك پارتياسىنىڭ باسشىلىعىنا بۇلجىماستان تاباندى بولۋىمىز كەرەك. حالىق ساياسي كەڭەسى − جۇڭگوشا تۇزىمدىك ورنالاستىرۋ، پارتيانىڭ باسشىلىعىنا تاباندى بولۋ − حالىق ساياسي كەڭەس ىستەرى دامۋىنىڭ، العا باسۋىنىڭ ءتۇبىرلى ساياسي كەپىلى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە پارتيانىڭ جاپپاي باسشىلىعىنا مىزعىماي تاباندى بولۋدى ءتۇبىرلى ساياسي پرينسيپ دەپ ساناۋعا، ءسوز جوق، تاباندى بولىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، جول، ءتۇزىم، تۋ، بەتالىس سياقتى ءتۇبىرلى ماسەلەدە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، بارلىق ارەكەتتە پارتيانىڭ بۇيرىقتارى مەن قولباسشىلىعىنا بويسۇنىپ، بارلىق قىزمەتتى باس نىسانانى تىعىز ارقاۋ ەتە جوبالاۋ، ىلگەرىلەتۋ كەرەك. ءار دارەجەلى ساياسي كەڭەس پارتيا ۇيىمدارىنىڭ ورنالاسۋىن اناعۇرلىم كەمەلدەندىرىپ، پارتيا باسشىلىق گرۋپپاسى مۇشەلەرىنىڭ سالالارمەن بايلانىس جاساۋ، پارتيالى تۇراقتى مۇشەلەر مىندەت وتەۋ جونىندە ۇسىنىس بەرۋ، باعالاۋ، پارتيالى مۇشەلەر قوس ۇيىمدىق تۇرمىسقا قاتىناسۋ جانە پارتيا سىرتىنداعى مۇشەلەرمەن بايلانىس جاساۋ سياقتى ءتۇزىم ورناتىپ، پارتيا ۇيىمىنىڭ پارتيالى مۇشەلەردى تۇگەل قامتۋىن، پارتيا قىزمەتىنىڭ ساياسي كەڭەس مۇشەلەرىن تۇگەل قامتۋىن جۇزەگە اسىرىپ، پارتيا باسشىلىعىن ساياسي كەڭەستىڭ مىندەت وتەۋ جالپى بارىسىمەن جانە ءارقايسى جاقتارىمەن توعىستىرۋ كەرەك.

  يدەيالىق - ساياسي جاقتان جەتەكشىلىك ەتۋدى بۇلجىماستان كۇشەيتۋىمىز كەرەك. جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ ارقاۋى ەتىپ، يدەيالىق - ساياسي جاقتان جەتەكشىلىك ەتۋدى كۇشەيتىپ، ورتاق تانىمدى جاپپاي ۇيىستىرۋدى مىندەت وتەۋدىڭ وزەكتى بۋىنى ەتىپ، يدەيالىق - ساياسي جاقتان جەتەكشىلىك ەتۋ جانە ۇكىمەت ىستەرىن كەڭەسۋ سياقتى قوس باعىتتا كۇش سالۋعا تاباندى بولىپ، ۇكىمەت ىستەرىن كەڭەسۋ بارىسىن ءوزىن تاربيەلەۋ، ورتاق تانىم ۇيىستىرۋ بارىسىنا اينالدىرىپ، قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت وتەۋ كەرەك. يدەيالىق - ساياسي جاقتان جەتەكشىلىك ەتۋدى كۇشەيتۋدى ۇنەمىلىككە اينالعان يدەيالىق - ساياسي قىزمەتپەن ۇشتاستىرىپ، ءار دارەجەلى ساياسي كەڭەس پارتيا ۇيىمدارىنىڭ جاۋىنگەر قورعاندىق رولىن، ساياسي كەڭەس ۇيىمىنداعى كوممۋنيستىك پارتيا مۇشەلەرىنىڭ اۆانگاردتىق ۇلگىلىك رولىن تولىق ساۋلەلەندىرىپ، ءار ۇلت، ءار سالا قايراتكەرلەرىنىڭ پارتيانىڭ ساياسي كەڭەسكە باسشىلىعىن جانە ساياسي كەڭەس قىزمەتىنە قويعان تالابىن بىرگە تياناقتاندىرۋىنا ىقپال كورسەتۋ، باستاۋ كەرەك. جاڭا شارالاردى بەلسەندىلىكپەن قاراستىرىپ، ۇيرەنۋدى، تاربيەنى كوزدەن كەشىرۋ، تەكسەرۋ - زەرتتەۋ، ۇكىمەت ىستەرىن اقىلداسۋ قيمىلدارىنا كىرىكتىرىپ، ءار ۇلت، ءار سالا ساياسي كەڭەس مۇشەلەرىنىڭ مىندەت وتەۋ امالياتى بارىسىندا تىڭ ناتيجەلەردى سەزىنۋىنە، جاڭا يدەيانى يگەرۋىنە، نەگىزگى اۋەندى اسقاقتاتۋىنا، وڭ ەنەرگيا تاراتۋىنا، ورتاق تانىمدى بىرتە - بىرتە كۇشەيتۋىنە مۇمكىندىك جاساۋ كەرەك.

  ساياسي كەڭەستىڭ ۇكىمەت ىستەرىن كەڭەسۋ ساپاسىن تاباندىلىقپەن جوعارىلاتۋىمىز كەرەك. ءتۇرلى مىندەت وتەۋ قيمىلدارىنىڭ بارلىعىندا «نە ىستەدىك»، «قانشالىق ىستەدىك» دەگەنگە ءمان بەرۋدەن، «قانداي ناتيجە جاراتتىق» دەگەنگە قاراي ويىسۋ كەرەك. ۇكىمەت ىستەرىن كەڭەسۋ مەحانيزمىن اناعۇرلىم اقاۋسىزداندىرىپ، جالپى ءماجىلىستى تۇتقا، ارناۋلى تاقىرىپتا ۇكىمەت ىستەرىن كەڭەسۋ سيپاتىنداعى تۇراقتى كوميتەت ءماجىلىسى مەن ارناۋلى تاقىرىپتاعى كەڭەس ءماجىلىسىن ءتۇيىن، ايلىق كەڭەس اڭگىمە ءماجىلىسىن ۇدايىلىق ەتكەن ۇكىمەت ىستەرىن كەڭەسۋ جاعدايىن كەمەلدەندىرۋ؛ جەلىدە ۇكىمەت ىستەرىن تالقىلاۋ، الىس ارالىقتان كەڭەسۋ فورماسى جايلى بەلسەندىلىكپەن ىزدەنىس جاساپ، حالىق تىلەگىن اناعۇرلىم جاقسى ۇيىستىرىپ، حالىقتىڭ اقىل - پاراساتىن شوعىرلاندىرىپ، جۇرت جۇرەگىن توعىستىرۋ؛ كەڭەس ناتيجەسىن قابىلداۋ، تياناقتاندىرۋ، اڭىس قايتارۋ مەحانيزمىن تياناقتاندىرىپ، كەڭەس ناتيجەسىنىڭ ساياسات جانە ناقتىلى قىزمەت شاراسىنا ءونىمدى اينالۋىن ىلگەرىلەتۋ كەرەك. تەكسەرۋ - زەرتتەۋدى ساياسي كەڭەستىڭ ۇكىمەت ىستەرىن كەڭەسۋ ونىمدىلىگىن جوعارىلاتۋداعى نەگىزدىك قىزمەت ەتىپ، فاكتپەن سويلەپ، ساندى مالىمەت ارقىلى تالداۋ جاساپ، «دۇرىس ايتۋعا»، «ءداپ باسىپ ايتۋعا» كۇش سالۋ كەرەك. قىزمەت ساپاسىن جوعارىلاتۋ جونىندەگى زەرتتەۋدى كۇشەيتىپ، ۇكىمەت ءىسىن كەڭەسۋدىڭ، اقىلداسۋدىڭ ساپا جۇيەسىن ورناتىپ، ۇسىنىس پەن كەڭەستىڭ دالدىگىن جوعارىلاتۋ كەرەك. مۇشەلىك تانىمدى كۇشەيتىپ، جاڭا ءداۋىردىڭ كۇرەسكەرىندىك بەينە مەن قايراتتى باستان - اياق ساقتاپ، مىندەت وتەۋ قابىلەتىن جاپپاي كۇشەيتىپ، ساياسيدى يگەرۋ قابىلەتىن، تەكسەرۋ - زەرتتەۋ جۇرگىزۋ قابىلەتىن، بۇقارامەن بايلانىس ورناتۋ قابىلەتىن، سەلبەسىپ بىرگە ىستەۋ قابىلەتىن قۇلشىنا جوعارىلاتۋ كەرەك. ءار ۇلت، ءار سالا مۇشەلەرى ساياسي كەڭەستى تۇسىنەتىن، كەڭەسە الاتىن، ۇكىمەت ءىسىن كەڭەسۋگە شەبەر، تارتىپكە بويسۇناتىن، قاعيدانى دارىپتەيتىن، مىنەز - قۇلىققا ءمان بەرەتىن بولۋى، شيراقى، ءجىتي، قاعىلەز بولىپ، ىلەسە الماۋ، اۋىر مىندەت ارقالاي الماۋ، ىسكەرلىك تانىتا الماۋ سىندى قاتەلىك وتكىزۋدەن ساقتانۋى، مۇشەلىك تاپسىرمانى جاقسى ىستەپ، حالىق ساياسي كەڭەس تۇزىمىنە قاتىناسۋشى، امالياتتا ايگىلەۋشى، ىلگەرىلەتۋشى بولۋ اۋىر مىندەتىن شىنايى ارقالاپ، «توپتىق حوردا» كەلبەتىن ايگىلەپ، ىسكەرلىگىن تانىتا الاتىن بولۋى كەرەك.

  مۇشەلەر! جاڭا داۋىردە حالىق ساياسي كەڭەس ىستەرىنىڭ بولاشاعى زور، جاڭا باعدارداعى حالىق ساياسي كەڭەس قىزمەتىندە كەسەك ىستەر تىندىرۋعا ابدەن بولادى. شۇعىلالى تابىس بوستان - بوسقا كەلمەيدى، قايتا قۇلشىنىستان جاراتىلادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، ءبىر نيەتپەن جۇمىلىپ، كوپ بولىپ كۇش سالىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا ءتىپتى دە ۇلكەن ۇلەس قوسىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قارسى الايىق!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.