− ولكە، مينيستر دارەجەلى نەگىزگى باسشى كادرلاردىڭ تومەنگى شەكتە ويلاۋعا تاباندى بولىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ جونىندەگى ارناۋلى تاقىرىپتىق زەرتتەۋ - تالقى كۋرسىنان ەستەلىك
شينحۋا اگەنتتىگىنىڭ تىلشىلەرى زوۋ ۋي، لو جىڭگۋاڭ، حالىق گازەتىنىڭ ءتىلشىسى جاڭ ياڭ
قىسقى ايازدىڭ بەتى قايتىپ، كوكتەم دە تاياپ قالدى. 1 - ايدىڭ 21 - كۇنىنەن 24 - كۇنىنە دەيىن، ولكە، مينيستر دارەجەلى نەگىزگى باسشى كادرلاردىڭ تومەنگى شەكتە ويلاۋعا تاباندى بولىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ جونىندەگى ارناۋلى تاقىرىپتىق زەرتتەۋ - تالقى كۋرسى ورتالىق پارتيا مەكتەبىندە وتكىزىلدى. باس شۋجي شي جينپيڭ 1 - ايدىڭ 21 - كۇنى تۇستەن بۇرىن ساباق باستاۋ سالتىندا ماڭىزدى ءسوز سويلەپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالىپ، ەكونوميكانىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاۋدى باسا دارىپتەدى.
امانشىلىقتا جامانشىلىقتىڭ دا بولاتىنىن ويلاساڭ، جامانشىلىقتىڭ الدىن الۋعا بولادى؛ ۇتىمدى جونگە سالا وتىرىپ بىلىقپالىقتىڭ الدىن الۋدىڭ قامىن جاساساڭ، بىلىقپالىقتان ساقتانۋعا بولادى.
ولكەلەردەگى، اۆتونوميالى رايوندارداعى، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق جانە مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتى جولداستار، ارميانىڭ ءارقايسى ءىرى ورىندارىنداعى، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار باس شۋجي شي جينپيڭنىڭ ماڭىزدى ءسوزىن تىعىز ارقاۋ ەتە وتىرىپ، جۇيەلى ۇيرەندى، مۇقيات زەرتتەۋ - تالقى جۇرگىزدى، ىشكەرىلەي وي جۇگىرتتى. كۋرسانتتار ءبىر اۋىزدان مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى سوزىمەن سانالى تۇردە بىرلىككە كەلتىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ءوز جاۋاپكەرشىلىگىن بىلۋگە، ءوز جاۋاپكەرشىلىگىن ادا ەتۋگە تاباندى بولىپ، باتىلدىقپەن جاۋاپكەرشىلىك ارقالاپ، باتىلدىقپەن كۇرەس جۇرگىزىپ، «تاپتاپ ءوتىپ تار كەشۋدى داڭعىل جولعا نىقتاپ قادام تاستادىق، قاتەرلەر مەن حاۋىپتەردى ىسىرا تاستاپ جاڭا ساپار باستادىق» سىندى قايتپاس رۋحپەن، ءاربىر ەلەۋلى حاۋىپ - قاتەر، سىن - سايىستارعا ويداعىداي توتەپ بەرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن شىنايى تياناقتاندىرىپ، ويداعىداي ىستەۋ كەرەك.
اۋقىمدى ۇنەمى كۇزەتىپ، جالپى جاعدايدى ۇنەمى ويلاۋىمىز كەرەك
− جاعدايدىڭ دامۋ بەتالىسى مەن وعان جاسىرىنعان حاۋىپ - قاتەر مەن سىن - سايىستاردى عىلمي بولجايمىز
نەشە كۇننەن بەرى، ورتالىق پارتيا مەكتەبىنىڭ اۋلاسىندا ۇيرەنۋ تولقىنى جوڭكىلىپ جاتتى.
«سىرتقى ورتانىڭ تەرەڭ وزگەرىسى مەن ەلىمىزدىڭ رەفورماسى، دامۋى، ورنىقتىلىعى ءدوپ كەلگەن جاڭا جاعدايلاردى، جاڭا ماسەلەلەردى، جاڭا سىن - سايىستاردى تەرەڭدەي تانىپ جانە ونى دۇرىس يگەرىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ كەرەك». باس شۋجي شي جينپيڭنىڭ ساباق باستاۋ سالتىنداعى ماڭىزدى بايىمداۋىنان كۋرسانتتار تەرەڭ تاربيە الىپ، جان دۇنيەسى ءدۇر سىلكىنىپ، تەرەڭ شابىت الدى.
ءسوزدى تىڭداۋدان وزدىگىنەن ۇيرەنۋگە دەيىن، گرۋپپاعا ءبولىنىپ تالقىلاۋدان بۇكىل كۋرس بويىنشا پىكىر اۋىسۋعا دەيىن، 198 كۋرسانت وزدەرىنىڭ ناقتى جاعدايلارىمەن بىرلەستىرە وتىرىپ، اسەرلەرىن ءبولىسىپ، تانىمدارىن سويلەدى. ورتالىقتىڭ ءبىر ءبولىم باسشىلارى دا كۋرسانتتاردىڭ تالقىسىنا ارالاستى.
كۋرسانتتار مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى ەرەكشە ءدال كەزىندە ايتىلعان، ايرىقشا قاجەتتى ءسوز بولدى، ەلەۋلى حاۋىپ - قاتەردەن ساقتانۋ جانە ونى جويۋ جونىندەگى ءبىر قاتار ەلەۋلى نازاريالىق جانە امالياتتىق ماسەلەلەرگە عىلمي جاۋاپ بەردى، سوزدەن ماركسيزمنىڭ اقيقات نۇرى توگىلىپ تۇر. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇردىسىندە، ەلەۋلى حاۋىپ - قاتەردەن ساقتانۋ جانە ونى جويۋ، ءسوز جوق، بەتپە - بەت كەلەتىن تاقىرىپ، ءسوز جوق، ويداعىداي جاۋاپ بەرۋگە ءتيىس ەمتيحان قاعازى بولىپ تابىلادى.
«جۇرتقا دابىل قاعىپ، قايراتتانا العا باسۋعا جىگەرلەندىردى». ءبىر كۋرسانت بىلاي دەدى: باس شۋجي شي جينپيڭنىڭ ماڭىزدى ءسوزى ءارى كۇشتى تاۋقىمەت تانىمىن ايگىلەدى، ءارى، ءسوز جوق، جەڭەمىز دەيتىن مىعىم سەنىم اڭداتتى؛ كەزەكتە جانە الداعى ءبىر مەزگىلدە ەلىمىز ءدوپ كەلگەن حاۋىپسىزدىك جاعدايى مەن ەلەۋلى حاۋىپ - قاتەرگە تالداۋ جاساۋمەن بىرگە، جان - جاقتى، جۇيەلى ورنالاستىرۋ جاساپ، ءبىزدىڭ حاۋىپ - قاتەرگە، سىن - سايىسقا توتەپ بەرۋىمىز ءۇشىن ءتۇبىرلى نەگىز ازىرلەدى.
تاۋقىمەت ىشىندە تۋىپ، تاۋقىمەت ىشىندە ەرجەتىپ، تاۋقىمەت ىشىندە الۋەتتەندى.
باسىپ وتكەن جولعا قايىرىلا قاراساق، ەلىمىزدىڭ جاعدايى جالپى جاقتان جاقسى ەكەنىن، سونىمەن بىرگە الماعايىپ حالىقارالىق جاعدايعا، كۇردەلى، سەزىمتال توڭىرەك ورتاسىنا، جاپالى، اۋىر، كۇردەلى رەفورما، دامۋ، ورنىقتىلىق مىندەتىنە ءدوپ كەلىپ وتىرعانىن كورەمىز.
«ءارقانداي بولمىستىڭ دامۋى العا باسۋ مەن بۇراڭدىلىقتىڭ بىرلىگى سانالادى». ءبىر كۋرسانت بىلاي دەدى: العا باسۋ جولىنىڭ قاشاندا ءساتتى بولا بەرۋى مۇمكىن ەمەس، نەعۇرلىم ناتيجەگە قول جەتكىزگەن سايىن، سولعۇرلىم جارعاق مۇزدىڭ بەتىندە جۇرگەندەي ساق بولۋ، امانشىلىقتا جامانشىلىقتىڭ بولارىن ويلايتىن تاۋقىمەت تانىم دا بولۋ كەرەك.
«كەمە سۋ ورتاسىنا كەلگەندە، تولقىن تىپتەن ۇدەي تۇسەدى، ادام شىڭنىڭ بەل ورتاسىنا كەلگەندە، جول تىپتەن قيىنداي تۇسەدى». كۋرسانتتار مىنالاردى ءبىلدىردى: جۇڭگونىڭ دامۋى تاريحتاعى ەڭ جاقسى كەزەڭگە ءوتتى، دۇنيە ءجۇزى عاسىردا ءبىر كەزدەسپەيتىن ۇلكەن وزگەرىستە تۇر. جاڭا تاريحي باستامادا ءبىز ماڭىزدى تاريحي ورايعا دا، سونىمەن قاتار كوپتەگەن حاۋىپ - قاتەرگە، سىن - سايىسقا دا ءدوپ كەلدىك. سىرتقى حاۋىپ - قاتەر دە، ىشكى حاۋىپ - قاتەر دە بار، جاي حاۋىپ - قاتەر دە، ەلەۋلى حاۋىپ - قاتەر دە بار.
«ەلەۋلى حاۋىپ - قاتەردەن ساقتانۋ جانە ونى جويۋدى ءۇش ۇلكەن قامال الۋ شايقاسىنىڭ ماڭداي الدى ورنىنا قويۋ كەرەك، بۇل جالپى جاعدايدى تياناق ەتىپ، ۇزاق بولاشاقتى كوزدەگەن ستراتەگيالىق ورنالاستىرۋ. ءبىز، ءسوز جوق، اۋقىمدى ۇنەمى كۇزەتىپ، جالپى جاعدايدى ۇنەمى ويلاپ، ساياسي، يدەولوگيا، ەكونوميكا، عىلىم - تەحنيكا، قوعام، سىرتقى ورتا، پارتيا قۇرىلىسى سياقتى سالالارداعى ەلەۋلى حاۋىپ - قاتەردى ايقىن تانۋىمىز جانە ونان ايرىقشا ساقتانۋىمىز، جۇڭحۋا ۇلتىنىڭ ۇلى گۇلدەنۋ ءۇردىسىن كەشەۋىلدەتەتىن نەمەسە ۇزەتىن جالپى جاعدايلىق حاۋىپ - قاتەردەن ءتۇيىندى تۇردە ساقتانۋىمىز جانە ونى مەڭگەرۋىمىز كەرەك»، - دەدى ءبىر كۋرسانت.
تانىمدى كۇشەيتىپ، قابىلەت - ىسكەرلىكتى ءوسىرۋىمىز كەرەك
− ەلەۋلى حاۋىپ - قاتەردەن ساقتانۋ جانە ونى جويۋ قىزمەتىن شىنايى، تىڭعىلىقتى، ويداعىداي ىستەۋ كەرەك
جاتاقحانانىڭ شام جارىعىندا، كۋرسانتتار ءتۇن ورتاسىنا دەيىن ۇيرەنىپ، لەبىز تەزيستەرىن دەن قويا دايىندادى؛ 10 گرۋپپانىڭ تالقىسىندا، ءسوز قىستىرعان، تايتالاسقان، ءبىر - بىرىنە وي سالعان دۋماندى كورىنىس اۋىق - اۋىق كورىنىس بەرىپ وتىردى.
«ءبىز وسى رەتكى تاپتىرماس ۇيرەنۋ، ءبىلىم تولىقتىرۋ ورايىن مىقتى يگەرىپ، يدەيانىڭ بۇرانداسىن ونان ارى قاتايتىپ، ارەكەتتىڭ بۇراۋىن ونان ارى شيراتۋىمىز كەرەك»، - دەدى ءبىر كۋرسانت، ونىڭ ايتۋىنشا، ۇيرەنۋ بارىسىندا ول ستراتەگيالىق تاباندىلىقتى ءارقاشان ساقتاۋمەن بىرگە، تاۋقىمەت تانىمىن ءارقاشان ەستەن شىعارماۋدىڭ پارتيامىزدىڭ تولىسۋىنىڭ ماڭىزدى بەلگىسى جانە ىستەردى ىلگەرىلەتۋدەگى ماڭىزدى ويلاۋ ءتاسىلى ەكەنىن اناعۇرلىم تەرەڭ تانىعان.
«باس شۋجي شي جينپيڭ <تاۋقىمەت تانىمىن كۇشەيتۋگە، حاۋىپ - قاتەر، سىن - سايىستان ساقتانۋعا جانە ونى جويۋعا مىزعىماستان تاباندى بولۋ كەرەك> دەپ كوپ رەت باسا دارىپتەدى». ءبىر كۋرسانت گرۋپپادا لەبىز بىلدىرگەن كەزدە بىلاي دەدى: ماركسيزمدىك تانىم نازارياسىنا تامىر تارتقان مۇنداي تاۋقىمەت تانىمى بىزدەن قانداي ىستە دە ەڭ جامان تۇستى كوزدەپ، ەڭ تولىق دايىندىق جاساپ، جاقسى بەتالىسقا قاراي قۇلشىنىپ، ەڭ جاقسى ناتيجەگە قول جەتكىزۋدى تالاپ ەتەدى.
ءتۇرلى حاۋىپ - قاتەردى، سىن - سايىستى دەر كەزىندە انىق اڭعارۋ، ءدال يگەرۋ جانە وعان ءونىمدى توتەپ بەرۋ − ەكونوميكانىڭ، قوعامنىڭ ءۇرتىس، اقاۋسىز دامۋىن، قوعامدىق جالپى جاعدايدىڭ ورنىقتىلىعىن ساقتاۋدىڭ قاجەتتى تالابى، سونداي - اق ءار دارەجەلى باسشى كادرلاردىڭ بيلىك جۇرگىزۋ قابىلەتىنە دەگەن تەرەڭ تەكسەرۋ بولىپ تابىلادى.
ينتەرنەتتىك جالپىلىق جونگە سالۋ جۇيەسىن قۇرۋدى تەزدەتۋ، قورا - جاي بازارىن ورنىقتى، اقاۋسىز دامىتۋدىڭ باياندى مەحانيزم جوباسىن لايىقتى اتقارۋ، مەملەكەتتىڭ ستراتەگيالىق عىلىم - تەحنيكا قۋاتى قۇرىلىسىن كۇشەيتۋ، قارا - سۇرقيا كۇشتەردى الاستاۋ ارناۋلى كۇرەسىن ۇزدىكسىز ىلگەرىلەتۋ، «ءبىر بەلدەۋ، ءبىر جولدى» بىرگە قۇرۋدىڭ حاۋىپسىزدىكتى قامتاماسىزداندىرۋ جۇيەسىن كەمەلدەندىرۋ... ءوز قىزمەتتەرىمەن بىرلەستىرىپ، كۋرسانتتار كەزەكتە ورىن تەۋىپ وتىرعان حاۋىپ - قاتەرلەرگە، سىن - سايىستارعا تالداۋ جاساپ، وعان توتەپ بەرۋدىڭ شارالارىن زەرتتەدى، اقىلداستى.
حاۋىپ - قاتەر سايىسى تايساقتاۋدان، شەگىنە بەرۋدەن وزدىگىنەن جوعالمايدى، ىرىقتىلىقپەن كىرىسكەندە عانا، ءونىمدى جويۋعا بولادى. كوپشىلىك تالقى بارىسىندا جاپپاي بىلاي دەدى: تومەنگى شەكتە ويلاۋدى كۇشەيتىپ، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتۋ − قىزمەتتىڭ ىرىقتىلىعىن مىقتاپ يگەرۋدىڭ تەتىگى.
«حاۋىپ - قاتەردەن ساقتانۋ جانە ونى جويۋ قابىلەتى ءمانى جاعىنان تانۋ، تالداۋ جاساۋ جانە ماسەلەنى شەشۋ قابىلەتى»، - دەدى ءبىر كۋرسانت، ءبىز، ءسوز جوق، ماسەلەنى باعدار ەتۋدەن جازباي، ستراتەگيالىق جاقتان ويلاۋ، تاريحي جاقتان ويلاۋ، ديالەكتيكالىق جاقتان ويلاۋ، جاڭالىق جاراتۋ جاعىنان ويلاۋ، زاڭمەن جونگە سالۋ جاعىنان ويلاۋ، تومەنگى شەك جاعىنان ويلاۋ قابىلەتىن كۇش سالا جوعارىلاتىپ، قىم - قۋىت تا كۇردەلى قايشىلىق بارىسىندا زاڭدىلىقتى يگەرۋگە شەبەر بولىپ، ۇرىمتال جەرىن ۇستاپ، سەبەبىن ءداپ باسىپ تاۋىپ، باتىل شەشىم جاساپ، ءونىمدى ءبىر جاقتى ەتۋ كەرەك.
كوپتەگەن كۋرسانت بىلاي دەپ قارادى: حاۋىپ - قاتەردەن ساقتانۋ جانە ونى جويۋ جاۋاپكەرشىلىگىن جاقسى اتقارۋدا مەحانيزمگە سۇيەنۋ كەرەك. «حاۋىپ - قاتەردىڭ الدىن الۋ - تىزگىندەۋ مەحانيزمىن كەمەلدەندىرىپ، حاۋىپ - قاتەردى تۇجىرىمداۋ مەحانيزمىن، شەشىمدەردىڭ حاۋىپ - قاتەرىن باعالاۋ مەحانيزمىن، حاۋىپ - قاتەردەن ساقتانۋ - تىزگىندەۋ، سايكەستىرۋ مەحانيزمىن، حاۋىپ - قاتەردەن ساقتانۋ - تىزگىندەۋ جاۋاپكەرشىلىگى مەحانيزمىن قۇرىپ جانە ونى اقاۋسىزداندىرىپ، سايكەسۋدى، سەلبەسۋدى ىرىقتىلىقپەن كۇشەيتىپ، ءبىر دارەجە ءبىر دارەجەنى مىقتى ۇستاۋعا، ساتىلار بويىنشا تياناقتاندىرۋدى يگەرۋگە تاباندى بولۋ كەرەك».
جاۋاپكەرشىلىكتى باتىلدىقپەن ارقالاۋ، باتىلدىقپەن كۇرەسۋ كەرەك
− حاۋىپ - قاتەردەن ساقتانۋدىڭ جانە ونى جويۋدىڭ دايىندىق شايقاسىن، ستراتەگيالىق ىرىقتىلىق شايقاسىن ويداعىداي جۇرگىزۋ كەرەك
باس شۋجي شي جينپيڭ بىلاي دەپ ايقىن اتاپ كورسەتتى: ەلەۋلى حاۋىپ - قاتەردەن ساقتانۋ جانە ونى جويۋ ءار دارەجەلى پارتكومداردىڭ، ۇكىمەتتەردىڭ جانە باسشى كادرلاردىڭ ساياسي جاۋاپكەرشىلىگى.
كوپتەگەن كۋرسانت بىلاي دەدى: ەلەۋلى حاۋىپ - قاتەردەن ساقتانۋ جانە ونى جويۋ قىزمەتتەرىن ويداعىداي ىستەۋدە «شەشۋشى ازشىلىق» شەشۋشى رولىن ساۋلەلەندىرىپ، وسى قىزمەت جاۋاپكەرشىلىگىن، بورىشىن سانالىلىقپەن ارقالاپ، ناقتى ىستەپ، الدىدا ءجۇرۋ كەرەك، ماسەلە مەن حاۋىپ - قاتەردى جوعارىعا يتەرۋىنە، كەيىنگىلەرگە قالدىرۋىنا استە بولمايدى، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ادا ەتۋدى شىنايى ورىنداۋ كەرەك.
ويلانىپ ىستەسەڭ ماقساتىڭا جەتەسىڭ، ويلانباي ىستەسەڭ تابىسسىز كەتەرسىڭ. ءبىر كۋرسانت تالقىدا بىلاي دەدى: ەلەۋلى حاۋىپ - قاتەردەن ساقتانۋ جانە ونى جويۋدا ەرتە باستان، كىشى - گىرىم ىستەن باستاپ يگەرۋگە تاباندى بولىپ، قايشىلىقتى، حاۋىپ - قاتەردى ءبىر - بىرلەي تەكسەرۋ، ساقتاندىرۋ، ساقتانۋ جانە ونى جويۋ، توتەپ بەرۋ، ءبىر جاقتى ەتۋ شارالارىن تياناقتاندىرىپ، ءوز قىزمەت جاۋاپكەرشىلىگى كولەمىندەگى حاۋىپ - قاتەردەن ويداعىداي ساقتانىپ، قايشىلىقتى بارىنشا الدىن الا سەيىلتىپ، حاۋىپ - قاتەردى بايقالماي تۇرعان كەزىندە جويۋ كەرەك.
«كۇرەسكەرلىك رۋح»، باس شۋجي شي جينپيڭ قايتا - قايتا باسا دارىپتەگەن وسى كىندىك ءسوز كۋرسانتتاردىڭ ەڭ قىزۋ تالقىلاعان، ەڭ تەرەڭ وي جۇگىرتكەن تاقىرىپتاردىڭ ءبىرى بولدى.
«كۇرەسكەرلىك رۋح − جۇڭگو كوممۋنيستەرىنىڭ ايقىن ساياسي قاسيەتى، توڭكەرىس جۇرگىزۋدىڭ، قۇرىلىس جۇرگىزۋدىڭ جانە رەفورما جاساۋدىڭ ءاربىر تاريحي كەزەڭدەرىندە ءدال وسىنداي تالىقپاي كۇرەسۋگە سۇيەنىپ، جەڭىستەردەن جەڭىستەرگە قول جەتكىزدىك»، - دەدى ءبىر كۋرسانت، جۇڭگوشا سوتسياليزم جاڭا ءداۋىرگە ءوتتى، ەلەۋلى حاۋىپ - قاتەردەن ساقتانۋ جانە ونى جويۋ − جۇڭحۋا ۇلتىنىڭ ۇلى گۇلدەنۋىندە، ءسوز جوق، اسىپ وتۋگە ءتيىستى بەلەس، تاسقىنداعان قايسار كۇرەسكەرلىك رۋحتى ساقتاۋدى تىپتەن قاجەت ەتەدى.
كۇرەس بارىسىندا توسەلۋىمىز جەتكىلىكتى مە، جوق پا؟ كۇرەسكەرلىك قابىلەتىمىز جوعارى ما، جوق پا؟ كۇرەسكەرلىك رۋحىمىز كۇشتى مە - جوق پا؟... ۇيرەنۋ بارىسىندا ءوزىن ساراپقا سالىپ، تالقى بارىسىندا پارىقتاردى تاپتى، كۋرسانتتار ارت - ارتىنان وزدەرىنەن باستاپ كىرىسىپ، ءبىر - بىردەن سالىستىرىپ، اشالاپ، جاۋاپكەرشىلىك تانىمدى، بورىشتىلىق تانىمدى، كوكەي تەستىلىك تانىمدى اناعۇرلىم كۇشەيتتى.
رەفورمانى جاپپاي تەرەڭدەتۋ − تەرەڭ توڭكەرىس. ءبىر كۋرسانت قىزمەتتىڭ ءىس جۇزىندىك جاعدايىمەن ۇشتاستىرىپ بىلاي دەدى: ءىشىنارا ەلەۋلى حاۋىپ - قاتەردىڭ قالىپتاسۋى رەفورمانىڭ كەنجەلەۋىنەن تۋىنداعان، رەفورما جۇرگىزۋ ءادىسى ارقىلى جويۋعا سۇيەنۋ كەرەك. رەفورما جاساۋ رەفورما قويناۋىنا، قامال الۋ كەزەڭىنە قادام تاستادى، بولجاۋعا بولاتىن جانە بولجاۋعا كەلمەيتىن حاۋىپ - قاتەر سايىستارىنا ءدوپ كەلەتىنى داۋسىز، قيىندىقتاردان تايسالماعاندا عانا جەڭىسكە جەتۋگە بولادى، كۇرەسكەرلىك رۋحپەن رەفورمانى سوڭىنا دەيىن تاباندىلىقپەن جۇرگىزۋ كەرەك.
پارتيانى جاپپاي قاتاڭ جونگە سالۋ − ۇلى كۇرەس. ءبىر كۋرسانت تەرەڭ اسەرمەن بىلاي دەدى: پارتيا ءدوپ كەلگەن «4 ۇلكەن سىناق» ۇزاق ۋاقىتتىق جانە كۇردەلىلىك سيپاتقا يە، پارتيا ءدوپ كەلگەن «4 ۇلكەن قاتەر» شيەلەنىستى ءارى قاتاڭ سيپاتقا يە. «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، حالىقپەن ەتەنە بايلانىستى باستان - اقىر ساقتاپ، ءسوز جوق، ماڭگى جالعاسادى دەيتىن قايىسپاس قايسارلىقپەن جانە تاباندىلىقپەن شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن باتىل ويداعىداي جۇرگىزۋ كەرەك.
رەفورما جاساۋ، دامۋ ىستەرىمىز قيىنشىلىقتاردى جەڭىپ، قامال الۋدىڭ، وتكەلدەردى بۇزىپ، كەدەرگىلەردى الاستاۋدىڭ ماڭىزدى ساتىسىندا تۇر، قايراتتانا العا ۇمتىلاتىن، قۇلشىنا ىسكەرلىك تانىتاتىن، شەشۋشى ساتتە توتەپ بەرە الاتىن كادرلاردى شۇعىل قاجەت ەتەدى.
«ءار دارەجەلى باسشىلىق القالارى جانە باسشى كادرلار كۇرەس بارىسىندا توسەلۋدى كۇشەيتىپ، كۇرەسكەرلىك قابىلەتىن كۇشەيتىپ، كۇرەسكەرلىك رۋحىن ماڭگى ساقتاۋى كەرەك». ءبىر كۋرسانت بىلاي دەدى: كادرلار قوسىنى كەلەلى شايقاس بارىسىندا بەل شەشە كىرىسىپ، شىنايى ىستەۋى كەرەك، كوممۋنيستەردىڭ باتىلدىقپەن كۇرەسەتىن جىگەرىن، قاسيەتىن، مىنەزىن، ارىنىن باستان - اياق ساقتاۋى كەرەك.
تاريح تەك تاباندىلارعا، العا ۇمتىلۋشىلارعا، كۇرەسكەرلەرگە قامقورلىق جاسايدى، ءارى - ءسارى بولعانداردى، كەرەناۋلاردى، تايساقتاۋشىلاردى كۇتىپ تۇرمايدى.
4 كۇندىك قاربالاس ۇيرەنۋدى اقىرلاستىرعان كۋرسانتتار مول تابىسپەن، اسقاق جىگەرمەن ءوز قىزمەت ورىندارىنا اتتانۋ الدىندا تۇر. كوپشىلىك باتىلدىقپەن بىلاي دەدى: باس شۋجي شي جينپيڭنىڭ تۋ ۇستاپ، باعدار بەلگىلەپ، بيلىك جۇرگىزىپ، كوش باستاۋىندا امانشىلىقتا جامانشىلىقتىڭ بولارىن، جونگە سالۋدا بىلىقپالىقتىڭ بولارىن ۇمىتپاي، دايىندىقتى جاقسى ىستەپ، ىرىقتىلىق شايقاسىن ويداعىداي جۇرگىزگەندە عانا، ەلەۋلى حاۋىپ - قاتەردەن ساقتانۋ جانە ونى جويۋدىڭ جەڭىستەرىنە قول جەتكىزە بەرەتىنىمىز داۋسىز.
(شينحۋا اگەنتتىگىنىڭ 1 - ايدىڭ 24 - كۇنى بەيجيڭنەن بەرگەن حابارى)
