تيانشان تورابى   ›   جاڭالىقتار   ›   شينجياڭ حابارلارى

شەكارا وڭىردەگى شاعىن قىستاقتىڭ جاڭا بەينەسى

تىلشىلەر باۋ دۇڭشي، چىڭ يۋەيۋە، ليۋ جيڭ

  كوشەلەرى قاز - قاتار، قاتىناسى شار تاراپقا تۇتاسقان، ۇيلەرى رەتتى، كەڭ اسفالت جولداعى قار كۇرەلىپ تازارعان، اۆتوكولىكتەر ارلى - بەرلى تىنىم الماي قايشالىسىپ، وتباسىلارى كوكتەم مەرەكەسىنە كەرەك - جاراق ازىرلەپ قاربالاس. 1 - ايدىڭ 23 - كۇنى ءتىلشى جىڭ اۋدانى تولى قالاشىعى ۇلاندانداعاي قىستاعى مەن ەلسىنەكىن قىستاعىنا بارعاندا، كورىكتى جاڭا قىستاقتىڭ كورىنىسى سولتۇستىك شينجياڭنىڭ قارلى القابىندا ايرىقشا كوزگە تۇسەدى.

  ۇلاندانداعاي قىستاق پارتيا ياچەيكاسىنىڭ شۋجيى گۇڭ. تولەۋاي تىلشىگە 2017 - جىلى بۇل ارادا جەر سىلكىنىسى تۋىلعاندىعىن، وسىدان كەيىن تۇتاس قىستاقتاعى 4 قىستاق تۇرعىندار گرۋپپاسىنىڭ اپاتقا ۇشىراعان وتباسىلارىنا ءۇي سالىپ بەرۋى شوعىرلى جوسپارلانىپ، 210 وتباسى جاڭا شوعىرلاندىرۋ تۇيىنىنە قونىس تەۋىپ، ءار وتباسىنا قايتادان 80 شارشى مەترلىك ءۇي سالىنىپ، ۇيلەردىڭ اۋلاسىنىڭ جاعدايى مەن سىرتقى كورىنىسى ءبىرىڭعاي بولعاندىعىن ايتتى.

  قىستاق تۇرعىنى با سويلباتتىڭ اۋلاسىنىڭ الدىنا كەلگەندە، حوش ءيىس مۇرىنعا كەلدى: ونىڭ ايەلى مەن ەكى كورشىسى ۇن يلەپ، شۇيكەلەپ قازانعا سالىپ، سانزى، مايەزى پىسىرىپ، كوكتەم مەرەكەسىنىڭ تاعامدارىن ازىرلەپ قاربالاستاپ ءجۇر. ءۇي شىت جاڭا اشەكەيلەنىپ، قالاداعى ءۇي سياقتى جاسالىپتى، قورشاعان ورتانى قورعايتىن جاسىل سىرلى تەمىر پار قازان ءۇيدىڭ ءىشىن جىلى مەيىرگە بولەپ تۇر.

  با سويلبات بىلاي دەدى: پارتيا مەن ۇكىمەتتىڭ ءۇي سالىپ بەرىپ، مۇنداي جاقسى قونىس ورتاسىن ازىرلەگەنىنە العىس ايتامىز! جاڭا ۇيگە ۇكىمەت 80 مىڭ يۋان قارجى شىعاردى، ءوزىم 20 مىڭ يۋان قوستىم، ءۇيدى 50 مىڭ يۋانمەن اشەكەيلەدىم. قازىر 40 مۋ جەرگە ماقتا ەگەمىن، شاعىن دۇكەن دە اشىپ الدىم، وتباسىمنىڭ جىلدىق كىرىسى 100 مىڭ يۋانعا جەتەدى، تۇرمىسىم ايتاعالسىن جاقساردى.

  ەلسىنەكىن قىستاعىنىڭ تۇرعىنى ما لانحۋا ءساندى جۇرەتىن ايەل، ول دا قايتا سالىنعان ءۇيىن تازا دا رەتتى ەتىپ اشەكەيلەپ الىپتى. تەرەزە تەكشەسىندەگى گۇلدەر جامىراي اشىلىپ، ەدەندەگى تۇبەكتەرگە جاسىل اعاش قويىلىپ، بولمەنى قويۋ كوكتەم تىنىسىنا بولەپ تۇر. جىڭ اۋداندىق بازاردى باقىلاۋ - باسقارۋ مەكەمەسىنىڭ ەلسىنەكىن قىستاعىندا تۇراتىن ءبىرىنشى شۋجيى ۋاڭ شىڭي: 2018 - جىلى ما لانحۋا قىستاقتىڭ ىستەرىندە ىنتالى بولعاندىقتان، قىستاق تۇرعىندار كوميتەتى ونى «وتانشىل جاقسى تۇرعىنعا» باعالادى، - دەدى. ما لانحۋا كۇلىمسىرەپ: پارتياعا راقىمەت، قىستاقتىڭ كوڭىل بولگەندىگىنە راقىمەت، ءالى دە ىستەيتىنىم كوپ، - دەپ جاۋاپ بەردى.

  ۇلاندانداعاي قىستاعىنىڭ تۇرعىندارعا قىزمەت كورسەتۋ ورتالىعىندا، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتى مەن قىستاق تۇرعىندار كوميتەتىنىڭ كادرلارى ساناق جاساپ قاربالاس، مولشەرمەن 30 وتباسىنىڭ سىرتتا قىزمەت ىستەيتىن بالاسى كوكتەم مەرەكەسىندە ۇيلەرىنە قايتا المايدى، ولار كوكتەم مەرەكەسىنە قاراعان ءتۇنى ۇيدە قالعان وسى قارتتاردى تۇرعىندارعا قىزمەت كورسەتۋ ورتالىعىنا اكەلىپ، بىرگە تۇشپارا ءتۇيىپ، كوكتەم مەرەكەسى كونسەرتىن كورىپ، جاڭا جىلدى شات - شادىمان وتكىزۋدى جوسپارلاۋدا. ەلسىنەكىن قىستاعىنىڭ تۇرعىندارعا قىزمەت كورسەتۋ ورتالىعىندا، قىستاقتا تۇرعان قىزمەت اترەتىنىڭ مۇشەلەرى قىستاققا قايتىپ كوكتەم مەرەكەسىن وتكىزەتىن جاستاردى ۇيىمداستىرىپ، بىرگە ۇيرەنىپ، اۋىس - ءتۇيىس جاساپ، ولاردى مەكەندەرىنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا اقىل - كەڭەس بەرۋگە شابىتتاندىرۋدى اقىلداسۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى